Tag: لندن نہیں جائونگا

اداکار شان شاہد جن کی فلم ضرار جلد ہی ریلیز ہونے جا رہی ہے. اس فلم کی پرموشنز زوروں سے جاری ہی شان شاہد میڈیا پر انٹرویوز دیتے ہوئے نظر آرہے ہیں اور کررہے ہیں اپنے دل کی باتیں . شان شاہد نے حال ہی میں ایک انٹرویو دیا ہے اس میں انہوں نے کہا ہے کہ ہمارے ہاں بہت سارے ایسے موضوعات ہیں جن کو ڈائریکٹر ، رائٹرز اور پرڈیوسرز ہاتھ نہیں ڈال رہے. ہارر ہو یا سائنس فکشن بہت کام ہو سکتا ہے لیکن بدقمستی سے ہمارا اس طرف رجحان نہیں ہے.انہوں نے مزید کہا کہ ادھر نہیں جائونگی اور ادھر نہیں جائونگی سے ہم باہر نکلیں تو شاید ایسے موضوعات کی طرف آئیں.شان شاہد کے اس بیان کو سوشل میڈیا پر کافی ڈسکس کیا جا رہا ہے. کچھ صارفین کا کہنا ہے کہ شاید شان شاہد

کو کراچی کے پروفیشنلز سے کوئی خاص مسئلہ ہے جبکہ کچھ صارفین کا کہنا ہے کہ شان شاہد نے بالکل ٹھیک کہا ہے ہمیں مختلف قسم کے موضوعات پر فلمیں بنانی چاہیں. یاد رہے کہ شان شاہد کی فلم ضرار سے اداکار پانچ سال کے بعد شوبز میں واپسی کررہے ہیں. شان کا کہنا ہے کہ اگر میرے مداحوں کو مجھ سے محبت ہوئی تو وہ مجھے دیکھنےکےلئے ضرور آئیں گے نہیں‌محبت ہوئی تو نہیں آئیں گے.

ایک وقت تھا جب اخبار میں چھپنے والی ایک کالم یا تین سطروں کی خبر بھی طوفان بپا کر دیتی تھی یہ وہ دور تھا جب الیکٹرانک اور سوشل میڈیا نہیں تھا.لیکن اب اخبار میں خبر بعد میں اتی ہے لیکن سوشل میڈیا پر پہلے ہی اس حوالے سے طوفان بپا ہوتا ہے. یہاں چلنے والی مثبت یا منفی کمپین کسی کے بھی کیرئیر کو بنا اور ختم کر سکتی ہے. کچھ اسی طرح کے خیالات ہیں اداکارہ مہوش حیات کے انہوں نے کہا ہے کہ سوشل میڈیا آج بہت پاور فل ہے یہاں چلنے والی مہم کسی کوبھی کہاں سے کہاں‌پہنچا سکتی ہے. اداکارہ نے کہا کہ ہمیں سوشل میڈیا کا استعمال سوچ سمجھ کر کرنا چاہیے. ویسے تو پوری

دنیا میں ہی اس کا استعمال ہو رہا ہےلیکن اس میڈیم کا مثبت استعمال کم ہی دیکھنے کو مل رہا ہے. اس میڈیم کا مثبت استعمال کیا جائے تو بہت سارے مسائل حل ہو سکتے ہیں.اس پلیٹ فارم کو شعور اور آگاہی دینے کےلئے بھی استعمال کیا جا سکتا ہے. انہوں نے کہا کہ ہم اس پلیٹ فارم سے اپنے ملک کے لئے لڑ سکتے ہیں اپنے ملک کا اچھا اور بہترین امیج اجاگر کر سکتے ہیں اور ان تمام پراپگینڈا کو جواب دیا جا سکتا ہے جو پاکستان یا ہمارے ملک کی کسی شخصیت کے خلاف ہو رہا ہو. اداکارہ نے اس انٹرویو میں سوشل میڈیا کے مثبت استعمال پر خاصا زور دیا .

معروف گلوکارہ میشا شفیع جو اکثر و بیش تر متنازعہ ٹویٹس ہی کرتی ہیں انہوں نے حال ہی میں زندگی کے بارے میں ایک ٹویٹ کیا ہے اور کہا ہے کہ زندگی تو تیس سال کے بعد شروع ہوتی ہے۔اس سے پہلے کے جو سال ہوتے ہیں ان میں تو بس انسان کی تربیت ہی ہو رہی ہوتی ہے اور ہمیں اس حقیقت کو سمجھ جانا چاہیے کہ زندگی کی اصل شروعات تیس سال کے بعد ہے۔ انہوں نے مزید یہ بھی کہا کہ ہر صبح زندگی اس وقت شروع ہوتی ہے جب آپ ایک نئے دن کے لئے شعور حاصل کرتے ہی میشا شفیع کے ان ٹویٹس کے نیچے بہت سارے کمنٹس آئے اور زندگی کے

بارے میں ان کے فلسفے سے کو جہاں صارفین نے سراہا وہیں ان کی منطق کو عجیب کہا۔میشا شفیع سوشل میڈیا پر کافی متحرک رہتی ہیں حال ہی میں سپر ہٹ فلم لندن نہیں جائونگا میں ان کا ایک گیت شامل کیا گیا ہے جس کا نام ہے ”ساڈے نی ویہڑے وچ چانن ماہی دا” اس گیت کو اداکارہ کبری خان اور ہمایوں سعید پر پکچرائز کیا گیا ہے گانے کو کافی پسند کیا جا رہا ہے خصوصی طور پر میشا شفیع کی بہت تعریف کی جا رہی ہے کہ انہوں نے گیت بہت اچھا گایا ہے۔ میشا شفیع نے اس سے قبل بھی گیت گائے ہیں لیکن فلموں کے لئے باقاعدہ سولو ان کا یہ پہلا گیت ہے جسے شائقین کی طرف سے خاصی پذیرائی مل رہی ہے۔
یاد رہے کہ گلوکار علی ظفر ہر ہراسانی کے الزام کے بعد گلوکارہ کو کافی تنقید کا سامنا ہے کیس تاحال عدالت میں چل رہا ہے فیصلہ آنے پر ہی پتہ چلے گا کہ کون سچا ہے اور کون جھوٹا۔

نوے کی دہائی کی اداکارہ نور بخاری جو شوبز کو چھوڑنے کا اعلان کر چکی ہیں انہوں نے حال ہی میں فلم لندن نہیں جائونگا پر تبصرہ کیا ہے انہوں نے گزشتہ روز انسٹاگرام پر ایک سٹوری لگائی اور اس میں ہمایوں سعید پر کی جم کر تنقید، انہوں نے کہا کہ ہمایوں سعید کو اس عمر میں اس قسم کے کردار نہیں کرنے چاہیں وہ اپنی عمر کا خیال کریں اور اس عمر میں پیار نہیں ہوتا اور جو انہوں نے کردار نبھایا ہے وہ ان کو نہیں‌کرنا چاہیے. نور بخاری نے یہ بھی کہا کہ ہمایوں سعید نے اس عمر میں جو کردار

ادا کیا ہے وہ ہضم نہیں ہوتا. نور بخاری نے کہا کہ اداکارہ کبری خان اچھی اداکارہ ہیں انہوں نے فلم میں بہت اچھا کام کیا ہے . نور بخاری نے یہ بھی کہا کہ ہمایوں سعید اس عمر میں اس قسم کے کردار نہ ہی کریں تو بہتر ہے. نور بخاری کی اس قسم کی تنقید کے بعد ہمایوں سعید کے پرستاروں نے نور بخاری کو لیا آڑھے ہاتھوں ، انہوں نے کہا کہ نور بخاری خود تو اداکاری چھوڑ چکی ہیں انکو کسی دوسرے کے بارے میں اس طرح کی بات نہیں کرنی چاہیے. جبکہ کئی صارفین نے نور بخاری کی بات سے اتفاق کیا اور ہمایوں سعید کو مشورہ دیا کہ وہ اپنی عمر کے مطابق کردار ادا کریں.

