Tag: قصوریات

قصور
بار بار لوڈ شیڈنگ ،بیشتر علاقوں کے ٹرانسفارمر جل گئے،
بجلی نا پانی،برف نایاب شہری پریشان،واپڈا حکام وفاقی گورنمنٹ کی طرح دعوے کرنے میں مصروف

تفصیلات کے مطابق قصور و گردونواح میں سخت گرمی کے باوجود بار بار لوڈ شیڈنگ کی جا رہی ہے جس سے لوگ پانی کی بوند بوند کو ترس گئے ہیں حتی کہ کارخانوں کی برف بھی نایاب ہو گئی ہے لوگ ڈبل قیمت پر برف خریدنے پر مجبور ہیں
بار بار لوڈ شیڈنگ اور ایل ٹی لائنیں پرانی تاریں بوسیدہ ہونے کے باعث بیشتر علاقوں کے ٹرانسفارمر جل گئے ہیں
جبکہ واپڈا حکام وفاقی گورنمنٹ کی طرح محض دعوؤں پر ہی اکتفا کر رہی ہے
شہریوں کا کہنا ہے کہ گورنمنٹ سے اپیل کرنا فضول ہے کیونکہ گورنمنٹ تسلیاں دینے میں ماہر ہے
لہذہ ہماری استدعا بارگاہ الٰہی میں ہے کہ اپنی رحمت کی ٹھنڈی بارش برسائے تاکہ غریب لوگ کچھ سکون کا سانس لے سکیں

قصور
پولیس وردی میں ملبوس حوالدار محمد سجادںاختیارات کا ناجائز استعمال کرنے لگا متاثرہ شخص کی ڈی پی او قصور سے انصاف کی اپیل

تفصیلات کیمطابق پولیس کی وردی میں ملبوس حوالدار محمد سجاد نے قصور نیوبائی پاس کے قریب دربار بابا گلو شاہ کے قریب ایک حویلی بنا رکھی ہے جہاں اسنے اپنے جائز و ناجائز کاموں کیلئے محمد جمیل نامی شخص جیسے چند کارندے رکھے ہوئے ہیں۔جو کہ اسکی بھینسوں کو چارہ وغیرہ ڈالنے کیساتھ ساتھ منشیات فروشی،شراب فروشی،جسم فروشی کیساتھ ساتھ ریٹائرڈ پولیس افسران کیساتھ ملکر ان کارندوں کے ذریعے غریب افراد کی ملکیتی زمینوں پر قبضہ کروا کر اسے سستے دام پر خرید کر آگے فروخت کرنے کر رہا ہے۔گزشتہ روز بھی حوالدار محمد سجاد نے محمد شفیق نامی شہری کا ریڑھا اور گھوڑا اسکے کے کزن کو تشدد کا نشانہ بنانے کے بعد چھین کرفرار ہوگئے اورلیجاکر اسے پولیس حوالدارمحمد سجادکی حویلی میں باند ھ لیا۔جس پر محمد شفیق نے پولیس حوالدار محمد سجاد کیخلاف تھانہ صدر میں درخواست دیدی۔جس پر متعلقہ تھانہ کے پولیس افسران نے اپنے پیٹی بندبھائی کو سپورٹ کرتے ہوئے ابھی تک کسی قسم کوئی قانونی کارروائی نہ کی ہے اور نہ ہی ان سے ریڑھا گھوڑا برآمد کیا ہے۔جس پر شریف شہری محمد شفیق نے دی پی او قصور اور دیگر اعلیٰ افسران سے فوری مدد کی اپیل کرتے ہوئے مطالبہ کیا ہے کہ پولیس حوالدار محمد سجاد اور دیگر ملزمان کیخلاف قانونی کارروائی عمل میں لاکر انکوائری کی جائے اور مقدمہ درج کرکے اسکا ریڑھا اور گھوڑا جس کی مالیت پانچ لاکھ ہے برآمد کیا جائے تاکہ سائل کہ اسے انصاف مل سکے۔

قصور
صحافی پر قاتلانہ حملہ،تحقیقات نا ہو سکی،صحافی برادری کا اظہار تشویش

تفصیلات کے مطابق راجہ جنگ قصور کے صحافی رانا جنید خان رائیونڈ قصور روڈ پر اپنی گاڑی میں گزشتہ دنوں اپنے گھر کی جانب جا رہے تھے کہ حویلی ملکانوالی کے قریب ان کی گاڑی کے قریب آکر دو موٹر سائیکل سواروں نے انہیں روکنے کی کوشش کی جس پر رانا جنید نے گاڑی بھگا کر لیاقت فلنگ اسٹیشن میں گاڑی داخل کی تو تعاقب کرنے والے مسلح افراد نے ان کی جانب فائرنگ کی اور بھاگ نکلے تاہم رانا جنید محفوظ رہے
واقعہ کی اطلاع ریسیکو 15 قصور پولیس کو کی گئی تو ایس ایچ او راجہ جنگ بھاری نفری کے ہمراہ پہنچ گئے اور حملہ آوروں کو جلد سے جلد گرفتار کرنے کی یقین دہانی کروائی تاہم کئی دن گزرنے کے باوجود کوئی پیش رفت نہیں ہو سکی
واضع رہے کہ چند دن قبل اسی راجہ جنگ کے علاقے میں اظہر یسین ثانی ایڈووکیٹ سمیت تین افراد کو قتل کر دیا گیا تھا جس کے باعث پورے علاقے میں خوف کی فضاء قائم ہے
راجہ جنگ قصور کی سیاسی،سماجی و صحافی برادری نے ڈی پی او قصور عمران ہشور سے رانا جنید خان پر حملہ کرنے والے ملزمان کو جلد سے جلد گرفتار کرنے کا مطالبہ کیا ہے

