Tag: فلسطینی تنظیم حماس

فلسطینی تنظیم حماس نے قطر، ترکیہ اور مصر سے اپیل کی ہے کہ وہ اسرائیل کے ساتھ طے پانے والے جنگ بندی معاہدے کی باقی ماندہ شقوں پر عملدرآمد کی نگرانی کا سلسلہ جاری رکھیں۔

ترکی کی خبر رساں ایجنسی کے مطابق حماس نے ان ممالک کی کوششوں کو سراہا جنہوں نے رواں ماہ کے آغاز میں طے پانے والے جنگ بندی معاہدے میں کلیدی کردار ادا کیا۔حماس کے جاری بیان میں کہا گیا کہ تنظیم مصر، قطر اور ترکیہ کی ان مخلصانہ کاوشوں کی گہری قدر کرتی ہے جنہوں نے گزشتہ دو برسوں کے دوران فلسطینی عوام کے خلاف جارحیت کے خاتمے کے لیے مسلسل جدوجہد کی۔

بیان میں مزید کہا گیا کہ ثالث ممالک کی میزبانی میں ہونے والی ملاقاتوں اور اختلافات کم کرنے کی کوششوں نے غزہ میں جنگ کے خاتمے میں اہم کردار ادا کیا۔حماس نے ثالثوں سے اپیل کی کہ وہ معاہدے کی باقی شقوں، بالخصوص انسانی امداد کی فراہمی، رفح بارڈر کراسنگ کے کھولنے اور غزہ میں مکانات، اسپتالوں اور اسکولوں کی بحالی کے عمل میں معاونت جاری رکھیں۔

دوسری جانب حماس کا کہنا ہے کہ یرغمالیوں کی لاشوں کی واپسی میں وقت لگ سکتا ہے کیونکہ بعض لاشیں تباہ شدہ سرنگوں کے ملبے تلے دبی ہوئی ہیں، جب کہ نکالنے کے لیے درکار آلات اسرائیلی پابندیوں کے باعث دستیاب نہیں.

بلوچستان کے شہر خاران میں فائرنگ، ایس ایچ او شہید

صدر زرداری سے مسلم ورلڈ لیگ کے سیکریٹری جنرل کی ملاقات

جنوبی افریقہ کے خلاف ٹی 20 سیریز: بابر اعظم کی اسکواڈ میں واپسی پر غور

افغانستان نے پاکستان کے ساتھ جنگ بندی میں توسیع کی خواہش ظاہر کردی

فلسطینی تنظیم حماس نے کہا ہے کہ وہ جنگ بندی پر قائم ہے اور اسرائیلی جال میں نہیں پھنسے گی، تاہم اسرائیل بمباری اور تباہی جاری رکھ کر امریکی صدر ڈونلڈ ٹرمپ کے منصوبے میں رکاوٹ ڈال رہا ہے۔

عرب میڈیا کے مطابق حماس کے ایک ذریعے نے بتایا کہ تنظیم نے اسرائیلی فوجیوں کی لاشیں جمع کرنا شروع کر دی ہیں اور مصر کے ذریعے مخصوص علاقوں میں فضائی بمباری روکنے کی درخواست کی ہے تاکہ یہ عمل مکمل کیا جا سکے۔زندہ یرغمالیوں کی حوالگی ایک ہی مرحلے میں کی جائے گی۔لاشوں کی حوالگی میں وقت لگے گا اور امریکا نے اس معاملے میں نرمی دکھائی ہے۔

ذرائع کے مطابق حماس نے ثالثوں کو لاشوں اور یرغمالیوں کی فہرست فراہم کر دی ہے تاکہ اسرائیل کے سامنے پیش کی جا سکے، جو ان کی درست تعداد سے واقف ہے۔ذرائع نے مزید بتایا کہ حماس کو قطر کے ذریعے امریکی ضمانتیں ملی ہیں کہ اسرائیل غزہ کی پٹی سے مستقل انخلا کرے گا۔حماس نے اسلحہ ایک فلسطینی–مصری اتھارٹی کے حوالے کرنے پر بھی رضامندی ظاہر کی ہے جو بین الاقوامی نگرانی میں کام کرے گی، اور اس فیصلے سے امریکا کو آگاہ کر دیا گیا ہے۔

اطلاعات کے مطابق حماس کی قیادت کا غزہ سے انخلا ان کے اپنے فیصلے پر منحصر ہوگا، اور امریکا نے یقین دہانی کرائی ہے کہ ان کے ساتھ کوئی چھیڑ چھاڑ نہیں کی جائے گی۔اسرائیلی چینل 12 نے رپورٹ دی ہے کہ حماس نے قیدیوں کے تبادلے کے معاہدے میں بعض فلسطینی رہنماؤں کی رہائی کا بھی مطالبہ کیا ہے۔

