Tag: فلمز

نامور ماڈل اور اداکارہ گیتی آراء نے اپنے حالیہ انٹرویو میں کہا ہے کہ وہ بہت جلد ایک فلم کرنے جا رہی ہیں اور فلم میں ان کا کردار بہت اچھا ہوگا، گیتی آراء نے کہا کہ فلم سائن کر لی ہے لیکن ابھی اسکے متعلق مزید معلومات نہیں دے سکتی. انہوں نے کہا کہ مجھے بہت خوشی ہے کہ میرے مداح‌ چاہتے ہیں‌کہ میں ان کو سکرین پر نظر آئوں. انہوں نے کہا کہ میں نے پہلے جو ڈرامہ کیا تھا اس کا بہت اچھا ریسپانس تھا. انہوں‌نے مزید کہا کہ ماڈلنگ اور اداکاری دونوں آسان کام نہیں‌ہیں. اگر دونوں میں سے فیورٹ پوچھا جائے تو یقینا ماڈلنگ زیادہ پسند ہے لیکن اداکاری اپنے مداحوں کے لئے کرتی ہوں .

انہوں‌نے کہا کہ ریمپ پر واک کی نسبت شوٹ کروانا زرا آسان ہوتا ہے ، اب جو برائیڈل کٹیور ویک شروع ہونے جا رہا ہے ، اس کے لئے ہم کئی کئی گھنٹے ریہرسلز کر چکے ہیں، بھاری جوڑے پہننا اور واک کرنا آسان نہیں‌ہوتا. انہوں‌نے کہا کہ میں اور سبیکا امام نے ایک ساتھ ہی کیرئیر شروع کیا تھا میری وہ بہترین دوست ہیں. میں ان کے کام سے بھی بہت زیادہ متاثر ہوں . یاد رہے کہ گیتی آراء نے نو برس پہلے ماڈلنگ کی دنیا میں قدم رکھا اور دیکھتے ہی دیکھتے ان کا شمار ملک کی نمبر ون ماڈلز میں ہونے لگا .

فلمسٹار ثناء اور فخر جعفری کی علیحدگی کی خبریں کافی حیران کن ہیں دونوں نے اپنے اپنے سوشل میڈیا پر ایک دوسرے سے علیحدگی کا اعلان کرتے ہوئے ایک دوسرے کو دعائیں دی ہیں اور امید ظاہر کی دونوں اچھی زندگی گزاریں گے. فخر جعفری نے سوشل میڈیا پر ایک پوسٹ لگائی جس میں انہوں نے یہ ظاہر کیا کہ ان دونوں کے درمیان غلط فہمیاں پیدا کی جا رہی ہیں لیکن جب ثناء نے فخر سے علیحدگی کا اعلان کیا تو پھر فخر نے بھی ایک پوسٹ کی اور لکھا کہ ” بعض اوقات زندگی ہمیں کسی ایسے موڑ پر لے جاتی ہے جہاں دو لو برڈز کو اپنا راستہ الگ کرنا پڑتا ہے، آپ کے بغیر یہ آسان نہیں ہوگا، میں صرف اتنا کہنا چاہتا ہوں کہ زندگی کے بہت سارے سال ہم نے ایک دوسرے کے ساتھ گزارے زندگی کے سفر میں ایک ساتھ اڑان بھری آپ خوش رہیں.
یہی نہیں فخر جعفری نے کچھ روز پہلے ایک ایسا سٹیٹس بھی سوشل میڈیا پر اپلوڈ کیا تھا جس میں انہوں نے لوگوں نے سے پوچھا تھا کہ ” بیوی ناراض تو کیا کیا جائے” . یعنی معاملات ان کے درمیان کافی وقت سے خراب چلے آرہے تھے اور ثناء فخر شاید ان سے ناراض بھی رہنے لگی تھیں. یاد رہے کہ فخر کو گاڑیوں اور موٹر بائیکس کا بہت شوق ہے جبکہ ثناء کو اپنے کام سے بہت محبت ہے ، ثناء نے کام بھی کیا اور گھر داری بھی بہت ذمہ داری کے ساتھ کی .

