Tag: قصوریات

قصور
لاہور پولیس کے جوانوں کا ضلع قصور کی حدود میں شہری پر تشدد اور مار پیٹ،جان سے مارنے کی دھمکی دینے کے بعد پیسے چھین لئے،کاروائی کا مطالبہ

تفصیلات کے مطابق صابر مسیح ولد یونس مسیح ذات کرسچن رہائشی موضع لکھنیکی قصور نے تھانہ مصطفی آباد للیانی میں درخواست دی کہ کا وہ ایک بیوپاری ہے اور مال مویشی کی خرید و فروخت کا کا کرتا ہے اور وہ اپنی مذہبی دعا کے لئے مورخہ 10/3/24 کو بہار کالونی لاہور گیا اور واپسی پر جب وہ مصطفی آباد راجباہ حدودِ تھانہ مصطفی آباد قصور کے پاس پہنچا تو دس بجے کے قریب لاہور پولیس کے ملازم ارسلان اور محرر چوکی سبزی منڈی نزد گجومتہ لاہور اور 4 کس نا معلوم افراد نے گن پوائنٹ پر اس سے 270000 روپے ہتھیا لئے اور شدید مار پیٹ کا نشانہ بنایا اور جان سے مارنی کی دھمکیاں دیں
سائل نے ڈی پی او قصور اور آئی جی پنجاب سے پولیس گردی کے خلاف کاروائی کا مطالبہ کیا ہے

قصور
پکی حویلی مصطفی آباد للیانی کے قریب معروف ریسٹورنٹ کی من مانیاں،اپنی مرضی کے ریٹ،ہر چیز کے زائد ریٹ لگا کر بھی جنرل سیلز ٹیکس کسٹمرز سے وصول کئے جانے لگے،ڈپٹی کمشنر ،اسسٹنٹ کمشنر و پرائس کنٹرول مینجمنٹ سے نوٹس کی اپیل

تفصیلات کے مطابق ضلعی انتظامیہ قصور سرکاری قیمتوں پر چیزوں کی فروخت کو یقینی بنانے میں ناکام ہے
فیروز پور روڈ لاہور قصور روڈ نزد مصطفی آباد للیانی کے قریب واقع ریسٹورنٹ پر ہر چیز کی قیمتیں کئی گناء زیادہ ہیں
روٹی کی قیمت 15 روپیہ کی بجائے 60 جبکہ 1.5 لیٹر بوتل کی قیمت 180 کی بجائے 250 روپیہ وصول کی جا رہی ہے
جب کسٹمر سرکاری ریٹ پر روٹی کی فراہمی کا مطالبہ کرے تو 20 روپیہ فی کی قیمت لگائی جاتی ہے کہ جس کا وزن کم ہوتا ہے
مذید ظلم کی انتہاء کہ قیمتوں میں اتنا زیادہ نفع لینے کے باوجود بھی جنرل سیلز ٹیکس کسٹمرز سے وصول کیا جا رہا ہے جس پر لوگوں میں تشویش پائی جا رہی ہے کہ وہ تو چیز کی خریداری سے پہلے دکاندار گورنمنٹ کو ادا کر چکا ہوتا ہے جس کی ادائیگی پر کسٹمر خریدنے پر اصل قیمت کیساتھ ادا کرتا ہے تو پھر یہ جنرل سیلز ٹیکس کہاں سے آگیا؟
شہریوں نے ڈپٹی کمشنر قصور و اسسٹنٹ کمشنر قصور اور پرائس کنٹرول مینجمنٹ سے ازخود نوٹس لے کر اس غنڈہ گردی کے خلاف سخت سے سخت کاروائی کا مطالبہ کیا ہے

قصور
نااہل عملہ صفائی اور ضلعی انتظامیہ کی سستی سے سارا شہر گندگی کا ڈھیر،شہر کے معروف علاقے جماعت پورہ تا محمد نگر تک گندگی ہی گندگی،سخت تعفن و بدبو سے لوگوں کا جینا محال،شہری مختلف امراض کا شکار،ضلعی انتظامیہ سے متعلقہ داروغہ کے خلاف سخت نوٹس کی اپیل

تفصیلات کے مطابق قصور شہر اس وقت گندگی کا ڈھیر بنا ہوا ہے نااہل ٹی ایم اے عملہ صفائی اور ضلعی انتظامیہ کی سستی نے لوگوں کی زندگیاں داؤ پر لگا چھوڑی ہیں جس کے باعث جگہ جگہ گندی کے ڈھیر لگے ہوئے ہیں جس سے سخت تعفن اٹھتا ہے اور مچھر افزائش کرتے ہیں اور اس کی وجہ سے شہری مختلف اقسام کی بیماریوں کا شکار ہو رہے ہیں
شہر کے معروف علاقے جماعت پورہ سے محمد نگر تک گندگی ہی گندگی دیکھنے کو ملتی ہے
ٹی ایم اے کا عملہ شاید ہی کبھی اس علاقے کا رخ کرتا ہوں
ٹی ایم اے عملہ کی نااہلی سے سیوریج سسٹم بند ہوا پڑا ہے جس کے باعث نالیوں کا پانی سڑکوں پر کھڑا ہو جاتا ہے جس کی بدولت نمازی حضرات کا باوضو رہنا ناممکن بن گیا ہے
اہلیان علاقہ نے ٹی ایم اے کے داروغہ کے خلاف سخت سے سخت کاروائی کا مطالبہ کیا ہے اور ضلعی انتظامیہ قصور سے ازخود نوٹس لینے کی اپیل کی ہے اور مطالبہ کیا ہے کہ ان کے علاقے کی صفائی ستھرائی کو یقینی بنایا جائے

