Tag: قصوریات

قصور
وزیراعلیٰ پنجاب سے فوری نوٹس لینے کا مطالبہ مصطفی آباد سروس روڈ پر لگائی گئی ٹف ٹائلوں کے معیار پر سنگین سوالات، مصطفی آباد کی سروس روڈ پر حال ہی میں لگائی گئی ٹف ٹائلوں کے ناقص معیار نے ترقیاتی منصوبوں کی شفافیت پر بڑے سوالیہ نشان کھڑے کر دیے ہیں۔ اہلِ علاقہ نے وزیراعلیٰ پنجاب سے فوری نوٹس لینے کا مطالبہ کرتے ہوئے کہا ہے کہ لاکھوں روپے کی لاگت سے مکمل ہونے والا منصوبہ چند ہی دنوں میں اپنی خامیاں ظاہر کرنے لگا ہے شہریوں کے مطابق سروس روڈ پر بچھائی گئی ٹف ٹائلیں انتہائی ناقص میٹریل سے تیار کی گئی ہیں، جو معمولی استعمال کے باوجود ٹوٹ پھوٹ کا شکار ہو رہی ہیں متعدد مقامات پر ٹائلیں اکھڑ چکی ہیں جبکہ کئی جگہوں پر دراڑیں پڑنے سے تعمیراتی کام کے معیار پر شدید تحفظات جنم لے رہے ہیں مقامی افراد کا کہنا ہے کہ ٹف ٹائلوں کی موٹائی، مضبوطی اور پائیداری مقررہ معیار کے مطابق نہیں، جس سے قومی خزانے کے ضیاع کا خدشہ بڑھ گیا ہے ترقیاتی منصوبوں میں ناقص میٹریل استعمال کر کے عوامی وسائل کو نقصان پہنچایا جا رہا ہے جبکہ کاغذوں میں ترقی کے دعوے کیے جا رہے ہیں ان کا کہنا ہے کہ اگر منصوبے میں معیاری میٹریل استعمال کیا جاتا تو نئی لگائی گئی ٹائلیں اتنی جلدی خراب نہ ہوتیں اہلِ علاقہ نے وزیراعلیٰ پنجاب، ڈپٹی کمشنر قصور اور دیگر متعلقہ حکام سے مطالبہ کیا ہے کہ اس منصوبے کا فوری تکنیکی آڈٹ کروایا جائے، استعمال شدہ میٹریل کے نمونوں کی جانچ کی جائے اور ناقص تعمیراتی کام میں ملوث ذمہ داران کے خلاف سخت قانونی کارروائی عمل میں لائی جائے۔ شہریوں کا کہنا ہے کہ عوام کے ٹیکس کے پیسے سے مکمل ہونے والے منصوبوں میں کرپشن، بدانتظامی اور ناقص کام کسی صورت برداشت نہیں کیا جا سکتا اور ذمہ دار عناصر کا احتساب وقت کی اہم ضرورت ہے

قصور
مین بازار کوٹ غلام محمد خان میں گندگی کے ڈھیر، شہری اذیت میں مبتلا

جامع مسجد مرتضائیہ کے قریب مین بازار میں جگہ جگہ گندگی کے ڈھیر لگ گئے ہیں جس کے باعث شدید تعفن پھیل رہا ہے۔ گرمی کی شدت میں اضافے کے ساتھ بدبو نے بازار آنے والے شہریوں، دکانداروں اور نمازیوں کا جینا دوبھر کر دیا ہے

علاقہ مکینوں کے مطابق ستھرا پنجاب کا عملہ کئی کئی روز تک صفائی کے لیے نہیں آتا، جس کے باعث کوڑا کرکٹ جمع ہو کر بیماریوں کے پھیلاؤ کا سبب بن رہا ہے۔ شہریوں نے شکایت کی ہے کہ بازار میں صفائی کا مؤثر نظام نہ ہونے سے نہ صرف ماحول آلودہ ہو رہا ہے بلکہ کاروباری سرگرمیاں بھی متاثر ہو رہی ہیں

دکانداروں کا کہنا ہے کہ متعدد بار متعلقہ عملے کو آگاہ کرنے کے باوجود صورتحال جوں کی توں ہے۔ انہوں نے مطالبہ کیا کہ فوری طور پر صفائی کا عمل یقینی بنایا جائے اور بازار میں روزانہ کی بنیاد پر عملہ تعینات کیا جائے تاکہ شہریوں کو اس اذیت ناک صورتحال سے نجات مل سکے

قصور
کھڈیاں کے علاقے میں ڈکیتی کی واردات کے دوران نامعلوم ملزمان نے شہری سے ایک لاکھ تیس ہزار روپے نقدی چھین لی

پولیس کے مطابق محمد ارشد ولد محمد شریف قوم آرائیں سے 130,000 روپے کی رقم اس وقت چھینی گئی جب وہ 24 مئی 2026 کی شام گریڈ اسٹیشن کھڈیاں کے قریب موجود تھے۔ ملزمان واردات کے بعد موقع سے فرار ہو گئے۔

واقعے کی اطلاع ملنے پر پولیس نے مقدمہ درج کر کے تحقیقات شروع کر دی ہیں جبکہ ملزمان کی تلاش کے لیے کارروائی جاری ہے

ضلع قصور کے صحافیوں کے لیے بڑی خوشخبری

زینت لیبارٹریز اور ایمرا ویب ٹی وی جرنلسٹ گروپ کے درمیان ایم او یو سائن

ضلع قصور کی صحافی برادری کے لیے ایک خوش آئند اقدام کے تحت زینت لیبارٹریز اور ایمرا ویب ٹی وی جرنلسٹ گروپ کے چیئرمین چوہدری سلیم کے درمیان باقاعدہ ایم او یو سائن کر لیا گیا ہے
جس کے تحت ضلع بھر کے صحافیوں کو لیبارٹری ٹیسٹوں پر 40 فیصد خصوصی رعایت فراہم کی جائے گی۔اس موقع پر چیئرمین ایمرا ویب ٹی وی جرنلسٹ گروپ چوہدری سلیم نے کہا کہ صحافی معاشرے کی آواز ہوتے ہیں اور دن رات عوامی مسائل اجاگر کرنے میں مصروف رہتے ہیں اس لئے ان کی فلاح و بہبود اور صحت کا خیال رکھنا ہم سب کی ذمہ داری ہے
انہوں نے کہا کہ یہ اقدام صحافی برادری کے لیے ایک اہم سہولت ثابت ہوگا اور صحافی اپنے پریس کارڈ دکھا کر اس رعایت سے فائدہ اٹھا سکیں گے
تقریب میں ایمرا ویب ٹی وی جرنلسٹ گروپ کی کابینہ نے خصوصی شرکت کی، جن میں ہاشم بھٹی، عباس علی بھٹی، محمد احمد، چوہدری باقر، کمال اسدی اور حافظ محمد عدنان خان شامل تھے
شرکاء نے اس فلاحی اقدام کو صحافی برادری کے لئے مثبت پیش رفت قرار دیا
چوہدری سلیم کا کہنا تھا کہ ایمرا ویب ٹی وی جرنلسٹ گروپ ہمیشہ صحافیوں کے حقوق اور فلاح کے لئے عملی اقدامات کرتا رہا ہے اور آئندہ بھی ایسے فلاحی منصوبے جاری رکھے جائیں گے
صحافی برادری نے اس اقدام کو خوش آئند قرار دیتے ہوئے چوہدری سلیم اور زینت لیبارٹریز انتظامیہ کا شکریہ ادا کیا اور امید ظاہر کی کہ مستقبل میں بھی صحافیوں کے لیے مزید سہولیات فراہم کی جائیں گی

قصور
کھڈیاں خاص میں معروف ڈکیتی ٹریس، پولیس اہلکار اشرف بھلر کو نقد انعام

تفصیلات کے مطابق قصور کے نواحی قصبے کھڈیاں خاص میں 4 مئی کو الممتاز الیکٹرونکس پر ہونے والی معروف ڈکیتی کو ٹریس کرنے پر ڈی ایس پی سٹی سیف اللہ بھٹی نے پولیس اہلکار اشرف بھلر کی کارکردگی کو سراہتے ہوئے انہیں کھلی کچہری کھڈیاں میں نقد انعام اور شاباش دی
محض 48 گھنٹے میں ڈکیتی کرنے والے ڈاکوؤں کو ٹریس کر لیا گیا تھا

ڈی ایس پی سٹی سیف اللہ بھٹی کا کہنا تھا کہ جرائم پیشہ عناصر کے خلاف کارروائیاں جاری رہیں گی اور عوام کے جان و مال کے تحفظ کے لیے پولیس ہر ممکن اقدامات کر رہی ہے
انہوں نے کہا کہ ڈکیتی کیس کو ٹریس کرنے میں پولیس ٹیم نے اہم کردار ادا کیا جبکہ اہلکار اشرف بھلر کی پیشہ ورانہ صلاحیتوں اور محنت کو مدنظر رکھتے ہوئے انہیں خصوصی طور پر انعام دیا گیا

اس موقع پر شہریوں نے بھی پولیس کی کارکردگی کو سراہا اور امید ظاہر کی کہ جرائم کے خاتمے کے لیے اسی طرح مؤثر اقدامات جاری رہیں گے

قصور
نامعلوم چوروں کے خلاف مقدمہ درج،چور وچھا چرا کر لے گئے

تھانہ سٹی اے ڈویژن پولیس کو اسفر ولد محمد حسین ساکن قصور نے بتایا کہ وہ 15 مئی 2026 کو شام 4 بجے کے قریب اپنی حویلی سے دودھ لینے گیا تو پھر پیچھے سے نامعلوم چور اس کا وچھا چرا کر لے گئے

متاثرہ شخص نے فوری طور پر پولیس کو اطلاع دی، جس پر ASI کمال دین نے موقع پر پہنچ کر کارروائی شروع کی۔ پولیس نے نامعلوم چور کے خلاف تعزیرات پاکستان کی دفعہ 379 کے تحت مقدمہ نمبر 1644/26 درج کر لیا ہے

پولیس حکام کا کہنا ہے کہ مقدمہ درج کر کے تفتیش کا آغاز کر دیا گیا ہے اور ملزمان کی تلاش کے لیے ٹیمیں تشکیل دے دی گئی ہیں۔

پولیس نے شہریوں سے اپیل کی ہے کہ وہ اپنی قیمتی اشیاء محفوظ جگہ پر کھڑی کریں اور مشکوک افراد کی اطلاع فوری طور پر پولیس کو دیں

قصور
نیشنل ڈیٹا بیس اینڈ رجسٹریشن اتھارٹی ( نادرہ) کے دفتر میں شہریوں کو شدید مشکلات کا سامنا ہے، دفتر کے باہر موجود ب فارم بنانے والی موبائل گاڑی گزشتہ کئی دنوں سے غائب ہے جبکہ عملہ صرف اسی گاڑی کے ذریعے ب فارم جاری کرنے پر اصرار کر رہا ہے۔

شہریوں کے مطابق دور دراز علاقوں سے آنے والے سائلین روزانہ کرایہ خرچ کرکے دفتر پہنچتے ہیں مگر ب فارم نہ ملنے مل لیںنے پر مایوس واپس لوٹنے پر مجبور ہیں۔ متاثرہ شہریوں کا کہنا ہے کہ مہنگائی کے اس دور میں بار بار دفتر کے چکر لگانا ان کے لیے اضافی مالی بوجھ بن چکا ہے۔

سائلین نے الزام عائد کیا کہ جب انہوں نے اس حوالے سے دفتر کے عملے سے شکایت کی تو انہیں جواب دیا گیا کہ “چاہے 15 دن تک گاڑی نہ آئے، ب فارم اسی گاڑی سے بنے گا، دفتر کے اندر سے نہیں بنایا جائے گا
نیز جو ب فارم بن چکے وہ بھی گاڑی سے ہی ملینگے دفتر سے نہیں

مزید برآں ایک شہری نے بتایا کہ جب اس نے دفتر میں موجود اعلیٰ حکام سے ملاقات کی خواہش ظاہر کی تو عملے کی جانب سے اس کے ساتھ بدتمیزی اور زدوکوب کیا گیا۔

شہریوں نے نیشنل ڈیٹا بیس اینڈ رجسٹریشن اتھارٹی کے ڈی جی اور ڈپٹی کمشنر قصور سے فوری نوٹس لینے، شہریوں کو درپیش مشکلات ختم کرنے اور ذمہ دار اہلکاروں کے خلاف کارروائی کا مطالبہ کیا ہے

قصور ڈسٹرکٹ جیل میں مبینہ طور پر بدعنوانی، ظلم و زیادتی اور غیر قانونی سرگرمیوں کے سنگین انکشافات سامنے آئے ہیں۔ ذرائع کے مطابق جیل میں تعینات بعض افسران کی جانب سے قیدیوں سے ماہانہ بھتہ (منتھلی) وصول کیے جانے کا انکشاف ہوا ہے۔

اطلاعات کے مطابق جیل کے اندر موبائل فون، منشیات، سگریٹ اور دیگر غیر قانونی اشیاء مبینہ طور پر رقم کے عوض فراہم کی جاتی ہیں۔ مزید یہ کہ قیدیوں سے ملاقات کے لیے آنے والے افراد سے بھی پیسے وصول کیے جانے کا دعویٰ کیا جا رہا ہے، جبکہ ادائیگی نہ کرنے والوں کو گھنٹوں تک بلاوجہ انتظار اور مشکلات کا سامنا کرنا پڑتا ہے۔

ذرائع کا یہ بھی کہنا ہے کہ عید جیسے مقدس موقع پر بھی قیدیوں سے “عیدی” کے نام پر رقم وصول کی جاتی ہے۔ علاوہ ازیں قیدیوں کے لیے باہر سے آنے والے کھانے، پھلوں اور دیگر اشیاء میں سے بھی مبینہ طور پر آدھا حصہ لے لیا جاتا ہے۔

متاثرہ ذرائع کے مطابق پوری جیل ایک مبینہ “ٹھیکہ سسٹم” کے تحت چلائی جا رہی ہے، جہاں ہر سہولت کی الگ قیمت مقرر ہے، جو انسانی حقوق کی سنگین خلاف ورزی کے مترادف ہے۔

عوامی حلقوں اور متاثرہ خاندانوں نے پنجاب جیل خانہ جات کے آئی جی سے فوری نوٹس لینے، شفاف تحقیقات کرانے اور ملوث عناصر کے خلاف سخت قانونی کارروائی کا مطالبہ کیا ہے تاکہ مبینہ ظلم و ناانصافی کا خاتمہ ممکن بنایا جا سکے۔