Tag: قصور

قصور،باغی ٹی وی(شبیراحمدبھٹی ڈسٹرکٹ رپورٹر) ضلعی انتظامیہ، ٹریفک پولیس کی نااہلی، غفلت اور لاپرواہی کیوجہ سے بے ہنگم ٹریفک اور انکروچمنٹ کیوجہ سے منٹوں کا سفر گھنٹوں میں ہوتا ہے مریضوں کو ہسپتال میں لے جانے بچوں کو سکول میں پہنچانے ملازمین کا دفتروں میں جانا گھریلو خواتین کا شاپنگ کرنے کے لیے بازاروں میں جانا مشکل ہی نہیں بلکہ نا ممکن ہے ہیوی ٹریفک کا دن کو شہر کے اندر جانا ممنوع ہونے کے باوجود ٹریفک پولیس کی سرپرستی میں 12ویلر ٹریلر شہر کے اندر جانا معمول بن چکا ہے ون وے ٹریفک کی خلاف ورزی کو روکنے والا کوئی پولیس اھلکار موجود نہیں ہوتا ٹریفک پولیس شہر کے اندر ٹریفک کو کنٹرول کرنے کی بجائے مین شاہراہوں پر بڑی گاڑیوں کو روک کر نذرانہ وصول کرتے دکھائی دیتے ہیں تفصیل کے مطابق میاں شہباز شریف کے سابق دور حکومت میں قصور شہر کو خوبصورت بنانے عوام کے دیرینہ مسائل کے حل کے لیے اربوں روپے کی ترقیاتی پیکج کو منظور کر کے فنڈز فراہم کیے قصور کی بڑھتی ہوئی آبادی کے پیش نظر ٹریفک نظام میں بہتری پیدا کرنے کے لیے نئی سڑکات کی تعمیر کے دوران سڑکات کو کشادہ کرنے کے لیے سڑکات کے کناروں پر پرائیویٹ پراپرٹیز کو ایکوائر کر کے مالکان کو کروڑوں روپے ادا کیے جس سے قصور کی اکثر سڑکات کشادہ ہو کر تعمیر کی گئیں مگر اب ضلعی انتظامیہ کی نا اھلی سے سڑکوں کے کناروں پر با اثر افراد نے کاروبار کی آڑ میں قبضے کر رکھے ہیں بلکہ سڑکوں کو بھی تجاوازت نے اپنی لپیٹ میں لے رکھا ہے جیسے مین بازار کوٹ مراد خاں جو سینکڑوں دیہاتوں کے علاوہ شہر کی نصف آباد ی کی گزر گاہ ہے اتنی بڑی کشادہ سڑک کو گلی میں تبدیل کر رکھا ہے پہلے صرف کپڑے کے دوکانداروں نے اپنی اپنی دوکانوں کے آگے پختہ تھڑے تعمیر کر کے ان کے آگے لوہے کے جنگلے وغیرہ بنوا کر ان میں کپڑے رکھے تھے سڑک کے دونوں طرف دوکانداروں کے اس عمل سے سڑک کو گلی میں تبدیل کر دیا تھا مگر ان کے خلاف قانون حرکت میں نہ آنے کیوجہ سے ہر دوکاندار نے اپنا سامان سڑک کے اوپر رکھ لیا ہے اس بازار سے گاڑی پر گزرنا جوئے شیر لانے کے مترادف ہے اس طرح کی پریکٹس پورے شہر میں ہے ریلو ے روڈ تا چوک للیانی اڈہ تک بینکوں اور موبائل شاپس کے باہر کھڑی موٹر سائیکلوں کیوجہ سے پیدل چلنا دشوار ہے حالانکہ یہ سڑک ون وے ہے قصور کی سیاسی، سماجی، مذہبی اور کاروباری تنظیموں نے کمشنر لاہور ڈویژن، ڈی آئی جی ٹریفک، ڈپٹی کمشنر قصور ایڈ منسٹریٹر میونسپل کمیٹی قصور، چیف آفیسر قصور ڈی پی او قصور، ڈی ایس پی ٹریفک سے مطالبہ کیا ہے کہ قصور کے اندر ہونے والے تجاوزات کو بلا امتیاز ختم کر کے قصور کے عوام کی گزر گاہ بنا دیں جبکہ ٹریفک پولیس مین شاہراہوں پر کھڑے ہونے کی بجائے شہر کے اندر بڑی گاڑیوں کے ڈاخلہ پر پابندی ون وے پر عمل در آمد کویقینی بنا کر اپنی قانونی، آئینی اور اخلاقی ذمہ داری پوری کریں۔

قصور،باغی ٹی وی(نامہ نگار طارق نوید سندھو) قصورکے شہریوں کے لیے آٹے کا حصول ناممکن ہوگیا شہری سارا دن قطاروں میں کھڑے بے حال ہونے لگے پانچ چھ گھنٹےبعدیہ بول کر عوام کو گھر بھیج دیا جاتا ہے کہ آٹا ختم ہو گیا ہے کل دوبارہ آ جانا جبکہ انتظامیہ آٹا بلیک میں فروخت کروانے لگی شہریوں نے حکومت کے ظالم اور سنگدل افسران کے خلاف ایکشن لینے کا مطالبہ کردیا ہے، عوام کاکہناہے کہ عوام کے ساتھ اس قدر ظلم کہ سندھ کی مثالیں دینے والے پنجاب کے حکمرانوں نے سندھ کو پیچھے چھوڑ دیا ہے.

قصور،باغی ٹی وی (نامہ نگار) تیزرفتار بس کی موٹرسائیکلوں کو ٹکر، 3 افراد جاں بحق
قصور کے علاقے مصطفیٰ آباد میں فیکٹری ورکرز کی بس بے قابو ہو کر ٹول پلازہ پر کھڑی 2 موٹرسائیکلوں سے ٹکرا گئی، حادثے میں 3 افراد جاں بحق جبکہ 3 زخمی ہو گئے۔ریسکیو ٹیم کے مسافر بس کی بریک فیل ہونے سے پیش آنے والے حادثے میں جاں بحق افراد کی شناخت 17 سالہ وقاص، 20 سالہ رفاقت اور 38 سالہ ذوالقرنین نام سے ہوئی۔فیکٹری ورکرز کی بے قابو بس کی ٹکر سے زخمی ہونے والوں میں امان اللہ، ارباز اور سیف علی شامل ہیں۔حادثے میں زخمی ہونے والوں کو طبی امداد کیلئے اسپتال منتقل کر دیا گیا جبکہ جاں بحق افراد کی لاشیں ضابطے کی کارروائی کیلئے اسپتال منتقل کر دی گئی ہیں۔

قصور،باغی ٹی وی (نامہ نگار طارق نوید سندھو) ڈکیتی کے مقدمات میں مطلوب خطرناک مجرم اشتہاری عمران عرف مہانی کنگ گرفتار
تفصیل کے مطابق تھانہ کنگن پور قصور ایس ڈی پی او چونیاں سرکل فتح احمد کاھلوں کی خصوصی ہدایت پر ایس ایچ او تھانہ کنگن پور عابد محمود چھینہ نے ڈکیتی کے مقدمات میں مطلوب خطرناک مجرم اشتہاری عمران عرف مہانی کنگ کو گرفتار کر لیا۔ مجرم اشتہاری روڈ رابری اور ڈکیتی کی وارداتوں میں مطلوب تھا۔ مزید تفتیش جاری ہے۔