اسلام آباد ہائی کورٹ میں اسسٹنٹ کمشنر کی درخواست پر تحریک انصاف کے چیئرمین عمران خان کے خلاف توہین عدالت کیس کی سماعت ہوئی
عمران خان کے وکیل خواجہ حارث عدالت میں پیش ہوئے اور کہا کہ جوڈیشل کمپلیکس واقعے پر مختلف لوگوں کے خلاف کیسز بنائے جا چکے اس روز کیس کی فائل بھی گُم ہوگئی تھی جو سنجیدہ معاملہ تھا، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ یہ واقعی بہت سنجیدہ معاملہ ہے ،عمران خان کے وکیل خواجہ حارث نے عدالت میں دلائل دیتے ہوئے کہا کہ سارے کیسز اب متعلقہ فورم پر چل رہے ہیں یہاں الگ کارروائی چلی تو وہ کیسز متاثر ہوں گے کیس کی آرڈر شیٹ گُم ہونے کا بھی اس سارے معاملے سے تعلق ہے ،اسپیشل پراسیکیوٹر راجہ رضوان عباسی نے اپنے دلائل میں کہا کہ سماعت کا مقام بھی اِن کی خواہش کےمطابق تبدیل کیا گیا اس پر اسلام آباد ہائیکورٹ کے چیف جسٹس عامر فاروق نے اسپیشل پراسیکیوٹر کو سیاسی بات کرنے سے روک دیا اورریمارکس دیتے ہوئے کہا کہ ان کے وکیل خواجہ حارث نے کوئی سیاسی بات نہیں کی آپ بھی اپنے الفاظ کے چناؤ میں محتاط رہیں صرف یہ بتائیں کیا فائل گُم ہونے پر یہاں کارروائی کی ضرورت ہے؟ آرڈر شیٹ گُم ہوئی تو نئی آرڈر شیٹ بنادی گئی تھی اب پہلی شیٹ گُم ہونے پر فریقین میں کسی کو فائدہ یا نقصان ہوا؟
پراسیکیوٹرکا کہنا تھا کہ اگر نئی آرڈر شیٹ بننے میں تاخیر ہوتی تو پراسیکیوشن کا نقصان ہوتا سب پولیس اہلکار ایک طرح سے وہاں کورٹ اسٹاف ہی ہوتے ہیں ،اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ ایسا نہیں میں اپنی فائل کسی پولیس اہلکار کے ہاتھ نہیں بھیج سکتا ایک اوراہم معاملے پر آج کل ہم غور کر رہے ہیں ویڈیو لنک پرحاضری کی عمران خان کی درخواست پرقانون طےکرنا ہے اس معاملے کو صرف عمران خان کی حد تک نہ دیکھا جائے دیکھنا ہے ویڈیو لنک پر قانون کیسے واضح کریں اپنے ریسرچر کو بھی لگایا ہے کہ بھارت میں ویڈیو لنک پرکیا ہو رہا وہ بھی دیکھ رہے ہیں ،اسپیشل پراسیکیوٹر نے توہین عدالت پر عمران خان کو نوٹس جاری کرنے کی استدعا کی اور کہا کہ اس عدالت نے حکم دیا تھا کہ عمران خان لاء اینڈ آرڈر یقینی بنائیں گے عمران خان کو اس حکم پر عمل نہ کرنے پر نوٹس جاری کیا جائے،اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ توہین عدالت کا نوٹس ایک سنجیدہ ایشو ہے اُس روز توڑ پھوڑ تو ہوئی مگر ذمہ دار کون ہے؟ اسپیشل پراسیکیوٹر نے کہا کہ توڑ پھوڑ کرنے والے سب لوگ پی ٹی آئی کے تھے ٹوئٹس موجود ہیں لوگوں کو وہاں باقاعدہ بلایا گیا تھا ،اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ لوگ تو اپنے لیڈر کو سپورٹ کرنے آ جاتے ہیں ایک لیڈر ہے اس کی فالوئنگ ہے لوگ تو آجاتے ہیں یہ دکھائیں کیا کہیں لوگوں کو توڑ پھوڑ کے لیے اکسایا گیا توڑ پھوڑ کی ویڈیوز ہیں مگرکیسے طے ہوکہ انہیں کس نے کہا؟ آئی جی کی رپورٹ دیکھ کر دوبارہ معاونت کریں ایک ہجوم جہاں ہو اس کا ایک مائنڈ سیٹ تو ہوتا نہیں ہے ، عدالت نے توہین عدالت کی درخواست پر آئندہ جمعےکو مزید دلائل طلب کرتے ہوئے سماعت ملتوی کردی
جس میں وہ کرسی پر بیٹھے ہیں اور سگار پی رہے ہیں، شیخ رشید احمد کو لاک اپ میں بندنہیں کیا
عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش
سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام
