لڑکی جنس تبدیلی کر کے لڑکا بننے کے لیے اسلام آباد ہائی کورٹ سے رجوع کر لیا ہے۔
باغی ٹی وی : تفصیلات کے مطابق ہما نامی لڑکی جنس تبدیل کر کے لڑکا بننا چاہتی ہے اور اس نے اپنے وکیل عثمان وڑائچ کی وساطت سے عدالت میں ایک درخواست دائر کی ہے۔
درخواست میں استدعا کی گئی ہے کہ فیملی ممبرز کو ہراساں کرنے سے روکنے اور جنس تبدیلی سے متعلق میڈیکل کی اجازت دی جائے چیف جسٹس اطہر من اللہ نے استفسار کیا کہ کون ہراساں کر رہے ہیں؟
اشتیاق بیگ کے ہرجانےکا دعویٰ: زوہیب حسن کو عدالتی نوٹس جاری
وکیل نے مؤقف اپنایا کہ درخواست گزار لڑکی کو فیملی کی طرف سے ہراساں کیے جانے کا سامنا ہے چیف جسٹس اطہرمن اللہ نے ریمارکس دیئے کہ یہ تو پھر پرائیویٹ پرسن کا کیس ہے۔
وکیل عثمان وڑائچ نے کہا کہ پٹشنر کے بھی رائٹس ہیں بنیادی حقوق کی خلاف ورزی ہورہی ہے جس کے بعد چیف جسٹس اطہر من اللہ نے درخواست قابل سماعت ہونے پر فیصلہ محفوظ کرلیا ہے۔