Baaghi TV

Tag: لانگ مارچ

  • کیس میں عدالت نے ابھی تک تحمل کیا،وزیراعظم نے اس معاملے پر کیا کیا؟ عدالت

    کیس میں عدالت نے ابھی تک تحمل کیا،وزیراعظم نے اس معاملے پر کیا کیا؟ عدالت

    کیس میں عدالت نے ابھی تک تحمل کیا،وزیراعظم نے اس معاملے پر کیا کیا؟ عدالت

    سزا یافتہ ہونے کے باوجود حنیف عباسی کی بطور معاون خصوصی تقرری کیس کی سماعت ہوئی

    اسلام آباد ہائی کورٹ نے حنیف عباسی کو کام سے روکنے کے حکم میں 2 جون تک توسیع کردی ،اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ عدالتی فیصلے کے مطابق جب تک سزا ہیں تب تک عہدے پر برقرار نہیں رہ سکتے اس کیس میں عدالت نے ابھی تک تحمل کیا ہے ،وزیراعظم نے اس معاملے پر کیا کیا ہے ؟ ڈپٹی اٹارنی جنرل نے عدالت میں کہا کہ وزیراعظم کو نظرثانی کے لیے سمری بھجوائی گئی تھی،

    اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ عدالت ایگزیکٹو کے معاملے میں نہیں پڑتی یہ تو ان کو خود ہی دیکھنا چاہیے ،وکیل نے کہا کہ میری طرف سے لکھ لیں حنیف عباسی بطور معاون خصوصی کام نہیں کر رہے،عدالت نے کہا کہ عدالت پہلے حنیف عباسی کو کام سے روک چکی ہے،

    سابق وفاقی وزیر داخلہ شیخ رشید نے حنیف عباسی کے خلاف درخواست اسلام آباد ہائیکورٹ میں جمع کرائی ،درخواست میں کہا گیا ہے کہ حنیف عباسی کے خلاف 2012 میں اینٹی نارکوٹکس فورس نے مقدمہ درج کیا، حنیف عباسی ایفی ڈرین کوٹہ کیس میں سزا یافتہ ہیں، حنیف عباسی کےخلاف ٹرائل کورٹ نے 21 جولائی 2018 کو سزا سنائی،لاہور ہائی کورٹ نے ٹرائل کورٹ کی سزا معطل کر رکھی ہے،مجرم ہونے کا فیصلہ ختم نہیں ہوا، سیکرٹری کابینہ بتائیں کس قانون کے تحت حنیف عباسی کواس عہدے پر تعینات کیا گیا، حنیف عباسی کو 27 اپریل 2022 کو وزیراعظم کا معاون خصوصی مقرر کیا گیا تھا درخواست میں وفاق کو بذریعہ سیکرٹری کابینہ اور حنیف عباسی کو فریق بنایا گیا ہے

    واضح رہے کہ عمران خان کے خلاف تحریک عدم اعتماد کامیاب ہونے کے بعد شہباز شریف وزیراعظم بن چکے ہیں، شہباز شریف نے اپنی کابینہ تشکیل دی ہے جس میں پیپلز پارٹی سمیت اتحادی جماعتوں کو نمائندگی دی گئی ہے، شہباز شریف نے حنیف عباسی کو معاون خصوصی مقرر کیا تھا

    دوسری جانب اسلام آباد ہائی کورٹ نے پی ٹی آئی کارکنوں کی گرفتاریوں کے خلاف درخواست نمٹا دی ،اسلام آباد ہائیکورٹ کے چیف جسٹس اطہرمن اللہ نے استفسار کیا کہ کیا یہ درخواست غیر موثر نہیں ہو گئی ؟ وکیل بابر اعوان نے کہا کہ غیر موثر ہو گئی ہے لیکن بہت سارے لوگوں پر تشدد کیا گیا عمر ایوب کو تشدد کا نشانہ بنایا گیا ، اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ اگر کوئی ڈی چوک پر تھا کوئی غیر قانونی کام کر رہا تھا تو یہ ایگزیکٹو کا کام ہے،اگر کسی کا قانونی حق ہے تو اس کو اس سے محروم نہیں رکھا جا سکتا

    آپ اتنا مت گھبرائیں،فارن فنڈنگ کیس میں عدالت کا پی ٹی آئی وکیل سے مکالمہ

    فارن فنڈنگ کیس،باہر سے پیسہ آیا ہے لیکن وہ ممنوعہ ذرائع سے نہیں آیا،پی ٹی آئی وکیل

    فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج

    فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر

    فارن فنڈنگ کیس میں بھی عمران خان کو اب سازش نظر آ گئی، اکبر ایس بابر

  • گرفتار افراد کو رہا نہ کرنے پرمحکمہ داخلہ سے ایک گھنٹے میں رپورٹ طلب

    گرفتار افراد کو رہا نہ کرنے پرمحکمہ داخلہ سے ایک گھنٹے میں رپورٹ طلب

    گرفتار افراد کو رہا نہ کرنے پرمحکمہ داخلہ سے ایک گھنٹے میں رپورٹ طلب

    لاہور ہائیکورٹ میں لانگ مارچ کے دوران کارکنوں کی نظر بندی اور گرفتاری کیس کی سماعت ہوئی

    عدالت نے گرفتار افراد کو رہا نہ کرنے پرمحکمہ داخلہ سے ایک گھنٹے میں رپورٹ طلب کرلی ، جسٹس چودھری عبدالعزیز نے استفسار کیا کہ ابھی تک گرفتار افراد کو رہا کیوں نہیں کیا گیا ؟ عدالت نے حکم دیا کہ املاک کو کتنا نقصان پہنچا، کتنے افراد زخمی اور جاں بحق ہوئے تفصیلات پیش کی جائیں

    عدالتی حکم کے باوجود لانگ مارچ کے کارکنوں کو رہا نہ کرنے کے خلاف توہین عدالت کی درخواست پر سماعت ہوئی، ایڈیشنل ایڈووکیٹ جنرل پنجاب نے کہا کہ لاہورمیں 145 لوگوں کو نظر بند کیا گیا ہے۔ابھی تمام لوگوں کو رہا کر رہے ہیں ۔ عدالت نے ریمارکس دیتے ہوئے کہا کہ مسئلہ یہ ہے کہ عدالتی حکم پر عملدرآمد نہیں ہوا اور لوگ ابھی تک نہیں چھوڑے گئے ۔ لگتا ہے چیف سیکرٹری پنجاب کو عدالت کا آرڈر پسند نہیں آیا ۔چیف سیکرٹری نے کہا کہ آپ کے آرڈر پر عملدرآمد کیا ہے ڈپٹی کمشنر کو فوری عدالتی حکم بتایا تھا ۔آپ کا حکم براہ راست ڈپٹی کمشنر کو تھا۔ چیف جسٹس لاہور ہائیکورٹ نے ریمارکس دیتے ہوئے کہا کہ ڈپٹی کمشنر کے مطابق چیف سیکرٹری کی ہدایت پر بندے چھوڑے جانے تھے ،چیف جسٹس لاہور ہائیکورٹ نے اظہار برہمی کرتے ہوئے کہا کہ آپکی ہمت کیسے ہوئی آپ نے رجسٹرار کو کیا میسج کیا ہے ۔ چیف سیکرٹری نے رجسٹرار کو افینس میسج کیا ، ڈی سی لاہورنے کہا کہ آج صبح سے لوگ رہا ہو رہے ہیں،عدالت نے کہا کہ آج صبح سے کیوں ؟ آرڈر تو کل کا ہے ۔کل کے آرڈر پر عملدرآمد نہیں کیا گیا ۔چیف جسٹس لاہور ہائیکورٹ نے ڈپٹی کمشنر لاہور کو اظہار وجوہ کا نوٹس جاری کر دیا اور حکم دیا کہ 30 منٹ میں ڈپٹی کمشنر لاہور جواب دیں کیوں نہ انکے خلاف توہین عدالت کی کاروائی کریں؟

    چیف سیکریٹری نے تحریری جواب لاہور ہائیکورٹ میں جمع کرادیا ،عدالت نے کہا کہ چیف سیکریٹری نے کہاکہ میرا کوئی عمل دخل نہیں، جواد یعقوب نے کہا کہ عدالت میں ڈی سی لاہور کی زبان لڑکھڑا گئی جس سے ابہام پیدا ہوا، جس پر چیف جسٹس لاہور ہائیکورٹ نے ریمارکس دیتے ہوئے کہا کہ کیا یہاں طوفان آیا ہوا تھا ،عدالت نے تو انہیں صرف پوچھا تھا،زبان نہیں لڑکھڑاتی تھی بلکہ ان کےمنہ سے سچ نکلا،بہت افسوس ہے،آپ سے یہ توقع نہیں تھی لگتا ہے آپ اور آپ کے پیچھے کھڑے ہونے والوں کو مداخلت پسند نہیں آئی،اگر انہیں مداخلت پسند نہیں تو یہ کام چھوڑ کرکوئی اور کام ڈھونڈ لیں، عدالتیں مداخلت بھی کریں گی اور فیصلے بھی آئیں گے، یہ کیسا عمل ہوا عدالت میں یقین دہانی کےباوجود رہائی نہیں ہوئی میں نے خود عدالتی احکامات پرعمل درآمد کا بھی پیغام بھیجا،

    واضح رہے کہ گزشتہ روز لاہور ہائیکورٹ نے تحریک انصاف کے لانگ مارچ کے دوران گرفتاریوں اور نظربندیوں کے خلاف درخواستوں پر سماعت کے دوران پنجاب بھر میں نظر بند افراد کو رہا کرنے کا حکم دیا تھا، لاہور ہائی کورٹ کے چیف جسٹس امیر بھٹی نے پی ٹی آئی کے لانگ مارچ کے دوران گرفتاریوں اور نظربندیوں کے خلاف درخواستوں پر سماعت کی تھی، سماعت کے دوران سی سی پی او لاہور بلال صدیق کمیانہ بھی عدالت میں پیش ہوئے تھے چیف جسٹس لاہور ہائی کورٹ جسٹس امیر بھٹی نے احکامات دیتے ہوئے کہا کہ صوبے کے تمام ڈپٹی کمشنر 3 ایم پی او کے تحت نظر بندی کے تمام احکامات واپس لیں

    واضح رہے کہ تحریک انصاف کے لانگ مارچ کے دوران پولیس نے کئی شہروں سے پی ٹی آئی کے کارکنان اور رہنماؤں کو گرفتار کیا ہے گزشتہ روز کئی شہروں میں مقدمے بھی درج کئے گئے ہیں،عمران خان پر بھی اسلام آباد میں مقدمہ درج کیا گیا ہے، تحریک انصاف کے دیگر رہنماؤں پر بھی مقدمے درج کئے گئے ہیں، تحریک انصاف کے لاہور سمیت کئی شہروں میں کارکنان ابھی تک گرفتار ہیں

