Tag: قصوریات

قصور
پہیہ جام ہڑتال، شہریوں کو شدید مشکلات کا سامنا

تفصیلات کے مطابق ملک بھر کی طرح قصور میں بھی آج پہیہ جام ہڑتال ہوئی، جس کے باعث پبلک ٹرانسپورٹ مکمل طور پر بند ہیں
بسیں، ویگنیں اور کوسٹر نہ چلنے سے شہریوں کو شدید پریشانی کا سامنا کرنا پڑ رہا ہے

ٹرانسپورٹ بند ہونے کے باعث لوگ مجبوری میں اپنی ذاتی سواریوں، موٹر سائیکلوں اور رکشوں پر سفر کرنے پر مجبور رہے جس کے سبب شہر بھر میں رش اور کوفت کی صورتحال دیکھنے میں آئی ہے

شہریوں نے مطالبہ کیا ہے کہ حکومت فوری اقدامات کرے تاکہ روزمرہ زندگی معمول پر آ سکے

قصور
ڈکیت گینگ کا سرغنہ ساتھی سمیت گرفتار، لاکھوں کا مال مسروقہ برآمد

تفصیلات کے مطابق قصور کی تحصیل پتوکی میں تھانہ سٹی پتوکی پولیس نے ایس ایچ او عامر ذوالفقار کی سربراہی میں اہم کارروائی کرتے ہوئے رمضان عرف جانی گینگ کے سرغنہ کو ایک ساتھی سمیت گرفتار کر لیا

پولیس کے مطابق گرفتار ملزمان راہزنی اور نقب زنی کی متعدد وارداتوں میں ملوث تھے اور گھروں کے تالے توڑ کر لوٹ مار کرنا ان کا معمول تھا
کارروائی کے دوران 3 لاکھ روپے نقدی، ایک اے سی اور موٹر سائیکل سمیت مجموعی طور پر 6 لاکھ 65 ہزار روپے مالیت کا مسروقہ سامان برآمد کر لیا گیا ہے

تفتیشی ذرائع کا کہنا ہے کہ ملزمان نے دورانِ تفتیش پتوکی اور گردونواح میں 8 سے زائد سنگین وارداتوں کا اعتراف کیا ہے جبکہ مزید انکشافات کی روشنی میں تفتیش جاری ہے

ڈی ایس پی پتوکی سجاد اکبر کی نگرانی میں علاقہ بھر میں مجرمان کے خلاف سخت کارروائیاں جاری ہیں جن کا مقصد شہریوں میں امن و امان کے احساس کو مضبوط کرنا ہے

قصور
ایک دہائی سے زیادہ پرانے بائی پاس پر حالات تاحال خراب،نا سائن بورڈ نا سٹریٹ لائٹ،حکام سے نوٹس کی اپیل

تفصیلات کے مطابق قصور بائی پاس پر حالات دن بہ دن خراب ہو رہے ہیں جس کی وجہ سے شہری شدید پریشان ہیں
بائی پاس پر رات کے وقت نہ سٹریٹ لائٹس کی سہولت ہے نہ ہی یوٹرن پر کسی قسم کا سائن بورڈ جس کی وجہ سے اندھیرا اور بے ترتیبی مل کر حادثات کا باعث بن رہی ہیں
بائی پاس کو بنے ایک دہائی سے زیادہ عرصہ ہو چکا ہے مگر رات کے وقت سٹریٹ لائٹس صرف چند دنوں کے لیے چلائی گئیں تھیں باقی اب سالوں اے اندھیرا ہی اندھیرا ہے
شہریوں کے مطابق اندھیرے میں ٹریفک کا بہاؤ مذید خطرناک ہو جاتا ہے خاص طور پر یوٹرن پر نشاندہی نہ ہونے سے حادثات معمول بن چکے ہیں
شہریوں نے اعلیٰ حکام سے فوری نوٹس لینے اور سٹریٹ لائٹس کو باقاعدگی سے فعال کرنے کا مطالبہ کیا ہے

قصور
ایک ماہ سے صحافی کی گمشدگی کا معمہ حل نا ہو سکا،لواحقین سخت پریشان،وزیر اعلی پنجاب سے نوٹس کی اپیل

تفصیلات کے مطابق قصور کے نواحی قصبہ کھڈیاں خاص کے مقامی صحافی حسنین علی بھٹی ایک ماہ سے لاپتہ ہیں جبکہ اہلِ خانہ کی فریاد حکام تک نہ پہنچی

