Baaghi TV

Tag: لیسکو قصور

  • واپڈا اہلکاروں کا لوگوں کیساتھ غلط رویہ

    واپڈا اہلکاروں کا لوگوں کیساتھ غلط رویہ

    قصور
    لیسکو چونیاں الہ آباد کے لوگ سخت پریشان،جائز کام کروانا مشکل تر ہو گیا

    تفصیلات کے مطابق لیسکو چونیاں کے علاقے الہ آباد میں واپڈا اہلکاروں کا رویہ عوام کیساتھ انتہائی ترش ہے
    دو روز قبل نیو اقبال ٹاؤن الہ آباد کا ٹرانسفارمر 6 بجے صبح خراب ہوا تو مقامی پوگوں کے بارہا کال کرنے پر کوئی جواب نا دیا گیا الٹا کال کرنے والوں سے غلط رویہ سے بات کی جاتی رہی
    صبح سویرے خراب ہونے والے ٹرانسفارمر کو شام کے قریب ٹھیک کیا گیا
    اتنی دیر لوگ سخت گرمی میں گزارہ کرتے رہے
    واپڈا اہلکاروں کا رویہ انتہائی ترش ہے جس کے باعث لوگ کال کرنے سے بھی ہچکچاتے ہیں
    اہلیان علاقہ نے ڈی سی قصور و ایس ای لیسکو قصور سے نوٹس لینے کی درخواست کی ہے

  • لیسکو قصور میں خوف الہٰی کا فقدان ،لوگ پریشان

    لیسکو قصور میں خوف الہٰی کا فقدان ،لوگ پریشان

    قصور
    لیسکو قصور میں خوف الہٰی کا شدید فقدان نئے منظور شدہ کھمبوں کی جگہ پرانے کھمبے و تاریں نصب ،کل کھمبے نصب کئے آج گر پڑے پرانی تاریں جوڑ لگا کر نئی کی جگہ
    تفصیلات کے مطابق لیسکو قصور میں خوف الہٰی بلکل ختم ہو گیا قصور کے نواحی گاؤں اوراڑہ نو میں چند دن قبل نئے کھمبوں اور نئی تاروں کی منظوری ہوئی جس پر لیسکو سب ڈویژن راجہ جنگ میں کل واپڈا اہلکاران بجلی کے پرانے کھمبے نئے کھمبوں کی جگہ نصب کر گئے جو کہ آج تاریں ڈالتے ہوئے گر پڑے
    تاریں بھی انتہائی بوسیدہ اور جوڑ لگی ہیں جنہیں نئی تاروں کے طور پر ڈالا جا رہا ہے
    اس بابت نمائندہ باغی ٹی وی سے گفتگو کرتے ہوئے اہلیان علاقہ نے بتایا کہ ہماری یہ لائن 1965 سے چل رہی ہے اب ہم نے آبادی بڑھنے کے باعث نئی لائن منظور کروائی ہے جس پر انتہائی لاپرواہی کا مظاہرہ کرتے ہوئے واپڈا اہلکاران نے نئے کھمبوں کی جگہ پرانے بوسیدہ ویلڈنگ شدہ کھمبے نصب کئے ہیں جبکہ بجلی تاریں بھی جوڑ لگی اور انتہائی بوسیدہ ہیں جبکہ نصب شدہ کھمبے ہاتھ لگانے سے ہلنے لگے ہیں جو کہ ہمارے لئے بہت بڑا خطرہ ہیں لہذہ ڈی سی قصور اور ایس ای لیسکو قصور نوٹس لے کر ہمیں نئے کھمبے اور تاریں لے کر دیں اور اس واقعہ کے ذمہ داران کے خلاف کاروائی کی جائے

  • لیسکو قصور کی مجرمانہ غفلت

    قصور
    پورے علاقے میں بجلی غائب واپڈا قصور خواب خرگوش کے مزے میں لوگ پریشان پانی کی بوند بھی میسر نہیں
    تفصیلات کے مطابق کل قصور کے مختلف علاقوں میں تیز بارش و ہلکی آندھی آئی جس کی بدولت پورا قصور شہر اور گردونواح تاریکی میں ڈوب گیا سب ڈویژن بلہے شاہ فیڈر بہادر پورہ کی بجلی کل دوپہر 3 بجے گئی اور آج صبح 8 بجے آئی سب ڈویژن راجہ جنگ فیڈر راءو خان والا کی بجلی کل صبح 9 بجے گئی اور دوپہر 2 بجے آئی اور پھر رات 9 بجے سے تاحال نہیں آئی اسی طرح سب ڈویژن مصطفی آباد کی بجلی کل دن 4 بجے گئی اور آج صبح 8 بجے آئی
    لوگوں نے متعلقہ ایس ڈی اوز اور کمپلین دفتروں کے نمبروں پر رابطہ کیا تو آگے سے بتلایا گیا کہ فنی خرابی کی بدولت بجلی میسر نہیں فنی خرابی کو جلد دور کر دیا جائے گا مگر لوگ پریشان ہیں کہ وہ کونسی فنی خرابی ہے جو بیک وقت اتنی سب ڈویژنوں میں آ گئی اور ساری رات میں بھی ٹھیک نا ہو سکی
    لوگوں نے واپڈا قصور کی اس غفلت پر ایس ای قصور اور ڈی سی قصور سے نوٹس لینے کا مطالبہ کیا ہے