Baaghi TV

Tag: لیہ

  • لیہ میں گڑھے میں گر کر بچہ جاں بحق، مریم نواز کا اسسٹنٹ کمشنر کے تبادلے کا حکم

    لیہ میں گڑھے میں گر کر بچہ جاں بحق، مریم نواز کا اسسٹنٹ کمشنر کے تبادلے کا حکم

    لاہور: وزیر اعلیٰ پنجاب مریم نواز نے لیہ میں گڑھے میں گر کر بچے کے جاں بحق ہونے کا سخت نوٹس لیتے ہوئے اسسٹنٹ کمشنر کے فوری تبادلے کا حکم دے دیا۔

    وزیر اعلیٰ پنجاب مریم نواز نے کمشنرز، ڈپٹی کمشنرز اور اسسٹنٹ کمشنرز کے ساتھ 3 گھنٹے طویل ویڈیو لنک کانفرنس کی، جس میں انتظامی امور، عوامی تحفظ اور شہروں کی بہتری سے متعلق اہم فیصلے کیے گئے،ویڈیو کانفرنس کے دوران وزیراعلیٰ نے لیہ میں سیوریج کے گڑھے میں گر کر بچے کی ہلاکت پر شدید برہمی کا اظہار کرتے ہوئے اسسٹنٹ کمشنر لیہ کے فوری تبادلے کا حکم دیا، وزیراعلیٰ نے اے سی لیہ کو اجلاس میں بیٹھنے کی بھی اجازت نہیں دی۔

    وزیر اعلیٰ پنجاب مریم نواز نے مختلف اضلاع کے کمشنرز کی ناقص کارکردگی کا سخت نوٹس لیتے ہوئے تمام افسران کی کارکردگی کو کے پی آئیز کے معیار پر جانچنے کا حکم دیا انہوں نے ڈپٹی کمشنرز اور اسسٹنٹ کمشنرز کو ہدایت کی کہ وہ اپنے ماتحت اسٹاف اور افسران کے لیے واضح کے پی آئیز مقرر کریں۔

    مریم نواز نے مین ہول میں گرنے اور کتے کے کاٹنے کے بڑھتے واقعات پر شدید تشویش کا اظہار کرتے ہوئے ملتان، حافظ آباد اور بہاولنگر کے ڈپٹی کمشنرز سے باز پرس کی انہوں نے کہا کہ ایسے افسوسناک واقعات ہونے سے پہلے ہی افسران کو بروقت کارروائی کرنی چاہیے،کتے کے کاٹنے کے واقعات کی روک تھام کے لیے مؤثر اقدامات نہ ہونا انتہائی افسوسناک ہے۔

    انہوں نے سوال اٹھایا کہ کھلے مین ہولز اور سیوریج کے گڑھوں کی مرمت کیا افسران کی ذمہ داری نہیں؟ وزیراعلیٰ نے واضح کیا کہ کسی سیاسی دباؤ کی پرواہ کیے بغیر گڈ گورننس اور شفافیت کو یقینی بنایا جائے،اجلاس میں وزیراعلیٰ نے قبضہ مافیا کے خلاف کارروائیوں پر اطمینان کا اظہار کرتے ہوئے 3 ہزار 607 قبضہ کیسز کے فوری فیصلوں پر افسران کو شاباش دی۔ انہوں نے قبضہ کیسز میں اے ڈی سی آر اور اسسٹنٹ کمشنرز کو مزید بااختیار بنانے کا بھی حکم دیا۔

    وزیر اعلیٰ پنجاب مریم نواز نے صوبے کے تمام بازاروں اور مارکیٹوں کو منظور شدہ ڈیزائن پکچرز کے مطابق خوبصورت بنانے کا حکم دیتے ہوئے بیوٹیفکیشن پلان کی فول پروف مانیٹرنگ کی ہدایت جاری کر دی،مریم نواز نے شہریوں کی آسانی اور حفاظت کو مدنظر رکھتے ہوئے ہر سڑک کے ساتھ فٹ پاتھ بنانے کا حکم دیا جبکہ شہریوں کی رہنمائی کے لیے ہر شہر کی مارکیٹوں میں واضح اور یکساں سائن بورڈز نصب کرنے کا بھی فیصلہ کیا گیا۔