کھڈیاں خاص کے نوجوان صحافی حسنین علی بھٹی کو لاپتہ ہوئے ایک ماہ سے زائد گزر گیا ہے
مگر ان کی تلاش میں اب تک کوئی پیش رفت سامنے نہیں آئی جس پر گھر والے سخت پریشانی اور بے بسی میں مبتلا ہیں

حسنین کے بھائی نے بتایا کہ
میرے چھوٹے بھائی کو ایک ماہ سے اوپر ہو گیا ہے
کوئی رابطہ نہیں ہوا اور کوئی پتہ بھی نہیں چل رہا
میری وزیرِاعلیٰ پنجاب مریم نواز اور اعلیٰ حکام سے درخواست ہے کہ ہماری آواز سنی جائے اور فوری مدد کی جائے

اہلِ خانہ کا کہنا ہے کہ معاملہ حساس ہے اس لیے تحقیقات میں تیزی لائی جائے تاکہ جلد کوئی سراغ مل سکے
دوسری جانب مقامی صحافتی حلقوں نے بھی تشویش کا اظہار کرتے ہوئے کہا ہے کہ ایک صحافی کا یوں لاپتہ ہونا انتہائی سنگین معاملہ ہے اور حکام کو فوری ایکشن لینا چاہیے

قصور
تفصیلات کے مطابق ٹریفک قوانین میں سختی نے ہیلمٹ کا بحران کھڑا کر دیا ہے جس سے پریشان شہریوں کی پریشانی میں مذید اضافہ ہوا ہے
ٹریفک پولیس کے چالانوں میں اضافے کے بعد بازاروں میں ہیلمٹ اچانک نایاب ہونا شروع ہو گئے
پندرہ سو روپے والا عام ہیلمٹ چار ہزار پانچ سو روپے تک جا پہنچ چکا ہے جس سے شہری شدید پریشانی اور مجبوری کا شکار ہیں

پرائس کنٹرول اتھارٹی، پیرا فورس اور متعلقہ ڈپارٹمنٹس قیمتیں کنٹرول کرنے میں بری طرح ناکام دکھائی دے رہے ہیں دکاندار کھلے عام من مانے نرخ وصول کر رہے ہیں اور کوئی پوچھنے والا نہیں

عوام کا واضح مطالبہ ہے کہ حکومت صرف چالان بڑھانے پر نہ رکے بلکہ مہنگے داموں ہیلمٹ فروخت کرنے والے مافیا کے خلاف بھی سخت ایکشن لے اور اپنی مکمل موجودگی کا احساس کروائے

شہریوں نے یہ بھی مطالبہ کیا ہے کہ نئی موٹر سائیکل کے ساتھ کمپنی کو فری ہیلمٹ دینے کا پابند کیا جائے تاکہ عوام کو دونوں طرف سے لوٹنے کا سلسلہ بند ہو سکے

قصور
کم عمر بچوں کی موٹر سائیکل چلانے بارے اہم فیصلہ

تفصیلات کے مطابق پنجاب ٹریفک پولیس نے کم عمر ڈرائیونگ کے حوالے سے واضح اعلان کر دیا ہے
سکول و کالج جانے والے کم عمر طلبہ کے خلاف ایف آئی آر درج نہیں کی جائے گی محض چالان ہو گا

ترجمان ٹریفک پولیس کے مطابق اگر کوئی طالب علم کم عمر ہو کر موٹر سائیکل چلائے گا تو کارروائی براہِ راست اس کے والد یا موٹر سائیکل کے اصل مالک کے خلاف کی جائے گی اور ایف آئی آر بھی انہی کے نام پر درج ہوگی

حکام کا کہنا ہے کہ یہ فیصلہ صرف طلبہ کے تعلیمی مستقبل کو متاثر ہونے سے بچانے کے لئے کیا گیا ہے جبکہ والدین کو ذمہ داری کا احساس دلانا اب لازمی سمجھا جا رہا ہے

شہریوں نے اس فیصلے کو مثبت قرار دیتے ہوئے کہا ہے کہ کم عمر بچے سڑکوں پر خطرات کا باعث بنتے ہیں اس لیے والدین کی ذمہ داری عائد کرنا وقت کی ضرورت ہے

