Tag: قبرستان

قصور
پھولنگر کے نواح میں رہائشی کوارٹرز کا استعمال شدہ پانی قبریں مسمار کرنے لگا،اہل علاقہ کے بار بار منع کرنے کے باوجود نکاسی أب کا انتظام نا کیا گیا،درجنوں قبریں زیر آب آنے سے بیٹھ گئیں،لوگوں کی کوارٹرز مالک کے خلاف سخت کاروائی کا مطالبہ

تفصیلات کے مطابق قصور کے شہر پھول نگر کے نواح میں زندوں نے مردوں کو اذیت دینا شروع کر دی
پھول نگر شہر کے قریبی گاؤں اڈہ سرائے چھینبہ ڈھلواں روڈ حاجی پارک میں ولی خان نے رہائشی کوارٹرز بنا رکھے ہیں جو کہ فیکٹری ملازمین کو کرایہ پر بطور رہائش دیتا ہے
کوارٹرز کے سیوریج کا پانی ملحقہ قبرستان میں جاتا ہے اور کوارٹرز میں بارش کا کھڑا ہونے والا پانی بھی قبرسان میں نکالا جاتا ہے جس کے باعث کئی قبریں مسمار ہو گئی ہیں
اہل علاقہ نے اس بابت خوف الہی دلاتے ہوئے ولی خان کو متعدد بار اپنے سیوریج کے پانی کی درست نکاسی کا کہا ہے تاہم ولی خان نے ہر بار ٹال مٹول سے کام لیا ہے اور کہا ہے کہ جو ہوتا ہے کر لو پانی نہیں بند ہو گا
لوگ اپنے پیاروں کی قبروں کی حالت دیکھ کر سخت پریشان ہیں اور ڈپٹی کمشنر قصور آسیہ گل اور وزیر اعلی پنجاب سردار عثمان بزدار سے فریاد کناں ہیں کہ اس ظالم شحض کو قبروں کی بے حرمتی سے روکا جائے

قصور
250 گھروں پر مشتمل 1960 سے قائم آبادی سیوریج کے نظام سے محروم اپنا استعمال شدہ پانی اپنے ہی قبرستان میں چھوڑنے پر مجبور
تفصیلات کے مطابق قصور فیروز پور روڈ سے 5 پانچ کلومیٹر دوری پر واقع بستی سلیمان خان والی کے رہائشیوں نے نمائندہ باغی ٹی وی سے گفتگو کرتے ہوئے بتایا کہ ہماری بستی 1960 سے آباد ہے اور ہمارے تقریبا 250 گھر ہیں مگر ہماری بستی کیلئے کوئی بھی نکاسی آب کا انتظام نہیں جس پر ہم اپنے قبرستان سے ملحقہ جوہڑ میں اپنے گھروں کا پانی چھوڑتے ہیں جو کہ بھر کر ہمارے پیاروں کی قبروں میں داخل ہو جاتا ہے جس سے قبریں زیر آب آ جاتی ہیں اس کے علاوہ قبرستان سے ملحقہ ہماری دو ایکڑ اراضی بھی عرصہ دو سال سے گندے پانی سے بھری ہوئی ہے حالانکہ محض 10 ایکڑ دور ہم سے مین نالا ہے پھر بھی ہمارے لئے سیوریج کے پانی کی نکاسی کیلئے کوئی انتظام نہیں کیا جا رہا لہذہ ایم پی اے الیاس خان گجر اور ایم این اے ملک رشید احمد خان صاحب ہمارا مسئلہ حل کروائیں ہم نے اپنی مدد آپ کے تحت ڈھائی لاکھ روپیہ اکھٹا کرکے قبرستان میں بھرتی ڈالی ہے لہذہ ہمارے اور ہمارے پیاروں کی قبروں پر رحم کیا جائے