    وزیر اعلیٰ پنجاب نے بازاروں اور مارکیٹوں میں ہریالی بڑھانے اور خوشگوار ماحول پیدا کرنے پر زور دیتے ہوئے کہا کہ شہریوں کو صاف، محفوظ اور خوبصورت خریداری کے مراکز فراہم کرنا حکومت پنجاب کی ترجیح ہے۔

  • وزیر اعلیٰ پنجاب کا لیہ میں میڈیکل کالج بنانے کا اعلان

    وزیر اعلیٰ پنجاب کا لیہ میں میڈیکل کالج بنانے کا اعلان

    وزیر اعلیٰ پنجاب مریم نواز نے لیہ میں میڈیکل کالج بنانے کا اعلان کر تے ہوئے کہا کہ ، کوشش ہے کہ کوئی بچہ ٹیکنالوجی اور تعلیم سے محروم نہ رہے-

    وزیراعلی مریم نواز نے لیہ میں 1 ہزار 645 لیپ ٹاپ تقسیم کر دیئے ڈیرہ غازی خان ،مظفرگڑھ اور راجن پور کے طلبہ و طالبات میں بھی لیپ ٹاپس تقسیم کیے گئے لیپ ٹاپس تقسیم کرنے کی تقریب سے خطاب میں وزیر اعلیٰ پنجاب نے کہا کہ انشااللہ لیہ میں میڈیکل کالج کی فوری تعمیر شروع ہوجائے گی، کوشش ہے کہ کوئی بچہ ٹیکنالوجی اور تعلیم سے محروم نہ رہے لیہ یونیورسٹی کیلئے ڈیڑھ ارب روپے مختص کیے ہیں، ڈی جی خان یونیورسٹی کیلئے بھی ڈیڑھ ارب روپے مختص کیے ہیں۔

    وزیر اعلیٰ پنجاب نے کہا کہ یہ میرا پہلا سال ہے، جیسے جیسے وقت گزرتا جائے گا مزید بہتری کرنے کی کوشش کروں گی جو آپ کے گھروں، روٹی، سبزی، بجلی کی قیمتوں کیلئے فکر مند ہے وہ آپ کا ہمدرد ہے اور جو نفرت کے بیج بوتا ہے وہ قوم کا سب سے بڑا دشمن ہے، جس نے ملک کیلئے خدمات دیں وہ سب ہمارے ہیرو ہیں-

    طیارے تباہ ہونے کی حقیقت عوام سے کیوں چھپا رہے ہیں؟ بھارتی رہنماؤں کی مودی پر کڑی تنقید

    مریم نواز نے کہا کہ جنہوں نے وردی کو جلایا انہوں نے قوم کے وقار اور طاقت کو جلایا، آج وہی وردی پہنے قوم کے جوان بیٹے سرحدوں پر شہید ہوئے 10 مئی کو جنگ جیت کر سب کو پتہ چل گیا 9 مئی اور 28 مئی کو کس نے کیا کیا جب قوم بنیان مرصوص بن جائے تو دنیا کی کوئی طاقت نہیں ہرا سکتی تمام بچے پاکستان کیلئے بنیان مرصوص بنیں،پاکستان نے ایک چھوٹا ملک ہونے کے باجود بھارت سے جنگ جیتی ہے۔

    سندھ طاس معاہدے کی معطلی انتہائی تشویشناک اور غیر ذمے دارانہ قدم ہے،جنرل ساحر شمشاد مرزا

  • پاکستان کا خوف،بھارت نے 28 ایئرپورٹس کی بندش 15 مئی تک بڑھا دی

    پاکستان کا خوف،بھارت نے 28 ایئرپورٹس کی بندش 15 مئی تک بڑھا دی

    بھارتی حکومت نے پاکستان سے ممکنہ جوابی کارروائی کے خدشے کے پیش نظر 28 ایئرپورٹس پر فضائی آپریشن معطل رکھنے کا فیصلہ کر لیا ہے۔

    غیر ملکی خبر ایجنسی کے مطابق ابتدائی طور پر یہ بندش 10 مئی تک تھی تاہم جمعہ کو ہونے والے ایک اعلیٰ سطحی سیکیورٹی اجلاس کے بعد اس پابندی میں 15 مئی کی صبح 5:29 بجے تک توسیع کر دی گئی ہے۔رپورٹس کے مطابق ایک سینئر بھارتی سرکاری اہلکار نے تصدیق کی ہے کہ تمام ایئرلائنز اور ہوائی اڈوں کی انتظامیہ کو باقاعدہ اطلاع دے دی گئی ہے۔

    متاثرہ ایئرپورٹس کی فہرست:

    انڈیگو ایئرلائن کے بیان کے مطابق جن ایئرپورٹس پر پروازیں معطل کی گئی ہیں ان میں سری نگر، جموں، امرتسر، لیہ، چندی گڑھ، دھرم شالہ، بیکانیر، راجکوٹ، جودھ پور اور کشورگڑھ شامل ہیں۔ایئرلائن نے کہا کہ یہ اقدام مسافروں کی سلامتی اور تحفظ کو ترجیح دیتے ہوئے کیا گیا ہے، اور اس دوران تمام متاثرہ مسافروں کو ہر ممکن سہولت فراہم کی جائے گی۔

    بھارت کی قومی ایئرلائن ایئر انڈیا نے بھی سوشل میڈیا پلیٹ فارم "ایکس” پر ایک سفری ہدایت نامہ جاری کیا ہے، جس میں جموں، سری نگر، لیہ، جودھ پور، امرتسر، چندی گڑھ، بھُج، جام نگر اور راجکوٹ کے لیے پروازوں کی منسوخی کا اعلان کیا گیا ہے۔ایئر انڈیا کے مطابق وہ تمام مسافر جن کے ٹکٹس اس دوران کی بکنگ پر ہیں، مکمل ریفنڈ یا بغیر کسی اضافی فیس کے ایک بار تاریخ کی تبدیلی کا اختیار حاصل کریں گے۔

    یاد رہے کہ حالیہ دنوں میں پاک بھارت کشیدگی میں غیر معمولی اضافہ دیکھنے میں آیا ہے اور دونوں ممالک کی افواج ہائی الرٹ پر ہیں، جس کے پیش نظر شہری ہوابازی کے تحفظ کے لیے یہ اقدامات کیے جا رہے ہیں۔

    خطے میں کشیدگی، بھارت کا بحری بیڑا پاکستان کے قریب تعینات، برطانوی اخبار

    کھاریاں کے قریب دراندازی کرنے والے تین بھارتی ڈرونز تباہ

    پاکستانی جھنڈے پر تنقید کرنے والوں کو بھارتی اداکارہ راکھی ساونت کا دو ٹوک جواب

    بھارت کا سرینگر ایئرپورٹ کے قریب 10 دھماکوں کا دعوی

    پاکستان ایئر فورس نے بھارتی رافیل طیارہ مار گرانے کے شواہد پیش کر دیے

  • بلوچستان میں دو بھائیوں سمیت لیہ کے 4 شہری نشانہ بنے

    بلوچستان میں دو بھائیوں سمیت لیہ کے 4 شہری نشانہ بنے

    بلوچستان کے ضلع موسیٰ خیل میں دہشتگردوں کی فائرنگ سے لیہ کے رہائشی 4 ڈرائیورز قتل ہو گئے

    2 بھائیوں سمیت مرنے والے چاروں افراد کا تعلق لیہ کے مختلف علاقوں سے ہے،قتل ہونے والے 2 بھائی غلام مرتضیٰ اور محمد ضمیر چک نمبر 125 ٹی ڈی اے کے رہائشی ہیں ،اللہ بخش چک نمبر 140 ٹی ڈی اے اور محبوب حسین چک نمبر 165 ٹی ڈی اے کا رہائشی ہے،چاروں ڈرائیورز لورا لائی سے پھل اور سبزیاں لے کر واپس آ رہے تھے کہ مارے گئے،ورثاء لاشوں کے حصول کے لئے ریسکیو کے ہمراہ ضلع موسیٰ خیل روانہ ہو گئے

