Baaghi TV

Tag: لانگ مارچ

  • انقلاب کو ٹھنڈ لگ گئی،گلی میں جلسہ کی بجائے کوئی بڑا میدان ہی ڈھونڈ لیتے،حنا پرویز بٹ

    انقلاب کو ٹھنڈ لگ گئی،گلی میں جلسہ کی بجائے کوئی بڑا میدان ہی ڈھونڈ لیتے،حنا پرویز بٹ

    انقلاب کو ٹھنڈ لگ گئی، گلی میں جلسہ کرنے کی بجائے کوئی بڑا میدان ہی ڈھونڈ لیتے،حنا پرویز بٹ
    باغی ٹی وی کی رپورٹ کے مطابق تحریک انصاف کآ آج راولپنڈی میں جلسہ تھا، عمران خان لاہور سے پنڈی گئے ،جلسے سے خطاب کیا،

    عمران خان کے جلسے سے خطاب پر ن لیگی رہنما،رکن پنجاب اسمبلی حنا پرویز بٹ کا ردعمل آیا ہے، سماجی رابطے کی ویب سائٹ ٹویٹر پر ٹویٹ کرتے ہوئے حنا پرویز بٹ کا کہنا تھا کہ عمران خان جس طرح کے ڈائیلاگ بول رہے ہیں، ان کو تو تامل فلموں میں کام کرنا چاہیے۔۔۔ بہت بڑا ڈرامہ ہے، حیران ہوں پی ٹی آئی والے اس ڈرامے پر یقین کرتے ہیں۔

    ایک اور ٹویٹ میں حنا پرویز بٹ کا کہنا تھا کہ کہاں ہیں لاکھوں افراد؟ مجھے تو چند ہزار نظر آ رہے ہیں، لگتا ہے انقلاب کو ٹھنڈ لگ گئی، گلی میں جلسہ کرنے کی بجائے کوئی بڑا میدان ہی ڈھونڈ لیتے۔ حنا پرویز بٹ کا مزید کہنا تھا کہ نیازی کا اگلے دس سال کا پلان فلاپ، پہلے ہی کہا تھا عمران خان کبھی فیض یاب نہیں ہو سکتا، مایوسی اس قدر ہے کہ نیازی کے ساتھ ساتھ اسکے ہمدرد بھی اس وقت رو رہے ہیں

     صدف نعیم کے شوہر سے پی ٹی آئی رہنماؤں نے زبردستی دستخط کروائے ہیں،

    تحریک انصاف کا کل راولپنڈی میں جلسے کا اعلان

    عمران خان کی لاہور سے راولپنڈی سفر کی تیاریوں کو حتمی شکل دیدی گئی

    الیکشن کی تاریخ چاہئے تو عمران خان پی ڈی ایم قیادت سے ملیں، وزیر داخلہ

     چارکار سوار لڑکیوں نے کارخانے میں کام کرنیوالے لڑکے کو اغوا کر کے زیادتی کا نشانہ بنا ڈالا

    صحافی حسن ایوب خان لکھتے ہیں کہ میرا خیال تھا کہ عمران خان پر حملے کے بعد لوگوں کی بہت بڑی تعداد انکے آج کے جلسے میں شرکت کریگی لیکن یہ تو کام پہلے سے بھی کمزور دیکھائی دے رہا ہے۔پورے ملک سے عوام کو پہنچے کی کال بھی دی گئی اور 40 ہزار لوگ بھی اکٹھے نہیں کیئے جا سکے۔ لگتا ہے گھڑی نے مقبولیت کو زمین بوس کردیا ہے۔

    تحریک انصاف کے پنڈی جلسے سے تحریک انصاف کے رہنماؤں شاہ محمود قریشی، اسد عمر، پرویز خٹک،عوامی مسلم لیگ کے سربراہ شیخ رشید نے خطاب کیا ہے، جلسے کے بارے میں دعویٰ کیا جا رہا تھا کہ لاکھوں لوگ آئیں گے تاہم ایسا نہ ہو سکا،

  • موت کا ڈرختم کردیا،اب پہلےسےزیادہ جدوجہد جاری رہےگی:عمران خان

    موت کا ڈرختم کردیا،اب پہلےسےزیادہ جدوجہد جاری رہےگی:عمران خان

    راولپنڈی:جب تک اللہ کی مرضی نہ ہو کوئی اس زمین سے نہیں جا سکتا اور جب موت کا وقت آجائے تو جتنی مرضی احتیاط کر لو ،موت آکر رہے گی،عمران خان کاراولپنڈی میں خطاب جاری ہے اور وہ اپنے اوپر وزیراباد میں ہونے والے حملے کے متعلق اہم انکشافات کیے ،عمران خان نے کہا کہ جس طرح کا حملہ ہوا اس میں اللہ نے بچایاہے،

    عمران خان نے خطاب کرتے ہوئے کہا کہ آج اہل پاکستان ایک فیصلہ کن موڑ پر کھڑے ہیں ، آج ہمارے سامنے دو راستے ہیں، سابق وزیراعظم نےکہا کہ کبھی اتنے لوگ کسی وزیراعظم کیلئے نہیں نکلے جتنے میرے لئے نکلے،عزت اللہ کے ہاتھ میں ہے،کوئی آپ کو ذلیل نہیں کرسکتا ،عمران خان کا کہنا تھا کہ 26سالہ سیاست میں مجھے ذلیل کرنے کیلئے انہوں نے کوئی موقع نہیں چھوڑا،عمران خان نے خطاب کرتے ہوئے کہا کہ اب وقت آگیا ہے کہ اپنے آپ کو موت کے خوف سے آزاد کریں،

    عمران خان نے وزیرآباد جلسے کے حوالے سے مزید انکشافات کرتے ہوئے کہا کہ گولی لگنے سے فیصل جاوید کا چہرہ زخمی ہوا،12گولیاں چلیں مگر کوئی جانی نقصان نہیں ہوا،فیصل جاوید اوراحمدچٹھہ کو گولیاں لگیں،کنٹینر پر 12لوگوں کوگولیاں لگیں،جب تک اللہ کی مرضی نہیں ہوگی کوئی کسی کو نہیں مار سکتا،فائرنگ سے گرا تو اوپر سے اور گولیاں گزریں،میری ٹانگ ٹھیک ہونے میں مزید 3 مہینے لگیں گے،میں نے موت کو بہت قریب سے دیکھاہواہے،کہاگیا کہ آپ کی جان کو خطرہ ہے،لاہور سے نکلا تو سفر کرنے سے منع کیاگیا، لاہور سے روانہ ہونے لگاتو دو باتیں کہی گئیں،چیئرمین تحریک انصاف نے کہا کہ ابھی بھی کئی لوگ سڑکوں پر پھنسے ہوئے ہیں،اتنی دیر انتظارکروانے پر معذرت خواہ ہوں،

