Baaghi TV

Tag: فضائی آپریشن

  • مشرق وسطیٰ میں کشیدگی: 5 روز میں 20 ہزار سے زائد پروازیں منسوخ

    مشرق وسطیٰ میں کشیدگی: 5 روز میں 20 ہزار سے زائد پروازیں منسوخ

    مشرق وسطیٰ میں جاری جنگ کے باعث گزشتہ پانچ روز کے دوران 8 ممالک کی منسوخ ہونے والی پروازوں کی تعداد 20 ہزار سے تجاوز کرگئی۔

    فلائٹ شیڈول کے مطابق پاکستان سے آج مسلسل چھٹے روز بھی مشرق وسطیٰ کے لیے پروازیں متاثر رہیں اور مجموعی طور پر 145 پروازیں منسوخ کردی گئیں۔

    ایوی ایشن ذرائع کے مطابق کراچی سے مشرق وسطیٰ کے لیے 35، لاہور سے 29، ملتان سے 12 پروازیں منسوخ کی گئیں، جبکہ اسلام آباد سے 35، پشاور سے 14، سیالکوٹ سے 12 اور فیصل آباد سے 6 پروازیں بھی منسوخی کا شکار ہوئیں ، اس کے علاوہ کوئٹہ سے مشرق وسطیٰ کے لیے 2 پروازیں بھی منسوخ کر دی گئیں۔

    سعودی عرب کی ریاض میں امریکی سفارت خانے پر ایرانی حملےکی شدید مذمت

    دوسری جانب خلیجی ممالک میں ہنگامی انخلا کے پیش نظر دبئی، ابوظبی اور شارجہ ائیرپورٹس سے 167 خصوصی پروازیں آپریٹ کی گئیں حملوں کے باعث ریاض اور دمام کے فضائی آپریشن بھی متاثر ہوئے، جہاں بدھ کے روز 57 پروازیں منسوخ جبکہ 46 پروازیں تاخیر کا شکار رہیں۔

    علاوہ ازیں دبئی، ابوظبی، شارجہ، کویت، بحرین اور دوحہ سمیت خطے کے کئی ائیرپورٹس پر فلائٹ آپریشن شدید متاثر رہا، کویت اور دوحہ سے گزشتہ پانچ روز کے دوران ایک بھی پرواز آپریٹ نہیں ہوسکی، ایران کی 240، عراق کی 215، بیروت کی 58، حیفا کی 25 اور تل ابیب کی 380 پروازیں بھی منسوخ کی جاچکی ہیں۔

    ایرانی وزیر خارجہ اور کرد رہنما بافل طالبانی میں ٹیلیفونک رابطہ

  • متحدہ عرب امارات میں بارش،دبئی اور شارجہ کے لیے فضائی آپریشن شدید متاثر

    متحدہ عرب امارات میں بارش،دبئی اور شارجہ کے لیے فضائی آپریشن شدید متاثر

    ابو ظبی اور دبئی میں گرج چمک کے ساتھ موسلا دھار بارش جاری ہے

    شارجہ،عجمان،راس الخیمہ اور فجیرہ میں بھی بادل برس پڑے،کئی ریاستوں میں اورنج الرٹ جاری کردیا گیا ،دبئی میں بارشوں کے پیش نظر مارکیٹیں،پبلک پارکس بند رکھنے کا فیصلہ کیا گیا ہے،ائیرلائنز کی فلائٹس میں بھی تاخیر کی وارننگ جاری کی گئی ہے،دبئی ائیر پورٹ پر بارش کے باعث فلائٹ آپریشن متاثر ہوگیا ہے،دبئی کی اہم شاہراہوں پر بارش کے پانی کے نکاس کیلئے متعدد ٹینکرز اور موٹرز نصب کی گئی ہیں، پانی کے ساتھ مٹی اور ریت کا پھیلاؤ روکنے کیلئے بھی اقدامات کیے گئے ہیں،ٹریفک کی روانی برقرار رکھنے کیلئے پولی تھین بیگز سے خصوصی روکاٹیں بنائی گئی ہیں،متحدہ عرب امارات میں آج وقفے وقفے سے بارش کا سلسلہ جاری رہنے کا امکان ہے۔

    شدید بارشوں اور موسم کی خرابی کی وجہ سے دبئی انٹرنیشنل ایئرپورٹ پر فلائٹ آپریشنز کو کم کر دیا گیا ہے،دبئی ایئر پورٹ سے 5 فلائٹس کا رخ موڑ دیا گیا ہے جبکہ 13 پروازیں منسوخ کردی گئی ہیں،ایئرپورٹ حکّام نے مسافروں کو فلائٹس کی مکمل معلومات لینے کے بعد ایئرپورٹ آنے کی ہدایات جاری کی ہیں،

    پی آئی اے کی جانب سے متحدہ عرب امارات کاسفر کرنیوالے مسافروں کیلیے سفری ہدایات
    دوسری جانب پاکستان انٹرنیشنل ایئر لائن نے متحدہ عرب امارات کے لیے سفر کرنے والے مسافروں کے لیے سفری ہدایات جاری کر دیں،ترجمان پی آئی اے کے مطابق متحدہ عرب امارات میں طوفانی بارشوں کے باعث دبئی اور شارجہ کے لیے فضائی آپریشن شدید متاثر ہیں۔ پی آئی اے سمیت دیگر ایئر لائنز کی فضائی آپریشن تاحکم ثانی معطل رہے گی ۔قومی ایئر لائن کی کچھ پروازوں کو خراب موسم کی وجہ سے تاخیر اور منسوخی کا سامنا ہے۔ پی آئی اے کو اپنے مسافروں کی زحمت اٹھانے کا بھرپور احساس ہے۔ صورتحال بحال ہوتی ہی پی آئی اے اپنا فضائی آپریشن کا فی الفور آغاز کر دے گا۔ متاثرہ پروازوں کے مسافروں سے التماس ہے کہ وہ اپنی پرواز کی معلومات کے لیے پی ائی اے کی کال سینٹر 786 786 111 سے رابطے میں رہیں ۔

    واضح رہے کہ متحدہ عرب امارات دو ہفتے پہلے بھی شدید بارش سے متاثر ہوچکا ہے، دبئی، شارجہ اور ابوظبی سمیت دیگر ریاستوں میں طوفانی بارشوں اور ژالہ باری کے بعد وسیع علاقے اور سڑکیں پانی میں ڈوب گئی تھیں،متحدہ عرب امارات میں شدید طوفانی بارش سے 75 برس کا ریکارڈ ٹوٹ گیا تھا،

    متحدہ عرب امارات میں ہونے والی بارش کلاؤڈ سیڈنگ کا نتیجہ تھی؟

  • دھند،لاہور ایئر پورٹ پر فضائی آپریشن متاثر،پروازیں تاخیر کا شکار

    دھند،لاہور ایئر پورٹ پر فضائی آپریشن متاثر،پروازیں تاخیر کا شکار

    لاہور ائیرپورٹ پر دھند کے باعث فضائی آپریشن متاثر ہوا ہے

    سیرین ائیر کی جدہ سے آنیوالی پرواز ای آر 922 کی آمد میں چار گھنٹے کی تاخیر ہوئی ہے،ائیربلیو کی جدہ سے آنے والی پرواز پی اے 875 کو آٹھ گھنٹے کی تاخیر ہوئی ہے،سیرین ائیر کی کراچی سے آنے والی پرواز ای آر 524 بھی دو گھنٹے تاخیر سے آئے گی ،پی آئی اے کی کویت سے آنیوالی پرواز پی کے 240 نو گھنٹے تاخیر کا شکار ہے،ائیربلیو کی جدہ سے آنیوالی پرواز پی اے 873 منسوخ ،فلائی جناح کی کراچی سے آنیوالی پرواز 9پی 840 دو گھنٹے تاخیر سے پہنچے گی

