Tag: فلورونا

اسلام آباد:بیرون ملک سے آنے والوں کیلئے سنٹرل قرنطینہ پالیسی منسوخ:توپھرہوگا کیا؟اس کے متعلق بھی تفصیلات آگئیں ،اطلاعات کے مطابق بیرون ملک سے آنے والوں کیلئے سنٹرل قرنطینہ پالیسی منسوخ کردی گئی ہے۔

بیرون ملک سے پاکستان پہنچنے والے کرونا پازیٹو افراد کیلئے نئی ہدایات تیار کرلی گئی ہیں جس کے مطابق چاروں صوبوں، پاکستان سول ایوی ایشن اتھارٹی کو کہا گیا ہے کہ بیرون ملک سے پہنچنے والے کورونا پازیٹو مسافر گھر پر قرنطینہ کریں گے ۔

ہدایات کے مطابق بیرون ملک سے آئے کورونا پازیٹو مسافر گھر پر 10 روز قرنطینہ کریں گے جبکہ سرکاری قرنطینہ سنٹرز میں موجود مسافروں کو گھر منتقل کیا جائے گا ۔

اُدھر پاکستان میں بڑھتے ہوئے کورونا کیسز کے پیش نظر وفاقی وزارت تعلیم نے صوبائی وزرائے تعلیم کا اجلاس طلب کرلیا ہے۔ اجلاس میں سکولوں کی بندش کا جائزہ لیا جائے گا۔

وفاقی وزارت تعلیم کے نوٹی فیکیشن کے مطابق صوبائی وزرائے تعلیم کے ساتھ کانفرنس 11 بجے ہوگی، جس میں کورونا وائرس کے پیش نظر سکولوں کی ممکنہ بندش سے متعلق صورت حال کا جائزہ لیا جائے گا۔

اجلاس میں وفاقی وزیر تعلیم شفقت محمود کو مختلف امور پر بریفنگ دی جائے گی۔ اس کے علاوہ تعلیمی اداروں میں حفاظتی اقدامات کا جائزہ بھی لیا جائے گا۔

خیال رہے کہ ایک ہفتہ قبل وفاقی وزیر منصوبہ بندی اسد عمر نے کہا تھا کہ کورونا وائرس کا اومی کرون ویریئنٹ پاکستان میں تیزی سے پھیلنا شروع ہو گیا ہے، مثبت کیسز کی شرح 1.8 فیصد ہو گئی ہے۔ اومی کرون کے حوالے سے اس غلط فہمی میں نہ رہیں کہ یہ زیادہ مہلک نہیں ہے۔

انہوں نے پاکستانی عوام پر زور دیا تھا کہ اگر کسی وجہ سے ویکسین نہیں لگوائی تو فوری طور پر لگوائیں۔ پاکستان میں بھی شواہد ملے ہیں کہ 12، 14 اور 15 سال کے بچوں میں بھی اومی کرون پایا گیا ہے۔

دوسری جانب ملک میں کورونا تیزی سے بڑھنے لگا، مہلک وائرس کی شرح پانچ ماہ بعد 4.7 فیصد ریکارڈ کی گئی۔ کورونا وائرس سے 13 افراد جاں بحق ہوگئے، جس کے بعد اموات کی تعداد 28 ہزار 987 ہوگئی۔ پاکستان میں کورونا کے تصدیق شدہ کیسز کی تعداد 13 لاکھ 9 ہزار 248 ہوگئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران دو ہزار 74 نئے کیسز رپورٹ ہوئے، پنجاب میں 4 لاکھ 48 ہزار 924، سندھ میں 4 لاکھ 90 ہزار 10، خیبر پختونخوا میں ایک لاکھ 81 ہزار 842، بلوچستان میں 33 ہزار 664، گلگت بلتستان میں 10 ہزار 433، اسلام آباد میں ایک لاکھ 9 ہزار 660 جبکہ آزاد کشمیر میں 34 ہزار 715 کیسز رپورٹ ہوئے۔