    دوسری جانب حمزہ شہباز کو عہدے سے ہٹانے اور ٹرانسفر پوسٹنگ سے روکنے سے متعلق کیس کی سماعت ہوئی لاہور ہائیکورٹ نے درخواست گزار کو آئی جی پنجاب کو فریق بنانے کی اجازت دے دی لاہور ہائیکورٹ نے ترمیمی درخواست پر فریقین کو جواب جمع کرانے کی ہدایت کر دی عدالت نے آئی جی پنجاب کو فریق بنانے کی درخواستگزار کی استدعا منظور کر لی لاہور ہائیکورٹ نے کیس کی سماعت 30 مئی تک ملتوی کر دی

    پی ٹی آئی رہنماؤں کیخلاف مقدمات درج کر لئے

    پولیس پہنچی تو میاں محمود الرشید گرفتاری کے ڈر سے سٹور میں چھپ گئے

    پاکستان کی سیاسی صورتحال سے فائدہ اٹھانے کیلئے مودی کے دفتر میں خصوصی سیل قائم

    درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ

    کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

    لانگ مارچ، عمران خان سمیت تحریک انصاف کے رہنماؤں پر مقدمہ درج

  • عمران خان پاکستان کا نجات دہندہ،کل رات اسلام آباد میں کیا ہوا؟

    عمران خان پاکستان کا نجات دہندہ،کل رات اسلام آباد میں کیا ہوا؟

    عمران خان پاکستان کا نجات دہندہ،کل رات اسلام آباد میں کیا ہوا؟
    باغی ٹی وی کی رپورٹ کے مطابق سینئر صحافی و اینکر مبشر لقمان نے کہا ہے کہ ہر روز نئی خبریں اس ملک میں آتی ہیں، کل جو اسلام آباد میں ہوا ہر ایک نے اپنی اپنی مرضی کی فوٹہج دیکھ لی اگر پی ٹی آئی کے سپورٹر ہیں یا خلاف مرضی کی فوٹیج ہے لیکن پاکستان کی فوٹیج ڈھونڈ رہے ہیں اب کونسی ایسی چیز ہے جس سے پاکستان کو یا آنے والی نسلوں کو فائدہ ہو، کل رات سے سوچ رہا تھا کہ یہ کون لوگ ہیں جو اندھا دھند اعتماد کرتے ہیں ان نعروں پر پھر مجھے جواب مل گیا کیونکہ میں خود ان لوگوں میں سے تھا، میں نے بھی عمران خان پر اندھا اعتماد کیا، کئی سال کیا، ہر خامی، غلطی کو دیکھتے تھے،

    مبشر لقمان کا کہنا تھا کہ ستر لاکھ پاکستانی اوورسیز ہیں، پاکستان کے اندر رہنے والے بھی تنگ آچکے، ہر قسم کی حکومت دیکھ لی ، جمہوریت چاہتے ہیں، ہر وقت جمہوریت میں انکو جھٹکے لگے،اب سارے سوا کروڑ یا ڈیڑھ لوگ عشق پاکستان میں انہوں نے سیویر ڈھونڈنا شروع کر دیا، انکو عمران خان جیسا سیویر نظر آیا ، انہوں نے کہا کہ اسکو پیسے عہدے کی ضرورت نہیں، حسن ، پیسہ اللہ کا دیا سب کچھ ہے، اسکا ٹریک ریکارڈ یہ ہے کہ نہ گرا ہے نہ بکا ہے، اسلئے آئیڈیل ہے، اسکے پیچھے طویل برائڈنگ ہے، کچھ نہیں بھی تھا تو اسکو بنا دیا گیا،

    مبشر لقمان کا مزید کہنا تھا کہ پاکستان کو کیا ملا؟ پاکستان کو ملا فریب ، جھوٹ، خود فریبی، ہم خود فریبی کا شکار ہو چکے ہیں، اسلام آباد میں 20 لاکھ لوگ نہیں آئے، پرامن لوگ نہیں آئے، جن لوگوں نے اس ملک کو بدلنے یا آزاد کرنے کا تہیہ کیا تھا وہاں انکی زبان، گالم گلوچ دیکھ کر ، خواتین کی حرکتیں دیکھ کر افسوس ہوا کہ یہ کیا ہے، کل جب شیریں مزاری کی ویڈیو دیکھ رہا تھا، پولیس والے کی دیکھ رہا تھا جب خاتون اسکے ساتھ بدتمیزی کررہی تھی تو وہ پولیس والا مجھےپڑھا لکھا نظر آیا، اس نے خاتون سے کوئی بدتمیزی نہیں کی اسکے برعکس پاکستانی ہائی کمیشن یوکے کی ویڈیو سامنے آئی ہے جہانگیر چیکو نے وہاں پاکستان کے ملٹری اتاشی سے گالم گلوچ کی ہے، ایک اہلکار کو دھکے دے رہے ہیں، برطانیہ میں ان پر مقدمہ ہو جائے گا اور وہ اندر جائیں گے،

    الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

    مسجد نبوی کو جلسہ گاہ بنانیوالو شرم کرو، بے حرمتی کا سازشی پکڑا گیا، مبشر لقمان پھٹ پڑے

    امریکہ. سپر پاور نہیں رہے گا.؟ مبشر لقمان کی زبانی سنیں اہم انکشافات

    مفتی عبدالقوی کا نیا چیلنج، دیکھیے خصوصی انٹرویو مبشر لقمان کے ہمراہ

    دعا کریں،پنجاب حکومت کو عقل آجائے، بزدار سرکار پر مبشر لقمان پھٹ پڑے

    سعودی عرب میں سخت ترین کرفیو،وجہ کرونا نہیں کچھ اور،مبشر لقمان نے کئے اہم انکشافات

    جنات کے 11 گروہ کون سے ہیں؟ حیرت انگیز اور دلچسپ معلومات سنیے مبشر لقمان کی زبانی