ذہنی تندرستی اتنی ہی ضروری ہے جتنی جسمانی تندرستی۔ نسل انسانی زندہ نہیں رہ سکتی اگر ہم دونوں کے درمیان توازن برقرار نہ رکھیں۔ آج دنیا میں دماغی صحت کا عالمی دن منایا جا رہا ہے.ورلڈ ہیلتھ آرگنائزیشن نے اپنی سالانہ رپورٹ میں بتایا ہے کہ COVID-19 وبائی مرض کے پہلے سال میں عالمی سطح پر بے چینی اور ڈپریشن کے پھیلاؤ میں 25 فیصد کا زبردست اضافہ ہوا۔ ہم سب کو مل کر اب اس پر ایکشن لینا ہوگا۔ ہمیں بحیثیت معاشرہ ذہنی صحت کے مسائل سے متعلق رکاوٹوں کو دور کی ضرورت ہے۔ ورلڈ مینٹل ہیلتھ ڈے پر کونسی فلمیں دیکھی جا سکتی ہیں. پہلے نمبر پر ڈئیر زندگی ، گوری شندے کی ہدایت کاری میں بننے والی یہ فلم 2016 میں سب سے زیادہ پسند کی جانے والی فلموں میں سے ایک تھی جس نے باکس آفس پر 100 کروڑ روپے سے زیادہ کا بزنس کیا۔ اس فلم میں دماغی صحت کے

مسائل کو خوبصورتی سے بیان کیا گیا ہے. دوسرے نمبر پر ہے فلم چھچھورے اس فلم میں سوشانت سنگھ راجپوت، شردھا کپور، ورون شرما، طاہر راج بھسین، نوین پولیشٹی، تشار پانڈے اور سہرش کمار شکلا نے مرکزی کردار ادا کیے تھے. اس فلم میں ذہنی صحت کے مختلف مسائل کو ڈسکس کیا گیا ہے. تیسرے نمبر پر ہے فلم مائی نیم از خان اس فلم کو کرن جوہر نے ڈائریکٹ کیا تھا اس میں شاہ رخ خان کو بھی کچھ ذہنی مسائل میں الجھا ہوا دکھایا گیا ہے. پانچویں نمبر پر ہے فلم تارے زمین پر، یہ فلم 2007 میں ریلیز ہوئی تھی عامر خان نے اسے پرڈیوس کیا تھا اس میں بھی ذہنی صحت کے مسائل سے جُوجتے ہوئے بچے کو دکھایا گیا ہے.لہذا یہ چند فلمیں ورلڈ مینٹل ہیتلھ ڈے پر دیکھی جا سکتی ہیں .

اداکارہ سارا خان سے انکے حالیہ انٹرویو میں جب سوال ہوا کہ کیا وہ فلم میں کام کریں گے تو انہوں نے کہا کہ کون سا ایسا آرٹسٹ ہے جو فلم نہیں‌ کرنا چاہے گا؟ ہر فنکار کی خواہش ہوتی ہے کہ وہ خود کو بڑی سکرین پر دیکھے اور سراہا جا ئے. میری بھی خواہش ہے کہ میں بڑی سکرین پر نظر آئوں لیکن میں فلم اپنی شرائط پر کروں گی کیونکہ بہت ساری چیزیں ایسی ہیں جو میں نہیں‌ کرتی ، میں جو ہوں اور جس طرح کی ہوں اگر اسی طرح کا کردار ملے تو یقینا میں کروں گی. اور اگر میں نے ابھی تک کوئی فلم نہیں کی تو اسکی وجہ ہی یہی ہے کہ مجھے کوئی ایسی کوئی کہانی

سمجھ میں نہیں آئی کہ میں کرسکوں ،باقی آفرز تو آتی رہتی ہیں. سارا خان نے ایک سوال کے جواب میں‌ کہا کہ میں آئٹم سانگ کے حق یا خلاف نہیں‌ ہوں‌لیکن زبردستی کسی چیز کو فلم میں ڈالنا اس کے ضرور خلاف ہوں. ہمیشہ جو چیز دکھائی جا رہی ہواسکا کوئی جواز ہونا چاہیے. لاجک کے بغیر جو بھی کام کریں گے اس پر یقینا تنقید آتی ہے. سارا خان نے مزید کہا کہ اگر مجھے کوئی کمال کی کہانی اور میرے مزاج کے مطابق اس میں کردار مل گیا تو آپکو میں فلم میں دکھائی دوں گی ورنہ ٹی وی تو کررہی رہی ہوں.

