Tag: فضائی حدود

پاکستان کی جانب سے فضائی حدود کی بندش کے بعد ایران جنگ میں فضائی حدود کی پابندیوں نے بھارتی ایئر لائنز کے لیے مشکلات میں مزید اضافہ کر دیا ہے۔

روئٹرز کے مطابق مشرقِ وسطیٰ میں جاری جنگ کے باعث خطے کی فضائی حدود میں پابندیوں اور سیکیورٹی خدشات نے بھارت سے یورپ اور امریکا جانے والی پروازوں کو شدید متاثر کیا ہے بھارت کی بڑی ایئر لائنز ایئر انڈیا اور انڈیگو گزشتہ 10 دنوں میں مشرقِ وسطیٰ، یورپ اور شمالی امریکا کے لیے شیڈول 1230 پروازوں میں سے تقریباً 64 فیصد پروازیں آپریٹ نہیں کر سکیں۔

ماہرِ ہوا بازی امیت مِتل کے مطابق بین الاقوامی پروازیں چلانے والی بھارتی ایئر لائنز کے لیے یہ صورتحال ‘دوہرا دھچکا’ ثابت ہو رہی ہے، کیونکہ ایک طرف مشرقِ وسطیٰ میں جنگ کے باعث فضائی حدود محدود ہو گئی ہیں اور دوسری جانب پاکستان گزشتہ سال اپریل سے بھارتی طیاروں کو اپنی فضائی حدود استعمال کرنے کی اجازت نہیں دے رہا۔

پینٹاگون کی ایرانی حملوں میں 140 امریکی فوجیوں کے زخمی ہونے کی تصدیق

رپورٹ کے مطابق انڈیگو کو خاص مشکلات کا سامنا ہے کیونکہ وہ یورپ جانے کے لیے نارویجن کمپنی نورس اٹلانٹک ایئرویز سے لیز پر لیے گئے طویل فا صلے کے طیارے استعمال کرتی ہے۔ ان طیاروں کو یورپی سیفٹی ایجنسی کی ہدایات کے تحت ایران، عراق، اسرائیل اور کئی خلیجی ممالک کی فضائی حدود سے گزرنے سے گریز کرنا پڑتا ہے اسی وجہ سے انڈیگو کو افریقہ کے راستے طویل پروازیں چلانا پڑ رہی ہیں جس سے بعض سفر 2 گھنٹے تک طویل ہو گئے ہیں ایک واقعے میں دہلی سے مانچسٹر جانے والی انڈیگو پرواز کو اریٹیریا کی فضائی حدود استعمال کرنے کی اجازت نہ ملنے پر 13 گھنٹے فضا میں رہنے کے بعد واپس دہلی لوٹنا پڑا۔

ایلون مسک دنیا کے پہلے کھرب پتی بننے کے قریب

دوسری جانب ایئر انڈیا کی دہلی سے نیویارک پرواز کو بھی روم میں قیام کرنا پڑا جس سے سفر کا دورانیہ تقریباً 22 گھنٹے ہو گیا، جبکہ جنگ سے قبل یہی پرواز تقریباً 17 گھنٹوں میں مکمل ہو جاتی تھی، طویل راستوں کے باعث ایندھن کے اخراجات میں اضافہ ہو رہا ہے جس سے بھارتی ایئر لائنز کے مالی دباؤ میں مزید اضافہ متوقع ہے۔

پاکستان کی لبنان کے خلاف اسرائیلی جارحیت کی شدید مذمت

اتوار کے روز ایک نجی مسافر طیارہ وہ امریکی صدر ڈونلڈ ٹرمپ کی نیو جرسی میں واقع رہائشگاہ بیڈمنسٹر کے اوپر پرواز کرتا ہوا پابندی شدہ فضائی حدود (Restricted Airspace) میں داخل ہو گیا،اتوار کے روز صدر ٹرمپ بیڈمنسٹر میں موجود تھے اور شام کو واشنگٹن ڈی سی میں وائٹ ہاؤس واپس پہنچے۔

نارتھ امریکن ایرو اسپیس ڈیفنس کمانڈ (NORAD) نے بتایا کہ یہ واقعہ دوپہر تقریباً 12:50 بجے پیش آیا۔ طیارے کو روکنے کے لیے امریکی جنگی طیارے فوراً روانہ کیے گئے،پائلٹ کی توجہ حاصل کرنے کے لیے جنگی طیاروں نے روشنی چھوڑنے والے فلیئرز استعمال کیے یہ فلیئرز کچھ لمحوں میں جل کر ختم ہو جاتے ہیں اور زمین پر موجود افراد کے لیے کوئی خطرہ نہیں ہوتے۔

نارتھ امریکن ایرو اسپیس ڈیفنس کمانڈ کے مطابق اتوار کے دن ایسا دوسرا واقعہ تھا، اور پورے ویک اینڈ کے دوران پانچ مرتبہ فضائی حدود کی خلاف ورزیاں ہوئیں،ادارے نے تمام عام پائلٹس کو خبردار کیا ہے کہ پرواز سے قبل لازمی طور پر فیڈرل ایوی ایشن ایڈمنسٹریشن (FAA) کی جاری کردہ ہدایات کا مطالعہ کریں تاکہ ایسی خلاف ورزیوں سے بچا جا سکے۔ بیڈمنسٹر کے علاقے میں نوٹس نمبر 9839، 9840، 9841 اور 9842 خاص طور پر قابلِ توجہ ہیں۔

نارتھ امریکن ایرو اسپیس ڈیفنس کمانڈ نے کہاکہ،تمام پائلٹس کے لیے لازمی ہے کہ وہ پابندی شدہ فضائی حدود کی مکمل معلومات حاصل کریں اور ان پر سختی سے عمل کریں۔ یہ اصول ہر علاقے اور ہر قسم کے طیارے پر لاگو ہوتے ہیں۔

ایران اسرائیل جنگ بندی کے بعد متاثرہ ممالک ایران، عراق اور اسرائیل سمیت خطے کی تمام فضائی حدود کھول دی گئی ہیں تاہم فلائٹ آپریشن مکمل بحال نہیں ہو سکا۔

جنگ بندی معاہدے کے بعد ایرانی فضائی حدود مشروط طور پر کھولی گئی ہے جس کیلئے تہران سے بین الاقوامی آمد اور روانگی کی پروازوں کو حکومت سے پیشگی اجازت لینا ہوگی فضائی حدود کھلنے کے بعد تہران سے مہان ائیر کی نئی دہلی کے لیے پہلی پرواز ڈبلیو 571 شام ساڑھے 6 بجے روانہ کی گئی۔

رات گئے تک ایران کے امام خمینی ائیرپورٹ تہران، تبریز، شیراز مشہد یا دوسرے ائیرپورٹس پر امارات اور ترکش ائیر لائن کے 12 دن سے پھنسے طیاروں کی روانگی بھی بدھ سے متوقع ہے عراق کے سرحدی شہر بصرہ سے پروازیں پہلے ہی اڑان بھر رہی تھیں جو ٹیک آف کے فوری بعد پڑوسی ممالک کی فضائی حدود استعمال کرتے ہوئے آپریشن برقرار رکھے ہوئے تھیں اب ان پروازوں نے اپنے ملک عراق کی فضائی حدود سے گزرنا شروع کر دیا ہے۔

اسرائیل کی فضائی حدود کھلتے ہی تل ابیب ائیرپورٹ سے پروازوں کی جزوی آمد روانگی شروع ہوگئی تاہم مختلف غیر ملکی ائیر لائنز نے تل ابیب ائیرپورٹ کیلئے اپنا فلائٹ آپریشن تاحال بحال نہیں کیا اور ائیرپورٹ کی درجنوں پروازیں منسوخ ظاہر ہو رہی ہیں جبکہ خطے میں صورتحال بہتر ہونے کے باوجود شام کے دمشق ائیرپورٹ پر بھی فلائٹ آپریشن بحال نہیں ہو سکا۔

لبنان کے بیروت ائیرپورٹ سے بھی پروازوں کی آمد روانگی کی معمول کی بحالی نہیں ہو سکی قطر کے دوحہ ائیرپورٹ پر فلائٹ آپریشن معمول پر نہیں آ سکا۔ خاص طور پر قطر کی سرکاری ائیر لائن کی درجنوں پروازیں منسوخ ظاہر ہو رہی ہیں بحرین ائیرپورٹ کا فلائٹ آپریشن معمول پر آگیا ہےجبکہ کویت ائیرپورٹ پر بھی پروازوں کی آمد، روانگی معمول پر ہے اسی طرح دبئی ائیرپورٹ پر بھی فلائٹ آپریشن نارمل ہو گیا ہے۔

اسرائیل کی جانب سے ایران پر فضائی حملوں کے بعد ایران، عراق اور اردن سمیت کئی ممالک نے اپنی فضائی حدود بند کردی ہیں۔

فلائٹ ریڈار 24 کے مطابق اسرائیل، ایران، عراق اور اردن کی فضائی حدود بند ہونے کے بعد درجنوں کمرشل پروازوں کا رخ بدل دیا گیااسرائیل کی جانب سے ایران پر کیے گئے بڑے پیمانے پر فضائی حملے کے بعد خطے میں غیرمعمولی صورتحال پیدا ہو گئی ہے، جس کے تحت ایران، عراق اور اردن سمیت کئی ممالک نے اپنی فضائی حدود بند کر دی ہیں، جب کہ متعدد عالمی ایئرلائنز نے پروازیں منسوخ یا موڑ دی ہیں۔

اسرائیل کی جانب سے جوہری تنصیبات پرحملے کے بعد ایران کی فضائی حدود بند کردی گئیں، یورپ، شمالی امریکا اور ایشیا کے درمیان ہزاروں پروازوں کا دورانیہ طویل ہوگیامشرق سے مغرب آنے جانے والے جہاز ایران عراق سے گزرتے ہیں لیکن اب انہیں سعودی عرب، اسرائیل کے جنوب اور مصر کے جزیرہ نما سینائی سے گزرنا پڑ رہا ہے، خلیج میں قطر اور دبئی دو بڑے بین البراعظمی مرکزوں کا گھر ہے۔

اسرائیلی حملہ، ایران میں انتقام کی علامت ’سرخ پرچم‘ لہرا دیا گیا

اسرائیل اور ایران کی دشمنی کیسے شروع ہوئی؟

اسرائیلی فوج کا مسجد اقصٰی پر دھاوا، نمازیوں کو باہر نکال دیا

مشکوک طیارہ صدر بائیڈن کے گھر کے قریب محدود فضائی حدود میں داخل ہوگیا-

باغی ٹی وی : امریکی میڈیا کے مطابق امریکی شہر ڈیلاویئرمیں چھوٹا ہوائی جہاز صدر بائیڈن کے گھر کے قریب محدود فضائی حدود میں داخل ہو گیا جس کے بعد امریکی صدر اور اہلیہ کو محفوظ مقام پر منتقل کر دیا گیا۔

یوکرین پر حملہ:پوتن نے تاریخی غلطی کی: فرانسیسی صدرمیکروں

وائٹ ہاؤس کی جانب سے جاری بیان میں کہا گیا کہ ایک چھوٹا پرائیویٹ طیارہ غلطی سے امریکی صدرجو بائیڈن کےگھرکے قریب ممنوعہ فضائی حدود میں داخل ہو گیا امریکی صدر جو بائیڈن اور خاتون اول جل بائیڈن کو ہفتے کے روزہنگامی طور ان کے ڈیلاویئر والےگھر سے نکال کر انہیں دوسری جگہ منتقل کردیا گیا۔

ترجمان وائٹ ہاوس کاکہنا ہےکہ ہوائی جہاز غلطی سےممنوعہ علاقے میں داخل ہوگیاتھابائیڈن یا ان کے خاندان کو کوئی خطرہ نہیں تھا اور احتیاطی تدابیر اختیار کی گئی ہیں۔ صورتحال کا جائزہ لینے کے بعد، بائیڈن اور اس کی بیوی، جِل، ​​اپنے ریہوبوتھ بیچ گھر واپس آگئے۔

امریکی صدر جو بائیڈن اپنی اہلیہ کے ہمراہ ڈیلاویئر میں ساحل پر واقع گھر میں چھٹیاں گزار رہے تھے۔

سی این بی سی کے مطابق سیکرٹ سروس نے ایک بیان میں کہا ہے کہ طیارے کو "غلطی سے محفوظ علاقے میں داخل ہونے” کے بعد فوری طور پر محدود فضائی حدود سے لے جایا گیا۔ ایجنسی نے کہا کہ وہ پائلٹ کا انٹرویو کرے گی جو ابتدائی تحقیقات کے مطابق مناسب ریڈیو چینل پر نہیں تھا اور شائع شدہ فلائٹ گائیڈنس پر عمل نہیں کر رہا تھا۔

30ہزارڈالر کے عوض ڈارک نیٹ پرFGM-148 Javelin امریکی میزائل کی فروخت جاری

جیسا کہ واشنگٹن سے باہر صدارتی دوروں کےلیے معیاری مشق ہے، فیڈرل ایوی ایشن ایڈمنسٹریشن نے اس ہفتے کے شروع میں بائیڈن کے ساحلی شہر کے دورے سے قبل پروازوں کی پابندیاں شائع کی تھیں۔ پابندیوں میں 10 میل کا رداس نو فلائی زون شامل ہے جس میں 30 میل کا محدود زون شامل ہے۔

وفاقی قواعد و ضوابط کےمطابق پائلٹوں کو ٹیک آف کرنے سے پہلے اپنے راستے میں پرواز کی پابندیوں کو چیک کرنے کی ضرورت ہوتی ہے۔ پھر بھی، حادثاتی طور پر فضائی حدود کی خلاف ورزیاں، خاص طور پر عارضی محدود علاقوں کے ارد گرد، عام ہیں۔

امریکی فوجی جیٹ طیارے اور کوسٹ گارڈ کے ہیلی کاپٹر اکثر ایسے طیاروں کو روکنے کے لیے استعمال کیے جاتے ہیں جو صدر کے ارد گرد پروازکی پابندیوں کی خلاف ورزی کرتے ہیں۔ روکے گئے طیاروں کو قریبی ہوائی اڈے کی طرف موڑدیا جاتا ہے جہاں قانون نافذ کرنے والے اداروں کے ذریعے فضائی عملے کا انٹرویو لیا جاتا ہے اور انہیں ممکنہ مجرمانہ یا سول سزاؤں کا سامنا کرنا پڑتا ہے۔

سعودی عرب میں سمندری چھپکلی کی 80 ملین سال پرانی باقیات دریافت