    پاکستان تحریک انصاف کے چیئرمین عمران خان نے خطاب کرتے ہوئے کہا کہ ہماری حکومت میں 3 بڑے ڈیمز پر کام شروع کیا گیا ،50سال بعد ملک میں ڈیمز بنانا شروع کیے،کسانوں کو سپورٹ کیا، ہیلتھ کارڈ لے کر آئے ،عمران خان کا کہنا تھا کہ کورونا کے دوران احساس پروگرام کے تحت غریب لوگوں کو سپورٹ کیا،ورلڈ بینک نے بھی ہمارے احساس پروگرام کو سراہا، ہم نے لاک ڈاؤن نہیں لگایا، سستے قرضے دیئے،لاک ڈاون نہ لگانے پر انہوں نے مجھ پرتنقید کی،میں نے کہا کہ ہم ملک کو بند نہیں کریں گے،عمران خان نے مزید کہا کہ ملک سنبھالا تو کورونا آگیا جس نے دنیا میں تباہی مچائی، دوست ممالک سے پیسے مانگنے میں شرم محسوس ہوتی تھی،

    عمران خان نے کہا کہ ہماری حکومت کو سازش کے تحت ہٹایا گیا،چیئرمین پی ٹی آئی عمران خان کا کہنا تھا کہ کیا مجھ پر کرپشن کا الزام تھا جو ہماری حکومت گرائی گئی،انہیں پتہ تھا ادارے مضبوط ہوئے تو یہ کرپشن نہیں کرپائیں گے،دونوں خاندانوں نے اپنی کرپشن کیلئے اداروں کو کمزور کیا، 2خاندانوں نے30سال ملک پر حکومت کی لیکن اداروں کو مضبوط نہیں کیا،غریب ممالک میں وزیراعظم پیسہ چوری کر کے ملک سے باہر لے جاتے ہیں، خوشحال ممالک میں عدالتیں انصاف کرتی ہیں،غریب ملکوں میں صرف چھوٹا چور جیل جاتا ہے،چیئرمین پی ٹی آئی عمران خان نے کہا کہ مدینہ کی ریاست میں عدل وانصاف اور قانون کی حکمرانی تھی،پاکستان میں ہمیشہ طاقت کے بل بوتے پر فیصلے ہوتے رہے،ہمارے ملک میں کبھی بھی قانون کی حکمرانی نہیں آئی،انسانوں کے معاشرے میں انصاف ہوتا ہے،آج قوم اہم موڑپر کھڑی ہے،چیئرمین پی ٹی آئی عمران خان نے کہا کہ مجھے موت کی فکر نہیں تھی مگر میری ٹانگ نے میری مشکلات بڑھا دیں،

    عمران خان کا کہنا تھا کہ انسانی حقوق کی خلاف ورزی پر کوئی ایکشن نہیں ہوتا،پاکستان میں طاقتور میں کے لیے کوئی قانون نہیں،ظلم اور ناانصافی کو قبول کریں گے تو آگے تباہی ہے،جو لوگ جیل میں ہیں ان کا قصور صرف یہ ہے کہ وہ غریب ہیں، نیب میں اپنا آدمی بٹھا کر وہاں سے بھی کیسز معاف کروا لیے ، ایف آئی اےمیں اپنا آدمی بٹھا کر سارے کیسز معاف کروا لیے گئے، عمران خان کا کہنا تھا کہ ہمارا لوٹا ن لیگ کے ٹکٹ پر الیکشن لڑے گا، ہمارے دور میں ڈیفالٹ کے چانسز 5 فیصد تھے،88فیصد سرمایہ کاروں کو حکومت پر کوئی اعتماد نہیں ہے، عمران خان کا کہنا تھاکہ7مہینے میں اشیائے خورونوش کی قیمتیں 100فیصد بڑھی ہیں،7مہینے میں انہوں نے ملک کادیوالیہ نکال دیا،یہ کہنا کہ یہ ڈرامہ تھا یہ ملک کی توہین ہے، عمران خان کا کہنا تھا کہ جو بیرونی سازش کا حصہ تھے انہوں نے سائفر کو ڈرامہ قرار دیا،بار بار سنتے ہیں سائفر ایک ڈرامہ تھا، عمران خان کا کہنا تھا کہ یہ واپس آئے اور دونوں ہاتھوں سے ملک کو لوٹا،

  • سازشیوں کا یہی انجام ہوتا ہے،عمران خان کے لانگ مارچ پر مریم نواز کا ردعمل

    سازشیوں کا یہی انجام ہوتا ہے،عمران خان کے لانگ مارچ پر مریم نواز کا ردعمل

    سازشیوں کا یہی انجام ہوتا ہے،عمران خان کے لانگ مارچ پر مریم نواز کا ردعمل

    باغی ٹی وی کی رپورٹ کے مطابق تحریک انصاف کے لانگ مارچ پر ن لیگی رہنما، مریم نواز کا ردعمل سامنے آیا ہے

    سماجی رابطے کی ویب سائٹ ٹویٹر پر ٹویٹ کرتے ہوئے ن لیگی رہنما مریم نواز کا کہنا تھا کہ ناکام ترین لانگ مارچ،ایک کے بعد ایک ڈرامہ اور جھوٹ،مگر سچ یہی ہے کہ عمران کا۹ سالہ پلان،سازش کے ذریعے حکومت ختم کرنے کا پلان، اپنا من پسند چیف لانے کا پلان،چیف کی تقرری میں رخنہ ڈالنے کا پلان،نئے چیف کو متنازع بنانے کا پلان،سب پلان بری طرح فیل ہو گئے۔سازشیوں کا یہی انجام ہوتا ہے!

    رکن پنجاب اسمبلی رانا عبدالروف کا کہنا تھا کہ عمران نیازی کے فتنہ مارچ کی کال کو عوام نے مسترد کردیا اور بتا دیا ہے کہ عوام ایک پرامن مستحکم ترقی کرتا روشن پاکستان چاہتے ہیں نہ کہ انتشار،عمران نیازی کو سمجھ جانا چاہئے کہ اس طرح کے انتشار سے انتخابات کی تاریخ نہیں صرف رسوائی ملے گی انتخابات ہر حال میں اپنے مقررہ وقت پر ہونگے

    قبل ازیں وفاقی وزیر داخلہ رانا ثناء اللہ کا کہنا تھا کہ جلسے میں 15،16 ہزار لوگ ہیں،یہ لوگ ملک کو عدم استحکام کی طرف دھکیلنا چاہتے ہیں،عوام نے پی ٹی آئی لانگ مارچ کا بائیکاٹ کردیا،ملک کوہیجانی کیفیت میں مبتلا کیا گیا،محاذ آرائی سے عمران خان کے ہاتھ کچھ نہیں آئے گا، اگر پی ٹی آئی نے دھرنا دینے کا فیصلہ کیا تو وہ زیادہ لوگ نہیں ہوں گے معاملات کو سیاسی اور جمہوری انداز میں آگے بڑھائیں،

    عمران خان کی لاہور سے راولپنڈی سفر کی تیاریوں کو حتمی شکل دیدی گئی

    الیکشن کی تاریخ چاہئے تو عمران خان پی ڈی ایم قیادت سے ملیں، وزیر داخلہ

     چارکار سوار لڑکیوں نے کارخانے میں کام کرنیوالے لڑکے کو اغوا کر کے زیادتی کا نشانہ بنا ڈالا

