پاکستان سےخلیجی ممالک تک پہلی فیری سروس کیلئے کنسلٹنٹ کا تقررکرلیاگیا-

بین الاقوامی میری ٹائم لا اینڈ پریکٹس ریسرچ سینٹر (آر سی آئی ایم ایل پی) کو سی کیپرز انٹرنیشنل کی پہلی فیری سروس کے لیے میری ٹائم لا کنسلٹنٹ مقرر کیا گیا ہے، وزارت بحری امور نے 5 اگست کو ایک بین الاقوامی فیری آپریٹر کو فیری سروس کا لائسنس جاری کیابرطانیہ میں قائم کمپنی سی کیپرز انٹرنیشنل پاکستان کو ایران اور خلیجی تعاون کونسل (جی سی سی) کے ممالک سے جوڑنے والے فیری روٹس چلائے گی۔

قانونی مشیر یقینی بنائے گا کہ فیری سروس ایک مضبوط قانونی ڈھانچے کے تحت چلائی جائے، جو بین الاقوامی سمندری قوانین اور بہترین طریقہ کار کے مطابق ہو اور پاکستان کے سمندری شعبے کے منفرد چیلنجز کو مدنظر رکھے،یہ ادارہ تمام اسٹیک ہولڈرز کے ساتھ مل کر ریگولیٹری پیچیدگیوں سے نمٹنے، حفاظتی معیار کو فروغ دینے اور پائیدار اقدامات اپنانے پر کام کرے گا جو عالمی بحری اصولوں سے ہم آہنگ ہوں۔

بدمعاشوں کو بدمعاشوں کی طرح جواب دیا جائے گا،شرجیل میمن

سی کیپرز انٹرنیشنل کا آغاز ملک کے لیے ایک تاریخی لمحہ ہے، جو تجارت، سیاحت اور علاقائی تعاون کے نئے مواقع فراہم کرے گا، آر سی آئی ایم ایل پی اس منصوبے کی قانونی بنیاد تشکیل دینے میں کلیدی کردار ادا کرے گا تاکہ اس کی طویل المدتی کامیابی اور اثرات کو یقینی بنایا جا سکے۔

وزیراعظم نے 2 نئے سفیروں کی تعیناتی کی منظوری دے دی

آر سی آئی ایم ایل پی کے سی ای او اٹارنی مسلم بن عقیل نے کہا کہ ہم سی کیپرز انٹرنیشنل کے ساتھ اس انقلابی منصوبے میں شراکت داری پر فخر محسوس کرتے ہیں اور پاکستان، مشرق وسطیٰ اور شمالی افریقہ کے لیے میری ٹائم لیگل اسٹرکچر کو مضبوط بنانے کے لیے اسی جذبے سے کام جاری رکھیں گے،ہماری ٹیم اس انقلابی منصوبے کی کامیابی کو یقینی بنانے کے لیے جامع قانونی معاونت فراہم کرنے کے لیے پرعزم ہے، جو نہ صرف پاکستان کی سمندری روابط کو فروغ دے گا بلکہ اس کی بلیو اکانومی کی پائیدار ترقی میں بھی اہم کردار ادا کرے گا۔

سینئر وکیل خواجہ شمس کے قتل میں ملوث سہولت کار خیبرپختونخوا سے گرفتار

صدر مملکت ڈاکٹر عارف علوی نے ساحلی سیاحت اور بلیو اکانومی کو فروغ دینے کیلئے پاکستان کے ساحل، جزائر اور ساحلی مقامات کو بین الاقوامی معیار کے مطابق ترقی دینے کی ضرورت پر زور دیتے ہوئے کہا ہے کہ فیری سروس کے ذریعے سمندری نقل و حمل سے ساحلی علاقوں میں رہنے والے لوگوں کو مناسب اور سستی سفری سہولت میسر آئے گی۔

نیشنل بینک آف پاکستان کے ذریعے تمام تر حکومتی ادائیگیاں آن لائن ہو سکیں،سلمان صوفی

صدر مملکت نے ان خیالات کا اظہار پاکستان بوٹ ریلی اینڈ فشنگ ٹورنامنٹ کے سی ای او احمد معمور امیمی سے گفتگو کرتے ہوئے کیا جنہوں نے ایوان صدر میں ان سے ملاقات کی۔ اس موقع پر سیکرٹری وزارت بین الصوبائی رابطہ احمد حنیف اورکزئی، وزارت میری ٹائم افیئرز، پاکستان سپورٹس بورڈ اور پاکستان ٹورازم ڈویلپمنٹ کارپوریشن کے نمائندے بھی موجود تھے۔

پاکستان میں ہالینڈ کے سفیرکا نیشنل ہاکی اسٹیڈیم کا دورہ،قومی ٹیم کے ساتھ ہاکی بھی کھیلی

صدر مملکت نے کہا کہ فیری سروس سے پاکستانی سامان کی دیگر حصوں تک نقل و حمل کا ایک قابل عمل وسیلہ میسر ہوگا، فیری سروس سے بندرگاہوں اور سیاحتی مقامات کی ترقی کے علاوہ سیاحت کو بھی فروغ حاصل ہوگا۔ صدر مملکت نے کہا کہ پاکستان کی ساحلی پٹی کو اس کی بھرپور صلاحیتوں کے مطابق ترقی دی جانی چاہیے ، ساحلی علاقے کی ترقی سے ساحلی علاقوں میں معاشی سرگرمیوں کو فروغ اور مقامی آبادی کو روزگار ملے گا۔

صدر ڈاکٹر عارف علوی نے کہا کہ ساحلی علاقے کی ترقی سے پاکستان کے منفرد جیو اکنامک محل وقوع کو اجاگر کرنے میں مدد ملے گی۔ صدر نے سمندری سفر کے فروغ کیلئے ضروری بنیادی ڈھانچے کی تعمیر کی ضرورت پر زور دیا اور کہا کہ سمندری سفر کے فروغ کیلئے تمام سٹیک ہولڈرز کی مشاورت سے سازگار ماحول پیدا کرنے کی ضرورت ہے، متعلقہ محکمے ایک دوسرے کے ساتھ قریبی ہم آہنگی کے ساتھ کام کریں۔

انہوں نے کہا کہ باقاعدہ، رسمی اور قانونی سمندری سفر کو کامیاب بنانے میں تمام متعلقہ محکموں کو اپنا کردار ادا کرنے کی ضرورت ہے۔ صدر مملکت نے کہا کہ پاکستان بین الاقوامی سمندری کھیلوں کے مقابلوں کے انعقاد سے کافی آمدن کماسکتا ہے، بوٹ ریلی کو کامیاب بنانے کے لیے تمام سٹیک ہولڈرز مل کر کام کریں۔ صدر مملکت کو اس موقع پر پاکستان میں سمندری سیاحت کے امکانات کے بارے میں بریفنگ بھی دی گئی۔

صدر مملکت کو پاکستان میں بلیو ٹورازم کے امکانات اور پاکستان کے سافٹ امیج کو بلند کرنے میں پاکستان بوٹ ریلی اور فشنگ ٹورنامنٹ کے کردار کے بارے میں بتایا گیا۔ گزشتہ سال پاکستان بوٹ ریلی نے کراچی سے گوادر تک 9 کشتیوں پر 5 دن اور 4 راتوں تک 650 کلومیٹر کا سفر کیا جسے ”دنیا کی سب سے طویل بوٹ ریلی“ کا نام دیا گیا۔ پاکستان بوٹ ریلی ایک عالمی ایونٹ ہونے جا رہی ہے جس میں ارد گرد کے ممالک کے کشتی ران بھی شرکت کریں گے۔

علاوہ ازیں صدر مملکت ڈاکٹر عارف علوی نے بلوچستان ہائی کورٹ میں ایڈیشنل ججز کی تعیناتی کی منظوری دے دی ،ایڈووکیٹ اقبال احمد کاسی ، ایڈووکیٹ شوکت علی رخشانی بلوچستان ہائی کورٹ کےایڈیشنل ججز تعینات
،ایڈووکیٹ گل حسن ترین ، محمد عامر نواز رانا اور سردار احمد علیمی کی بھی بطور ایڈیشنل جج تعیناتی کی منظوری دی گئی.صدر مملکت نےتعیناتی کی منظوری جوڈیشل کمیشن آف پاکستان کی سفارشات کی روشنی میں وزیراعظم کی ایڈوائس پر دی ،صدر مملکت نے تعیناتیوں کی منظوری آئین کے آرٹیکل 175 اے کے تحت دی .

مذید برآں صدر مملکت ڈاکٹر عارف علوی نے انٹرنیشنل انسٹیٹیوٹ آف سائنس ، آرٹس اینڈ ٹیکنالوجی بل 2022ء کی توثیق کر دی ،بل کا مقصد پرائیویٹ سیکٹر میں انٹرنیشنل انسٹیٹیوٹ آف سائنس ، آرٹس اینڈ ٹیکنالوجی کا قیام ہے
،صدر مملکت نے بل کی منظوری آئین کے آرٹیل 75 کے تحت دی.

صدر مملکت ڈاکٹر عارف علوی نے کوئٹہ میں طوفانی بارشوں کے باعث قیمتی جانی نقصان پر گہرے دکھ اور افسوس کا اظہار کیا،صدر مملکت کی جانبحق ہونے والوں کیلئے بلندی درجات کی دعا کی اور جانبحق ہونے والوں کے لواحقین سے اظہار تعزیت کیا مصدر مملکت نے ہدایت کی کہ آفت زدہ علاقے میں لوگوں کی ہر ممکن مدد کی جائے .