پنجاب کے ضلع قصور کے علاقے الہٰ آباد میں ایک 22 سالہ لڑکی نے خودکشی کر لی-
اطلاعات کے مطابق واقعہ 14 فروری کو پیش آیا جبکہ اس سلسلے میں 28 فروری کو تھانہ الہٰ آباد میں مقدمہ درج کیا گیا متوفیہ ایف ایس سی کی طالبہ تھی اور اپنے ایک ہمسائے و ہم جماعت کے ساتھ مبینہ تعلقات رکھتی تھی،لڑکی کے اہل خانہ کا مؤقف ہے کہ مذکورہ لڑکا اسے ویڈیوز دکھا کر بلیک میل کرتے ہوئے رقم کا مطالبہ کرتا رہا۔
دباؤ اور خوف کے عالم میں طالبہ نے اپنے سونے کی بالیاں تک دے دیں، جنہیں فروخت کر کے لڑکے نے موبائل فون خریدا اور رقم خرچ کرتا رہا،تاہم جب پیسے ختم ہوئے تو مزید مطالبات شروع ہوگئے،معاملہ جب لڑکی کے اہلِ خانہ تک پہنچا تو انہوں نے عزت و آبرو بچانے کی خاطر لڑکے کے گھر جا کر رشتہ لینے کی درخواست کی مگر لڑکے کےوالد نے انکار کر دیا، اسکےباوجود مبینہ بلیک میلنگ کا سلسلہ رکا نہیں اور مزید رقم کےمطالبات جاری رہے۔
اہل خانہ کے مطابق خودکشی کے اس افسوس ناک واقعہ سے قبل ویڈیو کال کے دوران دونوں کے درمیان گفتگو ہوئی، جس کے بعد لڑکی نے دوپٹے سے پھندہ بناکر اپنی جان لے لیجب لڑکی کی بہن کمرے میں داخل ہوئی تو وہ یہ منظر دیکھ کر سکتے میں آ گئی، جب کہ موبائل فون بھی آن حالت میں موجود تھا، گھر والوں نے شواہد محفوظ کر کے متعلقہ اداروں کو فراہم کر دیے ہیں۔
پولیس کے مطابق واقعے کا مقدمہ قصور کے تھانہ الہٰ آباد میں درج کر لیا گیا ہے، ایف آئی آر کے مطابق متاثرہ لڑکی کو مبینہ طور پر ملزم کی جانب سے بلیک میل کیا جا رہا تھا، درخواست گزار کے مطابق ملزم نے لڑکی کے ساتھ تعلقات کے دوران مبینہ طور پر ویڈیوز بنا کر اسے ہراساں کیا اور دباؤ ڈالتا رہا۔
واقعہ 14 فروری کی رات پیش آیا، جبکہ مقدمہ 17 فروری کو درج کیا گیا، پولیس نے نامزد ملزم کو گرفتار کر کے اس کا موبائل فون قبضے میں لے لیا ہے، جبکہ مزید شواہد اکٹھے کیے جا رہے ہیں حکام کے مطابق واقعے کی تحقیقات جاری ہیں اور فرانزک رپورٹ کی روشنی میں مزید قانونی کارروائی عمل میں لائی جائے گی جبکہ متوفیہ کے ڈی این اے نمونے بھی مزید تحقیقات کے لیے روانہ کر دیے گئے ہیں، تمام پہلوؤں سے تفتیش جاری ہے، فرانزک رپورٹ اور شواہد کی روشنی میں مزید قانونی کارروائی عمل میں لائی جائے گی۔
ایک سوشل میڈیا صارف نے دعویٰ کیا کہ یہ لڑکا ن لیگی ایم پی اے احسن رضا خاں میو کا رشتے دار ہے میو بڑے قوم پرست ہیں اور پنجابیوں کے بڑے خلاف ہیں لیکن مریم نواز سے انصاف کی پوری امید ہے کہ وہ اس کا نوٹس لے کر اس بیغیرت کو کیفر کردار تک ضرور پنہچائے گئیں-
