Tag: قصوریات

قصور
ماڈل رورل ہیلتھ سنٹر الہ آباد کا جنریٹر شدت کی گرمی میں بھی بند جبکہ ریفریجریٹر میں پڑی لاکھوں روپے کی حساس امراض میں استعمال ہونے والی ویکیسینز خراب ہونے کا خدشہ میڈیسن سٹور کا اے سی بھی بند آپریٹر غائب مریض اللہ کے رحم و کرم پر سی ای او ہیلتھ قصور اور ڈی سی قصور سے شہری حلقوں نےنوٹس کا مطالبہ کردیا
تفصیلات کے مطابق ماڈل رورل ہیلتھ سنٹر الہ آباد چونیاں میں بجلی بند ہونے سے مریض اور سٹاف بد حال ہو چکے ہیں جبکہ ریفریجریٹرز میں رکھی لاکھوں روپے کی حساس امراض کیلئے استعمال ہونے والی ویکسینز بھی خراب ہونے کا اندیشہ ہے دوسری جانب میڈیسن سٹور کا اے سی بھی بند کیا جاچکا ہے جس سے تمام میڈیسن مطلوبہ ٹمپریچر کے بغیر ہی مریضوں کو استعمال کروائی جارہی ہیں جہاں شدت کی گرمی میں تمام پنکھے بند ہیں وہاں ڈاکٹرز اور پیرا میڈیکل سٹاف گرمی میں مریضوں کو طبی امداد فراہم کرنے میں مصروف ہے وہاں ایمرجنسی مریض بھی دوران علاج دوہری اذیت میں مبتلا ہیں اور الٹرا ساؤنڈ کروانے والے مریض پرائیویٹ کلینکس سے مہنگے داموں الٹراساؤنڈ کروانے پر مجبور ہیں اس بارے جب ڈیوٹی پر موجود ڈاکٹر سعود سے بات ہوئی تو انکا کہنا تھا کہ فیول کی کمی کی وجہ سے جنریٹر مسلسل نہیں چلا سکتے شہری حلقوں نے سی ای او ہیلتھ قصور ڈاکٹر اقبال جاوید اور ڈی سی قصور منظر علی جاوید سے نوٹس کا مطالبہ کیا ہے

قصور
جرائم پیشہ افراد کی مقامی صحافی حاجی امین کمبوہ کو دھمکیاں ،ڈی پی او قصور کو مقدمہ کے اندراج کیلئے درخواست دے دی گئی، صحافی برادری کی طرف سے شدید مذمت اور ملزمان کی گرفتاری کا مطالبہ
تفصیلات کے مطابق ڈی پی او قصور کی جانب سے چوکی بھسر پورہ ختم کئے جانے کے بعد علاقہ بھر میں جرائم نے پھر سے سر اٹھا لیا ہے اور چوری، ڈکیتی اور راہزنی کی وارداتوں سمیت منشیات فروشی، قحبہ خانے اور دیگر جرائم میں بے پناہ اضافہ ہوا ہے جس پر مقامی صحافی حاجی امین کمبوہ نے خبروں کی اشاعت کے ذریعے علاقہ میں جرائم بڑھ جانے کی نشاندہی کی اس کے بعد ایک ہفتے سے نامعلوم افرا د کی طرف سے حاجی امین کمبوہ کو جان سے مارنے اور سنگین نتائج کی دھمکیاں موصول ہو رہی تھیں جس پر صحافی حاجی امین کمبوہ نے ڈی پی او قصور کو اندارج مقدمہ کیلئے درخواست دے دی ہے حاجی امین کمبوہ کو دھمکیاں دیئے جانے پر صحافی برادری نے شدید مذمت کرتے ہوئے ڈی پی او قصور سے ملزمان کی فوری گرفتاری کا مطالبہ کیا ہے