    پی آئی اے کی دبئی سے آنیوالی پروازپی کے 236 دو گھنٹے تاخیر کا شکارہے،پی آئی اے کی کوئٹہ سے آنیوالی پرواز پی کے 323 بھی دو گھنٹے تاخیر سے آئے گی ،سیرین ائیر کی کراچی جانیوالی پرواز پی ایف 525 تاخیر کا شکار ہے،پی آئی اے کی دمام جانیوالی پرواز پی کے 243 چھ گھنٹے تاخیر سے روانہ ہوگی ، ائیربلیو کی جدہ جانیوالی پرواز پی اے 874 چھ گھنٹے تاخیر کا شکار ہے،قطر ائیر کی دوحا جانیوالی پرواز کیو آر 629 کو تاخیر کا سامنا ہے،پی آئی اے کی کوئٹہ جانیوالی پرواز پی کے 322 تین گھنٹے تاخیر کا شکار ہے،ائیربلیو کی کراچی جانیوالی پرواز پی اے 401 تاخیر سے جائے گی ،فلائی جناح کی کراچی جانیوالی پرواز 9پی 941 بھی تاخیر کا شکار ہے،پی آئی اے کی دوبئی جانیوالی پرواز پی کے 203 بھی تاخیر کا شکارہے،

  • دھند کی وجہ سے معمولات زندگی متاثر،موٹروے بند،پروازیں منسوخ

    دھند کی وجہ سے معمولات زندگی متاثر،موٹروے بند،پروازیں منسوخ

    پنجاب کے صوبائی دارالحکومت لاہور سمیت پاکستان کے کئی شہروں میں شدید دھند کی وجہ سے معمولات زندگی متاثر ہوئے ہیں

    پنجاب، خیبرپختونخوا اور بالائی سندھ کے علاقوں میں دھند کا راج برقرار ہے،راولپنڈی،اسلام آباد میں مسلسل تیسرے روز بھی دھند ریکارڈ کی گئی ہے، دھند کی وجہ سے موٹروے ایم 2 اسلام آباد سے بلکسر تک بند کردی گئی ہے، لاہور سے پنڈی بھٹیاں تک بھی موٹروے بند ہے،پشاور سے اسلام آباد تک موٹر وے پر بھی ٹریفک معطل ہے، سوات ایکسپریس وے اور ہزارہ ایکسپریس وے کے مختلف سیکشن بھی ٹریفک کیلئے بند کردیے گئے ہیں

    دھند کے باعث پروازیں بھی متاثر ہوئی ہیں،کراچی ایرپورٹ سے جانے اور آنے والی 30 پروازیں منسوخ ہوئی ہیں،جبکہ کئی التوا کا شکار ہوئی ہیں،سیرین ایر کی کراچی سے اسلام آباد کی دو طرفہ پرواز ای آر 500 اور ای آر 501 منسوخ ہوئی ہے،ایرسیال کی کراچی اسلام آباد کی دو طرفہ پرواز پی ایف 121 اور پی ایف 122 منسوخ ہوئی ہے،پی آئی اے کی کراچی سے سکھر کی دو طرفہ پروازیں منسوخ ہوئی ہیں،پی آئی اے کی کراچی سے جدہ کی دوطرفہ پروازیں منسوخ ہوئی ہیں،ایر سیال کی کراچی سے لاہور کی دو پرواز پی ایف 141 اور پی ایف 142 منسوخ ہوئی ہیں،سیرین ایر کی کراچی پشاور کی دو طرفہ پرواز ای آر 550 اور ای آر 551 منسوخ ہوئی ہیں،پی آئی اے کی کراچی اسلام آباد کی پی کے 368 اور پی کے 369 منسوخ ہوئی ہے، سیرین ایر کی کراچی لاہور کی دو طرفہ پرواز ای آر 522 اور ای آر 523 منسوخ ہوئی ہے،پی آئی اے کی کراچی لاہور کی دو طرفہ پرواز پی کے 304 اور پی کے 305 منسوخ ہوئی ہے،ایربلو کی کراچی سے اسلام کی دو طرفہ پرواز پی اے 200 اور پی اے 201 منسوخ ہوئی ہے،ایرسیال کی شام 7 بجے اسلام آباد اور لاہور کی دو طرفہ پروازیں بھی منسوخ ہوئی ہیں،ایربلو کی رات 8 بجے کی کراچی سے لاہور کی دو طرفہ پرواز منسوخ ہوئی ہے، ایوی ایشن حکام کی جانب سے کہا گیا ہے کہ دھند کے باعث حد نگاہ میں کپتانوں کو مسئلہ ہے، فلائٹ سیفٹی کو مدنظر رکھتے ہوئے ایرلائنز پروازیں منسوخ کر رہی ہیں،