    سابق وزیراعلیٰ سندھ کی بیٹی پروفیسر ڈاکٹر بھی کرونا کا شکار

    مسجد نبوی میں نازیبا نعرے، مولانا طارق جمیل بھی خاموش نہ رہ سکے

    مسجد نبوی واقعہ توہین رسالت کے زمرے میں‌ آتا ہے، مبشر لقمان کے فین کی قوم سے اپیل

    عمران خان اور بشری بی بی کی کونسی ویڈیوز ہیں جن سے پی ٹی آئی گھبرا رہی ہے:مبشرلقمان کا انکشاف

  • عمران خان کے آبائی شہر میانوالی میں تحریک انصاف کے رہنماؤں پر مقدمے درج

    عمران خان کے آبائی شہر میانوالی میں تحریک انصاف کے رہنماؤں پر مقدمے درج

    سابق وزیراعظم عمران خان کے آبائی شہر میانوالی میں تحریک انصاف کے رہنماؤں پر مقدمے درج کر لئے گے

    پی ٹی آئی رہنما علی امین گنڈاپور اور ساتھیوں کیخلاف مختلف تھانوں میں مقدمہ درج کیا گیا ہے، امین گنڈا پور اور ساتھیوں پر پولیس پر حملہ،سنگین نتائج کی دھمیکیاں اور تشدد پر اکسانے کاالزام عائد کیا گیا ہے، درج ایف آئی آر میں کہا گیا ہے کہ پی ٹی آئی قافلے میں موجود 20نامعلوم افراد نے پولیس وینز کو نقصان پہنچایا، توڑ پھوڑ کی گئی

    واضح رہے کہ گزشتہ روز تحریک انصاف نے لانگ مارچ نکالا اور پنجاب کے مختلف شہروں سمیت کراچی میں بھی جلاؤ گھیراؤ کیا گیا، پولیس اہلکاروں پر حملے کئے گئے، گاڑیاں جلائیں گئیں، املاک کو نقصان پہنچایا گیا،

    دوسری جانب فواد چوہدری فراز چوہدری سمیت 200 افراد کے خلاف مقدمہ درج کر لیا گیا،گزشتہ روز پی ٹی ائی ریلی پولیس پارٹی پر پتھراؤ کار سرکار مداخلت سرکاری املاک کو نقصان پہنچانے اور پولیس اہلکاروں کو جان سے مارنے کی دھمکیاں دینے پر فواد چودھری فراز چوہدری و دیگر 200 افراد کے خلاف تھانہ منگلا جہلم میں درج کیا گیا ہے ، مقدمے کے متن میں کہا گیا کہ فواد چودھری میرپور سے ریلی کی قیادت کرتے ہوئے جہلم آنا چاہتے تھے ، ریلی کے شرکاء کے پتھراؤ سے پولیس اہلکار شدید زخمی ہوئے جبکہ پولیس وین سمیت دیگر گاڑیوں کو بھی نقصان پہنچا ۔

    پی ٹی آئی رہنماؤں کیخلاف مقدمات درج کر لئے

    پولیس پہنچی تو میاں محمود الرشید گرفتاری کے ڈر سے سٹور میں چھپ گئے

    پاکستان کی سیاسی صورتحال سے فائدہ اٹھانے کیلئے مودی کے دفتر میں خصوصی سیل قائم

    درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ

    کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

  • پارلیمنٹ میں ایک آئینی تبدیلی ہوئی، آپ کو ایسے تو نہیں کہنا چاہیے تھا،عدالت

    پارلیمنٹ میں ایک آئینی تبدیلی ہوئی، آپ کو ایسے تو نہیں کہنا چاہیے تھا،عدالت

    اسلام آباد ہائی کورٹ،پی ٹی آئی کے 70 کارکنوں کی گرفتاریوں کیخلاف کیس کی سماعت ہوئی

    اسلام آباد ہائیکورٹ نے سپریم کورٹ کے حکم پر عمل درآمد کرنے کا حکم دے دیا انتظامیہ کی جانب سے ایڈیشنل ڈپٹی کمشنر نے رپورٹ عدالت میں پیش کردی ،کہا گرفتار 70 میں سے 37 لوگوں کو جیل بھیج دیا گیا، 23گرفتار افراد کو شورٹی بانڈ کے بعد چھوڑ دیا گیا ہے، 10افراد کے شورٹی بانڈ ابھی نہیں آئے ،کل کچھ ایسے واقعات ہوئے جس سے کافی نقصان ہوا،جلاؤ گھیراؤ کیا گیا، آگ لگائی گئی، حالات کافی کشیدہ تھے، شہر کے حالات کو دیکھتے ہوئے لوگوں کو حراست میں لیا گیا ،عدالت نے کہا کہ سپریم کورٹ نے حکم دیاجس کیخلاف مقدمہ ہو صرف اس کیخلاف کارروائی کریں ایڈیشنل ڈپٹی کمشنر نے کہا کہ گزشتہ روز جب کچھ لوگوں کو چھوڑا گیا تو قیدیوں کی وین کو روکا گیا ،عدالت نے کہا کہ سپریم کورٹ کی ہدایت ہے جس کیخلاف مقدمہ ہو اسکو حراست میں لے سکتے ہیں

    اسلام آباد ہائیکورٹ میں ارشد شریف اور سمیع ابراہیم کی کے خلاف دائر درخواستوں پر سماعت ہوئی،اسلام آباد ہائیکورٹ کے چیف جسٹس اطہرمن اللہ نے استفسار کیا کہ ارشد شریف کے خلاف کیا کارروائی کر رہے ہیں؟ ایف آئی اے نے کہا کہ ارشد شریف کے معاملے پر پی ایف یو جے سے رابطے میں ہیں،سمیع ابراہیم کی ویڈیو پر نوٹس جاری کیا، ٹرانسکرپٹ بھی جمع کرایا ہے،چیف جسٹس اطہرمن اللہ نے صحافی سے سوال کیا کہ کس کو کہا تھا کون لوگ اکٹھے ہوئے ہیں؟ کیا آپ ارکان پارلیمنٹ کا کہہ رہے تھے؟پارلیمنٹ کی بے توقیری آپ سے تو امید نہیں کی جا سکتی، پارلیمنٹ میں ایک آئینی تبدیلی ہوئی، آپ کو ایسے تو نہیں کہنا چاہیے تھا،آپ اس ملک کی تاریخ دیکھیں، 35 سال مارشل لا لگا رہا،آئین کو دو بار معطل کیا گیا، ایک کاغذ کا ٹکڑا کہا گیا فوج کی بھی اپنی عزت ہے اور ہونی بھی چاہیے وہ قربانیاں دے رہے ہیں ، سمیع ابراہیم نے اگر ایسا کہا بھی تو یہ جرم کس طرح سے ہو گیا؟ عدالتیں رات کو کھلنے کا جواب میں دے دیتا ہوں،آئین کی حفاظت عدالت کی ذمہ داری ہے جب خطرہ ہو گا تو عدالت کھلے گی، سپریم کورٹ نے تو پہلا آرڈر ہی یہی کیا تھا، ایف آئی اے کو اس حوالے سے کوئی خدشہ نہیں ہونا چاہیے،ایف آئی اے کے خلاف صرف صحافی ہی کیسز لے کر آتے ہیں اور تو کوئی نہیں،پرائیویسی بہت اہم چیز ہے لیکن وہ عام لوگوں کیلئے ہے،سمیع ابراہیم کے خلاف ایف آئی اے کو شکایت کس نے کی تھی؟ ایف آئی اے حکام نے کہا کہ ہم نے سمیع ابراہیم کے خلاف سوموٹو نوٹس لیا

    اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ اس عدالت کے بارے میں کتنا کچھ کہا گیا، کیا یہ کبھی گھبرائی ہے؟ اس عدالت کے جو فیصلے ہیں وہ خود ہی سچ کو سامنے لائیں گے،

    لانگ مارچ،متحرک کارکنان کی فہرستیں تھانوں کو مل گئیں

    پولیس پہنچی تو میاں محمود الرشید گرفتاری کے ڈر سے سٹور میں چھپ گئے

    پاکستان کی سیاسی صورتحال سے فائدہ اٹھانے کیلئے مودی کے دفتر میں خصوصی سیل قائم

    درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ

    کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت

  • لانگ مارچ کے باعث شہریوں کو شدید مشکلات کا سامنا رہا

    لانگ مارچ کے باعث شہریوں کو شدید مشکلات کا سامنا رہا

    پی ٹی آئی کے حکومت مخالف لانگ مارچ کی وجہ سے شہری کئی مسائل سے دوچار ہیں-

    باغی ٹی وی : پی ٹی آئی لانگ مارچ کے باعث جڑواں شہروں راولپنڈی و اسلام آباد میں معمولات زندگی بری طرح متاثر رہی، سرکاری دفاتر میں افسران و ملازمین کی حاضری، کاروباری مراکز میں خریداروں کی آمد نہ ہونے کے برابر تھی۔

    الیکشن کا فیصلہ حکومت اور اتحادیوں کا ہے،وہ جب مرضی تاریخ کا اعلان کریں، وفاقی وزیر

    سرکاری و پرائیویٹ تعلیمی اداروں میں چھٹی رہی،مریضوں کو سڑکوں پر کھڑی گئی رکاوٹوں کے باعث اسپتالوں تک پہنچنے کے میں مشکلات کا سامنا رہا سڑکوں پر جگہ جگہ کھڑی کی گئی رکاوٹوں کے باعث گاڑیاں سڑکوں پر نہ آسکیں اور شہری پیدل اور موٹر سائیکلوں پر سفر کرنے پر مجبور رہے، رکاوٹوں کیلیے کھڑے کیے گے کنٹینروں کے نیچے سے شہری گزرتے رہے۔

    دوسری جانب ٹرانسپورٹیشن بند ہونے سے دیگر شہروں میں جانے والے مسافرشدید پریشانی کا شکار ہیں گزشتہ 2 روز سے لاہور سے دوسرے شہروں کو جانے والی ٹرانسپورٹ لانگ مارچ کی وجہ سے بند ہے جس کی وجہ سےمسافر رل گئے ہیں۔

    ریاست کی رٹ یقینی بنانے کیلئےفتنہ پرور ٹولےکو اسلام آباد سے باہر نکالنے کے احکامات دیئے، وزیر داخلہ

    مسافروں کا کہنا تھا کہ وہ 12 گھنٹے سے بس اڈوں پر اِدھر اُدھر بھاگ رہے ہیں مگر انہیں ٹرانسپورٹ نہیں مل رہی۔ بعض مسافروں نےبس اڈوں میں بینچوں پر ہی بستربچھا لیے جب کہ اس صورتحال میں کئی مسافروں نے سامان چوری ہونے کی بھی شکایات کیں-

    دوسری جانب ٹرانسپورٹرز کا کہنا ہے کہ2 روز سے بسیں نہیں چل رہیں، کاروبار بند ہونے کی وجہ سے شدید نقصان ہو رہا ہے۔

    پی ٹی آئی لانگ مارچ:کارکنان ریڈ زون میں امریکی سفارتخانے کے قریب پہنچ گئے

  • ریاست کی رٹ یقینی بنانے کیلئےفتنہ پرور ٹولےکو اسلام آباد سے باہر نکالنے کے احکامات دیئے، وزیر داخلہ

    ریاست کی رٹ یقینی بنانے کیلئےفتنہ پرور ٹولےکو اسلام آباد سے باہر نکالنے کے احکامات دیئے، وزیر داخلہ

    اسلام آباد: وفاقی وزیرداخلہ رانا ثنا اللہ نے کہا ہے کہ سپریم کورٹ سے غلط بیانی کر کے اسلام آباد میں طے شدہ جگہ پر جلسہ کرنے کی اجازت لے کر عمران نیازی شہر میں داخل ہوئے-

    باغی ٹی وی : وزیر داخلہ رانا ثنا اللہ نے کہا کہ آج صبح سپریم کورٹ، آئین اور ریاست کی رٹ یقینی بنانے کے لئے احکامات دئیے تاکہ فتنہ پرور ٹولے کو اسلام آباد سے باہرنکال دیا جائے اورشہریوں کے جان ومال کی حفاظت کو یقینی بنایا جائےساری رات میں نے خود سیکیورٹی حالات کی مانیٹرنگ کی ہے-

    رانا ثنا اللہ کا کہنا تھا کہ عوام نے فسادی اور فتنہ جتھہ کو مکمل طور پر مسترد کر دیا ہے۔سپریم کورٹ سے غلط بیانی کر کے اسلام آباد میں طے شدہ جگہ پر جلسہ کرنے کی اجازت لےکرعمران نیازی شہر میں داخل ہوئے اورڈی چوک جانےکا اعلان کرکے وعدہ خلافی کی عمران خان ساری رات کنٹینر سے توہین عدالت کا اعلان کرتے رہے-

    الیکشن کا فیصلہ حکومت اور اتحادیوں کا ہے،وہ جب مرضی تاریخ کا اعلان کریں، وفاقی وزیر

    وزیر داخلہ نے کہا کہ میٹرو بس اسٹیشن جلائے گئے اور درختوں کو آگ لگائی گئی عوام نے سب دیکھا فسادی جتھہ سپریم کورٹ کے فیصلے کی آڑ میں ساری رات جلاؤ گھیراؤ کرتا رہا املاک کو نقصان پہنچانے والوں کے خلاف مقدمہ درج ہونا چاہیے-

    انہوں نے کہا کہ پولیس نے ایک ربڑ بلٹ نہیں چلائی جھوٹا پروپیگنڈا کیا گیا ہمارے پاس آنسوگیس کے علاوہ کوئی چیز نہیں تھی، ہم نے ساری ایکسرسائز کو ٹیئر گیس اور ربڑ گولیوں سے ہینڈل کی مظاہرین کو مصروف عمل رکھنے کے لیے ہم نے اقدامات کیے تھے رینجزر اورپولیس کے 18 اہلکار شدید زخمی ہیں۔ اسلام آباد پولیس اوررینجرز کے ہرجوان کو خراج تحسین پیش کرتا ہوں۔

    پی ٹی آئی لانگ مارچ:کارکنان ریڈ زون میں امریکی سفارتخانے کے قریب پہنچ گئے

    رانا ثنااللہ نے ایک سوال کے جواب میں کہا کہ گورنننس ہم ایک ماہ کیسے بہتر کر سکتے ہیں،پی ٹی آئی نے معیشت کے ساتھ ساتھ پولیس کا بیڑہ غرق کر دیا ہے عمران خان اپنی مرضی کی عدالت ،حکومت اور ہر فیصلہ کراناچاہتےہیں،عمران خان ہمیں بلیک کررہے ہیں، ہر بات پر ڈیڈلائن اور دھمکی دیتے ہیں-

    وزیر داخلہ نے کہا کہ عمران خان 6 دن میں تیاری کریں اور 6لاکھ لوگ لیکرآئیں عمران خان 6 لاکھ لوگ بھی اسلام آباد لےآئیں توالیکشن تاریخ دےدیں گے، عمران خان 30 لاکھ تو کیا 6 لاکھ افراد بھی نہیں لاسکتے پھریہ طےہوجائے گا جو 6 لاکھ افراد اسلام آباد لےآئے،اسے الیکشن کی تاریخ دے دیں عمران خان 30 لاکھ تو کیا 6 لاکھ افراد بھی نہیں لاسکتے،عمران خان یقین دہانی کرائیں کہ وہ خیبرپختونخوا حکومت کےسہارا کےبغیر لوگ لائیں گے-

    جیسے ہی مجھے وہاں سے حکم ملا۔۔عمران خان کو کس کے حکم کا انتظار؟

  • آج کا عمرانی مارچ نہ سیاسی ہے نہ جمہوری کھلی دہشت گردی ہے،ترجمان پی ڈی ایم

    ترجمان پاکستان ڈیمو کریٹک پارٹی ( پی ڈی ایم ) حافظ حمد اللہ نے کہا کہ آج کا عمرانی مارچ کھلی دہشت گردی ہے۔

    باغی ٹی وی : تفصیلات کے مطابق حافظ حمد اللہ نے کہا کہ آج کا عمرانی مارچ نہ سیاسی ہے نہ جمہوری یہ کھلی دہشت گردی ہے، پی ٹی آئی کارکنوں کے گھروں سے اسلحہ برآمد ہونا دہشت گردی کا واضح ثبوت ہے۔

    عمران صاحب جہاد نہیں فساد کررہے ہیں ،مریم اورنگزیب

    انہوں نے کہا کہ خونی مارچ کو جہاد کا مقدس نام دے کر فساد کیا جارہا ہے، عمران نیازی خود کو معروف، نیک اور حق پر سمجھتا ہے، جو ان کا ساتھ نہیں دے رہا وہ سب باطل ہیں کیا؟ عدالت ہو یا سیاسی قیادت یا ریاست ہو یا ریاستی ادارے ہوں سب کو باطل سےتشبیہ دے رہا ہے۔

    لانگ مارچ ، پی ٹی آئی کی مقامی قیادت کہیں نظرنہیں آ رہی:مبشرلقمان

    حافظ حمد اللہ کا کہنا تھا کہ عمران نیازی بتاو خسرو بختیار ثانیہ نشتر، رزاق داود، عشرت حسین، شہزاد اکبر، شوکت ترین، حفیظ شیخ،ہمایوں اختر اور اعجازشاہ لانگ مارچ میں کہاں سے شریک ہوں گے؟ عمران نیازی آپ کے سلیمان، قاسم اورسابقہ خاتون اول کہاں سے شریک ہوں گے؟

    ترجمان پی ڈی ایم نے کہا کہ پی ٹی آئی کی قیادت کےبچے، بچیاں اورفیمیلیزکہاں ہیں؟ قوم کےنوجوان، بچے، بچیاں اورفیمیلیز خونی انقلاب میں کیوں شامل ہوجائیں؟ جب تم وزیر اعظم تھے تو ملک آزاد اگر کوئی اور وزیر اعظم ہے تو ملک غلام ہوگیا واہ انقلاب خان کا کیا بیانیہ اور کیا ویژن ہے۔

    حکومت میڈیا کی مکمل آزادی پر یقین رکھتی ہے،وفاقی وزیر

    قبل ازیں وفاقی وزیر اطلاعات مریم اورنگزیب نے کہا تھا کہ عمران صاحب جہاد نہیں فساد کررہے ہیں اسلحہ کے زور پر اسلام آباد پر قبضہ کرنا چاہتے ہیں ملک میں آج جو ہو رہا ہے اس کے ذمہ دار صرف عمران خان ہیں.‎پی ٹی آئی عہدیداروں کے گھر سے اسلحہ کی برآمدگی سے عمران صاحب کے ارادے بے نقاب ہوگئے-

    پی ٹی آئی عہدیدار کے گھر سے برآمد اسلحہ کی تصاویر سامنے آ گئیں

    ‎اُنہوں نے کہا کہ پاکستان میں خانہ جنگی کی سازش کی قیادت عمران صاحب کررہے ہیں، عمران صاحب ملک میں خانہ جنگی چاہتے ہیں۔‎عمران صاحب اسلحہ کے زور پر اسلام آباد پر قبضہ کرنا چاہتے ہیں بندوق، بم اور گولہ بارود سے انتشار پھیلانے نہیں دیں گے، حکومت عوام کے جان و مال کا تحفظ یقینی بنانے کی پابند ہے۔

    مریم اورنگزیب نے مزید کہا کہ گولیاں چلانے، جلاﺅ، گھیراﺅ کے رویے سیاسی نہیں، سیاسی سرگرمیوں اور لشکرکشی کے درمیان واضح لکیر کھینچنا ہوگی-

    واضح رہے کہ پولیس نے پی ٹی آئی لاہور کے جنرل سیکریٹری زبیر نیازی کے گھر سے اسلحہ برآمد کرنے کا دعویٰ کیا ہے ڈی آئی جی آپریشنز نے دعویٰ کیا ہے کہ زبیر نیازی کے گھر سے ایس ایم ایم جی گن کے 96 میگزین اور سینکڑوں گولیاں بھی برآمد کی گئیں ہیں-

    عہدیدارکا گھربارود خانہ نکلا،اسلحہ برآمد ہونا خونی مارچ کے ثبوت ہیں،وزیر داخلہ

    ڈی آئی جی آپریشنز لاہور محمد سہیل چوہدری کے مطابق یہ اسلحہ گزشتہ رات کو برآمد کیا گیا لانگ مارچ کےلیے نیا اسلحہ استعمال ہوناتھا ہم الرٹ ہیں، نقص امن کو دیکھتے ہوئے دفعہ 144 نافذ کیاگیا لانگ مارچ کو قانونی طریقے سے ڈیل کریں گے -انہوں نے کہا کہ لاہورسے جانیوالی موٹروے بند کردی گئی تھی اہلکار کی شہادت اوراسلحہ ملنے پرسرچ آپریشنز کیے گئے ہمارے کانسٹیبلز فخر اور ماتھے کا جھومر ہیں اسلحہ رکھنے والوں کو گرفتار کرلیاگیا ہے مظاہرین سے درخواست کریں گے کہ قانون کے مطابق احتجاج کریں-

    وفاقی وزیر داخلہ رانا ثناء اللہ کا کہنا تھا کہ پی ٹی آئی عہدیداروں کے گھروں سے اسلحہ وگولہ بارود برآمد ہوا،رانا ثناء اللہ کا کہنا تھا کہ اسلحہ برآمد ہونا خونی مارچ کے ثبوت ہیں لاہور پی ٹی آئی جنرل سیکریٹری کا گھر بارود خانہ نکلا،سیاست کے لبادے میں دہشت گردی کی سازش برداشت نہیں کریں گے ،یہ ثبوت ہے کہ عمران نیازی سیاست نہیں کررہا، دہشت گردی پر اتر آیا ہےثابت ہوگیا ہے کہ یہ پُرامن سیاسی کاررواں نہیں مسلح لشکر کشی ہے عمران نیازی سے کہتا ہوں کہ خونی انقلاب منسوخ کردیں-

