رواں برس جون کو بھارتی نوجوان اداکار سوشانت سنگھ راجپوت کے خودکشی کرنے کے بعد آنجہانی اداکار کے مداحوں اور معروف بالی وڈ شخصیات کی جانب سے بالی میں اقربا پروری کے خلاف نئی بحث کا آغاز ہو ا جس میں دیگر بالی وڈ شخصیات کے ساتھ فلمساز اور ڈائریکٹر مہیش بٹ کو بھی لوگوں نے تنقید کا نشانہ بنایا-
باغی ٹی وی : بالی وڈ کے معروف فلمساز اور ڈائریکٹر مہیش بھٹ سوشانت کیس میں اُس وقت تنقید کی زد میں آئے جب سوشانت کی گرل فرینڈ ریحا چکربورتی کے ساتھ ہونے والے واٹس ایپ چیٹ اور تصاویر منظر عام پر آئیں-
سوشانت سنگھ کی موت کے بعد مہیش بھٹ کی چھوٹی بیٹی اور معرف بالی وڈ اداکارہ عالیہ بھٹ کو بھی بھارتی عوام نے تنقید کا نشانہ بناتے ہوئے انسٹاگرام پر ان فالو کیا جبکہ مہیش بھٹ اور ریحا چکر بورتی کی تصاویر اور واٹس چیٹ منظر عام آنے کے بعد مہیش بھٹ کی بڑی بیٹی اور ماضی کی مشہور بالی وڈ اداکارہ پوجا بھٹ نے اپنے انسٹاگرام اکاؤنٹ کو پرائیویٹ کرلیا ہے۔
بھارتی میڈیا رپورٹس کے مطابق اس حوالے فلم ساز پوجا بھٹ کا کہنا تھا کہ انھیں ان کے انسٹاگرام اکاؤنٹ پرجان سے مارنے اور عصمت دری کا نشانہ بنانے پر مبنی دھمکیاں پر موصول ہورہی تھیں-
رپورٹس کے مطابق پوجا بھٹ نے اس صورتحال سے جب انسٹاگرام کو آگاہ کیا تو ان کا کہنا تھا کہ یہ ان کے گائیڈ لائن کے خلاف نہیں ہے جس پر پوجا نے ایک حوالہ شیئر کیا اور تحریر کیا کہ اگر ان کے پرستار ان کی زندگی کے بارے میں جاننا چاہیں گے تو وہ انھیں فالو کرنے کی درخواست کرین گے۔
پوجا بھٹ نے مزید کہا کہ میرے پاس نہ تو وقت ہے اور نہ ہی اتنی طاقت یا دلچسپی کہ میں نفرت کرنے والوں سے نفرت کروں میں محبت کرنے والوں سے محبت کرنے میں بہت مصروف ہوں۔
جس کے بعد انہوں نے اپنے ایک کیپشن میں اکاؤنٹ کو پرائیویٹ کرنے کے فیصلے پر وضاحت کرتے ہوئے لکھا کہ انسٹاگرام یوں لگتا ہے ک ایک ایسی جگہ بن چکا ہے جہاں کوئی بھی گمنام شخص یا کوئی اور کسی کے بھی خلاف بے ہودہ جملے عصمت دری کی دھمکی یا جان سے مارنے کی بات کرسکتا ہے-
پوجا بھٹ نے مزید لکھا کہ میں عمومی طور پر اس قسم کے لوگوں کو نظر انداز کرتی تھی لیکن کوئی آپ کو یا آپ کے خاندان کو مارنے کی دھمکی دے جس پر مجھے مشورہ دیا گیا کہ میں انھیں بلاک کردوں۔
فلمساز نے لکھا کہ تاہم اس کا مطلب تو یہ ہوا کہ میں اس طرح ان سارے لوگوں کو بھی بلاک کردوں جو مجھے مثبت انداز میں تبصرے بھجواتے ہیں تاہم اب میں نے یہ کیا ہے کہ اپنے اکاؤنٹ کو ہی پرائیویٹ کرلیا ہے۔
واضح رہے کہ بالی وڈ کے نوجوان اداکار سوشانت سنگھ راجپوت نے رواں ماہ 14 جون کو ممبئی کے علاقہ باندرہ میں اپنی رہائش گاہ پر خود کُشی کر کے اپنی زندگی کا خاتمہ کر لیا تھا۔خود کشی کی وجہ اداکار کو ذہنی ڈپریشن میں مبتلا قراردیا تھا تاہم اداکار کی موت کی تحقیقات تو ابھی تک جاری ہے لیکن اب تک خودکشی کرنے کی کوئی اور وجہ سامنے نہیں آئی اور اب اُن کی خودکشی کی وجوہات جاننے کے لیے بھارت کی مرکزی تفتیشی ایجنسی سینٹرل بیورو انویسٹی گیشن (سی بی آئی) اس معاملے کی تفتیش کر رہی ہے۔