قصور
پتوکی میں واپڈا والوں کی کرپشن عروج پر صارفین پریشان۔گرمی آتے ہی بجلی چوری میں اضافہ جس کی سے وجہ تھوڑی تھوڑی دیر بعد لوڈ شیڈنگ میں اضافہ کیا جا رہا ہے

تفصیلات کے مطابق پتوکی اور اس کے گردونواع میں واپڈا والوں کی طرف سے بجلی چوری عروج پر پہنچ چکی ہیں ملازمین ناجائز بل بنا کر صارفین سے رشوت وصول کرتے ہیں اور اپنے من پسند افراد کو بجلی چوری کرواتے ہیں جس سے ملکی خزانے کو سالانہ کروڑوں روپے کا چونا لگایا جاتا ہے۔پتوکی اور گردونواح میں واپڈا ملازمین منتھلیاں وصول کرکے بجلی چوری کروا رہے ہیں۔ذرائع کا کہنا ہے کہ ملازمین نے مختلف جگہوں پر اپنے کارندے رکھے ہوئے ہیں جو واپڈا ملازمین اور لوگوں کے درمیان سیٹنگ کروا کر پیسے اکھٹے کرتے ہیں۔اور ملکی خزانے کو سالانہ کروڑوں روپے کا چونہ لگاتے ہیں۔پتوکی عوام نے ایس ای قصور چیف لیسکو اور وزیر پانی وبجلی سے مطالبہ کیا ہے کہ وہ فوری ایکشن لے کر ذمہ داران کا جلد تعین کر کے محکمے کو نقصان سے بچایا جائے اور لوگوں کو کافی عرصہ سے ایک ہی جگہ رہنے والے کرپٹ ملازمین سے جان چھڑوائی جائے

قصور
الہ آباد ٹاون کمیٹی کےسینٹری ور کروں شدید گرمی میں اپنی ڈیوٹی فریضہ سمجھ کر ادا کرتے ھیں
الہ آباد میں ٹاؤن کمیٹی کے سینٹری ورکرز نے شدید گرمی کے باوجود۔صفائی ستھرائی گٹروں کی صفائی محنت اور لگن سے ادا کر رھے ھیں پھر گٹروں کی۔صفائی کے لیے ھمیں مکمل کٹ میسر نہیں ھے کئی دفعہ گٹروں صفائی کے دوران گیس بھرنے سے اموات بھی واقع ہوسکتی ھے اور شدید گرمی کام کرنے کے دوان شدید پیاس کی طلب ھو جاتی ھے مگر اداروں کی جانب سے کوئی سہولت میسر نہ ھے اور صفائی ھم کرتے ھیں شاباش افسران لے لیتے ھیں مگر کسی نے چھوٹے ملازمین کی فلاح و بہبود کے لیے نہیں سوچا الہ آباد کے شہریوں عمران سردار رمضان چوہدری اشفاق جٹ وغیرہ نے حکومت پنجاب سے مطالبہ کیا ھے کہ سینٹری ورکر وں کو صفائی کے لیے صفائی الاؤنس اور ھیلتھ الاؤنس بھی دیا جائے اور ان کی تنخواہوں 25/فیصد بڑھائی جائیں اور گرمی میں کام کرنے کے دوران ٹھنڈے پانی کا بندوبستی کیا جاوے اور گٹر کی صفائی کے لیے مکمل کٹ فراھم کی جاوے

قصور
پولیس کی جانب سے تاجر و دوکانداروں کو اپنی حفاظت کے لئے اپنے ذاتی سکیورٹی گارڈ رکھنے کا حکم، قصور پولیس کی جانب سے کیبل پر اشتہار چلایا گیا،مالی مشکلات میں مبتلا تاجر برادری مذید پریشان

تفصیلات کے مطابق ڈسٹرکٹ پولیس قصور کی جانب سے کیبل نیٹ ورک پر اشتہار چلایا گیا ہے جس میں 15000 ہزار سے زیادہ سیل کرنے والے دکانداروں،تاجروں کو حکم دیا گیا ہے کج وہ اپنے جان و مال کے تحفظ کے لئے اپنے ذاتی سکیورٹی گارڈ رکھیں اور جو دوکاندار اپنا سکیورٹی گارڈ نہیں رکھے گا اسکے خلاف قانونی کارروائی ہو گی
پولیس کی جانب سے کیبل نیٹ ورک پر دیئے گئے حکمی اشتہار پر تشویش کا اظہار کرتے ہوئے تاجروں نے کہ اکہ اگر ہم نے اپنی حفاظت کے لیے ذاتی سکیورٹی گارڈ رکھنے ہیں تو پولیس کا محکمہ ختم کر دیا جائے
عوام اپنی مدد آپ کے تحت اپنی حفاظت شروع کر دے گی اور گورنمنٹ کی تنخواہوں کی مد میں جانے والی رقم بچے گی جس سے قومی خزانے کو کچھ تو فائدہ ہو گا نیز ان کا کہنا ہے کہ قصور پولیس کی طرف سے اسطرح کے اشتہار چلوا کر عوام میں پولیس کے بارے خود ہی عدم اعتماد کی فضا قائم کی گئی ہے

قصور پولیس کی جانب سے اس اشتہار چلائے جانے پر شہریوں نے آئی جی پنجاب سے نوٹس لینے کا مطالبہ کیا تاکہ انکوائری کروا کر پتہ چلایا جائے کہ یہ اشتہار کس کے کہنے یر چلایا جا رہا ہے