ادکاارہ اشنا شاہ جنہوں نے وقت کے ساتھ ثابت کیا کہ وہ ایک بہترین اداکارہ ہیں ڈرامہ سیریل لشکارہ میںان کی اداکاری نے ناقدین کے منہ بند کر دئیے تھے. اشنا شاہ نے فلموں میں آئٹم سانگ بھی کئے. اداکارہ منفی اور مثبت ہر طرح کے کردار کرتی ہیں اپنے حالیہ انٹرویو میں انہوں نے کہا کہ میرا تعلق ایک ایسی فیملی سے ہے جن کے لوگ پہلے سے ہی اس فیلڈ میں موجود ہیں لیکن میں نے ان کے ناموں کا، ان کے مقام و مرتبے کا سہارا نہیں لیا. مجھے فخر ہے کہ میں نے ان کے نام کو کیش نہیں‌کروایا. میں نے جب اس فیلڈ میں آنے کا فیصلہ کیا تو یہ مکمل طور پر میری چوائس تھے اور میں نے اس حوالے سے جدوجہد کی. میرے آڈیشنز ہوئے فیل بھی ہوئی پاس بھی ہوئی لیکن آخر کار مجھے آڈیشنز کی بنیاد پر ہی کام ملا.میں نے کام حاصل کرنے کے لئے کسی سے بھی سفارش

نہیں‌کروائی. اشنا شاہ نے کہا کہ شوبز ہو یا کوئی بھی فیلڈ اس میں لاکھ آپکے جاننے والے ہوں یا قریبی رشتہ دار ہوں لیکن آپ کو کا م آٔپ کی قابلیت پر ہی ملتا ہے.سفارش ویسے بھی ایک بار کام آتی ہے شاید پہلا موقع مل جاتا ہے لیکن اس موقع کے بعد آپ کی اپنی صلاحیتوں کی بنا پر ہی کوئی آپکو کام دیتا ہے کوئی بھی ایسے انسان پر رسک نہیں لے سکتا جسکو کام نہیں آتا چاہے وہ کتنی ہی بڑی شخصیت کا قریبی رشتہ دار کیوں نہ ہو. یادرہے کہ اشنا شاہ سینئر اداکارہ ارسہ غزل کی سوتیلی بہن ہیں.

اداکارہ ماہرہ خان ہیں بہت ناراض ماہرہ خان کے ساتھ ساتھ ڈائریکٹر نبیل قریشی بھی ہیں برہم بلکہ قائداعظم زندہ باد کی پوری ٹیم اس وقت برہم ہے. تفصیلات کے مطابق دراز پر فلم قائداعظم زندہ باد کی کاپی کو صرف بیس روپے میں فروخت کیا جا رہا ہے. جس پر فلم کی ٹیم دراز پے ہے برہم .ماہرہ خان نے کہا ہے کہ میں دراز کی اس حرکت پر ناخوش ہوں اور مجھے افسوس ہوا ہے کہ دراز یہ کام کررہا ہے. اسی طرح سے فلم کے ڈائریکٹر نبیل قریشی نے بھی ایک ٹویٹ کیا اور لکھا کہ” ہماری فلم ابھی تک سینما ہالز میں دکھائی جا رہی ہے اوراس کی چوری شدہ کاپی کو غیر قانونی طور پر دراز پر محض 20 روپے میں فروخت کیا جا رہا ہے، اس طرح کی غیر قانونی فروخت سے فلم انڈسٹری کو نقصان پہنچے گا، نبیل قریشی نے یہ بھی

لکھا کہ پروڈکشن ہاؤس درا ز کیخلاف قانونی کارروائی کرے گا”۔فضا علی مرزا نے بھی دراز کو ٹویٹر پر ٹیگ کرتے ہوئے شرم دلائی اس کے بعد دراز کو وضاحت پیش کرنا پڑ گئی اور انہوں نے اپنی غلطی کا اعتراف کرتے ہوئے فلم کی ٹیم سے معذرت کی اور اپنی فروخت کرنے والی چیزوں کی لسٹ سے فلم نکال دی. یاد رہے کہ فلم قائداعظم زندہ باد ریلیز سے لیکر اب تک اچھا بزنس کررہی ہے اور یہ اپنی نوعیت کی پہلی پاکستانی فلم ہے جس میں ایسے ایفیکٹس کا استعمال کیا گیا ہے جو پہلے کبھی کسی پاکستانی فلم میں‌ استعمال نہیں‌کیا گیا.

