Tag: قصوریات

قصور
بورڈ آف ریونیو پنجاب
پروانشل ڈسٹرکٹ مینجمنٹ اتھارٹی کی جانب سے کہا گیا ہے کہ 30 سے 31 جولائی تک متوقع موسمی نظام کی وجہ سے دریائے ستلج قصور میں سیلاب کا خدشہ پیش آ سکتا ہے جس کے باعث قصور ضلعی انتظامیہ سے اعلیٰ سطح کی تیاری اور آفات سے نمٹنے کے لیے ضلعی انتظامیہ کو متحرک رہنے کی ہدایت جاری کی گئی ہے اور کہا گیا ہے کہ
موثر کوآرڈینیشن اور ردعمل کے لیے DEOCs میں چوبیس گھنٹے کافی عملے کی موجودگی کو یقینی بنائیں متحد فوری ریسپانس کو یقینی بنانے کے لیے PDMA اور تمام متعلقہ محکموں کے ساتھ رابطہ قائم کرے اور ںسیلاب کی نگرانی اور قبل از وقت وارننگ کے نظام کو فعال کرے اور
الیکٹرانک اور سوشل میڈٰیا کے ذریعے حفاظتی اقدامات اور انخلاء کے منصوبوں کے بارے میں معلومات کی درست اور بروقت ترسیل کو لوگوں تک یقینی بنایا جائے
سڑکوں کی بحالی کے لئے خطرے والے علاقوں میں چوک پوائنٹس پر ہیوی ارتھ موونگ مشینری کی پہلے سے تعیناتی کو یقینی بنایا جائے اور
پشتوں کی مضبوطی اور سیلاب سے بچاؤ کے ڈھانچے کا معائنہ یقینی کیا جائے
ہموار پانی کے بہاؤ کو یقینی بنانے کے لیے واٹر چینلز میں موجود رکاوٹوں کو دور کیا جائے اور اضافی عملہ اور وسائل کو زیادہ خطرے والے علاقوں میں تعینات کرنے کیساتھ ریسکیو 1122 کو الرٹ رکھا جائے
اور ضروری سامان کے ساتھ پری پوزیشن سرچ اینڈ ریسکیو ٹیموں (DRF) کو یقینی بنانے کیساتھ سیلاب زدہ علاقوں سے لوگوں کو نکالنے کے لئے آمدورفت کے انتظامات کو یقینی بنایا جائے
دیگر سہولیات جیسے بجلی، خوراک، پینے کے پانی اور بیت الخلاء کی فراہمی کے ساتھ محفوظ مقامات پر امدادی کیمپ/طبی کیمپ قائم کریں اور سیلاب زدہ علاقوں میں ضروری ادویات اور طبی سامان (بشمول پانی سے پیدا ہونے والی بیماریاں، سانپ کا زہر وغیرہ) ذخیرہ کریں
متاثرہ علاقوں میں ضروری کھانے پینے کی اشیاء (فوڈ ہیمپرز، پکا ہوا کھانا وغیرہ)، پہلے سے پیک شدہ خوراک اور پینے کے صاف پانی کی مناسب ذخیرہ دستیابی کو یقینی بنایا جائے اور مویشیوں کو اونچی زمین اور محفوظ علاقوں میں منتقل کریں
اس بات کو یقینی بنائیں کہ متاثرہ جانوروں کی دیکھ بھال کے لیے ویٹرنری خدمات دستیاب ہوں

قصور ایسوسی ایشن آف انٹرنیشنل لائرز (AIL) گلوبل قصور ڈسٹرکٹ پنجاب چیپٹر، پاکستان کے صدر احمد علی قصوری ایڈووکیٹ نے اپنی ممبرشپ مہم مکمل کرنے کا اعلان کیا ہے، جس میں 75 وکلاء کو مرکزی تنظیم کے لندن، برطانیہ میں مقرر کردہ معیار پر پورا اترنے کے بعد منتخب کیا گیا ہے۔ انتخاب کے عمل کی توثیق AIL پنجاب صوبہ چیپٹر، پاکستان نے کی۔

