Baaghi TV

Tag: قومی پرچم

  • اوورسیز پاکستانی نے سمندر کی تہہ میں پاکستانی پرچم لہرا دیا

    اوورسیز پاکستانی نے سمندر کی تہہ میں پاکستانی پرچم لہرا دیا

    دبئی میں یوم آزادی کا انوکھا اور انمول جشن ،خاور اقبال نامی اوورسیز پاکستانی نے سمندر کی تہہ میں پاکستانی پرچم لہرا دیا-

    باغی ٹی وی : ملک بھر میں 76 ویں یوم آزادی کی تیاریاں جوش و خروش سے جاری ہیں، گلی، محلوں میں جیسے سبز ہلالی پرچموں کی بہار آ گئی ہے وفاقی دارالحکومت اسلام آباد سمیت مختلف شہروں میں لوگوں کی بڑی تعداد پرچم اور جھنڈیوں کی خریداری کر رہی ہے۔ قومی پرچم، جھنڈیوں، بیجز اور دیگر آرائشی اشیاء کی فروخت کے لئے جگہ جگہ عارضی اسٹال لگائے گئے ہیں-

    ہر کوئی جشن آزادی کو لے کر انتہائی پرجوش دکھائی دیتا ہے ، مہنگائی کے باوجود شہریوں میں جشن آزادی منانے کے حوالے سے جوش و خروش میں کوئی کمی نظر نہیں آتی جہاں ملک بھر میں جوش و خروش سے تیاریاں جاری ہیں وہیں اوورسیز پاکستانی بھی پاکستان کا یوم آزادی بھر پور طریقے سے منانے کی تیاریاں کر رہے ہیں،خاور اقبال نامی اوورسیز پاکستانی نے سمندر کی تہہ میں پاکستانی پرچم لہرا دیا جس کی ویڈیو سوشل میڈیا پر وائرل ہو رہی ہے-

    لال حویلی کے باہر تجاوزات کے خلاف آپریشن،شیخ رشید آگ بگولہ ہو گئے


    سرکاری خبررساں ادارے کے مطابق قومی پرچم سمندر کی تہہ میں لہرانے کیلئے خاور اقبال نے تین ماہ کی خصوصی ٹریننگ حاصل کی جس کے بعد پاکستانی پرچم بحیرہ عرب کی تہہ میں لہرانے میں کامیاب ہو گئے، خاور اقبال نے پاکستانی پرچم کو سیلوٹ کیا اور پاکستان کی سربلندی کیلئے سمندر کی تہہ میں دعا کی۔ خاور اقبال نے جشن آزادی پر پورے قوم کو مبارک باد دی اور پاکستان اور پاک فوج کی لازوال قربانیوں کو سراہا-

    پی ٹی آئی رہنما منزہ حسن نے پارٹی سے علیحدگی اختیار کر لی

  • بریڈ فورڈ قونصلیٹ میں قومی پرچم اتار کر پی ٹی آئی کا پرچم بلند کر دیا،ویڈٰیو

    بریڈ فورڈ قونصلیٹ میں قومی پرچم اتار کر پی ٹی آئی کا پرچم بلند کر دیا،ویڈٰیو

    ‎بریڈ فورڈ قونصلیٹ میں قومی پرچم اتار کر پی ٹی آئی کا پرچم بلند کر دیا گیا-

    باغی ٹی وی: بریڈ فورڈ میں پی ٹی آئی کے احتجاج کے دوران نامعلوم شخص نے قونصلیٹ آف پاکستان کی بلڈنگ سے پاکستانی جھنڈے کو اتار کر پی ٹی آئی کا جھنڈا لگانے کے بعد پاکستان کے جھنڈے کو اپنی کار میں رکھ کر موقع سے فرار ہو گیا-


    سوشل میڈیا پر ویڈیو وائرل ہونے کے بعد پاکستانی کمیونٹی نے شدید رد عمل کا اظہار کرتے ہوئے کہا کہ حکومت پاکستان اور وزارت خارجہ اس واقعہ کی تحقیقات کریں، اگر قو نصلیٹ کی انتظامیہ نےاس شخص کے خلاف جلد از جلد کارروائی نہ کی تو یہاں موجود پاکستانی کمیونٹی بھرپور احتجاج کرنے کیلئے تیار ہو چکی ہے-

    پاکستانی کمیونٹی کا کہناتھا اگر آج ہم نے اس شخص کے خلاف کارروائی نہ کی تو کل یہ کام ہمارے دشمن بھی کر سکتے ہیں، لہذٰا قونصل جنرل بریڈ فورڈ اور پاکستان ہائی کمیشن لندن اس واقعے کی مکمل تحقیقات کر کے عوام کے سامنے لائیں۔


    قبل ازیں پی ٹی آئی نے لاہور کی سڑکوں پر لگے قومی پرچم اتار کر پارٹی پرچم لگا دیئے تھے،سوشل میڈیا پر جاری بیان میں احسن اقبال نے لکھا تھا کہ پی ٹی آئی کی صوبائی حکومت نے لاہور میں یوم آزادی کی مناسبت سے سڑکوں پر آویزاں قومی پرچم اتار دیئے ہیں،پی ٹی آئی نے قومی پرچم اتار کر اپنی پارٹی کے جھنڈے لگا دیے ہیں، کیا ہم کوئی غلام ہیں جو قومی پرچم لہرائیں؟کپتان کی نئی منطق۔


    مسلم لیگ ن کے سوشل میڈیا اکاؤنٹ سے بھی ایک ویڈیو شیئر کی گئی تھی جس کے ساتھ درج کیپشن میں لکھا تھا کہ قومی پرچم آزادی کی سب سے بڑی علامت ہے، اس کو ہٹا کر انتشاری پارٹی کا جھنڈا لہرانا صرف قومی پرچم کی توہین ہی نہیں بلکہ نظریہ آزادی پر حملہ ہے۔