مسلم لیگ (ن) کے سینئر رہنما اور وزیراعظم کے مشیر برائے سیاسی امور رانا ثناء اللّٰہ نے کہا ہے کہ لاہور پولیس چیف نے علیمہ خان کے بیٹے کی گرفتاری کی تردید کر دی ہے۔
ٹی وی پروگرام میں گفتگو کرتے ہوئے رانا ثناء نے کہا کہ علیمہ خان کا الزام فی الحال صرف الزام ہے، جب تک ثابت نہ ہو، اس پر قیاس آرائی درست نہیں۔ ان کا کہنا تھا کہ اگر پی ٹی آئی آج کے فیصلے پر خوش ہے تو یہ خوش آئند ہے، تاہم ضمانت ملنا صرف عبوری ریلیف ہوتا ہے۔رانا ثناء اللّٰہ نے مزید کہا کہ 190 ملین پاؤنڈ کیس شواہد کے اعتبار سے مضبوط ہے، 9 مئی کیسز میں سزائیں پانے والے بھی ضمانتوں پر تھے۔
انہوں نے کہا کہ نواز شریف نے مینارِ پاکستان جلسے میں قومی ڈائیلاگ کی بات کی تھی، لیکن پی ٹی آئی جمہوریت پر یقین نہیں رکھتی اور راہِ فرار اختیار کر رہی ہے، یہ مذاکرات پر بھی تیار نہیں۔یاد رہے کہ عمران خان کی بہن علیمہ خان نے الزام لگایا تھا کہ ان کے بیٹے شاہریز کو لاہور میں گھر سے اغواء کیا گیا۔ ان کا کہنا تھا کہ سادہ کپڑوں میں ملبوس چار مسلح نقاب پوش افراد کچن کے راستے گھر میں داخل ہو کر شاہریز کو لے گئے۔
نیب کارروائی، 17 ہزار 500 متاثرین کو 3 ارب روپے کی ادائیگیاں
کراچی بارشوں سے مفلوج، 2 دن میں تاجروں کو 10 ارب کا نقصان، 20 افراد جاں بحق
شاہد آفریدی کا بونیر کا دورہ، سیلاب متاثرین میں امدادی سامان تقسیم