ملک بھر میں اب تک 2 کروڑ 39 لاکھ 35 ہزار 232 افراد کے ٹیسٹ کئے گئے، گذشتہ 24 گھنٹوں کے دوران 44 ہزار 120 نئے ٹیسٹ کئے گئے، اب تک 12 لاکھ 59 ہزار 699 مریض صحتیاب ہوچکے ہیں جبکہ 628 مریضوں کی حالت تشویشناک ہے۔

پاکستان میں کورونا سے ایک دن میں 13 افراد جاں بحق ہوئے، جس کے بعد وائرس سے مرنے والوں کی تعداد 28 ہزار 974 ہوگئی۔ پنجاب میں 13 ہزار 83، سندھ میں 7 ہزار 691، خیبرپختونخوا میں 5 ہزار 945، اسلام آباد میں 967، بلوچستان میں 367، گلگت بلتستان میں 186 اور آزاد کشمیر میں 748 مریض جان سے ہاتھ دھو بیٹھے۔

واشنگٹن :کورونا،ڈیلٹا،اومی کرون،فلورونا کے بعد ڈیلٹا کرون:نیاوائرس کتنا خطرناک ہے ماہرین نے ڈرا دیا ،اطلاعات کے مطابق سائنسدانوں نے عالمی وبا کورونا کی نئی قسم دریافت کرلی اور اسے ’ڈیلٹا کرون‘ کا نام دیا گیا ہے۔

کورونا وائرس کے حوالے سے آئے روز نت نئے انکشافات سامنے آتے رہتے ہیں اور دنیا بھر سے اب تک اس کی درجنوں نئی اقسام سامنے آچکی ہیں اور کچھ پر اب بھی بحث جاری ہے جو بہت تیزی سے دنیا بھر میں پنجے گاڑ رہے ہیں۔

ڈیلٹا وائرس کے بعد کورونا وائرس کا نیا ویرینٹ اومیکرون دنیا بھر میں بہت تیزی سے پھیل رہا ہے اور اب ایسا دکھائی دے رہا ہے کہ ان دونوں وائرس نے ملکر ایک نئے وائرس کو جنم دیا ہے جسے ماہرین نے ’ڈیلٹا کرون‘ کا نام دیا ہے۔

رپورٹس کے مطابق جزیرہ قبرص میں کورونا وائرس کا نیا ویرینٹ سامنے آیا ہے جو ڈیلٹا اور اومیکرون کا مجموعہ ہے کیوں کہ اس کا جینیاتی پس منظر ڈیلٹا وائرس سے ملتا جلتا ہے اور اس میں کچھ نمونے اومیکرون وائرس کے بھی پائے جاتے ہیں۔

رپورٹس کے مطابق قبرص میں 25 لوگوں کے نمونے لیے گئے جن میں سے 11 ان لوگوں سے لیے گئے جو کورونا وائرس کے باعث اسپتالوں میں زیر علاج ہیں اور 14 عام عوام سے لیے گئے اور ان تمام میں 10 نمونوں میں اومیکرون کی اقسام پائی گئی۔

دوسری جانب قبرص یونیورسٹی کے پروفیسر لیونڈیوس کوسٹریکس نے کہا کہ یہ کہنا قبل از وقت ہوگا کہ ’ڈیلٹا کرون‘ کتنا نقصان دہ ہوسکتا ہے۔انہوں نے کہا کہ ہم مستقبل میں دیکھیں گے کہ آیا یہ نیا ویرینٹ ڈیلٹا وائرس اور اومیکرون پر غالب آئے گا یا نہیں ، لیکن میرا ذاتی خیال ہے کہ ایسا نہیں ہوگا اور اومیکرون کے بڑی مقدار میں پھیلاؤ کے باعث یہ گم ہوجائے گا۔

قبرص کے وزیر صحت نے کورونا کے نئے ویرینٹ سے متعلق بیان دیتے ہوئے کہا کہ ’ڈیلٹا کورون‘ سے گبھرانے کی ضرورت نہیں اور انہوں نے کورونا کے نئے ویرینٹ کی دریافت پر سائسندانوں کو سراہتے ہوئے کہا کہ اس تحقیق کی وجہ سے ہمارے ملک کی عزت میں اضافہ ہوگا۔