    بلوچستان، 21 دہشت گرد جہنم واصل،14 جوان شہید

    بلوچستان،جوابی کاروائی میں 12 دہشت گرد جہنم واصل

    قلات :فائرنگ سے پولیس انسپکٹر،لیویز اہلکاروں سمیت 10 کی موت

    بارکھان،راڑہ شم کے مقام پر بسوں سے اتار کر 23 افراد قتل،10 گاڑیاں نذر آتش

    واضح رہے کہ راڑہ شم کے مقام پر رات گئے فائرنگ ،23افرادجاں بحق ہو گئے ہیں،تمام افراد کو بسوں سے اتار کرفائرنگ کرکے قتل کیاگیا ،ملزمان نےراڑہ شم شاہراہ پر ناکہ لگا کر مسافروں کو بسوں سے اتارا ،ملزمان نے 24 گاڑیوں کو بھی نذر آتش کر دیا ،جاں بحق تمام افراد کا تعلق پنجاب کے مختلف علاقوں سے ہے موسی خیل میں مارے جانیوالے افراد کی مکمل فہرست سامنے آ گئی،مارے جانے والے افراد میں ملتان، وہاڑی، لاہور ، فیصل آباد، ساہیوال و دیگر شہروں کے افراد شامل ہیں.

  • ڈی ایچ کیو اسپتال لیہ میں 9 سالہ ذہنی معذور بچی سے مبینہ زیادتی

    ڈی ایچ کیو اسپتال لیہ میں 9 سالہ ذہنی معذور بچی سے مبینہ زیادتی

    لیہ: پنجاب میں خواتین او ر بچوں کے ساتھ جنسی واقعا ت میں کمی نہ آ سکی، ڈسٹرکٹ ہیڈکوارٹر اسپتال لیہ میں 9 سالہ ذہنی معذور بچی مبینہ زیادتی کا نشانہ بن گئی-

    باغی ٹی وی : پولیس کے مطابق بچی والدین کے ہمراہ نانی کی عیادت کے لیے اسپتال آئی ہوئی تھی کہ ملزم نے موقع پا کر بچی کو زیادتی کا نشانہ نا ڈالا ابتدائی میڈیکل رپورٹ میں بچی سے زیادتی کی تصدیق ہوئی ہے، ڈسٹرکٹ پولیس آفیسر لیہ کا کہنا ہےکہ ملزم کی گرفتاری کے لیے چھاپے مارے جا رہے ہیں۔

    قبل ازیں رواں ماہ 5 تاریخ کو ڈی ایچ کیو اسپتال لیہ میں ہی ڈاکوؤں نے واردات کے دوران نرس کو اجتماعی زیادتی کا نشانہ بنایا تھا،، اسپتال میں ڈکیتی کی واردات پیش آئی جس میں ڈاکوؤں نے سامان لوٹنے کے ساتھ ساتھ اسٹاف نرس کو اسلحے کے زور پر اجتماعی زیادتی کا نشانہ بنایا ، متاثرہ نرس کی درخواست پر ملزمان کے خلاف مقدمہ درج کیا گیا ، ڈاکو دوران واردات اسپتال سے سامان، عملے سے نقدی و موبائل فونز چھین کر لے گئے۔

