لاہور: سماجی رابطے کی ویب سائٹ پر معروف شخصیات کی جانب سے پاکستانی سپر اسٹار ہمایوں سعید کو لیڈی ڈیانا پر بننے والی نیٹ فلکس سیریز ’دی کراؤن‘ کا حصہ بننے پر مبارک باد پیش کی جارہی ہے۔
اگرچہ ہمایوں سعید نے تاحال خاموشی اختیار کی ہوئی ہے اور ان کی جانب سے باقاعدہ کسی سوشل پلٹ فارم پر اعلان بھی نہیں کیا گیا لیکن سوشل میڈیا پر ان خبروں کی گونج بڑھتی جارہی ہے کہ آنجہانی شہزادی ڈیانا کی زندگی پر بننے والی فلم میں ہمایوں سعید پاکستانی سرجن ڈاکٹر حسنات خان کا کردار ادا کریں گے۔
اس طرح ہمایوں سعید اصلی نیٹ فلکس میں کردار حاصل کرنے والے پہلے پاکستانی اداکار بن گئے۔ تفصیلات خاکے دار ہیں، لیکن وہ انتہائی مقبول ایوارڈ یافتہ سیریز “کراؤن” کے آنے والے سیزن میں اہم کردار ادا کرنے کے لیے شامل تھے۔
ہمایوں سعید کی نیٹ فلیکس میں انٹری پرسینیٹرفیصل جاوید خان نے مبارکباد دیتے ہوئے کہاہے کہ ہمایوں سعید خوشقسمت ہیں کہ وہ نیٹ فلیکس کے پلیٹ فارم پرنمودارہونے والے پہلے پاکستانی ہیں ، ان کا یہ بھی کہنا تھا کہ ہمایوں سعید کو جوکردار ادا کرنے کے لیے منتخب کیا گیا ہے وہ بھی ایک تاریخی اوربرطانوی شاہی خاندان کی شہزادی ڈیانا کے دوست ڈاکٹرحسنات کے طور پرسامنے آئیں گے
فیصل جاوید خان کہتے ہیں کہ ہمایوں سعید وہ پہلے پاکستانی اداکار ہیں جو نیٹ فلیکس کی کسی بھی سیریز میں کام کرنے جارہے ہیں۔
اداکار ہمایوں سعید نے دی رائل میں کام کرنے سے متعلق اب تک کلیئر نہیں کیا، تاہم ان کے ساتھی اداکاروں اور مداحوں کی جانب سے دعویٰ سامنے آیا ہے کہ ہمایوں سعید نیٹ فلیکس کی سیریز میں کام کرنے جارہے ہیں۔
معروف اداکارہ ماہرہ خان نے اپنے ٹوئٹر پیغام کے ذریعے نیٹ فلیکس سیریز میں ہمایوں سعید کے کردار پر خوشی کا اظہار کیا اور اس کے ساتھ ’دی کراؤن‘ کی بھی تعریف کی۔
اداکار ہمایوں سعید ’دی کراؤن‘ کے پانچویں سیزن میں برطانوی شہزادی کے مقابل ایک پاکستانی سرجن کا کردار ادا کر رہے ہیں۔
شاہی خاندان پر بنے ڈرامہ میں ایک طرف شہزادی ڈیانا اور شہزادہ چارلس کی شادی اور اس کے اختتام کو موضوع بنایا گیا ہے وہیں 1997 میں کار حادثے میں شہزادی ڈیانا کی موت کو بھی موضوع بنایا گیا ہے۔
ڈاکٹر حسنات خان کو ایک حادثے میں اپنے مصری دوست کے ساتھ ہلاک ہو جانے والی برطانوی شہزادی ڈیانا کی ’حقیقی محبت‘ قرار دیا جاتا ہے، جنہیں وہ ’مسٹر ونڈرفل‘ کے نام سے پکارتی تھیں۔شہزادی ڈیانا کی ڈاکٹر حسنات سے ملاقات ان کے دورہ پاکستان کے موقع پر ہوئی تھی۔
نیٹ فلیکس کی جانب سے اعلان کیا گیا تھا کہ برطانوی شاہی خاندان خصوصا ملکہ الزبتھ دوم کی زندگی پر بنائی گئی سیریز ’دی کراؤن‘ کا پانچواں سیزن نومبر 2022 میں ریلیز کردیاجائے گا۔
پاکستان کے معروف اداکار ہمایوں سعید نے اداکاری کی دنیا میں 26 سال کا بہترین عرصہ گزارا ہے ، جس میں انہوں نے اداکار اور پروڈیوسر کے طورپر اپنی صلاحیتوں کا لوہا منواتے ہوئے کئی ہٹ فلمیں کی ہیں، جن میں’جوانی پھر نہیں آنی‘ ’پنجاب نہیں جاؤں گی‘ شامل ہیں، جبکہ اس کے علاوہ متعدد ڈراموں میں بھی اپنی اداکاری کے جوہر دکھا چکے ہیں۔