قصور
بابا بلھے شاہ ڈسٹرکٹ ہسپتال میں بدانتظامی عروج پر

تفصیلات کے مطابق بابا بلھے شاہ ڈسٹرکٹ ہسپتال قصور میں بنیادی سہولیات کا شدید فقدان سامنے آ گیا ہے جس کی وجہ سے علاج کے لیے آنے والے مریض بدترین مشکلات کا شکار ہیں
عم صورتحال مزید بگڑ چکی ہے ہسپتال ذرائع کے مطابق ای
ایمرجنسی، گائنی، بچوں کے وارڈ اور سرجیکل وارڈ میں عملے کا رویہ بھی مریضوں اور لواحقین کے مطابق انتہائی بدتمیزی پر مبنی ہے جس سے ہسپتال آنے والے افراد شدید ذہنی کوفت میں مبتلا رہتے ہیں

مریضوں کا کہنا ہے کہ ہسپتال میں نہ ادویات ملتی ہیں اور نہ ضروری ٹیسٹ کیے جاتے ہیں ایکسرے تک باہر سے کروانے پڑ رہے ہیں
شہریوں کے مطابق پنجاب حکومت کی جانب سے بھیجی جانے والی میڈیسن، ایکسرے فلمیں اور ٹیسٹنگ میٹریل مبینہ طور پر خرد برد کیا جارہا ہے اور کرپشن میں ملوث اہلکاروں کے خلاف کوئی کارروائی نہیں ہو رہی

پارکنگ اسٹینڈ پر بھی ہسپتال انتظامیہ کی ملی بھگت سے کھلم کھلا اوورچارجنگ کی جارہی ہے جبکہ ایمرجنسی وارڈ میں بیڈز اور اسٹاف کی کمی کے باعث ایک بیڈ پر دو دو مریض لٹائے جارہے ہیں

دوسری جانب ایم ایس بابا بلھے شاہ ڈسٹرکٹ ہسپتال نے تمام الزامات کو بےبنیاد قرار دیتے ہوئے کہا ہے کہ مریضوں کو ہر ممکن سہولت فراہم کی جارہی ہے

شہریوں نے وزیراعلیٰ پنجاب مریم نواز، صوبائی وزیر صحت اور سیکرٹری صحت سے فوری نوٹس لینے اور ڈسٹرکٹ ہسپتال قصور کی فوری اصلاح کا مطالبہ کیا ہے تاکہ عوام کو بنیادی علاج معالجے کی سہولیات میسر آ سکیں

قصور شہر میں ناقص اور مضر صحت دودھ کی کھلے عام فروخت نے شہریوں کی زندگی اجیرن بنا دی ہے۔ مختلف علاقوں—اسٹیل باغ، قادی روڈ، کوٹ مراد خان، بسھسرپورہ اور قادر آباد—میں کم معیار دودھ و دہی کا کاروبار بے دھڑک جاری ہے جبکہ پرائس کنٹرول مجسٹریٹ اور متعلقہ ادارے مکمل خاموش تماشائی بنے ہوئے ہیں

شہریوں کے مطابق دودھ میں کیمیکل اور ملاوٹ کا استعمال اس حد تک بڑھ چکا ہے کہ گھروں میں بیماریاں عام ہونا شروع ہو گئی ہیں۔ بچوں میں پیٹ کی تکالیف، بخار اور کمزوری کی شکایات بڑھ رہی ہیں، مگر انتظامیہ کی جانب سے اب تک کوئی مؤثر قدم نہیں اٹھایا گیا۔

انجمن تحفظِ شہریان کے صدر ندیم اکبر بسرائی، جمیل احمد قصوری اور دیگر نمائندگان نے قصور ڈسٹرکٹ پریس کلب کے سروے میں بتایا کہ ملاوٹ مافیا کو متعلقہ اداروں کی غفلت کے باعث کھلی آزادی ملی ہوئی ہے۔ ان کا کہنا ہے کہ اگر فوری کارروائی نہ ہوئی تو صورتحال مزید سنگین ہو جائے گی۔

علاقہ مکینوں نے ڈپٹی کمشنر قصور سے فوری نوٹس لینے اور ملاوٹ مافیا کے خلاف سخت آپریشن کرنے کا مطالبہ کیا ہے تاکہ شہریوں کو معیاری اور محفوظ خور و نوش کی اشیاء فراہم کی جا سکیں