    خواتین کو ہراساں کرنیوالے افسران کا تبادلہ، پرنسپل کا بھی بڑا فیصلہ

    ترجمان پنجاب پولیس کے مطابق ڈی ایچ کیو اسپتال کی نرس کو اجتماعی زیادتی کا نشانہ بنانے اور ڈکیتی میں ملوث ملزمان کو واردات کے ے اندر گرفتار کرلیا گیا تینوں ملزمان نے ایک روز قبل رات کے وقت ہیڈ نرس شازیہ طفیل کے گھر میں گھس کر اسے اسلحے کے زور پر گینگ ریپ اور ڈکیتی کا نشانہ بنایا تھا تھانہ سٹی لیہ پولیس نے جدید ٹیکنالوجی سے استفادہ کرتے ہوئے نامعلوم ملزمان کو ٹریس آؤٹ کرکے گرفتار کیا۔

    6ججزکا خط،سپریم کورٹ کے فل کورٹ اجلاس کا اعلامیہ جاری

    خاتون کی جانب سے لڑکے کا فیشل کرنے پر سیلون بند،2افراد گرفتار،مقدمہ درج

  • لیہ کے مقامی صحافی عبدﷲ نظامی کو بیوی سمیت گولیاں مار کر قتل کردیا گیا

    لیہ کے مقامی صحافی عبدﷲ نظامی کو بیوی سمیت گولیاں مار کر قتل کردیا گیا

    لیہ کے مقامی صحافی عبدﷲ نظامی کو بیوی سمیت گولیاں مار کر قتل کردیا گیا

    پنجاب کے شہر لیہ میں مقامی صحافی کو قتل کر دیا گیا عبداللہ نظامی اور ان کی نوبیاہتا اہلیہ کو کوٹ ادو کے قریب پٹھان ہوٹل پر قتل کردیا گیا۔ عبداللہ نظامی لیہ پریس کلب کے صدر بھی تھے

    آئی جی پنجاب فیصل شاہکار نے مظفر گڑھ میں فائرنگ سے کوٹ سلطان لیہ کے صحافی عبداللہ نظامی اور انکی اہلیہ کی ہلاکت کے واقعہ کا نوٹس لے لیا،اور آئی جی پنجاب نے آر پی او ڈی جی خان سے واقعہ کی رپورٹ طلب کر لی ۔ڈی پی او مظفر گڑھ کا کہنا ہے کہ پولیس ٹیم نے فوری کاروائی کرتے ہوئے فائرنگ کرنے والے ملزم کو گرفتار کر لیا ۔قانونی تقاضے پورے کرتے ہوئے ملزم کو قرار واقعی سزا دلوائی جائے گی آئی جی پنجاب نے ڈی پی او لیہ کو مقتولین کی فیملی کے ساتھ قریبی رابطہ رکھنے کی ہدایت کر دی،اور کہا کہ انصاف کی فراہمی ترجیحی بنیادوں پر یقینی بنائی جائے ۔

    دعا زہرہ کیس،عمر کے تعین کیلئے ایک بار پھر میڈیکل بورڈ بنانے کا حکم

    ہولی فیملی ہسپتال میں مریضوں کا خون پینے والی لیڈی ڈاکٹر بارے سامنے آیا تہلکہ خیز انکشاف