  • جلسے میں 15،16 ہزار لوگ،عوام نے بائیکاٹ کردیا،وفاقی وزیر داخلہ

    جلسے میں 15،16 ہزار لوگ،عوام نے بائیکاٹ کردیا،وفاقی وزیر داخلہ

    باغی ٹی وی کی رپورٹ کے مطابق وفاقی وزیر داخلہ رانا ثناء اللہ نے کہا ہے کہ لوگوں کی حفاظت کیلئے پنجاب اور اسلام آباد پولیس فرائض انجام دے رہی ہے

    رانا ثناء اللہ کا کہنا تھا کہ جلسے میں 15،16 ہزار لوگ ہیں،یہ لوگ ملک کو عدم استحکام کی طرف دھکیلنا چاہتے ہیں،عوام نے پی ٹی آئی لانگ مارچ کا بائیکاٹ کردیا،ملک کوہیجانی کیفیت میں مبتلا کیا گیا،محاذ آرائی سے عمران خان کے ہاتھ کچھ نہیں آئے گا، اگر پی ٹی آئی نے دھرنا دینے کا فیصلہ کیا تو وہ زیادہ لوگ نہیں ہوں گے معاملات کو سیاسی اور جمہوری انداز میں آگے بڑھائیں،

    وفاقی وزیر احسن اقبال نے میڈیا سے گفتگو کرتے ہوئے کہا کہ پنجاب حکومت کے خاتمے کیلئے لائحہ عمل تیار کر لیا ہے پنجاب حکومت سپریم کورٹ کے فیصلہ کی بنیاد پر قائم ہے،ق لیگی ایم پی ایز اپنے صدر کی ہدایات پر ووٹ دیں تو پنجاب حکومت ختم ہو جائیگی پی ٹی آئی ،پنجاب حکومت کے وسائل سے ملک میں انتشار پھیلا رہی ہے ملک کو معاشی استحکام کیلئے انتشار سے پاک کرنے کی ضرورت ہے ، پنجاب حکومت کو جمہوری انداز میں رخصت کریں گے،پنجاب کے وزیر اعلیٰ کا فیصلہ پی ڈی ایم قیادت کرے گی،پنجاب میں کوئی چیف سیکریٹری اور آئی جی کام کرنے کو تیار نہیں پنجاب حکومت آئینی حدود سے تجاوز کر رہی ہے،آئندہ انتخابی مہم کی قیادت نواز شریف کریں گے ،

    وفاقی وزیر ن لیگ کے رہنما جاوید لطیف نے کہا ہے کہ اعظم سواتی ہوں یا عمران خان سب کا ایجنڈا ایک ہی ہے،ان کا ایک ہی ایجنڈاہے کہ اداروں کو کمزور کیا جائے،ان کے پاس کوئی ثبوت ہیں تو سامنے لے کر آئیں، سوشل میڈیا پر پاکستان مخالف ایجنڈے کو پرموٹ کر رہے ہیں، یہ جو کر رہے ہیں پاکستان مخالف ایجنڈے کو تقویت مل رہی ہے،انکی ان باتوں کی وجہ سے انڈیا نے آزاد کشمیر پر قبضہ کرنے کی دھمکی دینے کی جرات کی ،آج بھارتی وہی باتیں کر رہے ہیں جو کل عمران خان کر رہے تھے سب کو مل کر اس شخص کو بے نقاب کرنا چاہئے،

    کامونکی،لانگ مارچ کی کوریج کرنیوالے صحافیوں پر پولیس کا تشدد

    پی ٹی آئی نے جلسے کی اجازت کیلئے اسلام آباد ہائیکورٹ سے رجوع کر لیا

    عمران خان کی لاہور سے راولپنڈی سفر کی تیاریوں کو حتمی شکل دیدی گئی

    الیکشن کی تاریخ چاہئے تو عمران خان پی ڈی ایم قیادت سے ملیں، وزیر داخلہ

     چارکار سوار لڑکیوں نے کارخانے میں کام کرنیوالے لڑکے کو اغوا کر کے زیادتی کا نشانہ بنا ڈالا

  • انتخابات کی تاریخ دیں ہم مذاکرات کیلئے تیار ہیں،شیخ رشید

    انتخابات کی تاریخ دیں ہم مذاکرات کیلئے تیار ہیں،شیخ رشید

    راولپنڈی میں تحریک انصاف کا جلسہ،کارکنوں کی قافلوں کی صورت میں جلسہ گاہ آمد جاری ہے

    عوامی مسلم لیگ کے سربراہ شیخ رشید احمد نے تحریک انصاف کے جلسہ سے خطاب کرتے ہوئے کہا کہ چاہتا تھا عمران خان کے آنے پر تقریر کروں، عوام کا سمندر آپ کو اٹھا کر لے جائے گا،میں نے8مہینے تک اپنی زبان بند رکھی فوج بھی میری ہے اور عدلیہ بھی میری ہے، مجھے پاک فوج پر فخر ہے، ملک کی معیشت تباہ ہوگئی ہے، سامراج کے غلاموں کے آنے سے ملک تباہ ہوگیا ہے،اسحاق ڈار غلط بیانی کررہے ہیں،ملکی معیشت ڈوب رہی ہے،جب معیشت تباہ ہوجاتی ہے توملکی سلامتی کو خطرہ لاحق ہوتا ہے ،آج والدین کے پاس بچوں کی فیس ادا کرنے کیلئے پیسے نہیں ہیں، لوگ بل ادا نہیں کر سکتے،چوروں کے گینگ سے ہماری لڑائی ہے،ایک ایک ایم این اے کی قیمت لگا کر عمران خان کی حکومت گرائی گئی،سندھ ہاوس میں لوٹوں کا جمعہ بازار لگا،ہم تمام مذاکرات کے دروازے کھولنا چاہتے ہیں، انتخابات کی تاریخ شرط ہے، انتخابات کی تاریخ دیں ہم مذاکرات کیلئے تیار ہیں عمران خان جو فیصلہ کریں گے ملک کابچہ بچہ اس پر لبیک کہے گا،

    تحریک انصاف کے رہنما مراد سعید کا کہنا تھا کہ امریکا پاکستان میں اڈے چاہتا ہے ،عمران خان کا جواب ہوتا ہے ایبسولوٹلی ناٹ،عمران خان ڈٹ کے کھڑے ہوگئے اور امریکہ کی غلامی سے انکار کر دیا، عمران خان کو ہرانے کیلئے جعلی مقدمے، تشدد اور حملہ تک کیا گیا، عمران خان کو آپ نہیں ہرا سکتے، عمران خان آپ کو ہرا چکے ہیں، یہ 20ویں نہیں 21ویں صدی ہے،لوگ سازشیوں کیخلاف کھڑے ہوگئے عہد کرتے ہیں ملک کی خودمختاری کیلئے ہر ممکن جدوجہد کریں گے