انڈونیشیا نے ڈیٹا شیئر نہ کرنے پر ٹک ٹاک کا لائسنس معطل کر دیا

صفحہ ہستی سے مٹا دیں گے،ٹرمپ کی حماس کو پھر دھمکی

خیبرپختونخوا حکومت نے ایمل ولی کو سیکیورٹی اہلکار واپس دے دیے

شہباز شریف ملائیشیا کے سرکاری دورے پر کوالالمپور پہنچ گئے

فلسطینی تنظیم حماس نے امریکی صدر ڈونلڈ ٹرمپ کے پیش کردہ غزہ امن منصوبے میں بعض شقوں پر اعتراضات اٹھاتے ہوئے ان میں ترمیم کا مطالبہ کیا ہے۔

حماس نے سب سے زیادہ تحفظات غیر مسلح ہونے اور رہنماؤں کی بے دخلی سے متعلق نکات پر ظاہر کیے ہیں۔ تنظیم کا کہنا ہے کہ وہ مکمل اسرائیلی انخلا اور رہنماؤں کے اندر یا باہر قتل نہ کیے جانے کی بین الاقوامی ضمانتیں چاہتی ہے۔ذرائع کے مطابق حماس کے مذاکرات کاروں نے دوحہ میں ترک، مصری اور قطری حکام سے ملاقات کی ہے اور یہ معاملہ نہایت حساس نوعیت کا ہے۔ حماس کو باضابطہ جواب دینے کے لیے زیادہ سے زیادہ دو سے تین دن درکار ہیں۔

ٹرمپ کے مجوزہ منصوبے میں جنگ بندی، حماس کے ہاتھوں یرغمالیوں کی 72 گھنٹوں کے اندر رہائی، حماس کا غیر مسلح ہونا اور غزہ سے اسرائیلی فوج کا تدریجی انخلا شامل ہے۔فلسطینی ذرائع نے بتایا کہ حماس غیر مسلح ہونے اور مزاحمتی دھڑوں کی بے دخلی جیسی شقوں میں تبدیلی چاہتی ہے۔ مزید برآں تنظیم نے اس بات کی یقین دہانی بھی مانگی ہے کہ اسرائیل یا کسی اور فریق کی جانب سے ٹارگٹ کلنگ نہیں کی جائے گی۔

پیپلز پارٹی سے معافی نہیں بنتی، اتحاد برقرار رکھیں گے: سینیٹر افنان اللّٰہ

بلوچستان عوامی پارٹی کی رکن بشریٰ رند کا استعفیٰ، قیادت پر الزام

افغانستان میں 48 گھنٹے بعد موبائل اور انٹرنیٹ سروس بحال، شہریوں کا جشن

ٹرمپ کے غزہ منصوبے پر حساس بات چیت جاری ہے،وائٹ ہاؤس

فلسطینی تنظیم حماس نے اعلان کیا ہے کہ امریکی صدر ڈونلڈ ٹرمپ کا تجویز کردہ غزہ جنگ بندی منصوبہ حماس تک پیش نہیں کیا گیا، جبکہ اسرائیلی فوج نے غزہ شہر میں اپنی کارروائیاں مزید تیز کر دی ہیں۔

اس سے قبل اخبار ہآرتز کے مطابق، ٹرمپ کے معاہدے کی تجویز میں شامل تھا کہ حماس اسرائیلی یرغمالیوں کی رہائی کے بدلے 100 درجن فلسطینی قیدی آزاد کرے اور اسرائیلی افواج بتدریج پسپائی اختیار کریں گی۔ منصوبے میں یہ بھی کہا گیا کہ حماس کی حکومت ختم ہو جائے، اور اسرائیل غزہ کو الحاق یا فلسطینی باشندگان کو بے دخل نہ کرے۔تاہم حماس کے ایک عہدیدار نے رائٹرز کو بتایا، ”ہمیں کسی بھی منصوبے کے بارے میں آگاہ نہیں کیا گیا۔“

صدر ٹرمپ نے جمعے کو صحافیوں سے کہا، ”ایسا لگ رہا ہے کہ ہمارے پاس غزہ پر معاہدہ ہو سکتا ہے“، مگر انہوں نے معاہدے کی تفصیلات یا وقتی جدول فراہم نہیں کی۔اسرائیل کی جانب سے ابھی تک ٹرمپ کے بیانات پر کوئی سرکاری ردعمل سامنے نہیں آیا۔ ٹرمپ منگل کو اسرائیلی وزیراعظم بینیامین نیتن یاہو سے ملاقات کریں گے، جو حماس کی مکمل تباہی تک جنگ ختم کرنے پر راضی نہیں ہیں۔ٹرمپ نے مزید کہا کہ مشرقِ وسطیٰ میں دیگر ممالک کے ساتھ غزہ مذاکرات شدید ہیں اور جتنی دیر ضروری ہو، جاری رہیں گے۔