قصور
ایس او پیز کے ساتھ سرکاری سکول کھل گئے فی الوقت نہم و دہم کلاس کے طلبہ و طالبات ہی جائینگے باقی کلاسیں مرحلہ وار سکول جائینگی
تفصیلات کے مطابق آج سے ملک بھر کی طرح ضلع قصور کے بھی سرکاری سکول تعلیم کیلئے کھول دیئے گئے ہیں آج بروز منگل بتاریخ 15 ستمبر 20 کو نہم و دہم کلاس کے طلبہ وطالبات سکول حاضر ہوئے ہیں جبکہ 23 ستمبر سے ششم ، ہشتم اور ہفتم کلاس کے طلبہ و طالبات سکول جائیں گے اس کے بعد 1 اکتوبر سے نرسری سے پنجم تک کے طلبہ و طالبات سکول جائینگے سکول آنے والے طالب علموں،اساتذہ و سٹاف کو سینیٹائز ہو کر سکول میں داخلے کی اجازت دی گئی ہے جبکہ ہر کسی کے لئے ماسک لازمی پہننا قرار دیا گیا
آج سے سکول کھلنے کے بعد فیس ماسک کی ڈیمانڈ میں اضافہ دیکھنے میں آیا ہے

قصور
بھٹہ گوریانوالا چوک میں رہائشی کے گھر گھس کر نامعلوم افراد نے اندھا دھند فائرنگ کر دی جس سے خاتون جانبحق ہو گئی
تفصیلات کے مطابق گزشتہ رات 11 بجے کے قریب قصور بھٹہ گوریاں والا چوک میں
نامعلوم افراد نے گھر میں گھس کر اندھا دھند فائرنگ شروع کر دی
فائرنگ سے ایک خاتون جاں بحق چار افراد زخمی ہو گئے ہیں
زخمی اور جاں بحق افراد کا تعلق ایک ہی فیملی سے بتایا جا رہا ہے
زخمیوں اور ڈیڈ باڈی کو ڈسٹرکٹ ہیڈ کوارٹرز ہسپتال قصور منتقل کر دیا گیا ہے پولیس نے موقع پر پہنچ کر کاروائی شروع کر دی ہے
گھر میں گھس کر فائرنگ سے لوگوں میں سخت خوف و ہراس پایا جا رہا ہے معاملہ دشمنی کا ہے یا کوئی اور وجہ ابھی سامنے نہیں آ سکی

قصور
ابتدائی طبی امداد کے عالمی دن کے موقع پر ٹائیگر فورس کے جوانوں کو فرسٹ ایڈ کی تربیت دی گئی اور آ گاہی واک بھی کیا گیا
تفصیلات کے مطابق کل ابتدائی طبی امداد کے عالمی دن کے موقع پر ڈائریکٹر جنرل پنجاب ایمرجنسی سروس ڈاکٹر رضوان نصیر کی خصوصی ہدایت پر ریسکیو 1122 قصور کے زیر انتظام ورکشاپ کا اہتمام گیا گیا جس میں ٹائیگر فورس کے جوانوں کو ابتدائی طبی امداد کی تربیت دی گئی
اس موقع پر ڈسٹرکٹ ایمرجینسی آفیسر انجینئر سلطان محمود کا کہنا تھا کہ ہر خاص و عام ابتدائی طبی امداد کی تربیت حاصل کر کے ایمرجینسی کے وقت لوگوں کی زندگیاں بچانے میں اہم کردار ادا کر سکتے ہیں بعدازاں ابتدائی طبی امداد کی اہمیت کو اجاگر کرنے کے لیے ریلی بھی نکالی گئی جس میں ریسکیو افسران و اہلکاروں اور ٹائیگر فورس کے جوانوں نے شرکت کی

قصور
تحصیل چونیاں کے قصبے الہ آباد میں سرکاری اراضی پر تعمیر کی گئی دوکانیں مسمار کر دی گئیں
تفصیلات کے مطابق اسسٹنٹ کمشنر عدنان بدر نے تجاوزات کے خلاف ایکشن لیتے ہوئے چونیاں کے قصبے الہ آباد میں تجاوزات کی آڑ میں غیر قانونی طور پر تعمیر کی گئیں درجنوں دکانوں کے خلاف آپریشن کرتے ہوئے انہیں مسمار کروا دیا
کنگن پور روڈ پر اسسٹنٹ کمشنر چونیاں عدنان بدر کا بھاری مشینری کے ہمراہ رات گئے تک آپریشن جاری
جس سے ہر طرف افراتفری کا سماں پیدا ہو گیا اور لوگ دکانوں سے اپنا قیمتی سامان اٹھانے میں مصروف رہے
جبکہ اے سی کا کہنا ہے کہ ڈی سی قصور کے حکم پر قبضہ مافیا کے خلاف کاروائی کی گئی ہے

قصور
پولیس کی اہم پیشرفت چند روز قبل قصور ہسپتال سے اغواء کرنے والی عورت گرفتار ،لاہور ہسپتال میں دونوں میاں بیوی بطور سیکیورٹی گارڈز ملازم،کروڑوں روپیہ کی کوٹھی کی مالکن
تفصیلات کے مطابق چند روز قبل ڈسٹرکٹ ہیڈ کوارٹرز ہسپتال قصور سے ایک دن کا بچہ اغواء کرنے والی خاتون پولیس کے ہتھے دو دن قبل چڑھ گئی تاہم بچہ ابھی برآمد نہیں ہو سکا عورت اور اس کا شوہر چلڈرن ہسپتال لاہور میں بطور سیکیورٹی گارڈ ملازمت کرتے ہیں جن کی تنخواہ پندراں پندراں ہزار روپیہ ماہانہ ہے مگر خاتون کی مصطفی آباد للیانی کے قریب کروڑوں روپیہ مالیت کی کوٹھی ہے
قصور تھانہ صدر کے ایس ایچ او میاں غلام فرید اور تفتیشی افسر محمد عمران نے ڈی پی او قصور زاہد نواز مروت کی خصوصی ہدایت پر دن رات ایک کرکے خاتون کو بڑی محنت سے گرفتار کیا دوران گرفتاری ملزمہ کے قبضے سے بھاری رقم بھی برآمد ہوئی حالانکہ موصوفہ پندراں ہزار روپیہ ماہانہ کی ملازمہ ہے جبکہ خاتون کے زیر استعمال کوٹھی کروڑوں روپیہ مالیت کی ہے خدشہ ہے کہ خاتون نے بچے کو فروخت کر دیا ہے
خاتون بار بار اپنے بیانات بدل رہی ہے گمان ہے کہ خاتون کا نیشنل لیول کڈنیپنگ گینگ سے تعلق ہے ہسپتال کی ملازمہ ہونے کے ناطے عورت کو بچوں کو اغواء کرنے میں آسانی ہے
دوران تفتیش اہم انکشافات ہوئے تاہم تفتیش کا دائرہ کار برہانے کیلئے افشا نہیں کئے گئے
قصور پولیس کا کہنا ہے کہ مغوی بچے کو جلد بازیاب کروا لیا جائے گا
جبکہ علاقے کے لوگوں اور بچے کے والدین نے پرامید ہو کر کہا کہ ہمیں امید ہے کہ پولیس بچے کو بازیاب کروا لے گی
لوگوں نے ملزمہ کو گرفتار کرنے پر ڈی پی او قصور زاہد نواز مروت،ایس پی انویسٹیگیشن،ڈاکٹر حنان،ایس ایچ او تھانہ صدر میاں غلام فرید،تفتشی افسر سب انسپیکٹر محمد عمران اور دیگر پولیس ملازمین کو خراج تحسین پیش کیا

قصور میں باؤلے کتوں کا راج انتظامیہ بے بس ،لوگ زخمی ہو کر ہسپتال پہنچنے لگے
تفصیلات کے مطابق الہ آباد تھانہ کنگن پور کی حدود موضع موکل میں باؤلے کتوں کے حملے جاری ہیں
دو دنوں میں موضع موکل اور اسکے گردونواح کے دو گاؤں میں کتوں نے نو افراد کو کاٹ کر زخمی کر دیا ہے
باؤلے کتوں کے کاٹے مریضوں کو رورل ہیلتھ سنٹر کنگن پور پہنچایا گیا ہے
جبکہ کنگن پور ہسپتال میں ویکسین نہ ہونے کی وجہ سے تمام زخمیوں کو ڈسٹرکٹ ہسپتال قصور ریفر کر دیا گیا اب تک باؤلےکتوں کے کاٹنے سے 8 مرد اور اور ایک عورت شدید زخمی ہوئے ہیں
جبکہ ضلع قصور اور الہ آباد میں آوارہ کتوں نے اب تک کئی جانیں لے لیں اور درجنوں شدید زخمی کر ڈالے ہیں یہ باؤلے کتےاس سے پہلے انسانوں کے علاؤہ کئی مویشی بھی ہلاک کر چکے ہیں
عوام کا حکومت سے مطالبہ ضلع قصور کو آوارہ کتوں سے پاک کیا جائے اور ان کو مار کر ان سے عوام کو محفوظ رکھنے کے فوری اقدامات کئے جائیں