    بیٹی پیدا ہونا جرم، خاتون پر بہیمانہ تشدد، گھر سے نکال دیا گیا

    والدین سے نہیں ملنا چاہتی،دعا زہرہ کا عدالت میں والد کے سامنے بیان

    دعا کیجیے گا ہماری دعا ظالموں کے چنگل سے آزاد ہو،دعا زہرہ کے والدین کی اپیل

  • لیہ میں پاک فوج سے اظہار یک جہتی کیلئے تقریب منعقد کی گئی

    لیہ میں پاک فوج سے اظہار یک جہتی کیلئے تقریب منعقد کی گئی

    لیہ میں پاک فوج سے اظہار یک جہتی کیلئے تقریب منعقد کی گئی
    باغی ٹی وی کی رپورٹ کے مطابق لیہ ضلعی انتظامیہ اور تمام محکمہ جات کے زیراہتمام بی زیڈیوکیمپس لیہ میں پاک فوج سے اظہار یک جہتی کیلئے تقریب کا انعقاد کیا گیا۔تقریب کی صدارت ایڈیشنل ڈپٹی کمشنر جنرل قدسیہ ناز نے کی۔تقریب میں ڈی ڈی کالجز عمیرعاصم ،سی ای او صحت ڈاکٹرامیرعبداللہ سامٹیہ،سی ای او تعلیم شرافت علی بسرا،ڈی ایچ او ڈاکٹرمزمل کریم،ڈی ڈی زراعت غلام یاسین واندر،ڈی ڈی سوشل ویلفیئرمشتا ق حسین ،ڈی ای او تعلیم توکل حسین، ڈسٹرکٹ آفیسر ماری سٹوپس نویدظفر سمراء ،اساتذہ،طلباء اور سول سوسائٹی نے کثیر تعداد میں شرکت کی۔تقریب میں مقررین نے اظہار خیال کرتے ہوئے کہاکہ پاک فوج کی قربانیاں کسی سے ڈھکی چھپی نہیں ہیں وطن عزیز کی حفاظت اورپاکستان کے اندرونی اور بیرونی چیلنجز سے نبردآزما ہونے کے لئے پاک فوج بے مثال اور مثبت کردار ادا کررہی ہے ۔مقررین نے کہاکہ پاک فوج نے ملکی دفاع کیلئے جو قربانیاں دیں اور قدرتی آفات میں بھی عوام کی فلاح کیلئے ہماری فوج نے جو خدمات انجا م دیں وہ رہتی دنیا تک یاد رہیں گی ۔مقررین نے مزید کہا کہ پوری قوم افواج پاکستان کے شانہ بشانہ کھڑی ہے اور اُن کے شہداء کی قربانیوں کو خراج عقیدت پیش کرتی ہے ۔تقریب میں تقاریر،ملی نغموں،ٹیبلوز اور خاکوں کے ذریعے پاک فوج کی قربانیوں کو خراج تحسین پیش کیا گیا۔تقریب کے اختتام پر واک کا بھی اہتمام کیاگیا۔ ۔تقریب کی میزبانی کے فرائض پروفیسر امین اللہ قاضی نے انجام دیے۔

  • انَّا لِلّٰہِ وَاِنَّآ اِلَیْہِ رَاجِعُوْنَ :لیہ:ایک ہی خاندان کے 6 افراد جاں بحق

    انَّا لِلّٰہِ وَاِنَّآ اِلَیْہِ رَاجِعُوْنَ :لیہ:ایک ہی خاندان کے 6 افراد جاں بحق

    لیہ :لیہ میں کیری وین اور کار میں تصادم، 3 بچوں سمیت ایک ہی خاندان کے 6 افراد جاں بحق ،اطلاعات کے مطابق یہ کے علاقہ چوک اعظم کے نزدیک ایم ایم روڈ پر کیری وین اور کار میں تصادم ہوا جس میں تین بچوں سمیت ایک ہی خاندان کے 6 افراد جاں بحق ہو گئے، زخمی ہونیوالے 19 افراد کو تحصیل و ڈسٹرکٹ ہسپتال منتقل کر دیا گیا۔

    کیری وین میں سوار خاندان شادی میں شرکت کے بعد مظفر گڑھ سے فتح پور کے چک نمبر 217 ٹی ڈی اے اپنے گھر واپس آرہا تھا کہ گولہ اڈہ کے قریب حادثہ کا شکار ہوا، مرنیوالوں میں دو خواتین، تین بچے اور ڈرائیور شامل ہیں۔

    حادثہ میں کار سواروں سمیت مجموعی طور پر 19 افراد زخمی ہوئے جنہیں نشتر ہسپتال ملتان، ڈسٹرکٹ ہسپتال لیہ اور تحصیل ہسپتال چوک اعظم منتقل کیا گیا ہے جہاں زخمیوں کو طبی امداد فراہم کی گئی۔ جاں بحق ہونیوالوں کی شناخت محمد انیس، شعیب، عابد، سفیان، مالو بی بی اور شاہدہ بی بی کے نام سے ہوئی ہے۔

  • ملک میں صدارتی نظام آرہا ہے؟صدارتی نظام ڈکٹیٹرشپ کا دوسرانام ہے :مولانا فضل الرحمٰن