قصور
تھانہ بی ڈویژن پولیس کی کاروائی،دو ون ویلرز گرفتار،مقدمہ درج

تفصیلات کے مطابق چند دن قبل مقامی صحافیوں سہیل احمد بھٹی،میاں خلیل صدیق آرائیں،غنی محمود قصوری و دیگر صحافیوں نے
نے قصور پولیس کی توجہ اس جانب مبذول کروائی تھی کہ چھٹی والے دن اور خاص کر جمعہ کی چھٹی والے دن قصور بائی پاس اور دیگر سڑکوں پر ون ویلرز کی جانب سے شریف اور معزز شہریوں کو تنگ کیا جاتا ہے جس کے باعث بہت سے حادثات جنم لیتے ہیں
اس پر ڈی پی او قصور نے حکم جاری کیا کہ ون ویلرز کے خلاف قانون کے مطابق کاروائی کی جائے
ہدایات پر عمل کرتے ہوئے
تھانہ بی ڈویژن قصور پولیس نے کاروائی کرتے ہوئے چھٹی کے روز ایس ایچ او ملک عبد الجبار اور ان کی ٹیم نے قصور بائی پاس پر ون ویلنگ کرنیوالے دو ملزمان گرفتار کرکے مقدمہ درج کیا
ایس ایچ او نے کہا کہ جو بھی ون ویلنگ کرتا پکڑا گیا اس کے خلاف قانون کے مطابق کاروائی ہو گی

قصور
سموگ کا راج برقرار،پارکس،سڑکیں ویران،سینکڑوں لوگ مختلف بیماریوں کا شکار ہو کر ہسپتال جا پہنچے،سموگ سے بچاؤ کیلئے آگاہی دی جائے،شہریوں کا مطالبہ

تفصیلات کے مطابق قصور اور گردونواح میں سموگ کا راج ابھی تک برقرار ہے البتہ اب سموگ پہلے سے زیادہ ہو گئی ہے جس کے باعث پارکس،سڑکیں ویران ہو کر رہ گئی ہیں
سموگ سے بیشتر لوگوں میں آنکھوں کی درد اور گلے کی خرابی کی بیماری جنم لے رہی ہیں
سموگ کے باعث سینکڑوں لوگ مختلف بیماریوں کا شکار ہو کر ہسپتال پہنچ گئے ہیں
شہریوں نے مطالبہ کیا ہے کہ سموگ سے بچاؤ کیلئے شہریوں میں آگاہی دی جائے اور انہیں بتایا جائے کہ ماسک اور چشمے کا استعمال کئے بغیر گھر سے باہر نا نکلا جائے
اس حوالے سے ٹریفک پولیس اپنا خاص کردار ادا کرے اور شہریوں کو آگاہی فراہم کرے تاکہ لوگ اپنے کام کاج پر سموگ کا شکار ہونے سے بچ کر جائیں

قصور
گزشتہ دن قصور شہر کے سینئر صحافی و وکیل چوہدری رحمت گجر کی وفات پر آل پاکستان جرنلسٹس اینڈ لائرز فورم رجسٹرڈ کا اظہار افسوس،دعائے مغفرت

تفصیلات کے مطابق گزشتہ دن قصور کے سینئر اور جوان صحافی و وکیل چوہدری رحمت گجر موتلہ وفات پا گئے جن کی نماز جنازہ عیدے شاہ روڈ قصور شہر میں ادا کی گئی جس میں ہزاروں صحافیوں،وکلا،تاجر برادری و ہر شعبہ زندگی کے لوگوں نے شرکت کی اور مرحوم کے ایصال ثواب کیلئے دعا کی
وکلا و صحافیوں کی مشترکہ تنظیم آل پاکستان جرنلسٹس اینڈ لائرز فورم رجسٹرڈ نے اس موقع پر گہرے دکھ او رنج کا اظہار کیا اور مرحوم کیلئے دعا مغفرت کی اور لواحقین کے لئے صبر جمیل کی دعا کی
مرحوم رحمت گجر موتلہ حق سچ کا ساتھ دیا اور صحافت کیساتھ ساتھ وکالت میں بھی اپنی خدمات سرانجام دیں
ان کی وفات پر اہلیان علاقہ سوگ کی کیفیت میں مبتلا ہیں