Tag: فریڈم فلوٹیلا کولیشن

اسرائیلی فوج نے اٹلی سے غزہ کے لیے روانہ ہونے والی امدادی کشتی "حنظلہ” پر حملہ کر کے قبضہ جما لیا۔ کشتی پر خوراک، ادویات اور بچوں کا دودھ موجود تھا جو بین الاقوامی انسانی ہمدردی مشن کے تحت غزہ کے محصور شہریوں کے لیے روانہ کی گئی تھی۔

انٹرنیشنل کمیٹی ٹو بریک دی سیج آف غزہ کے مطابق ہفتے کے روز جب کشتی غزہ کے قریب پہنچی تو اسرائیلی فوجی اس کے قریب آنا شروع ہو گئے، جس پر کشتی سے ہنگامی مدد کا سگنل بھیجا گیا۔فریڈم فلوٹیلا کولیشن، جو اس مشن کو منظم کر رہی تھی، نے بتایا کہ امدادی کشتی اس وقت غزہ کے ساحل سے تقریباً 70 ناٹیکل میل کے فاصلے پر تھی جب اسرائیلی اہلکاروں نے زبردستی سواریاں اتارنے کے لیے کارروائی شروع کی۔

صیہونی حکام پہلے ہی خبردار کر چکے تھے کہ اگر کشتی نے راستہ نہ بدلا تو کارروائی کی جائے گی۔ عینی شاہدین کے مطابق صیہونی اہلکاروں نے جب کشتی پر چڑھائی کی تو کچھ دیر بعد لائیو ویڈیو نشریات بھی بند ہو گئیں۔کشتی پر موجود فرانسیسی رضاکار خاتون اما فوریو نے آخری لمحات میں اپنی ایک پوسٹ میں لکھا کہ صیہونی فوج آچکی ہے، ہم اپنے فون سمندر میں پھینک رہے ہیں، غزہ میں قتل عام بند کرو۔”

امدادی کشتی پر 21 غیر مسلح افراد سوار تھے جن میں پارلیمنٹیرینز، ڈاکٹرز اور امدادی کارکن شامل تھے، تمام افراد بین الاقوامی قانون کے تحت انسان دوست مشن پر روانہ ہوئے تھے۔

غزہ پر صورتحال غیر واضح، اسرائیل خود فیصلہ کرے گا: صدر ٹرمپ

ایشیا کپ کا شیڈول جاری، بھارتی میڈیا اور سابق کھلاڑیوں کو منہ کی کھانی پڑی

حالیہ بارشوں سے 8 افراد جاں بحق، مجموعی اموات279 تک پہنچ گئیں

بھارتی بلے بازوں کی شاندار کارکردگی،مانچسٹر ٹیسٹ ڈرا

غزہ کے لیے انسانی امداد لے جانے والے بین الاقوامی مشن کو ایک مرتبہ پھر شدید رکاوٹوں کا سامنا ہے۔

فریڈم فلوٹیلا کولیشن کی جانب سے جاری کردہ تازہ بیان کے مطابق غزہ کی پٹی پر اسرائیلی ناکہ بندی کو چیلنج کرنے والے امدادی جہاز ’ہندالہ‘ سے جمعرات کے روز تمام مواصلاتی رابطے اچانک منقطع ہو گئے ہیں جہاز کے اردگرد کئی ڈرونز کی موجودگی دیکھی گئی ہے، جس سے یہ اندیشہ پیدا ہوتا ہے کہ جہاز کو یا تو زبردستی روکا جا چکا ہے یا پھر اس پر کوئی حملہ کیا گیا ہے۔

کولیشن نے اپنے حامیوں سے اپیل کی ہے کہ وہ اپنے مقامی نمائندوں اور ذرائع ابلاغ سے رابطہ کریں تاکہ اسرائیل پر بین الاقوامی دباؤ ڈالا جا سکے اور امدادی مشن کے عملے کی حفاظت کو یقینی بنایا جا سکے تاحال اس بارے میں کوئی تصدیق سامنے نہیں آ سکی کہ ’ہندالہ‘ کہاں موجود ہے، اس کے عملے کی حالت کیسی ہے، یا اسرائیلی فورسز کی جانب سے کوئی کارروائی ہوئی ہے یا نہیں۔

حماد اظہر کا عدالت کے سامنے سرینڈر کرنے کا فیصلہ

یہ صورتحال ایسے وقت میں سامنے آئی ہے جب اسی فریڈم فلوٹیلا کولیشن کی ایک اور کشتی ’میڈلین‘، جس میں مختلف ممالک کے 12 رضاکار سوار ہیں، غزہ کی طرف بڑھ رہی ہے ان رضاکاروں میں سویڈن کی معروف ماحولیاتی کارکن گریٹا تھنبرگ اور یورپی پارلیمنٹ کی رکن ریما حسن بھی شامل ہیں۔

کشتی 6 جون کو اطالوی جزیرے سسلی سے روانہ ہوئی اور اس وقت مصر کے ساحل کے قریب موجود ہے۔ کشتی میں علامتی امدادی سامان، جیسے چاول اور بچوں کا دودھ، بھی موجود ہے۔ فریڈم فلوٹیلا کے مطابق، یہ سامان محصور فلسطینیوں کی مدد کے لیے ہے اور مشن کا مقصد اسرائیلی محاصرے کی خلاف ورزی کرتے ہوئے انسانی ہمدردی کا پیغام دینا ہے۔

ٹک ٹاکر ثناء یوسف قتل کیس، چالان پراسیکیوشن برانچ میں جمع

دوسری جانب، اسرائیلی وزیر دفاع یوآو گیلنٹ نے واضح طور پر اعلان کیا ہے کہ انہوں نے فوج کو حکم دے دیا ہے کہ ’میڈلین‘ کو ہر صورت غزہ جانے سے روکا جائے ان کے الفاظ میں، ’گریٹا تھنبرگ اور ان کے ساتھی حماس کے حامی ہیں اور انہیں غزہ تک نہیں پہنچنے دیا جائے گا۔‘

اسرائیلی میڈیا کا دعویٰ ہے کہ اسرائیلی نیوی جلد اس کشتی کو روک کر اسے اسرائیل کے شہر اسدود کی بندرگاہ پر لے جائے گی، جہاں سے کشتی کے عملے کو ملک بدر کر دیا جائے گا۔

فلسطینیوں کے لیے عالمی حمایت کا سلسلہ جاری ہے، اٹلی کے شہر سیراکوس کی بندرگاہ سے فلسطینیوں کے حامی کارکنوں اور امدادی سامان سے لدی کشتی ’ہندالہ‘ اتوار کے روز غزہ کے لیے روانہ ہو گئی۔

عرب میڈیا کی رپورٹ کے مطابق، یہ مشن فریڈم فلوٹیلا کولیشن کے تحت روانہ کیا گیا، جس میں تقریباً 15 کارکن سوار ہیں۔ کشتی میں طبی سامان، خوراک، بچوں کی اشیاء اور دیگر ضروری ادویات شامل ہیں۔کشتی کی روانگی کے موقع پر درجنوں افراد بندرگاہ پر جمع ہوئے، جنہوں نے فلسطینی پرچم لہرا کر اور ’فری فلسطین‘ کے نعرے لگا کر امدادی مشن کے لیے یکجہتی کا اظہار کیا۔

یہ کشتی بحیرہ روم کے راستے تقریباً ایک ہفتے میں 1800 کلومیٹر کا فاصلہ طے کرتے ہوئے غزہ کے ساحل تک پہنچنے کی کوشش کرے گی۔ اپنے سفر کے دوران یہ کشتی اٹلی کے شہر گلیپولی میں بھی رکے گی، جہاں فرانس کی بائیں بازو کی جماعت "فرانس انبوڈ” کے دو ارکان اس مشن میں شامل ہوں گے۔واضح رہے کہ اسرائیل نے مارچ کے اوائل میں غزہ پر مکمل امدادی ناکہ بندی نافذ کی تھی، جسے مئی کے آخر میں جزوی طور پر نرم کیا گیا تھا۔

یہ مشن چھ ہفتے قبل روانہ ہونے والی کشتی ’میڈلین‘ کے بعد ایک اور بڑی انسانی کوشش ہے، جسے اسرائیلی حکام نے غزہ کے ساحل سے 185 کلومیٹر دور روک دیا تھا۔ اُس کشتی میں معروف ماحولیاتی کارکن گریٹا تھنبرگ بھی سوار تھیں۔

وزیر داخلہ محسن نقوی کا دورہ ایران، ایرانی ہم منصب سے ملاقات

پنجاب اسمبلی: حکومت اور اپوزیشن کے درمیان کمیٹی اجلاس بے نتیجہ

سعودی عرب کا اثر و رسوخ اور غزہ و کشمیر کے مسئلوں میں کردار.تجزیہ:شہزاد قریشی