خیال رہے کچھ ہفتے قبل فرانس میں بھی اومیکرون کے نئے ویرینٹ کی تشخیص ہوئی تھی جسے ’آئی ایچ یو‘ کا نام دیا گیا تھا اور ابتدائی طور پر 12 لوگوں میں اس ویرینٹ کی موجودگی کا انکشاف ہوا تھا۔تاہم عالمی ادارہ صحت کا کہنا ہے کہ آئی ایچ یو کی شکل پہلی بار شناخت ہونے کے بعد سے زیادہ خطرہ نہیں بنی ہے۔

اس کے علاوہ اسرائیل میں بھی وائرس نے نئی شکل اختیار کی تھی جسے ’فلورونا‘ کا نام دیا گیا تھا۔ دراصل اسرائیل میں کورونا وائرس اور فلو انفیکشن کا کیس سامنے آنے پر یہ نام تجویز کیا گیا۔

ماہرین نے ’فلورونا‘ کیسز میں اضافے کا امکان بھی ظاہر کیا تھا تاہم اس بات پر سب متفق ہیں کہ یہ تمام اقسام زیادہ خطرناک نہیں اور نہ ہی اومیکرون کی طرح تیزی سے پھیل سکتی ہیں۔

واضح رہے اومیکرون کے دنیا بھر میں تیزی سے پھیلاؤ تمام ریاستوں کو ایک بار پھر لاک ڈاؤن کے نفاذ پر مجبور کررہی ہیں تاہم بھارت سمیت چند ممالک نے فی الحال اپنے شہریوں پر کرفیو اور دیگر پابندیاں عائد کی ہیں جس میں آئے روز سختی کی جارہی ہے۔

لاہور:صوبائی وزیر صحت ڈاکٹریاسمین راشد کورونا کا شکار،اطلاعات کے مطابق مہلک کورونا وائرس کے وار جاری ہیں، صوبائی وزیر صحت ڈاکٹریاسمین راشد کوکوروناہوگیا۔

تفصیلات کےمطابق شہر میں کورونااور ڈینگی کا مل کروار جاری ہے،کورونا کے کیسز میں اچانک اضافے نے پانچویں لہر کے خدشات بڑھا دیئے،صوبائی وزیر صحت ڈاکٹریاسمین راشد کوکوروناہوگیا۔ڈاکٹریاسمین راشدکاکوروناٹیسٹ مثبت آیاہے،ڈاکٹر یاسمین راشد نے آج ہی اجلاس کی صدارت بھی کی،

ادھر اس حوالے سے مزید معلوم ہوا ہے کہ ڈاکٹر یاسمین راشد نے اجلاس کے دوران ماسک اتار رکھا تھا،اجلاس میں چیف سیکرٹری اورڈی سی بھی بغیر ماسک پہنے موجود تھے،صوبائی وزیرصحت نےاپنےگھرمیں قرنطینہ کرلیا۔

ڈاکٹر یاسمین راشد کا کہنا ہے کہ بیٹے کا امریکا پہنچنے پر کورونا ٹیسٹ مثبت آیا تو اپنا بھی ٹیسٹ کرایا جو مثبت آیا۔ اجلاس میں شریک تمام افراد کو بھی کورونا ٹیسٹ کرانے کا کہا گیا ہے۔

کورونا کی وجہ سے گزشتہ24 گھنٹوں کے دوران مزید 161 نئے کیسز رپورٹ ہوگئے اور مثبت کیسز کی شرح بھی2 فیصد تک جاپہنچی ،جبکہ ڈینگی فیور میں مبتلا ایک مریض دم توڑگیا،شہر میں ڈینگی کے19 مریض مختلف ہسپتالوں میں زیر علاج ہیں۔

یاد رہے کہ چند دن پہلے صوبائی وزیر میاں اسلم اقبال دوسری بار کورونا وائرس کا شکار ہوئے، صوبائی وزیر نے تمام سیاسی سرگرمیاں معطل کر کے خود کو گھر پر قرنطینہ کرتے ہوئے صحت یابی کی درخواست کی تھی ۔

دوسری طرف مسلم لیگ ن کے رکن صوبائی اسمبلی میاں مجتبی شجاع الرحمان بھی کورونا وائرس کا شکار ہوگئے تھے ۔ مجتبی شجاع الرحمان نے بھی خود کو اپنے گھر میں قرنطینہ کر لیا ہے۔

اسلام آباد:کورونا وائرس ایک بارپھرزورپکڑنے لگا مزید 8 جانیں نگل گیا ،اطلاعات کے مطابق کورونا وائرس مزید 8 جانیں نگل گیا،گذشتہ 24 گھنٹے کے دوران ملک بھر میں مزید 594 افراد وبا کا شکار ہوئے ہیں۔

کورونا کے حملے جاری، ملک بھرمیں کوروناکےایکٹوکیسزکی تعداد 10 ہزار 184 ہو گئی، مریضوں کی مجموعی تعداد 12 لاکھ 96 ہزار 527 ہے۔ 24 گھنٹےمیں کورونا کے مزید 594 کیس رپورٹ ہوئے ہیں،

کورونا سے متاثر 637 مریضوں کی حالت تشویشناک جبکہ جاں بحق افراد کی تعداد 28 ہزار 941 تک پہنچ گئی ہے۔ 24 گھنٹے میں کورونا کے 207 مریض صحت یاب ہوئے جس کے بعد مجموعی تعداد 12 لاکھ 57 ہزار 24 ہو گئی ہے۔

این سی اوسی کے مطابق ملک بھر میں 24 گھنٹے کے دوران 45 ہزار 585 کوروناٹیسٹ کیے گئے، تاحال 2 کروڑ 34 لاکھ 69 ہزار 131 کورونا ٹیسٹ کیے جا چکے ہیں۔

ادھراطلاعات کے مطابق کورونا کی مزید شکلیں سامنے آرہی ہیں اور جو ماہرین نے خدشات ظاہر کیے تھے کہ سات سال تک کورونا مختلف انداز میں حملہ آور ہوتا رہے ان دعووں کی تصدیق میں قوت پیدا ہوتی جارہی ہے ، ادھر اسرائیل میں کورونا وائرس نے نئی شکل اختیار کرلی، پہلا کیس رپورٹ

ابھی دنیا بھر میں کورونا کے نئے ویریئنٹ اومیکرون کے تابڑ توڑ حملے جاری ہیں کہ اسرائیل میں کورونا نے ایک نئی شکل اختیار کرلی۔اسرائیل میں کورونا وائرس اور فلو انفیکشن کا پہلا مشترکہ کیس سامنے آیا ہے جسے ’’فلورونا‘‘ کا نام دیا گیا ہے۔

سعودی اخبار عرب نیوز کے مطابق اسرائیلی طبی حکام نے پہلے فلورونا کیس کی تصدیق بھی کی ہے۔مذکورہ فلورونا وائرس ایک خاتون میں پایا گیا ہے جس نے حال ہی میں وسطی اسرائیل کے شہر پیتاہ تکوا کے ایک اسپتال میں بچے کو جنم دیا تھا۔

نوجوان خاتون کو کورونا ویکسین نہیں لگائی گئی تھی۔ خاتون کی میڈیکل رپورٹس میں فلو اور کورونا وائرس دونوں کے پیتھو جینز کی مشترکہ موجودگی کا پتا چلا ہے۔

اسرائیل میں سامنے آنے والے کورونا وائرس اور فلو انفیکشن کے امتزاج کو ’’فلورونا‘‘ کا نام دیا گیا ہے جبکہ ڈیلٹا اور اومیکرون کے امتزاج کو ’’ڈیلمیکرون‘‘ کہا جا رہا ہے۔