گھانا نے جان لیوا ماربرگ وائرس کے اولین کیسز کی تصدیق کی ہے-
باغی ٹی وی : جولائی کے آغاز میں گھانا کے 2 شہریوں کے خون کے نمونوں کو لیا گیا تھا کیونکہ ماہرین کو شبہ تھا کہ وہ ماربرگ وائرس کے شکار ہیں ان نمونوں کو سینیگال بھیجا گیا جہاں بیماری کی تصدیق ہوئی جبکہ یہ پہلی بار ہے جب مغربی افریقی ملک میں ایبولا جیسی اس بیماری کو دریافت کیا گیا ہے۔
کورونا وائرس چین سے نہیں بلکہ امریکی لیبارٹری سے لیک ہوا،امریکی پروفیسر کا انکشاف
ماربرگ وائرس سے متاثر افراد کے لیے کوئی علاج یا ویکسین دستیاب نہیں اور یہ بیماری ایبولا جتنی ہی جان لیوا ثابت ہوتی ہے تیز بخار اور جسم کے مختلف حصوں سے خون کا اخراج اس بیماری کی علامات ہیں اولین کیسز کی تصدیق کے بعد مریضوں کے رابطے میں رہنے والے 98 افراد کو قرنطینہ میں رکھا گیا ہے۔
موڈرنا ویکسین کے استعمال سے دل کے ورم کا خطرہ رہتا ہے:ماہرین صحت
ماربرگ وائرس جانوروں بشمول چمگادڑ سے انسانوں میں پھیلتا ہے اور اب تک افریقا میں انگولا، کینیا، جنوبی افریقا، جمہوریہ کانگو اور یوگنڈا میں اس کے کیسز کی تصدیق ہوئی ہے اس کے شکار افراد میں اموات کی شرح 24 سے 88 فیصد ہوتی ہے، جس کا انحصار وائرس کی قسم پر ہوتا ہےیہ بیماری وائرس کے اسی خاندان سے تعلق رکھتی ہے جس کا وائرس ایبولا کا سبب بنتا ہے اور یہ ایک مہلک اور انتہائی متعدی بیماری ہے-