تحریک انصاف کے رہنما شیر افضل مروت نے کہا ہے کہ فواد چوہدری کو مشورہ دوں گا کہ آج کل وہ فارغ ہیں تو چاہت فتح علی خان کے ساتھ بیٹھ کر طبلہ بجانا سیکھ لیں،

پارلیمنٹ ہاؤس کے باہر میڈیا سے بات کرتے ہوئے شیر افضل مروت نے پی ٹی آئی کے سابق رہنما فواد چوہدری پر کڑی تنقید کی اور آڑے ہاتھوں لیا ہے، فواد چوہدری پی ٹی آئی کی ہمدردیاں حاصل کرنے کی کوشش کر رہے ہیں، ایسے میں شیر افضل مروت نے فواد چوہدری کو کھری کھری سنائیں،اور کہا کہ فواد چودھری نے پی ٹی آئی کا مذاق اڑایا ہے، ان کے واپس آنے کے حق میں نہیں ہوں۔

پیارے ڈبو، آپ کے ڈی این اے اور خصلتوں کے مطابق ایک پیشہ اور کردار تجویز کیا ،شیر افضل مروت
بعد ازاں سماجی رابطے کی ویب سائٹ ایکس پر پوسٹ کرتے ہوئے شیر افضل مروت کا کہنا تھا کہ پیارے ڈبو:
میں نے آپ کے ڈی این اے اور خصلتوں کے مطابق ایک پیشہ اور کردار تجویز کیا تھا، لیکن آپ کا ردعمل گھر میں آپ کی اور آپ کے والدین کی تربیت کے بارے میں بہت کچھ بتاتا ہے۔ میں اپنے کل کے ٹاک شوز میں آپ کی شرافت پر مزید روشنی ڈالوں گا۔

پیارے ڈبو:
میں نے آپ کے ڈی این اے اور خصلتوں کے مطابق ایک پیشہ اور کردار تجویز کیا تھا، لیکن آپ کا ردعمل گھر میں آپ کی اور آپ کے والدین کی تربیت کے بارے میں بہت کچھ بتاتا ہے۔ میں اپنے کل کے ٹاک شوز میں آپ کی شرافت پر مزید روشنی ڈالوں گا۔

— Sher Afzal Khan Marwat (@sherafzalmarwat) October 28, 2024

فواد چوہدری نے پارٹی میں دوبارہ شمولیت کی کوششیں شروع کر دی ہیں تا ہم اس کا حتمی فیصلہ عمران خان نے کرنا ہے، فواد چوہدری مشکل وقت میں پی ٹی آئی کو چھوڑ چکے تھے، فواد چوہدری پر پی ٹی آئی کارکنا ن نے بھی کڑی تنقید کی تھی اور کہا تھا کہ ایسے”لوٹے” کو پارٹی میں نہیں واپس لینا چاہئے،سیاسی تجزیہ کاروں کا کہنا ہے کہ فواد چوہدری کی واپسی کے امکانات اس وقت تک کم ہیں جب تک پارٹی کی موجودہ قیادت ان کے کردار پر غور نہ کرے۔ سیاسی منظرنامہ تیزی سے بدل رہا ہے،قوی امکان ہے کہ فواد چوہدری کی پی ٹی آئی میں واپسی نہیں ہو سکے گی

غیر ملکی کوچز لگانے کافائدہ کیا ہے؟سابق ٹیسٹ کرکٹر عبدالرؤف کی باغی ٹی وی سے گفتگو

فخر زمان کو بابر کے حق میں بولنا پڑا مہنگا،بابر اعظم فخر کونکالے جانے پر خاموش کیوں؟

نئے کھلاڑیوں کو موقع دینے سے نتیجہ جیت کی صورت میں آیا۔محسن نقوی

جیت کا سارا کریڈٹ پاکستانی عوام کو ملنا چاہیے۔شان مسعود

اسلام آباد: پی ٹی آئی کے سابق رہنما فواد چوہدری نے پی ٹی آئی رہنما روؤف حسن کو سوشل میڈیا پر کھری کھری سنا دیں-