سیلاب،مرکزی مسلم لیگ کا کراچی سے 10 ہزار خاندانوں کے لیے راشن روانہ

صدر مملکت نے قومی اسمبلی اور سینیٹ کے اجلاس طلب کرلیے

سندھ سولر پروگرام میں کوئی بے ضابطگی نہیں ہوئی، ناصر حسین شاہ

فلسطینی تنظیم حماس کی جانب سے جاری کردہ ایک نئی ویڈیو نے دنیا بھر میں غزہ کی صورتحال اور اسرائیلی یرغمالیوں کی حالت پر گہری تشویش پیدا کر دی ہے۔

ویڈیو میں 24 سالہ اسرائیلی یرغمالی ایویاتار ڈیوڈ کو ایک تنگ و تاریک سرنگ میں نڈھال حالت میں زمین کھودتے ہوئے دکھایا گیا ہے۔ نوجوان ویڈیو میں کہتا ہے کہ یہ میری قبر ہے، میرے پاس وقت کم ہے۔یہ منظر نہ صرف ایک قیدی کی اذیت ناک حالت کو ظاہر کرتا ہے بلکہ غزہ میں جاری انسانی بحران، غذائی قلت، بمباری اور طبی سہولیات کی شدید کمی کو بھی اجاگر کرتا ہے۔اقوام متحدہ اور امدادی اداروں کی رپورٹس کے مطابق غزہ میں خوراک کی شدید قلت ہے، جس سے مقامی آبادی کے ساتھ ساتھ یرغمالی افراد بھی بری طرح متاثر ہو رہے ہیں۔ سرنگوں میں چھپے قیدیوں تک دوا، پانی اور خوراک پہنچانا تقریباً ناممکن ہو چکا ہے۔

ویڈیو کے اجرا کے بعد حماس نے اپنے مؤقف میں کہا ہے کہ تنظیم کسی دباؤ میں آ کر ہتھیار نہیں ڈالے گی۔ ترجمان نے واضح کیا: ’’جب تک مستقل اور خودمختار فلسطینی ریاست قائم نہیں ہوتی، مزاحمت جاری رہے گی۔ اسرائیل صرف طاقت کی زبان سمجھتا ہے۔اسرائیلی حکومت نے ویڈیو کو ’’نفسیاتی تشدد‘‘ کی ایک مثال قرار دیتے ہوئے حماس پر شدید تنقید کی ہے۔ اسرائیلی حکام کا کہنا ہے کہ یہ ویڈیو یرغمالیوں کے جذبات سے کھیلنے کی ایک مذموم کوشش ہے۔

سپریم کورٹ کراچی رجسٹری کا روسٹر جاری، 4 اگست سے مقدمات کی سماعت

آصف زرداری اور ایرانی صدر کی ملاقات، دوطرفہ تعاون بڑھانے پر اتفاق

چیئرمین سینیٹ اور ایرانی صدر کی ملاقات، فلسطین و کشمیر حمایت پر گفتگو

فلسطینی تنظیم حماس نے اعلان کیا ہے کہ وہ آزاد فلسطینی ریاست کے قیام تک اپنے ہتھیار نہیں ڈالے گی اور مسلح جدوجہد جاری رکھے گی۔

برطانوی خبر رساں ادارے کے مطابق جاری بیان میں حماس نے کہا ہے کہ وہ اپنے تمام قومی حقوق کی بحالی تک مزاحمت جاری رکھے گی، جن میں سب سے اہم ایک آزاد اور مکمل خودمختار فلسطینی ریاست کا قیام ہے، جس کا دارالحکومت بیت المقدس ہو۔یہ بیان ایسے وقت سامنے آیا ہے جب اسرائیل اور حماس کے درمیان جاری غیر براہ راست مذاکرات بغیر کسی نتیجے کے ختم ہو چکے ہیں۔ ان مذاکرات میں غزہ جنگ میں 60 دن کی جنگ بندی اور یرغمالیوں کی رہائی پر بات چیت ہو رہی تھی، مگر کوئی پیش رفت نہیں ہو سکی۔

حماس نے زور دے کر کہا ہے کہ فلسطینی عوام اپنے حقوق کی مکمل بحالی تک چین سے نہیں بیٹھیں گے، اور ان کی مزاحمت فلسطینی قوم کی آزادی اور خودمختاری کے حصول کے لیے جاری رہے گی۔

برطانیہ کو ہجرت کے بحران کا سامنا، ایک سال میں 7 لاکھ سے زائد افراد کا اضافہ

یوکرین کا روس کی آئل تنصیبات اور ملٹری ایئر فیلڈ پر ڈرون حملوں کا دعویٰ

ایئرپورٹس پر غیر ملکیوں کے لیے علیحدہ امیگریشن کاؤنٹرز قائم کرنے کا حکم

ایرانی صدر کا پہلا سرکاری دورہ پاکستان، شہباز شریف نے استقبال کیا