لاہور: پاکستان تحریک انصاف کی آئین بچاؤ ریلی کے حوالے سے پی ٹی آئی نے لبرٹی چوک پر سیاسی پاور شو کی تیاریاں مکمل کر لیں۔
عمران خان زمان پارک سے لبرٹی روانہ ہو گئے ،عمران خان کچھ ہی دیر میں لبرٹی چوک پہنچ جائیں گے عمران خان آج ریلی سے ی خطاب کریں گے عمران خان اپنا پہلا خطاب لبرٹی چوک سے کرکے ریلی کا آغاز کریں گے عمران خان آج اپنا دوسرا اور آخری خطاب ناصر باغ میں کریں گے عمران خان کے خطاب کے بعد ریلی اختتام پذیر ہوجائے گے
عمران خان کی تمام گاڑیوں کی سیکورٹی کلیرنس مکمل کی گئی،عمران خان کے سیکورٹی عملے اور اسپیشل برانچ نے الگ الگ کلیرنس دی عمران خان لبرٹی چوک پہنچ کر پہلا خطاب کریں گے سینیٹر فیصل خان اور مسرت چیمہ زمان پارک سے لبرٹی روانہ ہو گئے، اسد عمر، فواد چوہدری ، اور دیگر مرکزی رہنما عمران خان کیساتھ زمان پارک سے روانہ ہوئے ٹائیگر فورس کے کارکنان عمران خان کی رہائش گاہ کے باہر پہنچے ٹائیگر فورس نے عمران خان کے گھر کے داخلی راستے کا کنٹرول سنبھال لیا انصاف ٹائیگر فورس کے جوان عمران خان کی گاڑی کے ساتھ ساتھ چل رہے ہیں،
پاکستان تحریک انصاف کی مزدور ریلی مختلف لیڈر ریلی میں شرکت کے لیے پہنچنا شروع ہو چکے میاں محمود الرشید بھی اپنے قافلے کے ساتھ لبرٹی چوک پہنچ گئے میاں عباد بھی اپنے سپورٹرز کے ساتھ لبرٹی چوک پہنچ گئے ،ڈی آئی جی آپریشنز افضال احمد کوثر نے لبرٹی چوک کا دورہ کیا اور کہا کہ لاہور پولیس کے 2 ہزار کے قریب اہلکار ریلی کو سیکیورٹی فراہم کررہے ہیں
تحریک انصاف کے رہنما اسد عمر کا کہنا تھا کہ آئین کے دفاع کیلئے ساری قوم کو باہر نکلنا ہوگا،مذاکرات اگر نیک نیت سے ہورہا تو گرفتاریاں نہیں ہونی چاہیئے،کل رات بھی اسلام آباد میں گرفتاریاں کی گئی ہے پرویز الہی کے گھر پر حملہ کیا گیا ہے، علی امین کو ضمانت کے باوجود حراست میں رکھا گیا ہے، یہ سارے کام مذاکرات کیلئے سنجیدہ لوگ نہیں کرتے،
شاہدرہ سے گجومتہ تک میٹرو بس سروس معطل کر دی گئی، میٹروبس سروس کا آپریشن مکمل طور پر معطل کر دیا گیا ،صبح میٹرو بس سروس گجومتہ سے ایم اے او کالج تک چلائی جارہی ہے لبرٹی سے ناصر باغ تک پی ٹی آئی کی ریلی کے سبب میٹرو بس آپریشن معطل کیا گیا سیکیورٹی وجوہات کی بناء پر میٹرو بس سروس کو معطل کیا گیا
رہنما پی ٹی آئی فیاض الحسن چوہان نے علامہ اقبال پارک میں میڈیا سے گفتگو میں کہا کہ آج ہم عمران خان کی کال پہ پاکستان کے محنت کشوں کے ساتھ اظہار یکجہتی کے لئے جمع ہوئے، مزدوروں کو پچھلے سال روزی روٹی اور چھت کی فکر نہیں ہوتی تھی، ہماری حکومت نے محنت کشوں کے لئے احساس پروگرام شروع کیا،آج احساس پروگرام ختم اور مفاد پروگرام شروع کر دیا گیا،آج نوسر بازوں اور منی لانڈررز کے لئے بہترین پروگرام شروع کیا گیا،پاکستان میں مزدور کا جینا اور مرنا حرام ہو چکا ہےملک کے اندر قانون کے بجائے آل شریف و زرداری کا قانون لایا جا رہا ہے
دوسری جانب الیکشن کمیشن نے تحریک انصاف کی آج کی ریلی کو ضابطہ اخلاق کی خلاف ورزی قرار دے دیا ڈسٹرکٹ مانیٹرنگ آفیسر لاہور نے چیئرمین تحریک انصاف عمران خان کو تحریری نوٹس بھی بھجوادیا۔
ڈسٹرکٹ مانیٹرنگ آفیسرکی جانب سے عمران خان کو بھجوائے گئے تحریری نوٹس میں کہا گیا ہے کہ لیبر ڈے پر آپ کی قیادت میں لبرٹی چوک سے ناصرباغ تک ریلی نکالنے کا معلوم ہوا، جلسے جلوسوں اور ریلیوں کے لیے ضلعی انتظامیہ سے اجازت لیناضروری ہے-
نوٹس میں کہا گیا کہ سیاسی جماعتیں،امیدوار ریلیوں اور جلسوں سےقبل ضلعی انتظامیہ کو آگاہ کرنے کے پابند ہیں، پیشگی اجازت کے بغیر ریلی نکالنا الیکشن کمیشن کے ضابطہ اخلاق کی خلاف ورزی ہے۔
