Tag: قصور

قصور
ڈی سی قصور کا دورہ چونیاں کے اثرات منظرعام پر آنا شروع ہوگئے رات کی تاریکی میں بغیر اطلاع و نوٹس دوکانیں، دفاتر اور گھروں کو مسمار کر دیا گیا شہری دربدر
تفصیلات کے مطابق اسسٹنٹ کمشنر چونیاں عدنان بدر نے میونسپل کمیٹی، ریونیو اور پولیس کی مدد سے ہیوی مشینری کے ذریعہ کالج چوک، حجرہ روڈ، چونیاں بائی پاس اور پرانی کچہری کے گرد بنے مختلف دفاتر، دوکانیں، مکانات، شادی ہال کو مسمار کردیا ہے جس سے سینکڑوں شہری بے روز ہوگئے ہیں جبکہ شہریوں کا کہنا ہے کہ اگر تو یہ آپریشن سرکاری بس سٹینڈ کی کامیابی کے لئے کیا گیا ہے تو خوش آئند بات ہے اور اگر شہر میں انتظامیہ کی ملی بھگت سے وہی منی بس سٹینڈ بنا رہے گا تو پھر ہمارے ساتھ انتظامیہ کی سراسر زیادتی ہوگی نیز انتظامیہ نے بغیر نوٹس و اطلاع دئیے رات کی تاریکی میں دوکانیں اور دفاتر مسمار کردیے تاکہ کوئی شخص قانونی چارہ جوئی نہ کرسکے شہریوں نے اسسٹنٹ کمشنر اور ٹی آر ٹی سیکرٹری قصور حافظ عثمان سے مطالبہ کیا ہے کہ نیو بس ٹرمینل کی کامیابی کے لئے ٹیم تشکیل دی جائے جو روزانہ کی بنیاد پر گاڑیوں کی آمد و رفت کی رپورٹ جاری کرے اور فی الفور سرکاری جگہ پر مارکیٹ تعمیر کرکے متاثرہ دوکانداروں کو نعم البدل دیا جائے تاکہ دوکاندار اپنے گھر کا چولھا جلا سکیں قبل ازیں چار سال پہلے بھی اسسٹنٹ کمشنر شیخ خالد سلیم نے بھی بیسیوں دوکانیں گرائی تھیں اور اس وقت یہ اعلان کیا گیا تھا کہ انہیں بھی نعم البدل دوکان دی جائے گی مگر انہیں تاحال پورا نہیں کیا گیا ہے ذرائع سے معلوم ہوا ہے کہ انتظامیہ کی جانب سے جلد ہی مزید آپریشن بھی متوقع ہے جس میں مزید دوکانیں اور دفاتر وغیرہ گرائے جائیں گے

قصور
تھانہ الہ آباد نے ڈیڑھ ماہ کی کارکردگی رپورٹ جاری کر دی
تھانہ الہ آباد نے ڈیڑھ ماہ میں گزشتہ کئی سالوں کے ریکارڈ توڑ دئیے
تفصیلات کے مطابق تھانہ الہ آباد نے اپنی کارکردگی جاری کر دی پولیس تھانہ الہ آباد نے ڈیڑھ ماہ میں چار بین الاضلاعی ڈکیت گینگ کے 15 ارکان کو جدید ٹیکنالوجی کے ذریعے گرفتار کیا جنہوں نے 19 سے زائد وارداتوں کا انکشاف کیا
گرفتار ملزمان کے قبضے سے 16 لاکھ 75ہزار روپے نقدی برآمد کی گئی اور اسے اصل مالکان کے حوالے کیا گیا
جبکہ گرفتار ملزمان کے قبضہ چوری شدہ 22 موٹر سائیکلیں،جدید اسلحہ اور دیگر مال مسروقہ بھی برآمد کیا گیا ہے
تھانہ الہ آباد کی تاریخ میں پہلی بار اتنے کم عرصہ میں بہترین کارکردگی دینے پر الہ آباد کی تاجر برادری،سیاسی و سماجی راہنماوں اور دیگر تنظیموں نے ڈی پی او قصور ڈی ایس پی چونیاں ایس ایچ او الہ آباد محسن علی سندھو اور انکی ٹیم کو خراج تحسین پیش کیا ہے

قصور
ڈی پی او قصور کا پھولنگر کی پولیس کے حوالے سے دل جیتنے والے قدم لوگوں میں خوشی کی لہر تفصیلات کے مطابق ڈی پی او قصور زاہد نواز مروت نے لوگوں کے دل جیت لئے جیسے سابقہ ایس ایچ او پھولنگر لطیف گجر کومعطل کر کے چارج شیٹ کیا تھا اسی طرح اب محمد اسلم کو معطل کر کے انکوائری لگوا دی ہے محمد اسلم پر لوگوں کو ڈرانے دھمکانے اور رشوت خوری کے الزامات ہیں
لوگوں کا کہنا ہے کہ اس سے محمکہ پولیس پر عوام کا اعتماد بڑھے گا

قصور چونیاں کے نواحی گاؤں کندووال کا رہائشی عبد الرسول آج بارڈر پر بھارتی فوج سے مقابلہ کرتے ہوئے شہید
تفصیلات کے مطابق قصور کی تحصیل چونیاں کے نواحی گاؤں کندووال کا رہائشی فوجی جوان عبد الرسول آج رات دشمن سے لڑتے ہوئے جام شہادت نوش کر گیا
ضلع قصور کے فوجی جوانوں و افسران کی دشمن سے لڑتے ہوئے کل تعداد 89 ہو گئی اس سے قبل ضلع قصور سے تعلق رکھنے والے 88 جوان و افسران اپنی جانوں کا نذرانہ ارض پاک پاکستان کی حفاظت کرتے ہوئے پیش کر چکے ہیں
کندووال میں شہید کے گھر لوگوں کی آمد
شہید کا جسد خاکی پورے فوجی اعزاز کیساتھ ان کے آبائی گاؤں کندووال چونیاں لایا جائے گا اور نمازہ جنازہ کے بعد فوجی اعزاز کیساتھ تدفین کی جائے گی

قصور
قصور رائیونڈ روڈ کی مرمت کا کام خوش آئند تاہم کام کی رفتار بہت سست عید کے فوری بعد سے ابتک بمشکل دیڑھ کلومیٹر سڑک بن پائی
تفصیلات کے مطابق قصور رائیونڈ روڈ جو کہ کئی سالوں سے ٹوٹ پھوٹ کا شکار تھی سخت عوامی ردعمل پر اس کی مرمت ابھی تک صرف راجہ جنگ کے مقام سے شروع کی گئی ہے جو کہ انتہائی خوش آئند بات ہے مگر تین ہفتے گزرنے کے باوجود ابھی تک دیڑھ کلومیٹر سے بھی کم سڑک مرمت ہو پائی ہے جو کہ انتہائی تشویشناک بات ہے سڑک کی مرمت سے لوگوں کی پریشانی کافی کم ہو جائے گی مگر انتظامیہ کو چاہیئے کہ ٹھیکے دار کو جلد سے جلد کام مکمل کرنے کا پابند کیا جائے تاکہ لوگ سڑک پر پڑی رکاوٹوں سے بچ کر گزر سکیں اور ان کا ٹائم ضائع نا ہو اور گرد و غبار سے لوگ محفوظ رہ سکیں