کورونا کے بادل چھٹنے کے بعد اس سال پاکستانی فلمیں سینما گھروں کی زینت بنیں. عید الفطر پر چاراوردو فلمیں (پردے میں رہنے دو ، چکر ، دم مستم ، گھبرانا نہیں‌ ہے) اور ایک پنجابی (تیرے باجرئ دی راکھی) ریلیز ہوئی. ان پانچوں فلموں نے خاطر خواہ بزنس نہ کیا پرڈیوسرز نے بزنس نہ کرنے کی وجہ ہالی وڈ فلم ڈاکٹر سٹرینج کی ان کے ساتھ ریلیز بتائی. سرمد سلطان کھوسٹ کی فلم کملی بھی ریلیز ہوئی اس نے اچھا بزنس کیا. اس کے بعد عید الاضحی پر دو بڑی فلمیں ریلیز ہوئی جن میں لندن نہیں جائونگا اور قائداعظم زندہ بعد شامل تھیں ان کے ساتھ فلم لفنگے بھی ریلیز ہوئی لفنگے کا بزنس مایوس کن رہا. جبکہ ان فلموں کے ساتھ ہالی وڈ تھار بھی ریلیز ہوئی لیکن لندن نہیں جائونگا اور قائداعظم زندہ باد نے تھار کی موجودگی میں

اچھا بزنس کیا. اب سال ختم ہونے میں صرف چاہ ماہ باقی ہیں اور ان چار ماہ میں جو فلمیں‌ریلیز ہونے جا رہی ہیں ان کے نام کچھ یوں‌ہیں.انتظار ، دا لیجنڈ آف مولا جٹ ، نیلوفر ، شاٹ کٹ ، ڈوڈا ، کارما ، ضرار ، یارا وے ، ٹچ بٹن ، آسمان بولے گا. ان میں‌ سے زیادہ تر فلمیں بڑے بجٹ کی بڑی کاسٹ کے ساتھ ہیں امید کی جا رہی ہے کہ یہ سب فلمیں‌باکس آفس بہت اچھا بزنس کریں گی. مجموعی طور پر دیکھیں تو یہ سال فلموں کی ریلیز کے حوالے سے کافی حوصلہ فزاء رہا ہے.

مدیحہ شاہ کا شمار پاکستان کی ایسی اداکارائوں میں ہوتا ہے کہ جنہوں نے فلموں اور سٹیج ڈراموں میں‌کام کیا. مدیحہ شاہ نے نوے کی دہائی میں بڑے ہیروز کے ساتھ کام کیا.بعد ازاں انہوں نے سٹیج ڈراموں کا رخ کیا وہ الگ بات ہے کہ سٹیج ڈراموں پر ان کا ڈانس متنازعہ رہا ہے. مدیحہ شاہ نے حال ہی میں ایک انٹرویو دیا ہے اس میں انہوں نے کہا کہ میں نے شوبز سے بالکل بھی کنارہ کشی اختیار نہیں کی نہ ہی میں نے کبھی کوئی ایسا اعلان کیا ہے . مجھے جب بھی کوئی اچھی فلم یا ڈرامہ آفر ہوتا ہے تو میں کرلیتی ہوں. مزید بھی اگر اچھی فلمیں یا ڈرامے آفر ہوئے تو ضرور کروں گی. اداکار کا کام اداکاری کرنا ہے وہ اس

کو چھوڑ کر کہاں جا سکتا ہے. مدیحہ شاہ نے مزید یہ بھی کہا کہ ہمارے شوبز میں جو ماحول ہے وہ ایسا ہے کہ کوئی بھی ایک دوسرے کی برتری کو قبول کرنے کو تیار ہی نہیں ہوتا ایسا نہیں ہونا چاہیے جس کو عوام پسند کررہی ہو ہمیں بھی اسکو پسند کرنا چاہیے. اداکارہ نے مزید کہا کہ دوسروں کے لئے آسانیاں پیدا کریں تو آپ کے لئے اللہ تعالی آسانیاں کرتے ہیں.مدیحہ شاہ نے مزید یہ بھی کہا کہ انسان کا عمل اور اسکی زبان اسکے کردار کے بارے میں بتاتی ہے کہ کیسا ہے اس لئے کوشش کریں‌کہ جب بھی بولیں اچھا بولیں جو بھی کریں اچھا کریں.

ڈرامہ سیریل ”انار کلی” سے شہرت کی بلندیوں‌کو چھونے والی اداکارہ زیبا بختیار نے حال ہی میں ایک انٹرویو دیا ہے اس میں انہوں نے کہا ہے کہ زندگی گزارنے کی باقاعدہ منصوبہ بندی ہونی چاہیے. ہمارے ہاں اکثر لوگ بغیر منصوبہ بندی کے زندگی گزارتے ہیں.نہ ہی انہوں نے کوئی منزل طے کی ہوتی ہے جس معمول سے زندگی بسر ہو رہی ہوتی ہے وہ بھی اسی طرح اپنی زندگی کا سارا حصہ گزار دیتے ہیں لیکن جو لوگ شروع سے ہی اپنے مقصد کا تعین کر لیتے ہیں وہ ہمیشہ زندگی میں کامیابیاں سمیٹتے ہیں ۔زیبا بختار نے مزید کہا کہ ہمیں اللہ تعالی نے ایک بہت ہی خوبصورت ملک سے نوازا ہے ہمیں بہت

سارے وسائل سے مالا مال کر رکھا ہے ہمیں چایے کہ ہم اپنے وسائل سے فائدہ اٹھائیں اور ہماری حکومتیں بھی اس طرف توجہ دیں. ایک سوال کے جواب میں زیبا بختیار نے کہاکہ اچھا کردار ملا تو ضرور کروں گی.
یاد رہے کہ اداکارہ زیبا بختار نے سید نور کی فلم سرگم سے بہت شہرت حاصل کی تھی اس میں ان کے ساتھ ان کے شوہر عدنان سمیع خان تھے بعد ازاں دونوں میں طلاق کی صورت میں علیحدگی ہو گئی تھی.ان دونوں‌کا ایک بیٹا ہے جس کا نام اذان ہے اذان نے امین اقبال کی ڈائریکشن میں بننے والے ڈرامہ سیریل عشق لاء میں سجل علی اور یمنہ زیدی کے ساتھ کام کرکے شوبز انڈسٹری میں حال ہی میں قدم رکھا ہے.

ماضی کے نامور اداکار غلام محی الدین ایک عرصہ سے چھوٹی اور بڑی سکرین سے غائب ہیں ان سے جب حال ہی میں سوال کیا گیا کہ ایسا کیوں ہے کیا کسی سے کوئی ناراضگی ہے تو انہوں نے کہا کہ ایسا کچھ بھی نہیں ہے میں کسی سے ناراض نہیں ہوں بس اچھے اور پاور فل کردار کرنے کو ترجیح دیتا ہوں جب ایسا کردار آفر ہو گا تو نظر آﺅں گا اور میں شکر گزار ہوں اپنے پرستاروں کا جو مجھ سے آج تک محبت کرتے ہیںمیں ہلکے کردار کرکے ان کو مایوس نہیں کرنا چاہتا ۔مجھے بہت عرصے کے بعد رہبرا فلم میں ایک پاور فل کردار ملا تو میں نے حامی بھر لی ۔غلام محی الدین نے کہا کہ پاکستانی فلموں کو شوز نہ ملنا بہت ہی زیادتی ہے حکومت کو چاہیے کہ وہ فلم انڈسٹر ی کی

بہتر ی کے لئے اقدامات کرے۔اب جب فلمیں بن ہی رہی ہیں تو ان کو پراپر شوز ملنے چاہیں ۔غلام محی الدین نے کہا کہ مجھے گزرا ہوا وقت بہت یاد آتا ہے کہ کیا دن تھے فلمیں بنتی تھیں تو لوگ دیوانہ وار سینما گھروں کا رخ کرتے تھے ہر آرٹسٹ مصروف تھا کسی کو کسی کے ساتھ جیلسی نہیں ہوتی تھی وہ وقت تو یقینا واپس نہیں آسکتا لیکن یادیں دل میں آج تک بسی ہوئی ہیں ۔انہوں نے ماضی کے جھروکوں میں جھانکتے ہوئے کہا کہ میں صبح سویرے گھر سے نکل جاتا تھا اور رات تک چھ چھ فلموں کی شوٹنگ کیا کرتا تھا۔