باغی ٹی وی : پی ٹی آئی چئیرمین بیرسٹر گوہر نے سوشل میڈیا ویب سائٹ ایکس پر کہا کہ آج بانی پی ٹی آئی کیلئے اسلام آباد ہائیکورٹ میں درخواست جمع کروائی گئی، یہ درخواست ہماری لیگل ٹیم کی مشاورت کے بغیر جمع کروائی گئی درخواست ایک پرانے پاور آف اٹارنی کو استعمال کرتے ہوئے جمع کروائی گئی، بانی پی ٹی آئی کی صحت اور سہولیات کیلئے پیر کے روز درخواست دائر ہوگی اور کیس میں پی ٹی آئی لیگل ٹیم کی مشاورت سے ہمارے اپنے وکلا پیش ہوں گے۔

روؤف حسن نے بیرسٹر گوہر کی ٹوئٹ پر ردعمل میں لکھا کہ فیصل چوہدری کا میدان میں آنا پی ٹی آئی میں اختلافات پیدا کرنے کی مذموم کوشش ہے۔ اسی طرح کی سابقہ ​​کوششوں میں ناکام ہونے کے بعد، ٹاؤٹ برادران کو ایجنڈے کو آگے بڑھانے کے لیے چھوڑ دیا گیا ہے،اس کوشش کو دیکھتے ہوئے، پی ٹی آئی کی قانونی ٹیم سے نکالنے کا فیصلہ کیا ہے فیصل چوہدری کا اس سے کوئی تعلق نہیں، عمران خان کے مقدمات کو خصوصی طور پر پارٹی کی طرف سے نامزد کردہ وکلاء ہینڈل کریں گے۔

ایران اسرائیل کشیدگی:پاکستان نے فضائی ٹریفک کی مانیٹرنگ شروع کردی

روؤف حسن کے اس بیان پر فواد چوہدری نے شدید ردعمل دیتے ہوئے کہا کہ فیصل نے پی ٹی آئی کے کارکنوں پر 500 سے زائد کیسز مفت لڑے دوسری طرف فواد حسن فواد کا گھٹیا بھائی ساڑھے 7 لاکھ روپے تنخواہ لے رہا ہے اور پی ٹی آئی کے تمام ایس ایم ٹی اور میڈیا ورکرز کے بارے میں ایجنسیوں کو تفصیلات فراہم کیں جس کے نتیجے میں سیکڑوں افراد گرفتار ہوئے،فواد چوہدری نے گالی کا استعمال کرتے ہوئے کہا کہ آپ کسی کے وفادار نہیں ہیں۔

بعد ازاں نجی ٹی وی کے روگرام میں فواد چوہدری نے گفتگو میں کہا کہ جب پارٹی عمران خان کے لیے نہیں کھڑی ہوگی تو کس کے لیے ہوگی فیصل چودری عمران خان کے وکیل ہیں اور اسی بات پر لڑائی ہوئی کہ ترمیم ترمیم کھیلتے رہے اپ عمران خان صاحب کے جیل میں حالات پر کیوں نہیں کھڑے ہوتے ،سلمان اکرم راجہ نواز شریف کے پانامہ میں وکیل تھے اور جالی ایویڈنس کرییٹ کیا یہ لوگ اصلی تحریک انصاف نہیں یہ fill in the blanks ہیں ! اصل تحریک انصاف یا جیلوں میں ، یا جن سے زبردستی پریس کانفرنس کرائی ! تنقید تو ہوگی –

پی ٹی آئی کا عمران خان کو جیل میں سہولیات کی فراہمی کیلئے دائر درخواست سے لاتعلقی کا اظہار

دوسری جانب فیصل چوہدری نے ایک پروگرام میں انکشاف کیا کہ مجھے عمران خان نے درخواست دائر کرنے کی ہدایات دیں اور آج بیرسٹر گوہر نے بھی درخواست دائر کرنے کا کہا، میں نے درخواست دن کے 3 بجے دائر کی ہے تو وہ اب کس دباؤ میں آ کر ٹوئیٹ کر رہے ہیں، پی ٹی آئی کی لیگل ٹیم خود کچھ کرتی نہیں اور نہ کسی کو کچھ کرنے دیتی ہے-

واضح رہے کہ فواد چوہدری کے بھائی فیصل چوہدری نے بانی پی ٹی آئی عمران خان کو اڈیالہ جیل میں سہولیات کی فراہمی کیلئے اسلام آباد ہائیکورٹ میں دائر درخواست دائر کی تھی،فیصل چوہدری کی جانب سے دائر درخواست میں کہا گیا ہے کہ بانی پی ٹی آئی کو بنیادی سہولتوں سے محروم کرنا جیل مینوئل کی خلاف ورزی ہے، بانی پی ٹی آئی کو مستقل ایک چھوٹے سیل میں رکھا جا رہا ہے اور انہیں ورزش کی سہولت میسر نہیں، بانی پی ٹی آئی سے ٹیلی ویژن اور اخبار کی سہولت بھی واپس لے لی گئی ہے، درخواست میں استدعا کی گئی ہے کہ عدالت بانی پی ٹی آئی کے انسانی حقوق کی نگہبان ہے لہٰذا بانی پی ٹی آئی کے بنیادی حقوق فوری طور پر بحال کیے جائیں۔

بھارتی مسافر طیاروں کو بم سے اڑانے کی دھمکیاں دینے والا شخص گرفتار

اسلام آباد: سابق وفاقی وزیر فواد چوہدری کی اہلیہ حبا فواد نے کہا ہے کہ بھی تک فواد کا ہم سے رابطہ نہیں ہوا –

باغی ٹی وی: حبا فواد کا کہنا ہے کہ فواد کو ابھی تک کسی بھی عدالت میں پیش نہیں کیا گیا اور نہ کوئی مقدمہ یا ایف آئی آر منظر عام پر آئی ہے ، میں مسلسل اسلام آباد پولیس کے اعلیٰ حکام سے رابطہ کر رہی ہوں لیکن مجھے فواد کے بارے میں نہیں بتایا گیا کہ انہیں کہاں رکھا ہے؟ ۔

دریں اثناء فواد چوہدری کے بھائی فیصل چوہدری ایڈووکیٹ نے کہا کہ پولیس نے فواد چوہدری کو کہاں رکھا ہوا ہے؟ ابھی کچھ پتہ نہیں چل سکا، پولیس بھی فواد چوہدری سے متعلق کچھ نہیں بتا رہی میں تھانہ آبپارہ اور کوہسار گیا لیکن فواد چودھری وہاں موجود نہیں، فواد چودھری اس وقت تمام مقدمات میں ضمانت پر ہیں، فواد چودھری کے خلاف کوئی کیس ہے تو عدالت کے سامنے پیش کیا جائے۔

فواد چودھری بھی گرفتار

فیصل چودھری نے کہا کہ فواد چودھری سپریم کورٹ کے وکیل ہیں، ان کے ساتھ جو بھی سلوک کرنا ہے، قانون کے مطابق کیا جائے۔ فواد چودھری سے خاندان اور وکلا کو ملاقات کی اجازت دی جائے۔

واضح رہے کہ فواد چودھری پر نو مئی واقعات سمیت کئی مقدمات درج ہیں، فواد چودھری پر توہین الیکشن کمیشن کا کیس بھی چل رہا ہے،فواد چودھری تحریک انصاف چھوڑ کر استحکام پاکستان پارٹی میں شامل ہو چکے ہیںَ،فواد چودھری کو رواں برس دس مئی کو بھی گرفتار کیا تھا، بعد ازاں انہیں رہا کر دیا گیا تھا-

ملک بھر کی جیلوں سے 496 غیر ملکی قیدی ڈی پورٹ

اسلام آباد ہائیکورٹ نے فواد چوہدری کےناقابلِ ضمانت وارنٹ گرفتاری معطل کرتے ہوئے 20 جولائی کو الیکشن کمیشن کے سامنے پیش ہونے کا حکم دے دیا۔

باغی ٹی وی : اسلام آباد ہائیکورٹ کےجسٹس طارق محمود جہانگیری نے فواد چوہدری ناقابل ضمانت وارنٹ گرفتاری کیخلاف درخواست پر سماعت کی وکیل فیصل چوہدری نے عدالت کو بتایا کہ الیکشن کمیشن میں توہین کمیشن کی کارروائی جاری ہے، ناقابل ضمانت وارنٹ گرفتاری ختم کیے جائیں۔

عدالت نے کہا کہ چیف جسٹس نے فیصلہ دیا کہ توہین کمیشن کی کارروائی جاری رہے گی، چیف جسٹس نے کمیشن کو حتمی فیصلہ جاری کرنے سے روکا ہےآپ کونوٹس جاری ہوئے ہیں، کیا وجہ ہے کہ آپ وہاں ذاتی حیثیت میں پیش نہیں ہو رہے، آپ نے توہائیکورٹ آرڈرکی بھی خلاف ورزی کی ہے۔

طارق فضل چوہدری کے بیٹے کی گاڑی کو حادثہ،ابتدائی تحقیقاتی رپورٹ پیش

جج کے ریمارکس پر فواد چوہدری کے وکیل فیصل چوہدری بولے کہ ہم اُسی دن اسلام آباد ہائیکورٹ کے سامنے پیش ہوئے تھےعدالت نے کہا کہ الیکشن کمیشن کونسا کراچی میں ہے، ہائیکورٹ سے وہاں چلے جاتے، آپ نے کمیشن میں پیش نہ ہو کر ہائیکورٹ آرڈر کی خلاف ورزی کی ہے آپ کے وارنٹ گرفتاری معطل کررہے ہیں کمیشن کےسامنے پیش ہوں، کمیشن کے سامنے پیش نہ ہوئے تو توہین عدالت کی کارروائی ہوگی۔

عدالت نے فواد چوہدری کو20 جولائی کو الیکشن کمیشن کےسامنے پیش ہونے کا حکم دیا۔

انتہا پسند ہندو گروہ کی سیما حیدر رند کو ملک بدر نہ کرنے تک احتجاج …

اسلام آباد: توہین الیکشن کمیشن کیس میں فواد چوہدری کے ناقابل ضمانت وارنٹ گرفتاری جاری کردیئے گئے۔

سابق وفاقی وزیر اطلاعات فواد چوہدری کے خلاف توہین الیکشن کمیشن کیس کی سماعت ہوئی، سماعت چیف الیکشن کمشنر کی سربراہی میں پانچ رکنی کمیشن نےکی جس میں الیکشن کمیشن نے فواد چوہدری کے ناقابل ضمانت وارنٹ گرفتاری جاری کردیئے دوران سماعت فواد چوہدری کے معاون وکیل الیکشن کمیشن میں پیش ہوئے اور کیس ملتوی کرنے کی درخواست کی۔

اسلام آباد پولیس کے اہلکار کا کہنا تھا کہ میں فواد چوہدری کے وارنٹ کی تعمیل کے لیے ان کی رہائش گاہ گیا تھا جہاں ان کے بھائی فیصل چوہدری ملے، انہوں نے کہا کہ ان کے بھائی کےخلاف سیاسی مقدمات ہیں وہ ہمیں بھی نہیں ملے۔

عمران خان 9 مئی کے واقعات میں بھی ملزم نامزد

ممبر الیکشن کمیشن نے استفسار کیا کہ کیا فواد چوہدری آئے ہیں؟وہ نہ خود آئے اور نہ ہی انہوں نے حاضری سے استثنیٰ کی درخواست دی ہے جس پر فواد چوہدری کے معاون وکیل نےکیس ملتوی کرنے درخواست کی کہا ہائی کورٹ میں آج وکیلِ الیکشن کمیشن نے دلائل دینے ہیں۔ کیس ملتوی کردیں کیوں کہ ہائی کورٹ ایک دو دن میں فیصلہ کردے گی۔

آئی سی سی کی سالانہ میٹنگز میں شرکت کیلئےذکا اشرف کل جنوبی افریقا جائیں گے

الیکشن کمیشن نے فواد چوہدری کےمعاون وکیل کی استدعا مسترد کردی اور فواد چوہدری کے ناقابل ضمانت وارنٹ گرفتاری جاری کرتے الیکشن کمیشن نے فواد چوہدری کے خلاف توہین کمیشن کیس کی سماعت 20 جولائی تک ملتوی کردی،دوسری جانب فواد چوہدری کی الیکشن کمیشن کے شوکاز نوٹس کیخلاف درخواست پر اسلام آباد ہائیکورٹ نے فیصلہ محفوظ کرلیا۔

پرویز الہٰی کی مقدمات اور انکوائریوں کی تفصیلات کی درخواست پر فریقین کو نوٹسز جاری

پی ٹی آئی کے سابق جنرل سیکرٹری اسد عمر نے کہا ہے کہ جو فواد چوہدری کررہے ہیں میں اس کا حصہ نہیں ہوں-

باغی ٹی وی: تحریک انصاف کے سابق جنرل سیکرٹری اسد عمر گلبرگ میں عسکری ٹاور پر حملہ اورجلاؤ گھیراؤ سے متعلق کیس میں لاہور کی انسداد دہشتگردی کی عدالت میں پیش ہوئے لاہور کی انسداد دہشتگردی عدالت کے جج اعجاز احمد بٹر نے درخواست ضمانت پر سماعت کی-

میرا تمغہ امتیاز ایک ڈرامہ سیریل کرنیوالی مہوش حیات کو دے دیا گیا،حسیب پاشا

https://twitter.com/waqas_amjaad/status/1664203692092817408?s=20
انسداد دہشتگردی عدالت نے اسد عمر کی عبوری ضمانت13جون تک منظورکرلی اور انہیں ایک لاکھ روپے کے ضمانتی مچلکے جمع کرانے کا حکم دیا۔عدالت نے اسد عمر کو مقدمے میں شامل تفتیش ہونے کا حکم دے دیا۔

فواد چوہدری جو کر رہے ہیں میں اس کا حصہ نہیں ہوں، اسد عمر کی صحافیوں سے گفتگو#AsadUmar #asadqaiser #imranKhanPTI #ZamanPark #PTI #Fawad #FawadChaudhry #fawadchudary #pakistan #Karachi #Lahore #Islamabad pic.twitter.com/FPyzZF78ym

— Raftar (@raftardotcom) June 1, 2023

عدالت کے باہر میڈیا سے غیر رسمی گفتگو میں اسد عمر نے کہا کہ فوادچوہدری ایکٹو ہیں تو وہی بتائیں گے کہ کیاکررہے ہیں اور جو فواد چوہدری کررہے ہیں، میں اس میں ایکٹو نہیں۔

واضح رہے کہ میڈیا رپورٹس کے مطابق اڈیالہ جیل میں فواد چوہدری گروپ نے بدھ کو شاہ محمود قریشی سے ملاقات کی تھی جس پر پی ٹی آئی کے کئی لوگوں کو حیرانی ہوئی کیونکہ ایک ہفتہ قبل ہی انہوں نے پی ٹی آئی کے دیگر دو رہنماؤں عمران اسماعیل اور محمود مولوی کے ساتھ پارٹی چھوڑ کر سیاست سے کنارہ کشی اختیار کرنے کا اعلان کیا تھا۔

رویت ہلال کی تشکیل نو کا بل منظور، جھوٹی شہادت دینے پر 3 سال قید …

شاہ محمود قریشی سے ملاقات کے بعد ایک پریس کانفرنس کرتے ہوئے فواد چوہدری نے کہا کہ 250 ملین پاکستانی عوام کو پی ڈی ایم کا حصہ سمجھی جانے والی سیاسی جماعتوں کے رحم و کرم پر نہیں چھوڑا جا سکتا موجودہ حکومت کو موثر اپوزیشن کی غیر موجودگی میں کھیلنے کیلئے کھلا میدان نہیں دے سکتے۔

فواد چوہدری کا کہنا تھا کہ قریشی سے ملاقات کے علاوہ انہوں نے پرویز خٹک، اسد عمر، اسد قیصر، فرخ حبیب، علی زیدی، حماد اظہر اور دیگر سے بھی بات کی ہے،انہوں نے یہ بیان ایسے موقع پر دیا ہے جب ملک میں ایک نئی سیاسی پارٹی کے قیام کی افواہیں گرم ہیں، جس میں پی ٹی آئی چھوڑ کر جانے والے افراد شامل ہو سکتے ہیں۔

فیڈرل شریعت کورٹ کے نئے چیف جسٹس اقبال حمید الرحمان نے عہدے کا حلف اٹھا …

پاکستان تحریک انصاف (پی ٹی آئی) کے سابق رہنما جہانگیر ترین نئی پارٹی بنانے کیلئے سرگرم ہو گئے ہیں-

باغی ٹی وی : پی ٹی آئی چھوڑنے والے رہنماؤں نےجہانگیر ترین سےملاقاتیں شروع کر دی ہیں، نئی پارٹی کیلئے نام پر بھی غور و خوض شروع کر دیا گیا ہے جہانگیر ترین نےنئی سیاسی جماعت تشکیل دینے کا فیصلہ کیا ہےجس کے بعد تحریک انصاف سے لاتعلقی کرنے والے رہنماوں نے جہانگیر ترین سے رابطے کئے ہیں۔

تحریک انصاف چھوڑنے والوں کو پی ڈی ایم جماعتیں شمولیت کی دعوت نہ دیں،حافظ حمداللّٰہ

حال ہی میں تحریک انصاف چھوڑنے والی دو اہم شخصیات نے جہانگیر ترین سے ملاقات کی ہے، اور پارٹی میں شامل ہونے کے حوالے سے تبادلہ خیال کیا ہے رہنماوں نے مستقبل کے سیاسی لائحہ عمل پر بھی تبادلہ خیال کیا متعدد رہنماؤں نے جہانگیر ترین کے ساتھ شمولیت کیلئے رضا مندی ظاہر کر دی ہے، آئندہ چند روز میں جہانگیر ترین کے ساتھ چلنے کا اعلان بھی کریں گے۔

نا اہلی کی صورت میں پارٹی کا سربراہ کون ہوگا؟عمران خان نے نام بتا دیا

دوسری جانب پی ٹی آئی کے سابق مرکزی رہنما فواد چوہدری نے جہانگیر ترین سے ٹیلیفونک رابطہ کیا ہے،فواد چوہدری نے جہانگیر ترین سے سیاسی لائحہ عمل پر تبادلہ خیال کیا جبکہ فواد چودھری نے اپنی ٹوئٹ میں کہا ہے کہ میں پہلے ہی کہ چکا ہوں سیاست سے بریک لے رہا ہوں، فی الحال سیاست کرنے کا کوئی ارادہ نہیں۔

مودی سرکارنے 100 سے 200 کروڑ فنڈز پی ٹی آئی کو دلوائے،بھارتی تجزیہ کار کے …

اسلام آباد: الیکشن کمیشن نے توہین الیکشن کمیشن کیس میں سابق وزیراعظم عمران خان اور پی ٹی آئی رہنماؤں فواد چوہدری اور اسد عمر کو 5 جون کو ذاتی حیثیت میں طلب کر لیا-

باغی ٹی وی: ممبر نثار درانی کی سربراہی میں 3 رکنی کمیشن نے توہین الیکشن کمیشن کیس کی سماعت کی،عمران خان اور فواد چوہدری کی جانب سے وکیل فیصل چوہدری جبکہ اسد عمر کی جانب سے معاون وکیل الیکشن کمیشن میں پیش ہوئے۔

گھر سے باہر نکلتا ہوں تو میں اپنی جان کو ہتھیلی پر رکھ کر نکلتا …

فیصل چوہدری ایڈووکیٹ نے بتایا کہ الیکشن کمیشن کا آرڈر گزشتہ روز موصول ہوا، آرڈر لیٹ موصول ہوا تو کیسے تیاری کرتے۔

ممبر الیکشن کمیشن نے کہا کہ گزشتہ سماعت پر بھی عمران خان کو ذاتی حیثیت میں پیش ہونے کا موقع دیا تھا، جس پر وکیل فیصل چوہدری نے کہا کہ ہمارے خلاف 150 کیسز ہیں، روزانہ 36 کیسز ہوتے ہیں جس پرممبر الیکشن کمیشن نےکہا کہ جب 150 کیسز نہیں تھے تب بھی آپ پیش نہیں ہوتے تھے۔

عمران خان کے خلاف کیسز میں نیب کی پراسیکیوشن ٹیم تشکیل

فیصل چوہدری نے سماعت جون کے پہلے ہفتے تک ملتوی کرنے کی استدعا کرتے ہوئے کہا کہ چیزیں ہمارے ہاتھ میں نہیں ہیں، الیکشن کمیشن یہ بات دماغ سے نکال دے کہ ہم ان کی توہین کر رہے ہیں۔

الیکشن کمیشن نے عمران خان، فواد چوہدری اور اسد عمر کو ذاتی حیثیت میں پیش ہونے کا حکم دیتے ہوئے کہا کہ آئندہ سماعت میں عدم حاضری پر ناقابل ضمانت وارنٹ گرفتاری جاری کریں گے، تینوں رہنمائوں کی عدم پیشی پر اگلی سماعت پر کیس کو بھی نمٹا دیں گے۔

بعدازاں الیکشن کمیشن نے کیس کی سماعت 5 جون تک ملتوی کردی۔

احتساب عدالت ،بشری بی بی کی عبوری ضمانت منظور