Tag: قدوس بزنجو

کوئٹہ:۔وزیراعلیٰ بلوچستان میرعبدالقدوس بزنجو کا ملک کی پہلی قومی سلامتی پالیسی کے اجرا کا خیر مقدم ،اطلاعات کے مطابق وزیراعلیٰ‌ بلوچستان میر عبدالقدوس بزنجو نے پہلی قومی سلامتی پالیسی بنانے والوں کوخراج تحسین پیش کیا ہے اور کہا ہے کہ یہ وقت کی ضرورت تھی

وزیراعلیٰ بلوچستان میرعبدالقدوس بزنجو نے اس موقع پر کہا کہ قومی سلامتی پالیسی سیاسی و عسکری قیادت کے ملکی دفاع کے عزم کی عکاس ہے ۔وزیراعلئ بلوچستان نے کہا کہ قومی سلامتی پالیسی ملکی سلامتی اور مضبوط معیشت کی بنیاد ثابت ہو گی۔

وزیراعلیٰ بلوچستان میرعبدالقدوس بزنجو کا کہنا تھا کہ قومی سلامتی پالیسی سے ملک کا دفاع اور معاشی مستقبل مزید مضبوط و محفوظ ہو گا ،قومی سلامتی پالیسی میں دفاع معیشت قومی تشخص سمیت ہر شعبہ کا احاطہ کیا گیا ہے

وزیراعلیٰ بلوچستان میرعبدالقدوس بزنجو نے کہاکہ ایک جوہری صلاحیت کی حامل ریاست کو معاشی طور پر بھی مضبوط بنانے میں قومی سلامتی پالیسی اہم پیش رفت ہے،ملک کی جغرافیائی سرحدوں کی حفاظت کے لیۓ پاک افواج کا کردار ہمیشہ سے قابل فخر رہا ہے۔

وزیراعلٰی نے کہا ہے کہ قومی سلامتی پالیسی کی چھتری تلے اب ہم بحثیت ایک قوم اپنے ملک کو ہر شعبہ میں ترقی یافتہ بنائیں گے۔اپنی کمزوریوں پر قابو پا کر پاکستانی قوم جلد ایک عظیم قوم کے طور پر ابھرے کی

گوادر:دھرنے پردھرنا کیا دھرنا :گوادرمیں‌ دھرنے پردھرنا ،اطلاعات کے مطابق گوادر حق دو تحریک کےسربراہ مولاناہدایت الرحمان نے ایک بار پھر دھرنا دے دیا۔
گوادر میں منشیات کےخلاف پولیس تھانے کے سامنے دھرنا دیا جا رہا ہے جس میں لوگوں کی بڑی ‏تعداد موجود ہے۔

مظاہرین نے منشیات کی روک تھام کیلئے پولیس کو ایک ہفتےکی ڈیڈ لائن دی ہے۔ مظاہرین سے ‏خطاب میں مولانا ہدایت الرحمان کا کہنا تھا کہ ایک ہفتے تک منشیات کے اڈے بند نہ کئےتو ‏قانون ہاتھ میں لیں گے۔

ان کا کہنا تھا کہ ہمارے مطالبات میں صاف پانی کی فراہمی کے ساتھ ساتھ منشیات کی روک تھام ‏کے لیے ٹھوس اقدامات شامل ہیں۔

واضح رہے کہ حق دو تحریک کے سربراہ مولانا ہدایت الرحمان کی قیادت میں گوادر دھرنا ایک ماہ سے زائد عرصے جاری رہا جس کا وزیراعظم نے نوٹس لیا اور حکومت سے کامیاب مذاکرات کے بعد دھرنا ختم کیا گیا تھا۔

وزیراعلیٰ بلوچستان عبدالقدوس بزنجو اور حق دو تحریک کے سربراہ مولانا ہدایت الرحمان کے مابین ہونے والے معاہدے پر دستخط کیے گئےتھے۔

گزشتہ منگل کو ہونے والے وفاقی کابینہ کے اجلاس میں وزیراعظم نے’حق دو گوادر کو‘ تحریک کے طویل احتجاجی دھرنے کا نوٹس لیتے ہوئے 2 وفاقی وزراء اسد عمر اور زبیدہ جلال کو گوادر جانے کی ہدایت کی تھی۔

وزیراعظم عمران خان نے دونوں وزراء کو ہدایت کی تھی کہ گوادر کے عوام کے مسائل کے جلد حل کی سفارشات مرتب کریں۔

واضح رہے کہ گوادر تحریک کے شرکاء سمندر میں غیرقانونی ٹرالنگ روکنے، مکران میں چیک پوسٹوں کے خاتمے اور گوادر کو پینے کے پانی کی فراہمی سمیت دیگر مطالبات کے حق میں احتجاج کررہے تھے۔

کوئٹہ:جام کمال میرےبھائی ہیں سب کو ساتھ لیکر چلوں گا:اطلاعات کے مطابق بلوچستان کے وزیراعلیٰ عبدالقدوس بزنجو نے کہا ہے کہ جام کمال سمیت سب کو ساتھ لیکر چلیں گیں

وزیراعلی بلوچستان نے خبر رساں ادارے کو انٹرویو دیتے ہوئے کہا کہ چئیرمین سینٹ کو ہٹانے کی باتوں میں حقیقت نظر نہیں آرہی،ان کا کہنا تھا کہ افغانستان میں بدلتی صورتحال کے اثرات بلوچستان پر بھی مرتب ہوتے ہیں،

وزیراعلی بلوچستان عبدالقدوس بزنجو نے کہا کہ نئے ترقیاتی منصوبوں سے بلوچستان کی صورتحال میں مزید بہتری آرہی ہے، ان کا یہ بھی کہنا تھا کہ نارض لوگوں کے تحفظات کا خاتمہ کرکے مزکرات کریں گے، ان کا کہنا تھا کہ ناراض لوگوں سے مزکرات بلوچستان کے مفادات میں کر رہے ہیں،

ان کا یہ بھی کہنا تھا کہ مزکرات کے معاملے پر اپوزیشن کو بھی اعتماد میں لیا ہے ،وزیراعلی بلوچستان نے یہ بھی کہا کہ مزاکرات کے لئے اپوزیشن نے بھی ہم پر مکمل اعتماد کا اظہار کیا ہے