لاہور میں 6 سے 8 فروری تک تین روزہ بسنت فیسٹیول منانے کے لیے ڈپٹی کمشنر لاہور نے باقاعدہ ضابطہ اخلاق جاری کر دیا۔
ڈپٹی کمشنر کے جاری کردہ اعلامیہ کے مطابق لاہور انتظامیہ، پولیس اور متعلقہ محکموں کو حفاظتی گائیڈ لائنز پر سختی سے عملدرآمد کی ہدایت کی گئی ہےضابطہ اخلاق کا اطلاق لاہور کے تمام علاقوں، عمارتوں اور چھتوں پر ہو گا پتنگ بازی ایکٹ اور سیفٹی رولز کی خلاف ورزی پر بلا امتیاز کارروائی کی جائے گی جبکہ خطرناک ڈور اور ہوائی فائرنگ کے خلاف زیرو ٹالرنس پالیسی اپنائی جائے گی۔
اعلامیہ میں واضح کیا گیا ہے کہ بسنت کے دوران دھاتی اور کیمیائی ڈور کے استعمال پر مکمل پابندی ہو گی اس کے علاوہ لاہور میں موٹر سائیکلوں پر سیفٹی راڈز کی تنصیب کو لازمی یقینی بنانے کی ہدایت بھی جاری کی گئی ہے ہوائی فائرنگ اور غیر مناسب ساؤنڈ سسٹمز کے استعمال پر بھی پابندی عائد ہو گی جبکہ ایئرپورٹ اور دیگر حساس تنصیبات کے قریب پتنگ بازی کی اجازت نہیں دی جائے گی۔
سوشل میڈیا اسٹار شیرلے رینز انتقال کر گئیں
اعلامیے کے مطابق چھتوں کے مالکان حفاظتی انتظامات کے ذمہ دار ہوں گے اور کسی بھی حادثے کی صورت میں ان کے خلاف کارروائی کی جا سکتی ہے قانون کی خلاف ورزی کرنے والے عناصر کے خلاف فوری ایف آئی آر درج کر کے سخت قانونی کارروائی عمل میں لائی جائے گی، بسنت فیسٹیول کے دوران شہر بھر میں مانیٹرنگ کا سخت نظام قائم رہے گا، تاکہ کسی بھی ناخوشگوار واقعے سے بروقت نمٹا جا سکے۔
بھارتی شہریوں کی دیگر ممالک کے حساس اداروں میں موجودگی سنگین سیکیورٹی چیلنج