    محکمہ موسمیات کے مطابق اسلام آباد میں موسم سرد اور خشک رہے گا۔جبکہ اسلام آباد اور گر دو نواح میں شدید دھند چھائے رہنے کا امکان ہے، خیبرپختونخوا صوبہ کے بیشتر اضلاع میں موسم سرد اور خشک جبکہ بالائی اضلاع میں شدید سرد رہے گا۔ چارسدہ ،رشکئی، مردان،نوشہرہ ، صوابی ، پشاور، اور گردونواح میں صبح اور رات کے اوقات میں شدید دھند چھائے رہنے کا امکان ہے،پنجاب صوبہ کےبیشتراضلاع میں موسم سرد اور خشک جبکہ مری، گلیات اورگردونواح میں سرد اورمطلع ابر آلودرہےگا ۔ راولپنڈی، اٹک، چکوال،بہا ولپور ،ساہیوال ، اوکاڑہ ،قصور،لاہور ،سیالکوٹ، نارووال، گوجرانوالہ، جہلم، اور گر دو نواح میں شدید دھند / سموگ چھائے رہنے کا امکان ہے،بلوچستان صوبہ کے بیشتر اضلاع میں مطلع ابر آلود رہنے کےساتھ چاغی، کوئٹہ، چمن، زیارت، لورالائی،آواران اور مکران کے ساحلی علاقوں میں بارش اور پہاڑوں پر برفباری متوقع ہے،سندھ صوبہ کے بیشتر اضلاع میں موسم سرد اور خشک رہے گا۔ جیکب آباد، سکھر، لاڑکانہ ، دادو، گھوٹکی، خیر پور میں صبح اور رات کے اوقات میں شدید دھند،سموگ چھائے رہنے کا امکان ہے،گلگت بلتستان اور کشمیر میں موسم شدید سرد اور مطلع جزوی ابر آلود رہے گا ۔

     مساج سروس تلاش کرنیوالے آدمی کو جسم فروشی کی ویب سائٹ پر بیوی اور بہن کی تصویریں نظر آ گئیں

    مساج سینٹر میں کام کرنیوالے کرنے لگے گھناؤنا دھندہ، پولیس کے ہتھے چڑھ گئے

    بیرون ملک سے لڑکی کی جسم فروشی کے لئے پاکستان سمگلنگ،عدالت نے کس کو کیا طلب؟

  • شدید دھند،لاہور ایئر پورٹ پر فضائی آپریشن متاثر،پروازیں تاخیر کا شکار

    شدید دھند،لاہور ایئر پورٹ پر فضائی آپریشن متاثر،پروازیں تاخیر کا شکار

    لاہور ائیرپورٹ پر دھند کے باعث فضائی آپریشن متاثر ہوا ہے

    ائیرلائنز کو موسمیاتی وارننگ جاری کی گئی ہے،جہاز کے کپتانوں کو لینڈنگ اور ٹیکس آف میں احتیاط کی ہدایت کی گئی ہے، مسقط سے آنے والی پرواز پی کے 230 منسوخ ہو گئی ہے،دمام، شارجہ ، دبئی ، جدہ اور کراچی سے آنے والی پروازوں کو تاخیر کا سامنا کرنا پڑا،جدہ سے آنے والی پرواز پی اے 471 منسوخ کر دی گئی ہے،جدہ سے آنے والی پرواز ای آر 822 ملتوی کر دی گئی،لاہور سے ابوظہبی جانے والی پرواز ای وائی 242 تیرہ گھنٹے تاخیر کا شکار ہے،کویت جانے والی پرواز جے 9-502 کو بھی آٹھ گھنٹے تاخیر کا سامنا کرنا پڑا،لاہور سے جدہ، دمام، دبئی اور دوحا جانے والی پرواز بھی پرواز نہ بھر سکیں