نئے ممبران سے توقع کی جاتی ہے کہ وہ قانونی فضیلت اور بین الاقوامی تعاون کو فروغ دینے کے باب کے مشن میں اپنا حصہ ڈالیں گے۔ AIL قصور ڈسٹرکٹ چیپٹر اپنے اراکین کے درمیان قانونی تعلیم اور نیٹ ورکنگ کے مواقع کو فروغ دینے کے لیے مختلف تقریبات اور سرگرمیاں منعقد کرنے کا ارادہ رکھتا ہے۔

یہ پیشرفت قصور ڈسٹرکٹ چیپٹر کے لیے ایک اہم سنگ میل کی نشاندہی کرتی ہے، جو قانون کی حکمرانی کو آگے بڑھانے اور وکلاء کی عالمی برادری کو فروغ دینے کے اپنے عزم کو اجاگر کرتی ہے۔

قصور
ضلع کے سب سے بڑے اور سب سے قریبی گاؤں کھارا کے گورنمنٹ ہائی سکول فار بوائز کے گراؤنڈ کو کچرے کے ڈھیر میں بدل دیا گیا،حکام سے نوٹس کی اپیل

تفصیلات کے مطابق قصور کے سب سے قریبی گاؤں کہ جس کا فاصلہ قصور بائی پاس سے محظ 1 کلومیٹر سے بھی کم ہے اور جس کی آبادی 40 ہزار نفوس سے بھی زیادہ ہے اور جس گاؤں سے سابق چیف سیکرٹری و صوبائی محتسب اعلی پنجاب محمد احمد بھٹی مرحوم اور موجودہ کئی بڑے بڑے افسران کا تعلق ہے ، اس گاؤں کے واحد اکلوتے گورنمنٹ ہائی سکول فار بوائز کے گراؤنڈ کو صاف ستھرا پنجاب کے عملے نے کچھ عرصہ قبل ڈمپنگ پوائنٹ بنایا جہاں گندگی نے اپنا راج جما لیا
اس ڈمپنگ پوائنٹ کی بدولت اہلیان علاقہ نے بھی کوڑا کرکٹ پھینکنا شروع کر دیا جس کے باعث گراؤنڈ کی دیوار ختم ہو کر ملحقہ کالونی و نجی زرعی زمینوں سے جا ملی ہے
اس گراؤنڈ میں اس قدر تعفن اور بدبو ہوتی ہے کہ پاس سے گزرنے والوں کا سانس مشکل سے نکلتا ہے اس بدولت اس گراؤنڈ میں بچے کیا خاک کھیلیں گے؟
نیز قریب واقع جوہڑ بھی گراؤنڈ کی جانب بڑھ رہا ہے جس کی بدولت گراؤنڈ نا ہونے کے برابر رہ گیا ہے اور گراؤنڈ کا وجود خطرے میں ہے جو کہ انتہائی لمحہ فکر ہے

اہلیان علاقہ نے وزیر اعلی پنجاب مریم نواز،ڈپٹی کمشنر قصور عمران علی سے فوری نوٹس لے کر بچوں کے گراؤنڈ کی صفائی ستھرائی اور گراؤنڈ کی چار دیواری کو دوبارہ تعمیر کروا کر بچوں کے گراؤنڈ کی بحالی کا مطالبہ کیا ہے

قصور
ٹبی کمبواںوالی نزد ڈیرہ سردار مختیار والا کا ٹرانسفارمر تین دن سے خراب،بارہا شکایات کے کوئی کاروائی نا ہوئی،شدید ترین گرمی و حبس کے لوگ پانی کی بوند بوند کو ترس گئے

تفصیلات کے مطابق قصور لیسکو واپڈا کی لاپرواہی سخت گرمی میں بھی عروج پر ہے
لیسکو واپڈا قصور لوگوں سے بقایا واجبات تو بندوق کی نوک پر حاصل کر رہا ہے مگر صارفین کا حق دینے سے نا صرف قاصر ہے بلکہ الٹا صارفین کو صاف جواب بھی دیا جاتا ہے
قصور کے نواحی علاقے ٹبی کمبواں والی نزد ڈیرہ سردار مختیار والا ٹرانسفارمر عرصہ تین دن سے خراب ہے جس کی اہلیان علاقہ کی طرف سے بارہا واپڈا اہلکاران کو شکایت کی گئی تاہم عرصہ تین دن گزرنے کے کوئی کاروائی عمل میں نہیں لائی گئی ہر بار لوگ کو ٹرخا دیا جاتا ہے
واضع رہے کہ اس وقت قصور میں اس سیزن کی شدید ترین گرمی و حبس ہے جس کے باعث لوگوں کا سانس لینا محال ہے اور ان تین دنوں میں اہلیان علاقہ پانی کی بوند بوند کو ترس گئے ہیں تاہم واپڈا اہلکاروں کو رحم نہیں آیا
اہلیانِ علاقہ نے ارباب اختیار سے اس نا انصافی اور کھلے ظلم پر نوٹس لینے اور ذمہ دار واپڈا اہلکاروں کے خلاف کاروائی کا مطالبہ کیا ہے اور استدعا کی ہے کہ ان کا ٹرانسفارمر فوری مرمت کروا کر بجلی بحال کی جائے

قصور
بائی پاس پر لگا فلاحی مرکز کھارا کا دیو ہیکل سائز سائن بورڈ خطرے کی علامت،وزنی سائن بورڈ تھوڑے سے کنکریت کے سہارے کھڑا،کبھی بھی تیز ہوا سے گر سکتا ہے،اسی جگہ قربانی کی آلائشوں سے تعفن و بدبو سے اہلیان علاقہ کی زندگیاں اجیرن،ضلعی انتظامیہ سے نوٹس کی اپیل

تفصیلات کے مطابق بھٹی ہسپتال سے تھوڑا آگے قصور بائی پاس کے کنارے پر لگا دیو ہیکل سائن بورڈ کسی بھی وقت بڑے سانحے کا سبب بن سکتا ہے
فلاحی مرکز بہبود آبادی کھارا کا سائن بورڈ بائی پاس کے کنارے تھوڑے سے کنکریت کے سہارے کھڑا کیا گیا ہے جو کہ تیز آندھی سے گر کر کسی بڑے سانحے کا سبب بن سکتا ہے
سائن بورڈ کو زنگ سے نگلنا شروع کیا ہے جس کے باعث سائن بورڈ نیچے سے بھی لازمی گل چکا ہو گا اوپر سے تھوڑی سے کنکریت کی برجی بھی کمزور ہے
نیز بلکل اسی مقام پر عید قربان کے موقع پر آلائشوں کا ڈمپنگ پوائنٹ بنایا گیا تھا جس کی باقیات ابھی بھی باقی ہیں جس سے ہر وقت شدید تعفن اٹھتا ہے جس کی بدولت اہلیان علاقہ اور گزرنے والے لوگوں کا جینا حرام ہو چکا ہے
اوپر سے برسات کے باعث تعفن مذید پھیل جاتا ہے جس سے لوگ بیماریوں کا شکار ہو رہے ہیں
اہلیان علاقہ نے ضلعی انتظامیہ سے نوٹس لینے کی اپیل کی ہے

قصور
شیشہ کیفے کے خلاف کریک ڈاؤن،کثیر تعداد میں حقے و فلیور برآمد،ملزمان گرفتار

تفصیلات کے مطابق قصور میں شیشہ کیفوں کے خلاف کریک ڈاؤن میں
ڈی پی او محمد عیسیٰ خاں کی ہدایت پر تھانہ صدر قصور پولیس نے شیشہ کیفوں کے خلاف کریک ڈاؤن کا آغاز کیا
ایس ایچ او صدر قصور حیدر علی کی سربراہی میں پولیس ٹیم نے 2 شیشہ کیفوں سے 2 ملزمان کو گرفتار کیا
جن کے قبضہ سے کثیر تعداد میں حقے، مختلف قسم کے فلیور اور دیگر سامان برآمد ہوا
گرفتار ملزمان کھیم کرن روڈ پر شیشہ کیفے بنا کر نوجوان نسل کو تباہ کر رہے تھے
پولیس نے ملزمان کے خلاف شیشہ سموکنگ ایکٹ کی دفعات کے تحت الگ الگ مقدمات درج کرکے حوالات میں بند کر دیا