    تحریک انصاف کے رہنما پرویز خٹک کا کہنا ہے کہ عمران خان کی ایک کال پر ملک بھر سے لوگ راولپنڈی پہنچ چکے ہیں، عمران خان کا ایک ہی مطالبہ صاف و شفاف انتخابات ہیں،اگر ہم خاموش رہے تو یہ ملک کو لوٹ کرلے جائیں گے، ملک افراتفری کی جانب جا رہا ہے،ہم ملک میں جلد انتخابات کے خواہاں ہیں،آج عمران خان آئندہ کے لائحہ عمل کا اعلان کریں گے، اگر کوئی ہار کے ڈرسے الیکشن نہیں کرتا تو یہ ملک کے ساتھ زیادتی ہے ،پی ٹی آئی کارکن آنسو گیس شیل کے عادی ہو گئے ہیں،ہم پرامن شہری اور پرامن احتجاج کرنے آئے ہیں،

    پنجاب کے سینئر صوبائی وزیر میاں اسلم اقبال نے کہا ہے پاکستان تحریک انصاف کے چیئرمین عمران خان نے قوم کو شعور دیا اس لئے عوام ملک پر مسلط چوروں اور ڈاکوؤں کو کسی صورت قبول کرنے کیلئے تیار نہیں، دنیا کا کوئی ادارہ وفاق میں بیٹھے کرپٹ ٹولے پر اعتماد کرنے کو تیار نہیں کیوں کہ سب جانتے ہیں کہ یہ منی لانڈرر ہیں ، ملک ڈیفالٹ کی طرف جارہا ہے اور معشیت کو مصنوعی سہارے دے کر کھڑا کرنے کی کوشش کی جارہی ہےہماری سیاست تشدد اور توڑ پھوڑ کی نہیں بلکہ امن ،غریب عوام کی محرومیاں خوشیوں میں بدلنے اور ملک کی ترقی و خوشحالی کی ہے، پاکستان واحد ملک ہے جہاں مجرموں کو بچانے کیلئے قوانین بدل دئیے گئے ہیں.

    واضح رہے کہ عمران خان نے لاہور سے لانگ مارچ کا آغاز کیا تھا، وزیرآباد میں مبینہ حملے کے بعد عمران خان زمان پارک آ گئے تھے، اسکے بعد تحریک انصاف نے مختلف شہروں میں جلسے کئے، آج تحریک انصاف پنڈی کی جانب مارچ کر رہی ہے،

    کامونکی،لانگ مارچ کی کوریج کرنیوالے صحافیوں پر پولیس کا تشدد

    پی ٹی آئی نے جلسے کی اجازت کیلئے اسلام آباد ہائیکورٹ سے رجوع کر لیا

     صدف نعیم کے شوہر سے پی ٹی آئی رہنماؤں نے زبردستی دستخط کروائے ہیں،

    تحریک انصاف کا کل راولپنڈی میں جلسے کا اعلان

    عمران خان کی لاہور سے راولپنڈی سفر کی تیاریوں کو حتمی شکل دیدی گئی

    الیکشن کی تاریخ چاہئے تو عمران خان پی ڈی ایم قیادت سے ملیں، وزیر داخلہ

     چارکار سوار لڑکیوں نے کارخانے میں کام کرنیوالے لڑکے کو اغوا کر کے زیادتی کا نشانہ بنا ڈالا

  • لانگ مارچ،عوامی مقام پرعمران خان گاڑی سے باہر نہ نکلیں،سیکورٹی ایڈوائزری جاری

    لانگ مارچ،عوامی مقام پرعمران خان گاڑی سے باہر نہ نکلیں،سیکورٹی ایڈوائزری جاری

    باغی ٹی وی کی رپورٹ کے مطابق تحریک انصاف آج پنڈی میں میدان سجا رہی ہے، عمران خان جلسہ کے شرکاء سے خطاب کریں گے

    لانگ مارچ کے دوران عمران خان پر مبینہ حملے کے بعد اب آج کے لانگ مارچ اور جلسہ کے لئے سیکورٹی کے انتہائی سخت انتظامات کئے گئے ہیں،پنجاب پولیس نے لانگ مارچ کی سیکیورٹی کی مانیٹرنگ کے لیے کنٹرول روم قائم کر دیا پنجاب سینٹرل پولیس آفس میں قائم کنٹرول روم 3 شفٹوں میں کام کرے گا پنجاب سینٹرل پولیس آفس میں کنٹرول روم کے انچارج اے آئی جی آپریشن ہونگے سیاسی سرگرمیوں کے جاری رہنے تک سیکیورٹی انتظامات کی مانیٹرنگ کے لیے کنٹرول روم فعال رہے گا، لانگ مارچ کے حوالہ سے پولیس کی جانب سے سیکیورٹی ایڈوائزی جاری کی گئی ہے پی ٹی آئی قیادت کو 28 نکاتی ایڈوائزری سے تحریری طور پر آگاہ کر دیا گیا ڈپٹی اسپیکرپنجاب اسمبلی واثق قیوم کو ہدایات تحریری طور پر دی گئیں .

    پولیس حکام کی جانب سے کہا گیا ہے کہ وی آئی پی سیکیورٹی کے لیے ہدایات پر عملدرآمد کو یقینی بنایا جائے،اعلیٰ قیادت کیلئے بلٹ پروف روسٹرم اور اسٹیج لازمی ہے عمران خان بلٹ پروف جیکٹ بھی لازماً استعمال کریں،کسی عوامی مقام پر عمران خان گاڑی سے باہر نہ نکلیں، روایت کے برعکس عمران خان کی نقل و حرکت کو خفیہ رکھا جائے،سیکیورٹی افسر اورقانون نافذکرنے والے اداروں سے رابطے میں رہ کرنقل و حرکت کی ہدایت کی گئی اور کہا گیا کہ وی آئی پی کی گاڑی کی پارکنگ الگ اور مخصوص ہو گی،اسٹیج پر شرکاکی فہرست پہلے سے انتظامیہ کو فراہم کی جائے، فہرست کے علا و ہ کوئی بھی ا سٹیج پر نہیں جا سکے گا، جلسہ گاہ میں کوئی مسلح پرائیویٹ گارڈ نہیں ہوگا، عمران خان کسی مقام پر عوام سے ملاقات نہیں کریں گے، جلسے میں ڈرون کیمرہ اورآتشبازی پر مکمل پابندی ہو گی،کارکنوں کو کسی عمارت کی چھت پر چڑھنے کی اجازت نہیں ہو گی،

    خاتون پولیس اہلکار کے کپڑے بدلنے کی خفیہ ویڈیو بنانے پر 3 کیمرہ مینوں کے خلاف کاروائی

    جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا

    ایم بی اے کی طالبہ کو ہراساں کرنا ساتھی طالب علم کو مہنگا پڑ گیا

    تعلیمی ادارے میں ہوا شرمناک کام،68 طالبات کے اتروا دیئے گئے کپڑے

    واضح رہے کہ عمران خان نے لاہور سے لانگ مارچ کا آغاز کیا تھا، وزیرآباد میں مبینہ حملے کے بعد عمران خان زمان پارک آ گئے تھے، اسکے بعد تحریک انصاف نے مختلف شہروں میں جلسے کئے، آج تحریک انصاف پنڈی کی جانب مارچ کر رہی ہے،

    کامونکی،لانگ مارچ کی کوریج کرنیوالے صحافیوں پر پولیس کا تشدد

    پی ٹی آئی نے جلسے کی اجازت کیلئے اسلام آباد ہائیکورٹ سے رجوع کر لیا

     صدف نعیم کے شوہر سے پی ٹی آئی رہنماؤں نے زبردستی دستخط کروائے ہیں،

    تحریک انصاف کا کل راولپنڈی میں جلسے کا اعلان

    عمران خان کی لاہور سے راولپنڈی سفر کی تیاریوں کو حتمی شکل دیدی گئی

    الیکشن کی تاریخ چاہئے تو عمران خان پی ڈی ایم قیادت سے ملیں، وزیر داخلہ

     چارکار سوار لڑکیوں نے کارخانے میں کام کرنیوالے لڑکے کو اغوا کر کے زیادتی کا نشانہ بنا ڈالا

  • لانگ مارچ، عمران خان رات کو آئینگے واپس لاہور،پیچھے نہیں ہٹیں گے،رہنما

    لانگ مارچ، عمران خان رات کو آئینگے واپس لاہور،پیچھے نہیں ہٹیں گے،رہنما

    لانگ مارچ، عمران خان رات کو آئینگے واپس لاہور،پیچھے نہیں ہٹیں گے،رہنما

    عمران خان کی راولپنڈی روانگی کی تیاری، ائیرپورٹ کیلئے بلٹ پروف گاڑی پہنچا دی گئی
    عمران خان کی بلٹ پروف گاڑی میں اسٹریچر بھی لگا دیا گیا، عمران خان کی ٹانگ پر بریسز کی وجہ سے گھٹنے کو حرکت نہیں دے سکتے ڈاکٹرز بھی چیئرمین پی ٹی آئی عمران خان کے ساتھ سفر کریں گے،روانگی سے قبل ڈاکٹرز کی ٹیم عمران خان کا دوبارہ چیک اپ کرے گی عمران خان ایک بجے کے بعد زمان پارک سے راولپنڈی روانہ ہوں گے، عمران خان اولڈ ائیر پورٹ سے ہیلی کاپٹر کے ذریعے راولپنڈی پہنچیں گے،روانگی سے قبل عمران خان پارٹی رہنماوں سے ٹیلی فونک مشاورت کریں گے، عمران خان دوپہر تک زمان پارک سے ہی لانگ مارچ کی صورتحال مانیٹر کریں گے،پی ٹی آئی رہنما اسلم اقبال زمان پارک پہنچ گئے اسلم اقبال عمران خان کے ساتھ روالپنڈی جائیں گے

    لانگ مارچ کے بعد چیئر مین پی ٹی آئی عمران خان نے لاہور میں ہی قیام کرنے کا فیصلہ کیا ہے،راولپنڈی میں لانگ مارچ کے بعد عمران خان رات 8بجے لاہور واپس جائیں گے ،ڈاکٹرز نے عمران خان کو راولپنڈی میں جلسے کے بعد لاہور میں ہی رہنے کی تجویزدی ہے،عمران خان کا راولپنڈی جلسے کے بعد لاہور واپسی اورقیام کا امکان ہے ڈاکٹرز روزانہ چیئر مین پی ٹی آئی عمران خان کا چیک اپ کریں گے مکمل صحت یابی کے بعد ہی عمران خان بنی گالہ اسلام آباد منتقل ہوں گے

    عمران خان کو لفٹ سے اسٹیج تک پہنچایا جائے گا،عمران خان کیلئے 200 فٹ لمبا ریمپ تیار کیا جائے گا عمران خان کیلئے بلٹ پروف کنٹینر بھی نصب کیا جائے گا پولیس کے 2ہزار اہلکار و افسران ڈیوٹی کے فرائض انجام دینگے بلند عمارتوں پر ماہر نشانہ باز تعینات ہونگے ایس ایس پی آپریشنز سیکیورٹی کی نگرانی کرینگے لانگ مارچ کے شرکاکے لیے دو پارکنگ پوائنٹس بنائے جا رہے ہیں ایک پارکنگ راول روڈ پر سول ایوی ایشن اتھارٹی کے گراؤنڈ میں ہو گی دوسری پارکنگ ڈگری کالج ففتھ روڈ پر بنائی جائے گی اسلام آباد سے آنے والے قافلے کوروال سے بذریعہ راول روڈ داخل ہونگے جی ٹی روڈ سے آنے والے قافلے بھی بذریعہ راول روڈ داخل ہونگے موٹر وے سے قافلے آئی جے پی روڈ سے بذریعہ ففتھ روڈ جلسہ گاہ پہنچیں گے

    پنجاب پولیس نے لانگ مارچ کی سیکیورٹی کی مانیٹرنگ کے لیے کنٹرول روم قائم کر دیا پنجاب سینٹرل پولیس آفس میں قائم کنٹرول روم 3 شفٹوں میں کام کرے گا پنجاب سینٹرل پولیس آفس میں کنٹرول روم کے انچارج اے آئی جی آپریشن ہونگے سیاسی سرگرمیوں کے جاری رہنے تک سیکیورٹی انتظامات کی مانیٹرنگ کے لیے کنٹرول روم فعال رہے گا، لانگ مارچ کے حوالہ سے پولیس کی جانب سے سیکیورٹی ایڈوائزی جاری کی گئی ہے پی ٹی آئی قیادت کو 28 نکاتی ایڈوائزری سے تحریری طور پر آگاہ کر دیا گیا ڈپٹی اسپیکرپنجاب اسمبلی واثق قیوم کوہدایات تحریری طور پر دی گئیں .پولیس حکام کی جانب سے کہا گیا ہے کہ وی آئی پی سیکیورٹی کے لیے ہدایات پر عملدرآمد کو یقینی بنایا جائے،اعلیٰ قیادت کیلئے بلٹ پروف روسٹرم اور اسٹیج لازمی ہے عمران خان بلٹ پروف جیکٹ بھی لازماً استعمال کریں،کسی عوامی مقام پر عمران خان گاڑی سے باہر نہ نکلیں، روایت کے برعکس عمران خان کی نقل و حرکت کو خفیہ رکھا جائے،سیکیورٹی افسر اورقانون نافذکرنے والے اداروں سے رابطے میں رہ کرنقل و حرکت کی ہدایت کی گئی اور کہا گیا کہ وی آئی پی کی گاڑی کی پارکنگ الگ اور مخصوص ہو گی،اسٹیج پر شرکاکی فہرست پہلے سے انتظامیہ کو فراہم کی جائے، فہرست کے علا و ہ کوئی بھی ا سٹیج پر نہیں جا سکے گا، جلسہ گاہ میں کوئی مسلح پرائیویٹ گارڈ نہیں ہوگا، عمران خان کسی مقام پر عوام سے ملاقات نہیں کریں گے، جلسے میں ڈرون کیمرہ اورآتشبازی پر مکمل پابندی ہو گی،کارکنوں کو کسی عمارت کی چھت پر چڑھنے کی اجازت نہیں ہو گی،