    افواج پاکستان کے ریٹائرڈ افسران کے جعلی اکاونٹس بنانے والا شخص گرفتار،اعترافی بیان…

    ۔مریم نواز نے دعویٰ کیا تےھا کہ پنجاب لاہور پولیس نے پی ٹی آئی لاہور کے عہدیداروں کی گاڑیوں سے اسلحہ برآمد کیا ہے مقدمہ درج کرلیا گیا یہ نام نہاد لانگ مارچ کا بدصورت چہرہ ہے یہ ارادے ہیں-انہوں نے کہا کہ پی ٹی آئی نے گولیوں،شیلنگز اور آنسو گیس سمیت بڑی مقدار میں اسلحہ جمع کر رکھا ہے-

  • کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

    باغی ٹی وی کی رپورٹ کے مطابق تحریک انصاف کے چیئرمین اور سابق وزیراعظم عمران خان آج اسلام آبا دکی جانب لانگ مارچ کر رہے ہیں

    عمران خان نے کہا تھا کہ 20 لاکھ لوگ لانگ مارچ میں شریک ہوں گے، عمران خان نے لانگ مارچ کے لئے جلسے کئے، تمام شہروں میں بڑی تیاری کی گئی تا ہم آج مختلف شہروں میں لانگ مارچ کے لئے نکلنے والے شرکاء کی تعداد شاید 20 ہزار بھی نہیں ہو گی، تحریک انصاف کی قیادت گرفتاری کے ڈر سے غائب ہے اور کارکنان بھی قیادت کے بغیر نکلنے کو تیار نہیں، حماد اظہر، ڈاکٹر یاسمین راشد ،شفقت محمود کے ہمراہ چند سو کارکنان نکلے ہیں، باقی شہروں سے بھی بہت کم لوگ لانگ مارچ کے لئے نکلے ہیں،

    اسی صورتحال پر ن لیگ کی رہنما مریم نواز نے سماجی رابطے کی ویب سائٹ ٹویٹ پر ٹویٹ کی ہے اور کہا کہ کدھر گئے 20 لاکھ افراد؟ پنجاب بھر سے کُل ملا کر 500 افراد نہیں نکلے۔ لگتا ہے خیبر پختون خواہ نے بھی فتنہ خان کی کال پر کان نہیں دھرے۔ اچھی بات ہے کہ عوام نے فتنے کو نا صرف پہچان لیا بلکہ اسکا راستہ روک دیا۔ کارکن تپتی دھوپ میں سڑکوں پر خوار اور موصوف ہیلی کاپٹر پر سوار! بُری بات!

    قبل ازیں تحریک انصاف کے چیئرمین عمران خان نے وزیراعلی ہاوس پشاور سے روانہ ہونے سے قبل ویڈیوپیغام میں کہا کہ میں نے پشاور سے ازادی مارچ کا اغاز کر دیا ہے، یہاں سے ولی انٹرچینج جا رہا ہوں،خیبرپختونخوا کے سارے لوگ ولی انٹرچینج پہنچ جائیں، ولی انٹرچینج سے میں حقیقی ازادی مارچ کو لیڈ کروں گا،مجھے امید ہے تمام لوگ نکلیں گے ،یہ فیصلہ کن۔وقت ہے حقیقی آزادی لے کر رہیں گے،

    لانگ مارچ،متحرک کارکنان کی فہرستیں تھانوں کو مل گئیں

    پولیس پہنچی تو میاں محمود الرشید گرفتاری کے ڈر سے سٹور میں چھپ گئے

    پاکستان کی سیاسی صورتحال سے فائدہ اٹھانے کیلئے مودی کے دفتر میں خصوصی سیل قائم

    درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ

    کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت

  • راستوں کی بندش کے نتیجے میں فضائی آپریشن متاثر ہونے کا خدشہ

    راستوں کی بندش کے نتیجے میں فضائی آپریشن متاثر ہونے کا خدشہ

    لاہور اور اسلام آباد میں میں راستوں کی بندش کے نتیجے میں فضائی آپریشن متاثر ہونے کا خدشہ ہے

    ترجمان پی آئی اے کا کہنا ہے کہ پی آئی اے کی پروازیں معمول کے مطابق شیڈول ہیں تاہم راستوں کی بندش کے باعث ناگزیر وجوہات کی وجہ سے تاخیر ہوسکتی ہے تمام مسافروں سے گزارش ہے کہ وہ وقت کا حساب رکھ کر ائیرپورٹ کیلئے گھروں سے روانہ ہوں پی آئی اے کی پروازوں سے متعلق پی آئی اے کال سینٹر 111 786 786 سے رابطہ بھی برقرار رکھیں

    واضح رہے کہ تحریک انصاف نے آج لانگ مارچ کرنا ہے، عمران خان اسلام آباد آئیں گے، حکومت نے راستے بند کر رکھے ہیں جس کی وجہ سے پی آئی اے کو وضاحت دینا پڑی ہے،ر استوں کی بندش کی وجہ سے مسافروں کو پریشانی کا سامنا کرنا پڑ رہا ہے ،پنجاب کے صوبائی دارالحکومت لاہور سمیت کئی شہروں میں داخلی و خارجی راستے بند ہیں،

    لانگ مارچ،متحرک کارکنان کی فہرستیں تھانوں کو مل گئیں

    پولیس پہنچی تو میاں محمود الرشید گرفتاری کے ڈر سے سٹور میں چھپ گئے

    پاکستان کی سیاسی صورتحال سے فائدہ اٹھانے کیلئے مودی کے دفتر میں خصوصی سیل قائم

    درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ

    کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت