دو دن کی مسلسل کمی کے بعد سونے کی قیمتوں میں اچانک بڑا اضافہ دیکھنے میں آیا، فی تولہ سونا ہزاروں روپے مہنگا ہو گیا۔
خبر رساں ایجنسی کے مطابق، آل پاکستان صرافہ جیمز اینڈ جیولرز ایسوسی ایشن کا کہنا ہے کہ 24 قیراط خالص سونے کی فی تولہ قیمت میں 5 ہزار 900 روپے اضافہ ہوا، جس کے بعد نئی قیمت 3 لاکھ 53 ہزار 100 روپے ہو گئی ہے۔اسی طرح 24 قیراط 10 گرام سونا 5 ہزار 58 روپے اضافے کے ساتھ 3 لاکھ 2 ہزار 726 روپے میں دستیاب ہوا، جبکہ 22 قیراط 10 گرام سونے کا نرخ 4 ہزار 636 روپے بڑھ کر 2 لاکھ 77 ہزار 508 روپے ہو گیا۔
دوسری جانب، فی تولہ اور 10 گرام چاندی کی قیمتیں مستحکم رہیں، جو بالترتیب 3 ہزار 456 روپے اور 2 ہزار 962 روپے پر برقرار ہیں۔ایسوسی ایشن کے مطابق، عالمی مارکیٹ میں بھی سونے کی قیمت میں اضافہ ہوا ہے، جہاں فی اونس سونا 59 ڈالر بڑھ کر 3 ہزار 347 ڈالر پر پہنچ گیا۔
یاد رہے کہ 31 مئی کو فی تولہ سونے کی قیمت میں 1 ہزار 400 روپے کمی ہوئی تھی، جس کے بعد نرخ 3 لاکھ 47 ہزار 200 روپے پر آ گیا تھا، جبکہ 24 قیراط 10 گرام سونا 1 ہزار 200 روپے کم ہو کر 2 لاکھ 97 ہزار 668 روپے پر فروخت ہوا تھا، اور 22 قیراط 10 گرام سونا 1 ہزار 100 روپے کی کمی کے بعد 2 لاکھ 72 ہزار 872 روپے کا ہو گیا تھا۔
اس سے ایک دن قبل 30 مئی کو سونے کی فی تولہ قیمت میں 700 روپے کمی واقع ہوئی تھی، جس کے بعد 24 قیراط سونا 3 لاکھ 48 ہزار 600 روپے کا ہو گیا تھا۔
اسلام آباد میں ٹک ٹاکر ثنا یوسف کو فائرنگ کر کے قتل کر دیا گیا
جنرل اوپندر دیویدی کا مذہبی آشرم کا دورہ ،بھارتی فوج کی سیکولر روایت پر سوالیہ نشان
جنرل اوپندر دیویدی کا مذہبی آشرم کا دورہ ،بھارتی فوج کی سیکولر روایت پر سوالیہ نشان
پنجاب بلدیاتی انتخابات ، قانون سازی نہ ہوئی تو خود فیصلہ کریں گے،الیکشن کمیشن
