فیڈرل بورڈ آف ریونیو (ایف بی آر) نے لاہور کے تمام نجی اسپتالوں سے ٹیکس ریکارڈ طلب کر لیا ہے، جبکہ ایک معروف پرائیویٹ اسپتال کا ریکارڈ پہلے ہی قبضے میں لے لیا گیا ہے۔
ایف بی آر حکام کے مطابق مذکورہ اسپتال کی انتظامیہ ٹیکس چھپانے میں ملوث پائی گئی ہے اور فراہم کردہ اعداد و شمار درست نہیں تھے۔ حکام کا کہنا ہے کہ اسپتال کا اصل ٹیکس تقریباً 55 کروڑ روپے سالانہ بنتا ہے، جبکہ انتظامیہ سہ ماہی بنیادوں پر صرف 55 لاکھ روپے ٹیکس جمع کرانے پر اصرار کر رہی ہے۔
ذرائع کے مطابق دیگر نجی اسپتالوں سے بھی مکمل ٹیکس ڈیٹا طلب کر لیا گیا ہے اور ریکارڈ کی چھان بین جاری ہے۔ افسروں کا کہنا ہے کہ ٹیکس چوری اور غلط بیانی کے معاملے پر سخت کارروائی کی جائے گی