    تحریک انصاف کے رہنما پرویز خٹک کا کہنا ہے کہ ملک افراتفری کی جانب جا رہا ہے،ہم ملک میں جلد انتخابات کے خواہاں ہیں،آج عمران خان آئندہ کے لائحہ عمل کا اعلان کریں گے، اگر کوئی ہار کے ڈرسے الیکشن نہیں کرتا تو یہ ملک کے ساتھ زیادتی ہے ،پی ٹی آئی کارکن آنسو گیس شیل کے عادی ہو گئے ہیں،

    راولپنڈی میں پی ٹی آئی کا لانگ مارچ، اسلام آباد کے داخلی راستے بند کر دیئے گئے،ترجمان پنجاب حکومت مسرت جمشید چیمہ کا کہنا ہے کہ لانگ مارچ کا آج آخری مرحلہ ہے،عمران خان راولپنڈی میں مستقبل کا پلان بتائیں گے،صاف اور شفاف الیکشن ہوں گے تو ہی یہ قوم آگے بڑھے گی،ہمارا مطالبہ ہے کہ الیکشن کا اعلان جلد از جلد کریں ،جب تک ہمیں انصاف نہیں ملتا پیچھے نہیں ہٹیں گے،چار گولیاں کھا کر بھی عمران خان کا عزم اور ارادہ بلند ہے،

    رات بھر زیادتی کے بعد برہنہ حالت میں نرس کو سڑک پر ملزمان پھینک گئے

    دو کمسن لڑکیوں کو برہنہ کر کے گھمانے والے کیس میں اہم پیشرفت

    ماموں کی بیٹی کے ساتھ گھناؤنا کام کرنیوالا گرفتار

    پانی پینے کے بہانے گھر میں گھس کر لڑکی سے گھناؤنا کام کرنیوالا ملزم گرفتار

    زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار

    لانگ مارچ وجلسہ کے پیش نظر چاندنی چوک جانب اسلام آباد دونوں اطراف مکمل ڈائیورشن ہے۔ٹریفک پولیس حکام کے مطابق کمیٹی چوک سے چاندنی چوک جانیوالی ٹریفک کو کمرشل مارکیٹ کیطرف ڈائیورٹ کیا جا رہا ہے۔ فیض آباد سے چاندنی چوک دونوں اطراف ہر طرح کی ٹریفک کےلئے بند ہے۔ نائتھ ایونیو سے ڈبل روڈ کیطرف ٹریفک کا داخلہ بند ہے۔کورال چوک سے ایکسپریس وے اسلام آباد کیطرف داخلہ بند ہے۔ راولپنڈی کی باقی تمام شاہراہیں ٹریفک کےلئے کھلی ہیں۔لانگ مارچ و جلسہ کے دوران ٹریفک پولیس کے750سے زیادہ اہلکار تعینات کیے گئے ہیں۔لانگ مارچ کی گزر گاہوں کے دوران ٹریفک کو مرحلہ وار متبادل راستوں پر ڈائیورٹ کیا جائے گا۔ متبادل راستوں پر ٹریفک کی روانی کو برقرار رکھنے کے لئے اضافی اہلکار تعینات کیے گئے ہیں۔ٹریفک و رش صورتحال کے متعلق ایف ایم88.6اورآفیشل سوشل میڈیا پر لمحہ بالمحہ آگاہی فراہم کی جارہی ہے۔ شہریوں سے گزارش ہے کہ اس دوران مری روڈ پر غیر ضروری سفر سے گریز کریں۔شہری کسی قسم کی پریشانی سے بچنے کے لئے 20سے 30منٹ کا اضافی وقت رکھیں۔

    شوہرکے موبائل میں بیوی نے دیکھی لڑکی کی تصویر،پھر اٹھایا کونسا قدم؟

    خاتون پولیس اہلکار کے کپڑے بدلنے کی خفیہ ویڈیو بنانے پر 3 کیمرہ مینوں کے خلاف کاروائی

    جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا

    ایم بی اے کی طالبہ کو ہراساں کرنا ساتھی طالب علم کو مہنگا پڑ گیا

    تعلیمی ادارے میں ہوا شرمناک کام،68 طالبات کے اتروا دیئے گئے کپڑے

    واضح رہے کہ عمران خان نے لاہور سے لانگ مارچ کا آغاز کیا تھا، وزیرآباد میں مبینہ حملے کے بعد عمران خان زمان پارک آ گئے تھے، اسکے بعد تحریک انصاف نے مختلف شہروں میں جلسے کئے، آج تحریک انصاف پنڈی کی جانب مارچ کر رہی ہے،

    کامونکی،لانگ مارچ کی کوریج کرنیوالے صحافیوں پر پولیس کا تشدد

    پی ٹی آئی نے جلسے کی اجازت کیلئے اسلام آباد ہائیکورٹ سے رجوع کر لیا

     صدف نعیم کے شوہر سے پی ٹی آئی رہنماؤں نے زبردستی دستخط کروائے ہیں،

    تحریک انصاف کا کل راولپنڈی میں جلسے کا اعلان

    عمران خان کی لاہور سے راولپنڈی سفر کی تیاریوں کو حتمی شکل دیدی گئی

    الیکشن کی تاریخ چاہئے تو عمران خان پی ڈی ایم قیادت سے ملیں، وزیر داخلہ

     چارکار سوار لڑکیوں نے کارخانے میں کام کرنیوالے لڑکے کو اغوا کر کے زیادتی کا نشانہ بنا ڈالا

  • پی ٹی آئی کا پنڈی میں جلسے کا اعلان،عمران خان یہ بے مقصد اجتماع ملتوی کردیں،وزیر داخلہ

    پی ٹی آئی کا پنڈی میں جلسے کا اعلان،عمران خان یہ بے مقصد اجتماع ملتوی کردیں،وزیر داخلہ

    تحریک انصاف کا کل راولپنڈی میں جلسے کا اعلان
    پی ٹی آئی دھرنا ،انتظامیہ نے راولپنڈی انتظامیہ کی تجویز کو تسلیم کرلیا ،پی ٹی آئی ایم این اے اسلم خان کا کہنا ہے کہ مرکزی اسٹیج شمس آباد سے سکستھ روڈ فلائی اوور منتقل کریں گے،ہمارا اسٹیج 75 فیصد مکمل ہوچکا تھا،انتظامیہ نے روک دیا،مرکزی قیادت نے حکم دیا ہے کہ اسٹیج کو آگے منتقل کریں،

    ڈپٹی کمشنر اسلام آباد کا کہنا ہے کہ عمران خان کی جانب سے مشروط معاہدے کا دستخط شدہ بیان حلفی نہیں ملا، ہیلی کاپٹر کو پریڈ گراؤنڈ میں لینڈنگ اور ٹیک آف کی اجازت نہیں دی گئی،کہا تھا کہ پارٹی چیئرمین دستخط شدہ بیان حلفی 25 نومبر تک انتظامیہ کو جمع کروائیں، پی ٹی آئی کی جانب سے اسلام آباد انتظامیہ کو آج ہیلی کاپٹر لینڈنگ کی اجازت کے لیے خط لکھا گیا ،اسلام آباد انتظامیہ نے گزشتہ روز پی ٹی آئی کی ریلیز کے لیے مشروط اجازت دی تھی

    انتظامیہ نے 36 شرائط پر تحریک انصاف کو معاہدے پر عمل سے مشروط اجازت دی تھی تحریک انصاف چیئرمین کی جانب سےعمل درآمد نہ کرنے پر انتظامیہ نے این او سی منسوخی پر غور شروع کر دیا ، تحریک انصاف تا حال اسلام آباد انتظامیہ کو عمران خان کا دستخط شدہ معاہدہ پیش نہ سکی تحریک انصاف مقامی قیادت نے انتظامیہ کو معاہدے پر عمران خان کے دستخط شدہ بیان خلفی کی یقین دہانی کرائی تھی انتظامیہ نے سیاسی رہنماوں کی یقین دہانی کے بعد مشروط طور پر اجازت دی انتظامیہ کی مشروط اجازت کے بعد تحریک انصاف شرائط پر عمل درآمد نہیں کر رہی

    دوسری جانب وزیراعلیٰ پنجاب چودھری پرویز الہیٰ کا کہنا ہے کہ لانگ مارچ کے شرکا کو فول پروف سیکیورٹی کے انتظامات مکمل ہیں،راولپنڈی میں عمران خان اورمارچ کے شرکاء کے تحفظ کو یقینی بنایا جائے گا، جومرضی آئے یا جائے،پنجاب میں کوئی بھی سیاسی مہم جوئی کامیاب نہیں ہوگی پہلے بھی دعوے کیے گئے لیکن مخالفین کو ناکامی کے سوا کچھ نہیں ملا،اب بھی مخالفین ناکام رہیں گے،

    عمران خان آپ کو راولپنڈی سے الیکشن کی تاریخ نہیں ملے گی،وزیر داخلہ رانا ثناء اللہ
    علاوہ ازیں وفاقی وزیر داخلہ رانا ثناء اللہ کا کہنا ہے کہ ملکی ترقی کا راز آئین و قانون کی حکمرانی ہے،پاک فوج کی طرف سے اپنے آئینی کردار اداکرنے کاعزم قوم کے بہترین مفاد میں ہے ایک سیاسی رہنما نے طعنے سے لیکرغیر شائستہ زبان تک استعمال کی ایک سیاسی رہنما نے جد جہد جھوٹی آزادی کے نام پر شروع کی،مسلح جد و جہد کے لیے حلف لیے گئے،چا ہیے تو یہ تھا کہ عمران خان 26نومبر کے اجتماع کو ملتوی کرتے عمران خان راولپنڈی میں اجتماع کرنے کے لیے بضد ہیں ، میرا مشورہ ہے کہ عمران خان یہ بے مقصد اجتماع ملتوی کردیں اجتماع سے متعلق ریڈ الرٹ کیا گیا ہے اجتماع سے کوئی بھی دہشت گرد فائدہ اٹھا سکتا ہے،اجتماع میں عمران خان کی جان کو بھی خطرہ ہے،عمران خان آپ کو راولپنڈی سے الیکشن کی تاریخ نہیں ملے گی اسٹیبلشمنٹ آپ کو الیکشن کی تاریخ لیکر نہیں دے سکتی، اسٹیبلشمنٹ اپنے آئینی رول سے نہ پیچھے ہٹے گی اور نہ باہر آئیگی ،الیکشن کی تاریخ لینی ہے تو سیاستدان بنیں

    سینئر صوبائی وزیر میاں اسلم اقبال نے عوامی اجتماع سے خطاب کرتے ہوئے کہا کہ عمران خان کی قیادت میں حقیقی آزادی مارچ کی تحریک کامیاب ہوگی۔26نومبر کا تاریخی عوامی اجتماع حقیقی آزادی کے سورج طلوع ہونے کی نوید ثابت ہوگا۔عوامی لیڈر عمران خان قوم کے مستقبل کے لئے میدان عمل میں ہے عمران خان قوم کیلئے امید کی آخری کرن ہیں۔حقیقی آزادی کی جنگ میں عمران خان کو گولیوں کا سامنا بھی کرنا پڑا ہے۔ہر پاکستانی کو اپنے بچوں کے محفوظ مستقبل کے لئے 26نومبر کو گھر سے نکلنا ہے۔انصاف اور قانون کی بالادستی کی جنگ عوام جیتیں گے

    صوبائی وزیر توانائی و خوراک سردار حسنین بہادر دریشک نے قوم سے اپیل کی ہے کہ نوجوان، بوڑھے، مرد اور عورت سبھی 26 نومبرکو عمران خان کی کال پر حقیقی آزادی مارچ میں لازمی شرکت کریں تاکہ امپورٹڈ حکومت سے عوام کی جان چھڑائی جا سکے۔ انہوں نے کہا کہ اللہ پاک نے عمران خان کو ایک اور زندگی عطاء کی ہے اور آگے بھی انکی حفاظت کرے گا۔حسنین بہادر دریشک نے کہا کہ عمران خان کو کرسی کا کوئی لالچ نہیں بلکہ عوام کی آزادی کے لئیے جدوجہد کر رہے ہیں اور امید ہے کہ عوام کے بھرپور تعاون سے حقیقی آزادی مارچ اپنی کامیابی کا سفر مکمل کرے گا

    عمران خان کی تعزیت کیلئے صحافی صدف نعیم کے گھر آمد 

    کامونکی،لانگ مارچ کی کوریج کرنیوالے صحافیوں پر پولیس کا تشدد

    پی ٹی آئی نے جلسے کی اجازت کیلئے اسلام آباد ہائیکورٹ سے رجوع کر لیا

     صدف نعیم کے شوہر سے پی ٹی آئی رہنماؤں نے زبردستی دستخط کروائے ہیں،

  • اپریل ،مئی میں الیکشن ہونے چاہئے، عمران خان کے ساتھ کھڑا ہوں، شیخ رشید

    اپریل ،مئی میں الیکشن ہونے چاہئے، عمران خان کے ساتھ کھڑا ہوں، شیخ رشید

    باغی ٹی وی کی رپورٹ کے مطابق عوامی مسلم لیگ کے سربراہ شیخ رشید احمد نے کہا ہے کہ تمام سیاسی جماعتوں نے آرمی چیف کو ویلکم کیا،

    شیخ رشید احمد کا کہنا تھا کہ اپریل ،مئی میں الیکشن ہونے چاہیئں لوگ پریشان ہیں ،فیس ادائیگی کے لیے پیسے نہیں، 3ماہ کے ہیجان کا خاتمہ ہوا،ابھی بھی عمران خان کی جان کو خطرہ ہے، حوصلہ افزا حالات بنے ہیں عمران خان قوم کی سپورٹ کے ساتھ ہی مسئلوں کو حل کر سکتے ہیں،اپریل مئی قوم الیکشن کی تیاری کرے، عمران خان کے ساتھ قوم کھڑی ہے، میں اللہ کے رحم و کرم پر ہوں، یہ میرا حلقہ ہے، عمران خان کے ساتھ کھڑا ہوں، میڈیا سے دور ہو گیا تھا اب ان ہونے لگا ہوں،میری سیاست عمران خان کے ساتھ ہے، میں اسی کے ساتھ ہوں،

    شیخ رشید احمد کا مزید کہنا تھا کہ میری سیاسی سوچ میں الیکشن ہونے جا رہے ہیں،ملک الیکشن کی طرف جا رہا ہے، پی ڈی ایم کی جماعتوں کا زوال شروع ہوا چاہتا ہے، نوازشریف کے پاس سفارتی پاسپورٹ ہے، بھائی انکا وزیراعظم ہے پھر وہ پاکستان کیوں نہیں آ رہے؟ نیب کیسز ختم کروانے والے پھر جیلوں میں جائیں گے، الیکٹرانک میڈیا اور سوشل میڈیا پر پابندی نہیں ہونی چاہئے، کل 12 بجے لال حویلی سے لانگ مارچ میں شرکت کریں گے،عمران خان نے اداروں کا ساتھ دے کر دور اندیش ہونے کا ثبوت دیا ،

     صدف نعیم کے شوہر سے پی ٹی آئی رہنماؤں نے زبردستی دستخط کروائے ہیں،

    عمران خان کی تعزیت کیلئے صحافی صدف نعیم کے گھر آمد 

    کامونکی،لانگ مارچ کی کوریج کرنیوالے صحافیوں پر پولیس کا تشدد

    پی ٹی آئی نے جلسے کی اجازت کیلئے اسلام آباد ہائیکورٹ سے رجوع کر لیا

  • وفاق پرچڑھائی کےغیرقانونی اقدام کوروکنا صوبائی حکومتوں کی آئینی ذمہ داری ہے،وزیرداخلہ

    وفاق پرچڑھائی کےغیرقانونی اقدام کوروکنا صوبائی حکومتوں کی آئینی ذمہ داری ہے،وزیرداخلہ

    وفاق پرچڑھائی کےغیرقانونی اقدام کو روکنا صوبائی حکومتوں کی آئینی ذمہ داری ہے،وزیرداخلہ
    وزیرداخلہ رانا ثنااللہ کی زیرصدارت پی ٹی آئی لانگ مارچ اور امن وامان سے متعلق اجلاس ہوا

    اجلاس میں پی ٹی آئی دھرنے سے متعلق حکمت عملی پر تبادلہ خیال کیا گیا ،وزیرمملکت داخلہ عبدالرحمان کانجو اوروفاقی سیکریٹری داخلہ یوسف نسیم کھوکھربھی اجلاس میں شریک تھے آئی جی خیبرپختونخوا پولیس معظم جاہ اور چیف سیکریٹری نے اجلاس میں آن لائن شرکت کی ،شرکا نے وزیر داخلہ رانا ثنااللہ کو پی ٹی آئی اجتماع اور سیکیورٹی سے متعلق بریفنگ دی،اجلاس میں وفاق پرممکنہ حملے کی صورت میں آئین اور قانون کی مکمل پاسداری کرنے کی یقین دہانی کروائی گئی،

    وزیر داخلہ رانا ثناء اللہ کا کہنا تھا کہ وفاق پرچڑھائی کےغیرقانونی اقدام کو روکنا صوبائی حکومتوں کی آئینی ذمہ داری ہے وفاق اور اسکی اکائیاں مل کر کسی بھی غیر آئینی اقدامات کو روکنے کی پیش بندی کریں چیف سیکریٹریز یقینی بنائیں کہ کوئی سرکاری ملازم وفاق پر چڑھائی کے منصوبے کا حصہ نہ بنے ،

    قبل ازیں میڈیا سے بات کرتے ہوئے وفاقی وزیر داخلہ رانا ثناء اللہ کا کہنا ہے کہ اہم تعیناتیوں سے متعلق فیصلے پر وزیر اعظم شہباز شریف نے اپنا آئینی اختیار کا استعمال کیا،صدر مملکت عارف علوی کو چاہیے تھا کہ اپنی آئینی ذمہ داری پوری کرتے، صدر مملکت عارف علوی نےاہم تعیناتیوں سے متعلق معاملے کو سیاسی رنگ دیا صدر مملکت عارف علوی نے وزیراعظم کی جانب سے بھیجی گئی ایڈوائس پر رسمی دستخط کرنے تھے پی ٹی آئی کے لانگ مارچ کو لوگوں نے بری طرح مسترد کردیا ہے،پی ٹی آئی کا لانگ مارچ پھر رینگتا رہا اور رینگ مارچ بن گیا،اطلاعات کے مطابق پی ٹی آئی والے راولپنڈی فیض آباد میں دھرنا دینا چاہتے ہیں،لانگ مارچ میں 500 لوگ ہوتے تھے اور یہ کہتے تھے کہ لاکھوں کا سمندر ہے اگر پی ٹی آئی نے راستے بند کرنے کی کوشش کی تو وفاقی حکومت ایکشن لے گی،

    دوسری جانب حکومت کے خلاف تحریک آخری مرحلے کے لیے پی ٹی آئی نے منصوبہ بندی کر لی، پی ٹی آئی کے قافلے 25 اور 26 نومبر کو راولپنڈی پہنچیں گے،پی ٹی آئی شرکاریلی کی بجائے قافلوں کی صورت میں راولپنڈی روانہ ہوں گے، لاہور سے پی ٹی آئی کے قافلے 26 نومبر کی صبح 9 بجے روانہ ہوں گے،ارکان قومی و صوبائی اسمبلی ، ٹکٹ ہولڈرز قافلوں کی صورت میں روانہ ہوں گے، قافلوں کی قیادت تحریک انصاف سینٹرل پنجاب کی اعلیٰ قیادت کرے گی،جنوبی پنجاب اور دور دراز سے قافلے 25 نومبر کی شام کو راولپنڈی پہنچیں گے، قافلوں کے قیام و طعام کے لیے اقبال پارک میں خیمہ بستی قائم کی جائے گی،

    خیبرپختونخوا حکومت کا ہیلی کاپٹر جلسوں میں استعمال کیا جا رہا ہے،وفاقی وزیر اطلاعات

    وہ کون ہے جس نے احسان فراموش عمران خان کیلیے ملک کی بقا کی خاطر سب کچھ کیا؟

    اسلام آباد انتظامیہ نے عمران خان کے ہیلی کاپٹر کو پریڈ گراؤنڈ میں لینڈنگ کی اجازت دینے سے انکارکر دیا

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز