پاکستان مسلم لیگ ن پنجاب کے جنرل سیکرٹری اور سابق صوبائی وزیر سردار اویس لغاری کی پارٹی سیکرٹریٹ ماڈل ٹاون میں پریس کانفرنس کرتے ہوئے کہا سیاسی، معاشی اور سیلابی صورتحال کے بعد کے حالات بتانا چاہتے ہیں

انہوں نے کہا کہ مسلم لیگ ن کی سوچ ہے کہ قومی مفاد میں ہر سیاسی جماعت، کارکنوں، جج، فوجی سمیت ہر کسی نے کوشش نہ کی تو حالات ابتر ہو جائیں گے ،سندھ میں 3 کروڑ کی آبادی مکمل تباہ ہو گئی ہے، ان کے مکانات، آمدن ذرائع مکمل ختم ہو گئے

اویس لغاری کا کہنا ہےجنوبی پنجاب میں 2 اضلاع مکمل تباہ ہوئے ہیں ،اس سیلاب کے ذریعے زرخیز مٹی نہیں بلکہ ریت آئی ہے ،2 اضلاع میں کم از کم 2 لاکھ گھر مکمل ختم ہو گئے ہیں ،ان اضلاع میں دیہاڑی باز لوگ بھی پہنچ گئے ہیں جن کی وجہ سے اصل حقداروں تک امداد نہیں پہنچ پا رہی

ان کا کہنا تھا کہ سیلاب میں پھنسے عوام تک کشتیوں کے ذریعے پہنچا جا سکتا تھا لیکن حکومت پنجاب کو کوئی ہوش ہی نہیں ،سیلاب سے پہلے ہی عوام کو خوراک کی قلت کا سامنا تھا ،آج سوشل میڈیا کے ذریعے اداروں پر حملے کئے جا رہے ہیں ،آج زمیندار میں کھاد کی بوری خریدنے کی سکت نہیں ہے

اویس لغاری نے کہا کہ بنکوں کے پاس عوام کو دینے کے لئے قرضے ہی نہیں ہیں ،دیہات میں قرضے دینے کا بنکوں کا رواج ختم ہو چکا ہے ،آئی ایم ایف کے پروگرام کو فیل کروانے کے لئے وار کئے گئے ،اگر وہ وار کامیاب ہو جاتا تو ہم عالمی طور پر ڈیفالٹر ہو جاتے ،آج وقت ہے کہ ہر سیاسی جماعت، ہر مکتبہ فکر سے تعلق رکھنے والا معاشی استحکام کے لئے مل کر بیٹھے

رہنما مسلم لیگ ن کا کہنا تھا کہ آج کسان کو پیسہ دینے کی ضرورت ہے ،آج بیرونی ممالک سے قرضے ری شیڈول کروانے کی ضرورت ہے ،سندھ کے سٹوروں سے گندم ختم ہو چکی ہے ،اب گندم بیرون ممالک سے امپورٹ کرنا پڑے گی ،ملکی تاریخ میں پہلی بار ایسا ہو سکتا ہے کہ لوگ بھوک سے مر سکتے ہیں ،زرعی اصلاحات کے لئے یکجہتی کیسے ہو، اس پر غور کی ضرورت ہے ،ہر علاقے میں پانی جمع کرنے اور دریاوں اور پانی کا بہاو بہتر کرنے کی ضرورت ہے

اویس لغاری کا کہنا تھا کہ پانی کے نظام پر بھی نیوکلیئر پروگرام کی طرح یکجہتی کی ضرورت ہے،زراعت نہیں ہوگی تو جی ڈی پی کیسے گرو کرے گی؟؟،آج اراکین اسمبلی پر کیسز بنائے جا رہے ہیں اور جلسوں میں کنسرٹ کئے جا رہے ہیں، "”میں”” کی سیاست کب ختم ہو گی؟؟؟ جس کی آج سب سے زیادہ ضرورت ہے ،لوگ کروڑوں روپے کا سامان جنوبی پنجاب بھیج رہے ہیں لیکن لوٹ مار وہاں شروع ہو چکی ہے ،پولیس وہاں تحفظ فراہم کرنے سے انکاری ہے ،عام انتخابات ان حالات میں کیسے ممکن ہیں

ان کا کہنا تھا کہ اپوزیشن میں بیٹھ کر خود غرضی اور حکومت میں بیٹھ کر اپنے لئے سیاست کرنے والوں کے لئے پیغام ہے کہ سب مل کر بیٹھیں اور معاشی ترقی کے لئے کام کریں ،ہم مشکل فیصلے روک کر اپنی سیاست بچا سکتے تھے ،سب کو پانی، زراعت کے لئے مل بیٹھ کا کام کرنا ہو گا ،فروری مارچ میں بڑی مقدار میں خوراک امپورٹ نہ کی گئی تو بہت بڑا بحران آ جائے گا ،آج صوبائی حکومت کدھر ہے، صرف لوگوں پر پرچے کر رہی ہے ،حکومت اپنا فوکس تبدیل کرے

انہوں نے کہا کہ ہمیں اگلے 10 سال کی پلاننگ کرنا ہو گی ،عدالتوں اور اداروں کو ایسا ماحول بنانا ہو گی کہ کم سے کم کشیدگی ہو معاشرے میں ،جنوبی پنجاب میں رودکوہیوں کے لئے کوئی کام نہیں کیا گیا ،کیا یہ کوئی وقت ہے کہ کوئی نیا ڈویژن بنایا جائے ،جنوبی پنجاب میں سیلاب سے بچاو پر زیرو خرچہ ہوا ہے ،کالا باغ کی بجائے ہر ضلع میں 100 چھوٹے چھوٹے ڈیمز بنائے جاتے تو اتنا نقصان نہ ہوتا ،سب کو چاہیئے کہ مل کر پالیسی بنائے کہ آئندہ 15 سالوں میں ہر سال 300 ارب سالانہ پانی پر خرچ کرنا ہیں.

اویس لغاری نے کہا کہ ہم پہلے دن سے معاشی استحکام کی بات کر رہے ہیں ،یہ کہتے ہیں کہ اگر میں ان کے ساتھ مل کر بیٹھ گیا تو لوگ کیا کہیں گے ،عمران خان بطور لیڈر نہیں سوچتے ،ہم پٹرول و ڈیزل کو اس لئے بڑھا رہے ہیں کیونکہ اس کے علاوہ کوئی حل نہیں ہے ،پچھلے 2 ماہ میں لمپی سکن کی بیماری جانوروں میں پھیلی لیکن کوئی حل نہیں کیا ،2 ماہ بعد بیماری والا گوشت ملے گا یا گوشت بالکل بھی نہیں ملے گا ،یہ حکومت لائیو سٹاک کے شعبے میں بھی مکمل ناکام ہو چکی ہے ،اسمبلی میں ہمیں کوئی بات نہیں کرنے دیتا .

مسلم لیگ ن کا واضح موقف ہے کہ ملک میں سب کے لئے انصاف ایک جیسا ہونا چاہیئے،انصاف کا ترازو سیدھا نہیں ہو گا تو معاشرے میں لوگ بولیں گے ،نواز شریف کیس کا جس طرح فیصلہ ہوا، باقیوں کا بھی ویسے ہی ہونا چاہیئے ،ہم نے عمران خان کی نااہلی کی خواہش نہیں کی لیکن ہم چاہتے ہیں کہ عمران خان کے لئے بھی وہی معیار مقرر ہو جیسے باقیوں کے لئے ہے ،ان علاقوں میں جہاں سیلاب ہے، وہاں ضمنی انتخابات ملتوی کر دینے چاہیئیں ،یہ ملک کو تہس نہس کرنے کی بجائے ملکی معیشت کی ترقی میں اپنا کردار ادا کریں
،تحریک انصاف اپنے وزرا کو پولیس کی سکیورٹی لے بغیر جنوبی پنجاب کے سیلاب زدہ علاقوں میں بھیج کر دکھائیں انہیں لگ پتہ جائے گا.

پاکستان تحریک انصاف کے راہنما و ایم پی اے میاں محمد اسلم اقبال نے کہا ہے کہ الیکشن کمیشن کا پی ٹی آئی کی ممنوعہ فنڈنگ کے حوالے سے دیا گیا فیصلہ بد نیتی پر مبنی اور کسی کو خوش کرنے کے لئے ہے اور ہم اس فیصلے پر عدم اعتماد کرتے ہوئے مطالبہ کرتے ہیں کہ چیف الیکشن کمشنر کو تبدیل کیا جائے اور ملک میں عام انتخابات کا اعلان کیا جائے تاکہ عوام کے مینڈیٹ سے جمہوری حکومت قائم ہو۔

عمران خان کی کرپشن مخالف مہم دراصل اپنی کرپشن چھپانے کیلیے تھی. بلاول زرداری

انہوں نے کہا کہ عوام سوال کرتے ہیں کہ کیا الیکشن کمیشن سندھ اور پنجاب میں اراکین اسمبلی کی خریدو فروخت کے لئے لگنے والی منڈیوں پر بھی ایکشن لے گا اور دیگر پارٹیوں کے ممنوعہ فنڈنگ کے فیصلے بھی کرے گا۔عوام کی منتخب حکومت کو رات کے اندھیرے میں بیرونی ایجنڈے کے تحت گرایا گیا،سندھ ہاؤس اور پنجاب کے ہوٹلوں میں منڈیاں لگائی گئیں۔ بیورورکریسی اور پولیس کو آلہ کار بنا کر لوگوں کے ضمیر خریدنے کی کوشش کی گئی۔ لیکن پنجاب کے عوام نے ضمنی انتخابات میں عمران خان کے بیانیے کو قبول کیا اور پی ڈی ایم کے بیانیے کو مسترد کر دیا۔

حکومتی اتحادی جماعتوں کا عمران خان کو نااہل قراردینےکیلئے ریفرنس دائرکرنےکا فیصلہ

میاں اسلم اقبال نے ڈاکٹر مراد راس کے ہمراہ ڈی جی پی آر آفس میں پریس کانفرنس سے خطاب کرتے ہوئے کہا کہ الیکشن کمیشن کا تعصب پر مبنی فیصلہ قوم کے سامنے ہے اور اس فیصلے کے ذریعے اوور سیز پاکستانیوں کے کردار کو مشکوک بنانے کی کوشش کی گئی ہے حالانکہ اوورسیز پاکستانیز کی بھجوائی گئی ترسیلات زر کے ذریعے ہی ملک کے معاشی معاملات چلتے ہیں۔

پاکستان تحریک انصاف وفاق کی پارٹی ہے اور اس کی جڑیں ملک کی تمام اکائیوں میں موجود ہیں۔بد قسمتی سے الیکشن کمیشن کے تعصب پر مبنی فیصلے کے ذریعے وفاقی پارٹی کو الیکشنوں سے دور کرنے کی کوشش کی گئی ہے۔ عوام جانتے ہیں کہ الیکشن کمیشن پنجاب میں حمزہ شہباز اور مریم نواز سے گھروں میں جا کر ملتے رہے ہیں۔

عمران پاکستانی معیشت کو بدترین حالات میں پھینک کر اقتدار سے نکل گیا. احسن اقبال

میاں اسلم اقبال نے کہا کہ بیرونی ایجنڈے کا مقصد حکومت کا خاتمہ ہی نہیں بلکہ اداروں کو تباہ کرنا تھا۔ملک میں سیلاب نے تباہی مچا رکھی ہے، مہنگائی آسمانوں کو چھو رہی ہے اور حکمران عمران خان کے خلاف پریس کانفرنسوں پر لگے ہوئے ہیں۔حکمرانوں نے عوام کے خون پسینے کی کمائی سے بنائے گئے ادارے نیب کو ختم کر دیا۔باپ بیٹے پر فرد جرم لگنے جا رہی ہے لیکن فرد جرم لگنے والا شخص ملک کا وزیر اعظم بنا بیٹھا ہے۔دوسرا پنجاب کا جعلی وزیر اعلی بنا ہوا تھا۔عدالت آپ کو مستند چور اور سسلن مافیا قرار دے چکی ہے۔پی ٹی آئی کے بارے میں فارن فنڈنگ کی باتیں کرنے والے اسامہ بن لادن کی فارن فنڈنگ کو بھی یاد رکھیں جس کے بارے میں بے نظیر بھٹو نے کہا تھا مولانا فضل الرحمن لیبیا سے آنے والی فنڈنگ کو بھی نہ بھولیں۔

انہوں نے کہا کہ عمران خان نے عوام کے لئے بے مثال فلاحی اقدامات کئے۔ایک سوال کے جواب میں میاں اسلم اقبال نے کہا کہ ایک دو روز میں صوبائی کابینہ تشکیل پا جائے گی تو پھر عوام کی فلاح کے لئے مزید فیصلے کئے جائیں گے۔ ایک اور سوال کے جواب میں میاں اسلم اقبال نے کہا کہ پی ڈی ایم کی جماعتوں میں بھی انتخابات کے بارے میں آوازیں آ رہی ہیں لیکن وہ پہلے اپنے کیسسز ختم کروانا چاہتے ہیں۔اکتوبر میں عام انتخابات متوقع ہیں۔

ایم پی اے ڈاکٹر مراد راس نے کہا کہ الیکشن کمشنر نے ممنوعہ فنڈنگ کے حوالے سے متعصبانہ کردار ادا کیا۔ضمنی انتخابات میں غلط انتخابی فہرستوں کے باعث لوگوں کو مختلف پولنگ اسٹیشنوں پر دھکے کھانے پڑے۔اگر یہ فہرستیں درست ہوتیں تو ووٹنگ کا تناسب 55 فیصد کی بجائے 75 فیصد ہوتا۔الیکشن کمیشن نے ضمنی انتخابات میں بڑا ہاتھ کیا۔ انہوں نے کہا کہ الیکشن کمیشن پی ڈی ایم کے گھر کی لونڈی بنا ہوا ہے ایسی حرکت کرتے ہوئے شرم آنی چاہیے۔پی ڈی ایم والے عمران خان کے خلاف جتنی مرضی پریس کانفرنسیں کرتے رہیں یہ ان کا کچھ نہیں بگاڑ سکتے۔ پی ڈی ایم عام آدمی کی فلاح اور ملک کی ترقی کے لئے نہیں آئے بلکہ یہ تو این آر او لینے کے لئے آئے ہیں۔ لٹیروں کا یہ اتحاد عام انتخابات سے خوفزدہ ہے پاکستان تحریک انصاف عام انتخابات میں دو تہائی سے بھی زیادہ اکثریت حاصل کرے گی۔