عید الاضحی پر ریلیز ہونے والی پاکستانی فلم ”لندن نہیں جائونگا” کو شائقین کی جانب سے بے حد پذیرائی مل رہی ہے . ہر روز فلم کے تمام شوز ہائوس فلم جا رہے ہیں. اسی دوران جمعہ کے روز رنبیر کپور اور سنجے دت کی فلم شمشیرا ریلیز ہوئی ہے کہا جا رہا ہے کہ اسکا ابھی تک جتنا بزنس ہے اس سے کہیں زیادہ لندن نہیں جائونگا کا ہے. لندن نہیں جاونگا بین الاقوامی مارکیٹوں میں غیرمعمولی طور پر اچھی کارکردگی کا مظاہرہ کر رہی ہے اور تیسرے ہفتے میں اس کی تعداد ہفتے کے آخر میں ملٹی اسٹارر بالی ووڈ فلم شمشیرا سے زیادہ ہوگئی ہے۔ یوکے باکس آفس کی رپورٹس کے مطابق، ہمایوں سعید، مہوش حیات کی اداکاری والی فلم لندن نہیں جاونگا نے تیسرے ہفتے میں 46,710 پاؤنڈ کمائے جو اپنے پہلے ہفتے میں جمع کیے گئے £43,688 شمشیرا سے زیادہ ہے۔

خلیل الرحمٰن قمر کی تحریر کردہ اور ندیم بیگ کی ہدایت کاری میں بننے والی لندن نہیں جاونگا ریلیز ہونے کے بعد سے اب تک مسلسل باکس آفس پر مسلسل راج کر رہی ہے – ہمایوں سعید کی یہ بلاک بسٹر اس وقت پاکستان اور دنیا بھر کے سینما گھروں میں کامیابی سے چل رہی ہے. یاد رہے کہ ڈرامہ سیریل میرے پاس تم ہو کے بعد ہمایوں سعید کی حالیہ فلم نے کامیابی کے ریکارڈز قائم کئے ہیں، مہوش حیات اور ہمایوں سعید کی جوڑی کو ایکبار پھر سراہا گیا ہے.فلم کامیوزک بھی کافی پسند کیا جا رہا ہے.

پرڈیوسر و اداکار ہمایوں سعید جن کی فین فالونگ بہت زیادہ ہے وہ کامیاب اداکار ہونے کے ساتھ ساتھ کامیاب پرڈیوسر بھی ہیں. ہمایوں سعید تین سال میں ایک اداکاری کا پراجیکٹ کرتے ہیں چاہے فلم ہو یا ڈرامہ. ھال ہی میں ان کی ریلیز ہوئی فلم لندن نہیں جائونگا کو عوام کو بہت پسند آرہی ہے. نہ صرف پاکستان میں بلکہ باہر کے ملکوں میں بھی فلم کامیابی کے ساتھ جاری ہے. ہمایوں سعید اس فلم کی سکریننگ کے لئے امریکہ میں موجود تھے گزشتہ روز ہی وطن واپس پہنچے ہیں. ہمایوں سعید سے یہ سوال بہت زیادہ کیا جا رہا ہے کہ پنجاب نہیں‌جائونگی تو ٹھیک تھا فلم کا نام لیکن یہ لندن نہیں جائونگا نام کیوں رکھا گیا

تو اس سوال کے جواب میں ہمایوں سعید نے کہا ہے کہ جب فلم پنجاب نہیں‌‌جائونگا سپر ہٹ ہوئی تو میں ان دنوں میں لندن میں‌موجود تھا مجھے ہر طرف سے فلم کی کامیابی کے فون آ رہے تھے لیکن زیادہ تر لوگ مذاق کررہے تھے کہ لندن نہیں جائونگا کیوں نہیں بنا لیتے تو میں نے مذاق مذاق میں ہاں کردی لیکن جب ہم نے نئی فلم بنانے کا ارادہ کیا تو میں نے ٹیم کے سامنے دوستوں کی تجویز رکھی کہ لندن نہیں جائونگا بنانے کا کہا جا رہا ہے تو میری ٹیم نے کہا کہ آئیڈیا تو بہت اچھا ہے ٹھیک ہےہم اس پر فلم بناتے ہیں یوں فلم لکھوائی گئی اور بنا لی اور شکر ہے خدا کا کہ لوگوں‌کو یہ فلم بھی پسند آئی .

