راولپنڈی: پاکستان کرکٹ بورڈ (پی سی بی) نے قومی ویمنز ٹی ٹوئنٹی ٹورنامنٹ 15 جنوری سے راولپنڈی میں کرانے کا اعلان کردیا ہے۔
باغی ٹی وی: پی سی بی کے اعلامیے کے مطابق ٹورنامنٹ میں کراچی، لاہور، راولپنڈی، پشاور اور کوئٹہ ریجنز کی ویمنز ٹیمیں مدمقابل ہوں گی اسلام آباد اور راولپنڈی کے تین مختلف میدانوں پر ہونے والے 17 روزہ ٹورنامنٹ میں ہر ٹیم دس میچ کھیلے گی اور ہر میچ کی بہترین کھلاڑی کو بیس ہزار روپے اور ٹورنامنٹ کی بہترین کھلاڑی کو پچاس ہزار روپے انعام دیا جائے گا، ٹورنامنٹ کی فاتح ٹیم کو دس لاکھ اور رنر اپ ٹیم کو پانچ لاکھ روپے انعام دیا جائے گا، ٹاپ دو ٹیموں کے درمیان 31 جنوری کو فائنل میچ کھیلا جائے گا۔