    ملک میں صدارتی نظام آرہا ہے؟صدارتی نظام ڈکٹیٹرشپ کا دوسرانام ہے :مولانا فضل الرحمٰن

    ملک میں صدارتی نظام آرہا ہے؟صدارتی نظام ڈکٹیٹرشپ سمجھیں گے:اطلاعات کےمطابق پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان نے کہا ہے کہ ایسے لگ رہا ہے کہ جیسے اب ملک میں صدارتی نطام آنے والا ہے ، ان کا کہنا تھا کہ اگرصدارتی نطام لایا گیا تو اسے ڈکٹیٹرشپ ہی سمجھیں گے

    سربراہ پی ڈی ایم کا مزید کہنا تھا کہ پنجاب کے وسائل پر صوبے کے بچوں کا حق ہے، اگر کل سرائیکی صوبہ بنتا ہے تو پھرسرائیکی بچوں کا حق ہوگا، پارلیمانی طرز حکومت کا مطلب کوئی صدارتی نظام نہیں چلے گا، صدارتی نظام ڈکٹیٹرشپ کی علامت ہے، ایوب خان اور ضیا الحق کے صدارتی نطام نے نقصان پہنچایا ، آج پھر صدارتی نظام کی باتیں میثاق ملی کے خاتمے کی باتیں ہیں، ایسی تجاویز پاکستان کوایک بار پھر دولخت کرنے کی سازش نظر آتی ہیں۔

    لیہ میں جلسے سے خطاب کرتے ہوئےپی ڈی ایم اور جمعیت علمائے اسلام (ف) کے سربراہ مولانا فضل الرحمان نے کہا کہ اگر آئین کو کہیں سے بھی چھیڑا گیا تو ان کو پاکستان توڑنے کا آج سے ذمہ دارقراردیتے ہیں، آئین کو چھیڑنا ملک کو توڑنے کے مترادف ہوگا، اس ملک کے ہم مالک ہیں اور مالک قبضہ چھڑوانا جانتے ہیں، تبدیلی کے امکانات روشن ہو رہے ہیں، جس کشتی کو انہوں نے ڈبویا اس کو ساحل پر لانا چیلنج ہے ،

    مولانا فضل الرحمن نے کہا کہ 23 مارچ کے لانگ مارچ کا فیصلہ برقرار ہے، آئین کا ایک بنیادی ڈھانچہ ہے، بنیادی ڈھانچے کے چار عناصر ہیں، اسلام آئین کے بنیادی ڈھانچے کا حصہ ہے، دوسرا عنصرجمہوریت ہے، اس کا مطلب پاکستان میں ڈکٹیٹرشپ نہیں آسکتی، کوئی طالع آزما پاکستان کے اقتدار پر قبضہ نہیں کرسکتا، آئین کا تیسرا عنصر ملک کا وفاقی نظام ہے جبکہ چوتھا عنصر پارلیمانی طرز حکومت ہے۔

    مولانا فضل الرحمان نے اپنے خطاب میں کہا کہ پاکستان کی پہلی دستور ساز اسمبلی میں قرارداد مقاصد پاس کی تھی، آئین کہتا ہے قرآن وسنت کے منافی کوئی قانون نہیں بنایا جاسکتا، مسئلہ آئین نہیں، بڑی مشکل آئین پرعملدرآمد نہ کرنا ہے، پارلیمنٹ ایسے لوگوں سے بھر دی جاتی ہے جن کو قرآن وسنت سے دلچسپی نہیں اور ہماری اسٹیبشلمنٹ بھی پاور پالیٹیکس کرتی ہے۔

    مولانا فضل الرحمان نے کہا کہ یہ جعلی اسمبلی ہے اس کے اندر جمہوریت کی روح نہیں ہے، جعلی اسمبلی نے فیٹیف کے دباؤ پرقانون سازی کرکے پاکستان کوغلام بنا دیا، نا اہل حکومت سال میں چارمرتبہ بجٹ پیش کرتی ہے،