منجھے ہوئے ڈائریکٹر احسن رحیم نے پرڈیوسر و اداکار ہمایوں سعید کو دیا ہے ایک مشورہ اور وہ مشورہ ہے ایک سال میں ایک سے زیادہ فلمیں بنانے کا. احسن رحیم نے ہمایوں سعید کی مقبولیت اور باکس آفس پر ان کی کامیابی کا گراف دیکھتے ہوئے کہا ہے کہ ہمایوں سعید سمجھ چکے ہیں آڈینز کیا چیز چاہتی ہے اور کیا نہیں تو ایسے میں ان کو چاہیے کہ یہ فلمیں‌ بنانے کی تعداد زیادہ کریں. تین سال کے بعد ایک فلم دینے کی بجائے ایک سال میں ایک سے زیادہ فلمیں بنایا کریں تاکہ شائقین مسلسل سیبنما گھر کا رخ کرتے رہیں. احسن رحیم جو خود کام کی باریکیوں‌کو بہت اچھی طرح سمجھتے ہیں انہوں نے ہمایوں سعید کی حال ہی میں ریلیز

ہوئی فلم لندن نہیں‌جائونگا کی بھی تعریف کی ہے اور لوگوں کا اس فلم کی طرف رجحان دیکھنے کے بعد ہی ہمایوں سعید کو مشورہ دیا ہے کہ وہ ایک سال میں ایک سے زیادہ فلمیں بنایا کریں. یاد رہے کہ لندن نہیں‌ جائونگا کے ساتھ قائداعظم زندہ باد بھی ریلیز ہوئی ہے لیکن ہمایوں سعید کی فلم کو زیادہ پذیرائی مل رہی ہے. فلم رومینٹک کامیڈی ہے اس میں ہمایوں سعید کے ساتھ کبری خان ،مہوش حیات، واسع چوہدری کے ساتھ سہیل احمد اور گوہر رشید بھی ہیں سب نے اپنی اپنی جگہ بہت اچھا کام کیاہے. فلم کو ندیم بیگ نے ڈائریکٹ کیا ہے.

عید الاضحی کے موقع پر تین پاکستانی فلمیں ریلیز ہوئی ہیں‌ لندن نہیں جائونگا ، قائداعظم زندہ باد اور لفنگے. ان تین فلموں کے ساتھ ہالی وڈ فلم تھور بھی ریلیز ہوئی ہے.اچھی بات یہ ہے کہ ہالی وڈ کی فلم تھور جتنی کامیابی سے جاری ہے اتنی ہی کامیابی سےپاکستانی فلموں کی نمائش بھی جا ری ہے. لندن نہیں‌جائونگا نے تو دبئی اور لندن میں ریکارڈ توڑ اوپننگ کی ہے.فلم جہاں‌جہاں ریلیز ہوئی ہے کامیابی سے جاری ہے لوگوں کا ہجوم ٹکٹ کائونٹر پر دیکھنے کو مل رہا ہے.نوجوان اور بڑے بوڑھے نیز ہر عمر کے لوگ لندن نہیں‌جائونگا کے ساتھ قائداعظم زندہ باد دیکھ رہے ہیں.ماہرہ خان اور فہد مصطفی کی فلم قائداعظم زندہ باد بھی اچھا رش لے رہے ہے

اس کے بھی ہائوس فل جا رہے ہیں. یعنی ہر فلم اپنی اپنی جگہ اچھا بزنس کر رہی ہے اب بزبس کے فیگرز کیا ہیں‌یہ عید کے تین دن کے بعد پتہ چل سکے گا لیکن فی الحال تک یہ دونوں‌ فلمیں‌اچھا بزنس کررہی ہیں لندن نہیں جائونگا، قائداعظم زندہ باد سے آگے ہی نظر آرہی ہے.یاد رہے کہ عید الفطر پر پاکستانی پانچ فلمیں ریلیز ہوئی تھیں‌ان فلموں کے ساتھ ہالی وڈ فلم ڈاکٹر سٹرینج لگی تھی. پاکستانی پانچوں‌ فلمیں‌ایسی نہیں‌تھیں کہ جن کے لئے ڈاکٹر سٹرینج کو اگنور کیا جائے لہذا ڈاکٹر سٹرینج ان سب فلموں‌ کا بزنس متاثر کیا تھا لیکن اب کی بار بھی ہالی وڈ فلم لگی ہے لیکن پاکستانی فلمیں اچھا بزنس کررہی ہیں.

اداکار اور مصنف واسع چوہدری جن کے چہرے پر ہر وقت سمائل رہتی ہے انہوں نے حال ہی میں ایک انٹرویو دیا اور کہا کہ میں نے اپنے کیرئیر میں بہت زیادہ نشیب و فراز دیکھے.سوچا نہیں تھا کہ اداکار بننا ہے لیکن قسمت کو شاید یہی منظور تھا کسی عزیز کے ساتھ ایک روز تھیٹر گیا وہاں انہوں نے کہا کہ پندرہ سیکنڈ کا ایک سیکیورٹی گارڈ کا کردار ہے کرو گے تو میں نے حامی بھر لی اور کر لیا. وہ دن جائے آج کا آئے بس سفر جاری ہے اور میں چلتا جا رہا ہوں. واسع نے کہا کہ جوانی پھر نہیں آنی کا آئیڈیا ہمایوں سعید کے ساتھ ڈسکس کیا اور میں نے کہا کہ اس پر ڈرامہ بناتے ہیں لیکن انہوں نے کہا کہ نہیں اس

پر فلم بناتے ہیں یوں یہ فلم بنی اور بعد میں اس کے سیکوئل بھی بنے جنہیں لوگوں نے بہت سراہا.یاد رہے کہ واسع چوہدری لندن نہیں جائونگا میں ایک اہم کردار ادا کررہے ہیں وہ مہوش حیات کے ساتھ نظر آئیں گے. واسع چوہدری کہتے ہیں کہ اس فلم میں میرا کردار کافی الگ اور ہٹ کر ہے یقینا میرے پرستار مجھے اور اس فلم کو ضرور پسند کریں گے. واسع چوہدری ایک چینل پر پروگرام ہوسٹ بھی کرتے ہیں اور اس میں وہ نامور شخصیات کے ہلکے پھلکے سوالوں کے ساتھ انٹرویوز کرتے ہیں. واسع چوہدری بہت کم انٹرویوز دیتے ہیں لیکن لندن نہیں جائونگا کی پرموشن کے دوران انہوں نے پہلی بار کھل کر میڈیا سے بات چیت کی.

ہمایوں سعید کی فلم لندن نہیں‌ جائونگا جو کہ عید الاضحی پر ریلیز ہونے جا رہی ہے اسکا پریس میٹ آج کے دن لاہور میں رکھا گیا تھا لیکن اسے موخر کر دیا گیا ہے. اس حوالے سےکہا جا رہا ہے کہ لندن سے فنکاروں کو واپسی کے ٹکٹ کا ایشو ہو رہا ہے اور سٹار کاسٹ کی عدم دستیابی ہے. ہماری اطلاعات کے مطابق ہمایوں سعید اور مہوش حیات دبئی میں ہیں جبکہ کبری خان لندن میں‌ ہیں. پہلے ہمایوں سعید کی طرف سے کہا گیا کہ وہ آج کے دن لاہور پہنچ کر پریس میٹ میں‌پہنچیں گے. ساری تیاریاں مکمل کی جا چکی تھیں اور میڈیا کو کوریج کے دعوت نامے بھی بھیجے جا چکے تھے لیکن عین ٹائم پر اس پریس میٹ کو موخر کر دیا گیا ہے. نئی تاریخ کا اعلان پوری

سٹار کاسٹ کی دستیابی پر کیا جائیگا. لندن نہیں‌جائونگا کی پرموشن کے لئے پچھلے چند دن سے پوری کاسٹ لندن مینں موجود تھی لیکن ہمایوں سعید اور مہوش حیات دبئی آچکے ہیں کبری خان کے بارے میں اطلاعات یہی ہیں وہ لندن میں‌ ہیں.کہا جا رہا ہے کہ جب تک سٹار کاسٹ پوری نہیں ہو گی پریس میٹ یا لاہور میں پرموشنز شروع نہیں‌ہوں گی.یاد رہے کہ لندن نہیں‌جائونگا پنجاب نہیں‌جائونگی کا ری بوٹ ہے اسے ندیم بیگ نے ڈائریکٹ کیا ہے اور ہمایوں سعید کے ساتھ اس میں گوہر رشید بھی نظر آرہے ہیں جبکہ کبری خان اور مہوش حیات اہم کردار کر رہی ہیں.