وزیرِاعظم محمد شہباز شریف نے ریاض میں سعودی ولی عہد و وزیرِاعظم شہزادہ محمد بن سلمان سے خوشگوار ماحول میں ملاقات کی، جس میں باہمی تعلقات، علاقائی اور بین الاقوامی امور پر تبادلہ خیال کیا گیا۔
پرائم منسٹر آفس کے مطابق ملاقات میں نائب وزیرِاعظم و وزیرِخارجہ سینیٹر اسحاق ڈار، آرمی چیف جنرل سید عاصم منیر اور دونوں ممالک کے سینئر وزرا شریک تھے۔وزیراعظم شہباز شریف سعودی عرب کے تین روزہ دورے پر فیوچر انویسٹمنٹ انیشی ایٹیو کی 9ویں کانفرنس میں شرکت کے لیے ریاض پہنچے، جہاں ان کا استقبال ریاض کے نائب گورنر اور سعودی و پاکستانی سفیروں نے کیا۔ریاض میں منعقدہ فیوچر انویسٹمنٹ انیشی ایٹیو میں عالمی رہنما، سرمایہ کار، پالیسی ساز اور دیگر شعبوں کے نامور لوگ شرکت کریں گے، وزیراعظم شہباز شریف پاکستان کی نمائندگی کریں گے جہاں وہ پائیدار ترقی، اقتصادی شمولیت، جدت اور عالمی جغرافیائی سیاست میں تبدیلیوں پر ہونے والی گفتگو میں پاکستان کا نقطہ نظر پیش کریں گے۔
وزیراعظم اپنے دورے کے دوران سعودی قیادت اور عالمی رہنماؤں سے ملاقاتیں کریں گے، جن میں تجارت، سرمایہ کاری، توانائی اور افرادی قوت کے شعبوں میں تعاون بڑھانے پر بات چیت کی جائے گی
2028 کے انتخابات میں بطور نائب صدر حصہ نہیں لوں گا،ٹرمپ کا اعلان
این سی سی آئی اے کے متعدد افسر لاپتا، دفاتر کی صورتحال سنگین
کور کمانڈر پشاور کی وزیراعلیٰ خیبر پختونخوا سے ملاقات، امن و امان پر مشاورت
کور کمانڈر پشاور کی وزیراعلیٰ خیبر پختونخوا سے ملاقات، امن و امان پر مشاورت