    لاہور میں دھند کا راج برقرار ہے، محکمہ موسمیات کی پیشگوئی کے مطابق آئندہ 24 گھنٹوں کے دوران صوبائی دارالحکومت لاہور سمیت پنجاب کے بیشتر شہروں میں موسم شدید سردوخشک جبکہ میدانی علاقوں میں صبح اور رات کے اوقات میں سموگ اور شدید دھند پڑنے کا امکان ہے ۔پنجاب بھر میں شدید دھند کی وجہ سے حد نگاہ کم ہوگئی اور موٹرویز کو مختلف مقامات سے بند کر دیا گیا ہے۔

    دوسری شادی کیوں کی؟ پہلی بیوی نے خود کشی کر لی

    مساج سینٹر میں کام کرنیوالے کرنے لگے گھناؤنا دھندہ، پولیس کے ہتھے چڑھ گئے

     مساج سروس تلاش کرنیوالے آدمی کو جسم فروشی کی ویب سائٹ پر بیوی اور بہن کی تصویریں نظر آ گئیں

    بیرون ملک سے لڑکی کی جسم فروشی کے لئے پاکستان سمگلنگ،عدالت نے کس کو کیا طلب؟

  • وزارت خزانہ کا پی آئی اے کے قرض پرسود اور خسارہ برداشت کرنےسےانکار

    وزارت خزانہ کا پی آئی اے کے قرض پرسود اور خسارہ برداشت کرنےسےانکار

    اسلام آباد: قومی ائیر لائن پی آئی اے کا ڈومیسٹک شیڈول بری طرح متاثر ہے، آج بھی پی آئی اے کی 8 پروازیں منسوخ ہو گئیں جبکہ 12 پروازیں تاخیر کا شکار ہیں جبکہ وزارت خزانہ نے پی آئی اے کے قرض پرسود اور خسارہ برداشت کرنے سے انکار کردیا ہے جب کہ نگران وزیرخزانہ شمشاد اختر نے نجکاری ڈویژن اور پی آئی اے انتظامیہ سے نجکاری پلان مانگ لیا۔

    باغی ٹی وی : پی آئی اے کا بین الاقوامی شیڈول بحال ہے البتہ اندرون ملک پروازیں متاثر ہورہی ہیں منسوخ ہونے والی پروازوں میں کراچی سے آسلام آباد کے لیے پرواز پی کے 300 اور 301 سمیت کراچی سے بہاول پور کے لیے اپ ڈاؤن کی پرواز پی کے 588 اور پی کے 589 شامل ہیں اسلام آباد سے گلگت کے لیے پی کے 601 اور گلگت سے اسلام آباد کے لیے پی کے 602 منسوخ کر دی گئی، اسلام آباد سے گلگت کے لیے اپ اینڈ ڈاؤن کی مزید دو پروازیں پی کے 605 اور پی کے 606 بھی منسوخ ہوگئی ہیں۔

    آئی ایم ایف کےایجنڈے کو پوری طاقت سےآگےبڑھایا جا رہا ہے،حافظ نعیم

    دوسری جانب اسلام آباد سے کراچی کے لیے پرواز پی کے 319، اسلام آباد سے کوئٹہ کے لیے پرواز پی کے 325 ، کراچی سے لاہور کے لیے پرواز پی کے 302 بھی ایک گھنٹہ ،کراچی سے اسکردو کی پرواز پی کے 455 نصف گھنٹہ تاخیر کا شکار ہوئی،ملتان سے کراچی کی پرواز پی کے 331 میں ایک گھنٹہ تاخیر ہے، لاہور سے کوالالمپور کی پرواز پی کے 898 میں نصف گھنٹے کی تاخیر ہوئی۔

    لاہور کے لیے پرواز پی کے 797 کی روانگی میں 3 گھنٹے تاخیر ہوئی، لاہور سے دبئی کے لیے پرواز پی کے 203 کی روانگی میں بھی ایک گھنٹہ تاخیر ہوئی، لاہور سے کوئٹہ کی پرواز پی کے 322 میں بھی آدھا گھنٹہ تاخیر ہوئی لاہور سے کراچی کے لیے پی کے 307 کی روانگی کو 55 منٹ تاخیر کا سامنا کرنا پڑا، سیالکوٹ سے دبئی کی پرواز پی کے 189 بھی 33 منٹ تاخیر کا شکار ہوئی اسلام آباد سے شارجہ کی پرواز پی کے 181 بھی آدھا گھنٹہ تاخیر سے روانہ ہوئی۔

    چوتھی شادی کرنے والے شخص کی بارات میں تیسری بیوی پہنچ گئی، دلہا فرار،مقدمہ درج

    ادھر وزارت خزانہ نے پی آئی اے کے قرض پرسود اور خسارہ برداشت کرنے سے انکار کردیا ہے جب کہ نگران وزیرخزانہ شمشاد اختر نے نجکاری ڈویژن اور پی آئی اے انتظامیہ سے نجکاری پلان مانگ لیا۔

    فضائی آپریشن بحال ہوچکا، وزارت خزانہ ذرائع کے مطابق مالی بحران سے دوچار قومی ایئرلائن کا ماہانہ خسارہ 12 ارب روپے تک پہنچ گیا ہے، ذرائع کے مطابق پی آئی اے نے کمرشل بینکوں سے حکومتی گارنٹی پر 260 ارب قرض لیا ہوا ہے، ائیر لائن کو ایف بی آر کو ایک ارب 25 کروڑ روپے ٹیکس دینا ہے جبکہ پی آئی اے سول ایوی ایشن کو ماہانہ ایک ارب سے زائد کی ادائیگی نہیں کررہا۔

    نگراں وزیراعظم آج امریکا کے دورے پر روانہ ہوں گے

    پی آئی اے کی ماہانہ آمدن 22 ارب اور اخراجات 34 ارب تک اور مجموعی خسارہ 740 ارب روپے کے قریب ہےذرائع نے مزید بتایا پی آئی اے کی نجکاری فوری عمل میں لائی جانے کی تجویز ہے کیونکہ پی آئی اے کے قرض کا حجم اثاثوں کی مالیت کا 5 گنا ہے۔

    پی آئی اے کا فلائٹ آپریشن معمول پرآنا شروع ہوگیا، ہفتے کو 74سے زائد ملکی وبین الاقوامی پروازیں آپریٹ کی گئیں، ہفتے کو صبح کے وقت قومی ائیرلائن کا فلائٹ آپریشن جزوی متاثررہا جس کےدوران کچھ ڈومیسٹیک پروازیں تاخیراورمنسوخ ہوئیں تاہم بعدازاں فضائی آپریشن بتدریج معمول پرآیا سول ایوی ایشن اتھارٹی نے پی آئی اے کو آیاٹا کانادہندہ ہونے کے خطرے سے بچالیا۔

    چیف جسٹس پاکستان کےحلف کیساتھ سپریم جوڈیشل کونسل اورجوڈیشل کمیشن میں بھی اہم تبدیلیاں

    ذرائع کے مطابق اگست میں پی آئی اے نے سی اے اے سے موصول 4ارب روپے میں سے ایک ارب آیاٹا کو سروسزچارجزمد میں ادائیگی کی تھی جو نہ ہوتے تو پی آئی اے کے ٹکٹوں کی دنیا بھرمیں فروخت بندہونے کا خدشہ تھا-

  • قومی ایئر لائن کا چین کے مزید14 شہروں تک رسائی کا فیصلہ

    قومی ایئر لائن کا چین کے مزید14 شہروں تک رسائی کا فیصلہ

    لاہور: قومی ایئر لائن نے چین کے مزید 14 شہروں تک رسائی کا فیصلہ کرلیا ۔

    باغی ٹی وی: تفصیلات کے مطابق قومی ایئر لائن پی آئی اے نے چین کے16 شہروں تک بیک وقت فضائی آپریشن بڑھانے کا اعلان کیا ہے پی آئی اے نے بیجنگ، شنگھائی کے بعد مزید 14شہروں تک فلائٹس چلانےکا پلان تیار کرلیا۔

    پی آئی اے اب کراچی، اسلام آباد،لاہورودیگرشہروں سے چین کے16 شہروں کیلئے فلائٹس چلائےگی چین کے16 شہروں میں بیک وقت فلائٹس سےپاکستان اورچین کےدرمیان تعلقات میں مزیداضافہ ہوگا چین میں فلائٹ نیٹ ورک بڑھانےسےقومی ایئرلائن کی آمدنی میں بھی اضافہ متوقع ہے ۔

    پی آئی اے ملازمین کی تنخواہوں میں اضافے کی منظوری نہ دی جاسکی

    Pia
    اس حوالے سے پاکستان ایئر لائنز اور ائیر چائنا کے درمیان پارٹنر شپ معاہدہ طے ہو گیا پاکستان ایئر لائنز اور ائیر چائنا کے درمیان پروازوں کا نیٹ ورک برھانے کیلیے پارٹنر شپ معاہدہ طے ہو گیا، پی آئی اے ائیر چائنا پارٹنر شپ معاہدے کے تحت پروازوں کا آغاز اگلے ماہ سے ہوگا دونوں ایئر لائنز کے درمیان معاہدے سے پاکستانی تاجروں کی تمام چینی شہروں تک رسائی آسان ہوجائے گی-

    چین نےپاکستان کا 2 ارب 10 کروڑ ڈالر قرض مؤخر کرنے کی منظوری دیدی

    دوسری جانب پاکستان ائیرلائنز( پی آئی اے) کی تنظیم نو کی اجازت دے دی گئی جبکہ ملازمین کی تنخواہوں میں اضافے کی منظوری نہ دی جاسکی پی آئی اے کے بورڈ آف ڈائریکٹرز کے لاہور میں منعقدہ اجلاس میں پی آئی اے انتظامیہ کو تنظیم نو کا مربوط پلان تیار کرنے کی ہدایت کردی گئی جبکہ مالی مسائل کے باعث ملازمین کی تنخواہوں میں اضافے کی منظوری نہ دی جاسکی۔

    پی آئی اے ترجمان کے مطابق بورڈ آف ڈائریکٹرزکےاجلاس میں وفاقی وزیر ہوابازی خواجہ سعد رفیق نےبھی شرکت کی،تنظیم نو منصوبے میں پی آئی اے کو دو حصوں میں تقسیم کیا جانا شامل ہےپی آئی اے پر عائد اربوں روپے کے قرضے، نان کور شعبہ جات اور غیر ضروری ملازمین کو پی آئی اے کے پہلے حصہ میں رکھا جائے گا جبکہ دوسرے حصے میں طیارے، تمام منافع بخش اثاثے اور کور شعبہ جات ہوں گے۔

    ملک میں ضروری ادویات کی عدم دستیابی کے معاملے پر پیشرفت

  • نیو گوادر ائیر پورٹ کا افتتاح ممکنہ طور پر 23 مارچ کو کیا جائے گا

    نیو گوادر ائیر پورٹ کا افتتاح ممکنہ طور پر 23 مارچ کو کیا جائے گا

    کراچی: نیو گوادر ائیر پورٹ کا افتتاح ممکنہ طور پر 23 مارچ کو کیا جائے گا-

    باغی ٹی وی: ذرائع کے مطابق گوادر کے نئے ہوائی اڈے کا افتتاح ممکنہ طورپر23مارچ کو کیا جارہا ہےسول ایوی ایشن اتھارٹی نے فضائی آپریشن سے قبل نیو گوادر ایئرپورٹ کی سیفٹی چیکس کا مرحلہ مکمل کرلیا ہے-

    گمراہ عناصر بلوچستان کےعوام اورمسلح افواج کےعزم کومتزلزل نہیں کرسکتے،آرمی چیف

    ذرائع کے مطابق گوادر کے نئے بین الاقوامی معیار کے ہوائی اڈے کی تعمیر کے بعد فضائی آپریشن کے تناظر میں سی اے اے کی جانب سے حتمی سیفٹی چیکس شروع کیے –

    ذرائع کے مطابق سیفٹی چیکنگ کے دوران گوادر انٹرنیشنل ائرپورٹ کے رن وے، ائیرسائیڈ، ٹرمینل بلڈنگ سمیت دیگر کے سیفٹی چیکس کے مرحلے طے کیے گئے،گوادرانٹرنیشنل ائرپورٹ حکومت جلد فضائی آپریشن بحالی کا ارادہ رکھتی ہے-

    عمران خان کی تقاریرنشر کرنے پر پابندی کیخلاف اپیل پر فیصلہ محفوظ

    فضائی آپریشن سے قبل عالمی سول ایوی ایشن کے معیار کو مدنظر رکھ سی اے اے کے متعلقہ شعبے کی ٹیم فائنل چیک کے پروسیجر کو مکمل کرتی ہے۔

  • لاہور ائیرپورٹ پر دھند اورا سموگ کے باعث فضائی آپریشن متاثر

    لاہور ائیرپورٹ پر دھند اورا سموگ کے باعث فضائی آپریشن متاثر

    لاہور ائیرپورٹ پر دھند اورا سموگ کے باعث بند کیا گیا فضائی آپریشن موسم بہتر ہونے کے بعد بحال کر دیا گیا ہے-

    باغی ٹی وی : لاہور ائیرپورٹ پر دھند اورا سموگ کے باعث فضائی آپریشن بند ہو نے کی وجہ سے متعدد فلائٹس تاخیر سے پہنچیں جبکہ کچھ فلائٹس منسوخ ہو گئیں-

    استنبول سے لاہور آنے والی پرواز ٹی کے 714 تاخیر سے لاہور پہنچی جبکہ جبکہ ریاض سے آنے والی پرواز ایکس وائے 317 بھی 8 گھنٹے تاخیر سے لاہورپہنچی-

    پنجاب میں شدید دھند،موٹر وے ایم 2 ، ایم 3 اور ایم 11 بند

    دوسرری جانب دبئی اور جدہ سے آنے والی پروازوں کو بھی لاہورائیرپورٹ لینڈنگ سے روکا گیا لاہور سے کویت جانے والی پرواز جے نائن 502 دن 2بجے تک جبکہ ریاض جانے والی پرواز ایکس وائے 318 بھی دن 1 بجے تک تاخیر کا شکار ہے-

    مسقط اور شارجہ سے لاہور آمدورفت کی پروازیں منسوخ ہو گئیں –

    سموگ،اومی کرون اور کورونا ویکسینیشن مہم:وائس چانسلرگجرات یونیورسٹی سے اپیل کردی…

    پی آئی اے ترجمان کا کہنا ہے کہ موسم کی خرابی کے باعث پروازوں کی آمدورفت متاثر ہوئی-

    دوسری جانب : پنجاب کی اہم شاہراہوں پر دھند کے باعث لاہور سیالکوٹ موٹروے کو بند کر دیا گیا ترجمان موٹر وے پولیس کے مطابق موٹر وے ایم 2 کو لاہور سے پنڈی بھٹیاں تک اور ایم 3 کو لاہور سے سمندری تک بند کردیا گیا ہے۔

    کراچی:کچرا پھینکنے اور گٹر کی صفائی کے مسئلے پر قتل،صبا کو انصاف دو ،مطالبہ ٹوئٹر…

    ترجمان موٹر وے کا کہنا تھا کہ ڈرائیور حضرات گاڑیوں پر فوگ لائٹس استعمال کریں، رفتار کم اور اگلی گاڑی سے فاصلہ زیادہ رکھیں، کسی مشکل کی صورت میں ہیلپ لائن 130 پر رابطہ کریں اور غیر ضروری سفر سے پرہیز کریں-

    عابد فاروق المعروف پروفیسر باغی انتقال کر گئے