اسلام آباد: اوگرا نے مائع پیٹرولیم گیس (ایل پی جی) کا گھریلو سلنڈر 318 روپے مزید مہنگا کردیا ہے۔
باغی ٹی وی: تفصیلات کے مطابق اوگرا کی جانب سے جاری اعلامیہ کے مطابق ایل پی جی کی نئی قیمتوں کا اطلاق یکم مارچ سے ہوگا-
جاری کردہ نوٹیفکیشن کے تحت ایل پی جی کی فی کلو قیمت میں 27 روپے ایک پیسے کا اضافہ کیا گیا ہے جس کے بعد ایل پی جی کی فی کلو نئی قیمت 233 روپے 78 پیسے ہوگئی ہے-
نئی قیمتوں کے بعد گھریلو سلنڈر 318 روپے 76 پیسے مہنگا ہوگیا قیمت میں اضافے کے بعد 11.8 کلو گرام کے گھریلو سلنڈر کی قیمت 2758 روپے 69 پیسے ہوگئی۔
غریب عوام پر ایک بار پھر پٹرول بم گرنے کا امکان
واضح رہے کہ کچھ دیر قبل وزیراعظم عمران خان نے قوم سے خطاب کے دوران پیٹرول اور ڈیزل کی فی لیٹر قیمت میں 10، 10 روپے اور بجلی کی فی یونٹ قیمت میں 5 روپے کمی کا اعلان کرتے ہوئے کہا ہے کہ ہم مستقبل میں قیمتوں میں اضافہ بھی نہیں کریں گے۔
خیال رہے کہ فروری میں ایل پی جی کے گھریلو سلنڈر کی قیمت 2439 روپے 93 پیسے تھی۔