Tag: ماسکو

ماسکو کے شیرمےتیوو انٹرنیشنل ایئرپورٹ پر ایک انتہائی افسوسناک واقعہ پیش آیا، جس میں تقریباً دو سالہ ایرانی بچے کو بیلاروسی مسافر نے براہِ راست فلور پر پھینک دیا، جس کے فوری بعد بچہ کوما میں چلا گیا۔

واقعہ بچے کے والدین اور حاملہ والدہ کے ساتھ ایران سے فرار کے بعد ہوا، جو افغانستان کے راستے ماسکو پہنچے تھے
۔ تحقیق کے مطابق ملزم، 31 سالہ ولادیمر ویٹکوو، نشہ کے زیرِ اثر تھا؛ اس کے خون سے کینابیس کے آثار ملے اور اس کی حاملگی میں بھی دیگر منشیات پائی گئیں ۔ سی سی ٹی وی فوٹیج میں دیکھا گیا کہ ملزم بغیر کسی провocation کے بچے کے قریب آیا، اسے اٹھایا اور سر کے بل مضبوطی سے فرش پر پھینک دیا—جس سے بچہ شدید سر اور ریڑھ کی چوٹوں کا شکار ہوا ۔

بچے کی حالت تشویشناک بتائی جاتی ہے؛ وہ ابھی کوما میں ہے، جبکہ ملزم کو پولیس نے موقع پر ہی گرفتار کر لیا . روسی تحقیقاتی حکام نے ممکنہ طور پر اس کی نیت بد نیتی پر مبنی ہو سکتی ہے—جس میں نسلی نفرت و ذہنی بے ترتیبی کو بھی زیرِ غور لایا جا رہا ہے ۔

ماسکو بچوں کی تنظیم نے اس کو "drug-addled monster” قرار دیا اور ملزم کو سخت سزا دینے کا مطالبہ کیا .تجزیہ کاروں کے مطابق یہ واقعہ نہ صرف انسانی جان کی حفاظت کے حوالے سے سنگین سوال کھڑے کرتا ہے بلکہ ہوائی اڈوں پر سیکیورٹی، نفسیاتی جانچ اور مخصوص حساس گروپوں (خصوصاً جنگ سے فرار بچوں) کے تحفظ کے لیے اقدامات میں اصلاحات کی ضروت پر بھی روشنی ڈالتا ہے۔

ماسکو: یوکرین نے منگل کی صبح روسی دارالحکومت ماسکو پر سب سے بڑا ڈرون حملہ کیا، جس کے نتیجے میں کم از کم ایک شخص ہلاک اور کئی زخمی ہو گئے-

باغی ٹی وی: روسی حکام کے مطابق یوکرین کی جانب سے 337 ڈرونز داغے گئے جن میں سے 91 ڈرونز ماسکو ریجن کو نشانہ بنانے کے لیے بھیجے گئےماسکو کے میئر سرگئی سوبیانین نے تصدیق کی کہ یہ اب تک کا سب سے بڑا یوکرینی حملہ تھا ماسکو ریجن کے گورنر آندرے وروبیوو کے مطابق، حملے کے نتیجے میں ایک شہری ہلاک جبکہ تین زخمی ہو گئے۔

حملے کے بعد روسی حکام نے ماسکو کے چاروں بڑے ایئرپورٹس پر پروازیں معطل کر دیں جبکہ یروسلاول اور نزنی نووگورود کے ایئرپورٹس کو بھی عارضی طور پر بند کر دیا گیا رامینسکوئے ضلع میں سات سے زائد رہائشی اپارٹمنٹس کو نقصان پہنچا، جہاں سے لوگوں کو فوری طور پر محفوظ مقامات پر منتقل کر دیا گیا اسی دوران، دومودیدوو ضلع میں ایک ریلوے اسٹیشن بھی حملے کی زد میں آیا، جہاں متعدد ٹرینیں تاخیر کا شکار ہوئیں، بیلگوروڈ اور ریازان کے علاقوں میں بھی حملے کی اطلاعات موصول ہوئیں، جس کی وجہ سے کئی علاقوں میں بجلی کی سپلائی منقطع ہو گئی۔

معروف کورین پاپ اسٹار اپنے کمرے میں مردہ پائے گئے

یوکرین کی حکومت نے ان حملوں کو روس کی جنگی حکمتِ عملی پر جوابی کارروائی قرار دیا، جبکہ روسی وزارتِ خارجہ کی ترجمان ماریا زاخارووا نے دعویٰ کیا کہ یہ حملہ او ایس سی ای کے سیکرٹری جنرل کے دورہ ماسکو سے عین قبل کیا گیا۔

یہ حملہ ایک ایسے وقت میں ہوا ہے جب سعودی عرب میں امریکی اور یوکرینی وفود کے درمیان امن مذاکرات ہو رہے ہیں تجزیہ کارو ں کا کہنا ہےکہ یہ حملے روس اور یوکرین کےدرمیان بڑھتی ہوئی کشیدگی کی عکاسی کرتے ہیں اور دونوں ممالک کے درمیان جنگ کے مزید شدت اختیار کرنے کا خدشہ پیدا ہو گیا ہے۔

نادیہ حسین کی شوہر کی گرفتار ی کے بعد سوشل میڈیا پر مبہم پوسٹ

ماسکو کے ریازان اسکو پروسپیکٹ پر ایک دھماکہ ہوا جس کے نتیجے میں دو افراد کی ہلاکت کی اطلاع ملی ہے۔ روسی ٹیلی گرام چینلز کے مطابق یہ واقعہ صبح 6:11 بجے پیش آیا۔

گواہوں کے مطابق، دھماکے سے کچھ گھنٹے پہلے ایک نامعلوم شخص نے ایک الیکٹرک سکوٹر عمارت کے داخلی دروازے کے قریب پارک کیا تھا جس کے ہینڈل پر ایک نامعلوم مواد سے بنا ہینڈ میڈ بم (آئی ای ڈی) موجود تھا۔ دھماکے کے نتیجے میں دو افراد ہلاک ہو گئے، جن میں روسی فوج کے ریڈی ایشن، کیمیکل اور بایولوجیکل ڈیفنس فورسز کے سربراہ لیفٹیننٹ جنرل ایگور کرئیلوف بھی شامل ہیں۔ دوسری ہلاکت ان کے معاون کی ہو سکتی ہے۔مقامی ٹیلی گرام چینلز کے مطابق، دھماکے نے عمارت کے داخلی دروازوں کو اڑایا اور کھڑکیاں ٹوٹ گئیں۔ جنرل کی سرکاری گاڑی بھی اس دھماکے میں تباہ ہو گئی۔

ابتدائی تحقیقات کے مطابق، یہ دھماکہ دور سے ریموٹ کنٹرول کے ذریعے کیا گیا تھا۔ یہ بھی امکان ظاہر کیا جا رہا ہے کہ بمبار یا ان کے معاونین دھماکے کے مقام سے دور تھے اور شاید انہوں نے عمارت کے داخلی کیمرے تک رسائی حاصل کی، جو بہت سے رہائشیوں کے لیے دستیاب ہیں۔روس کے ٹیلی گرام چینل "ماش” کی رپورٹ کے مطابق، دھماکے میں مارے جانے والے دوسرے شخص کی شناخت لیفٹیننٹ جنرل کے ڈرائیور کے طور پر کی گئی ہے۔ رپورٹ کے مطابق، وہ صبح 6 بجے جنرل کو لینے آیا تھا تاکہ انہیں کام پر لے جا سکے۔

رشوت لینے کے الزم میں پولیس کانسٹیبل گرفتار

فی الحال، بم ڈسپوزل ماہرین ریازان اسکو پروسپیکٹ پر واقع عمارت کے ارد گرد کی علاقے کا معائنہ کر رہے ہیں۔ سکوٹر، جس پر آئی ای ڈی منسلک تھا، کو فرانزک معائنہ کے لیے بھیجا جائے گا۔اس واقعے نے ماسکو میں سیکیورٹی خدشات کو مزید بڑھا دیا ہے اور اس دھماکے کی نوعیت پر سوالات اٹھا دیے ہیں کہ آیا یہ حملہ کسی مخصوص مقصد کے تحت کیا گیا تھا یا یہ ایک وسیع تر دہشت گردانہ کارروائی کا حصہ تھا۔

شانگلہ: چکیسر میں پولیس چوکی پر دہشتگردوں کا حملہ، 2 اہلکار شہید

ماسکو: روس کے دارالحکومت کے کنسرٹ ہال میں حملے کے دوران 100 سے زائد افراد کو باحفاظت نکالنے والے 15 سالہ اسلام خلیلوف کی ویڈیو سوشل میڈیا پر وائرل ہو رہی ہے۔

باغی ٹی وی : غیر ملکی میڈیا کے مطابق جمعے کے روز 4 حملہ آوروں نے روس کے ایک کنسرٹ ہال میں گھس کر اندھا دھند فائرنگ کردی تھی جس کے نتیجے میں 143 افراد ہلاک اور 180 سے زائد زخمی ہوگئے تھے،جس وقت حملہ آور لوگوں پر گولیاں برسا رہے تھے تو کراکس ہال میں لانڈری میں جز وقتی نوکری کرنے والے 15 سالہ طالب علم اسلام خلیلوف نے 100 سے زائد افراد کو حملہ آوروں سے بچایا۔

اسلام خلیلوف نے اپنی جان کی پروا نہ کرتے ہوئے شہریوں کو نہ صرف ہال کے ہنگامی اخراج کا راستہ بتایا بلکہ خود ان کو لے کر باہر لے جاتا رہا اور ایسا کئی بار کیا۔ جس سے 100 سے زائد افراد کی جان محفوظ رہی، اسلام خلیلوف نے میڈیا کو بتایا کہ میں نے کسی بھی ہنگامی صورتحال سے بچاؤ کی تربیت لے رکھی تھی اور میرے ذہن میں بس یہی تھا کہ زیادہ سے زیادہ افراد کی مدد کرسکوں۔

غزہ میں جنگ بندی کیلئے سکیورٹی کونسل کی قرارداد خوش آئند ہے،وزیراعظم شہباز شریف

دوسری جانب روس کے صدر نے ماسکو میں کنسرٹ حملے کا ذمہ دار مسلمان انتہا پسندوں کو قرار دے دیا،سوشل میڈیا پر جاری بیان میں روس کے صدر ولادیمیر پوٹن نے کہا کہ ماسکو میں کنسرٹ ہال پر حملے کے ذمے دار مسلمان انتہا پسند ہیں، یہ پتا لگانا ابھی باقی ہے کہ حملے کا حکم کس نے دیا تاہم یہ بات واضح ہے کہ اس قتل عام میں یوکرین کا کردار ہے، مسلمان انتہاپسندوں نے اس نظریے کے تحت یہ حملہ کیا جس کے زیر اثر مسلم دنیا نے صدیوں تک جنگیں لڑیں،تاہم سوال یہ پیدا ہوتا ہے کہ اس حملے سے کس کو فائدہ پہنچااس ہولناک حملے کا مقصد عوام میں خوف اور افراتفری پھیلانا اور یوکرین کے عوام کو یہ دکھانا تھا کہ یوکرین کی حکومت سب کچھ نہیں ہاری ہے۔

ماسکو حملے میں گرفتار چار حملہ آور عدالت میں پیش، ملزمان کا اعتراف جرم

دہشتگردوں نے حملے کے بعد یوکرین کی طرف بھاگنے کی کوشش کی تھی،روسی صدر

ماسکو : گذشتہ جمعہ کو روس کے دارالحکومت ماسکو کے قریب ایک کنسرٹ ہال کو نشانہ بنانے والے حملے سے متعلق نئی پیش رفت میں چار گرفتار ملزمان جرم کا اعتراف کیا ہے-

باغی ٹی وی: ماسکو کے کنسرٹ ہال پر حملے میں دو سو کے قریب لوگ ہلاک ہو گئے تھے اور اس حملے کی ذمہ داری شدت پسند تنظیم ’داعش‘ نے قبول کی تھی، اس حملے میں ملوث چار ملزمان کو گرفتار کیا گیا ہے اور ان کی شناخت سامنے آئی ہے-

ماسکو سٹی کورٹ کی پریس سروس کے مطابق گرفتار ملزمان میں پہلے ملزم کا نام دلیر دزون مرزویف اور اس کی عمر 32 سال ہے جو تاجکستان کا شہری ہے، اس کے چار نابالغ بچے ہیں، اس نے روسی دارالحکومت پر ہونے والے خونریز حملے میں اپنے خلاف تمام الزامات کا اعتراف کر لیا،مرزویف کے پاس روس کے نووسیبرسک میں تین ماہ کے لیے عارضی رہائش کاویزہ تھا۔

دہشت گرد حملہ کیس کا دوسرا ملزم 30 سالہ سید اکرامی مراد ہے جو 1994 میں پیدا ہوا تھا، اس نے ایک مترجم کے ذریعے عدالت میں بات کی، دہشت گرد حملہ کیس کا تیسرا ملزم فریدونی شمس الدین ہے جو 1998ء میں تاجکستان میں پیدا ہوااور اس ملک کا شہری ہے۔ اس کا ایک آٹھ ماہ کا بچہ ہے۔ فریدونی روس میں ایک فیکٹری میں کام کرتا تھا، جبکہ چوتھے ملزم کی شناخت 19 سالہ محمد صبیر کے نام سے کی گئی ہے جسے وہیل چیئر پر عدالت پہنچایا گیا، ان سب کا تعلق تاجکستان سے ہے۔

روسی سیکیورٹی فورسز نے چاروں ملزمان کو آج عدالت میں پیش کردیا جن میں سے 3 پر فرد جرم عائد کرکے چاروں کو 22 مئی تک پولیس کی کسٹڈی میں دے دیا گیا ان ملزمان کو عمر قید کی سزا ہوسکتی ہے۔

قبل ازیں حملے کے فوری بعد سب سے پہلے امریکا نے حملوں کا ذمہ دار داعش خراسان کو ٹھہراتے ہوئے دعویٰ کیا تھا کہ 2 ہفتوں قبل ہی روس کو اس حملے سے آگاہ کردیا تھا، داعش نے بھی حملے کی ذمہ داری تسلیم کرتے ہوئے اپنے سوشل میڈیا اکاؤنٹ پر چاروں نقاب پوش حملہ آورں کی تصاویر اور حملے کی ویڈیو بھی جاری کی تھیں۔

اس کے برعکس روس نے امریکا اور پھر داعش کے ان دعوے پر کوئی تبصرہ نہیں کیا تھا بلکہ صدر ولادیمیر پوٹن نے بتایا تھا کہ حملہ آور یوکرین فرار ہونے کی کوشش کے دوران عین اُس وقت پکڑے گئے جب وہ سرحد پار کر رہے تھے،جبکہ دوسری جانب یوکرین نے حملہ آروں کے یوکرین فرار ہونے یا کسی بھی طرح ملوث ہونے کے روسی الزامات کو مضحکہ خیز اور بالکل بے بنیاد قرار دیتے ہوئے مسترد کر دیا۔

امریکا نے جس داعش خراسان کو حملے کا ذمہ دار ٹھہرایا ہے وہ افغانستان، پاکستان، ترکمانستان، تاجکستان، ازبکستان اور ایران میں اپنی خلافت قائم کرنا چاہتی ہے،نیو یارک میں مقیم انسداد دہشت گردی کے تجزیہ کار کولن کلارک نے نیویارک ٹائمز سے گفتگو کرتے ہوئے کہا کہ داعش خراسان گزشتہ 2 برسوں سے روس پر کارروائی کی منصوبہ بندی کر رہی تھی داعش افغانستان، چیچنیا اور شام میں روسی فوجیوں کی کارروائی سے ناراض ہے اور صدر ولادیمیر پوتن پر مسلمانوں کا خون بہانے کا الزام عائد کرتی ہے۔

ماسکو: روسی صدر نے کل ملک میں یوم سوگ منانے کا اعلان کیا ہے۔

باغی ٹی وی : قوم سے خطاب میں روسی صدر ولادیمیر پیوٹن کا کہنا ہے کہ ماسکو کانسرٹ کے تمام حملہ آوروں کو تلاش کر کے پکڑ لیا ہے، حملہ آوروں نے حملے کے بعد یوکرین کی طرف بھاگنے کی کوشش کی تھی، تمام ذمہ داروں کو سخت سزا دی جائے گی۔ جس نے حملے کا حکم دیا اسے بھی سزا دی جائے گی۔

روسی صدرپیوٹن نے کہا کہ کانسرٹ ہال حملے کے متاثرین سے گہری ہمدردی ہے، حملے کے بعد امدادی کارروائیوں پر ایمرجنسی سروسز، اسپیشل سروسز کے شکر گزار ہیں، حملے کے بعد سکیورٹی سخت کر دی گئی ہے، ہمارے دشمن ہمیں منقسم نہیں کر سکتے۔

واضح رہے کہ روسی دارالحکومت ماسکو کے قریب کانسرٹ ہال میں دہشتگرد حملے سے ہلاک افراد کی تعداد 143ہوگئی ہے، گزشتہ شام کارکس سٹی ہال میں فائرنگ اور دھماکے سے 100سے زائد افراد زخمی بھی ہوئے تھے، کارکس سٹی ہال حملے کی ذمہ داری عالمی دہشتگرد تنظیم داعش نے قبول کی۔

وزیراعظم پاکستان شہباز شریف نے ماسکو میں کانسرٹ ہال میں فائرنگ کے واقعے کی مذمت کرتے ہوئے قیمتی جانوں کے ضیاع پر دکھ اور افسوس کااظہار کیا اور کہا کہ مشکل وقت میں پاکستان روس کے ساتھ کھڑا ہے،جبکہ چین کے صدر شی جن پنگ نے روسی صدر ولادیمیر پیوٹن سے اظہار افسوس کرتے ہوئے کہا ہے کہ چین ہر قسم کی دہشتگردی کی مذمت کرتا ہے، چین قومی سلامتی اور استحکام کیلئے روس کی کوششوں کی حمایت کرتا ہے۔

وائٹ ہاؤس کے مشیر برائے قومی سلامتی جان کربی نے روس میں ہونے والے حملے کی مذمت کرتے ہوئے کہا کہ ابتدائی معلومات کے مطابق واقعے میں یوکرین ملوث نہیں ہے ماسکو میں امریکی سفارتخانے نے 8 مارچ کو امریکی شہریوں کو ممکنہ دہشتگردی سے خبردار کرتے ہوئے مجمع میں جانے سے گریز کرنے کی ہدایات بھی جاری کی تھیں۔

روس کی وزارت خارجہ کی ترجمان ماریا زخاروا نے دہشت گردی میں یوکرین کے ملوث نہ ہونے سے متعلق امریکی ردعمل پر تشویش ظاہر کرتے ہوئے کہا کہ واشنگٹن نے حملے کے دوران ہی آخر کس بنیاد پر یہ نتیجہ اخذ کرلیا کہ دہشت گرد حملے میں کوئی دوسرا ملوث ہے؟

روس کے صدارتی آفس کریملن کی جانب سے بتایا گیا ہے کہ کانسرٹ ہال حملے میں اب تک 11 افراد گرفتار کیے جا چکے ہیں۔

روسی میڈیا کے مطابق دو مشتبہ افراد کو یوکرین کی سرحد کے قریب سے حراست میں لیا گیا تاہم روسی حکام کی جانب سے اس حوالے سے کوئی بیان سامنے نہیں آیا ہے،تین دہشتگردوں نے لوگوں سے بھرے ہوئے کراکس سٹی ہال میں گھس کر اندھا دھند فائرنگ کی اور بم پھینکے، دھماکے سے کانسرٹ ہال کی چھت کا ایک حصہ گر گیا اور کئی افراد ملبے تلے دب گئے، دھماکے سے کنسرٹ ہال کی عمارت میں آگ بھی لگ گئی۔

روس کے دارالحکومت ماسکو میں دہشت گردانہ حملہ ہوا ہے،حملے میں کم از کم 60 افراد ہلاک اور سو سے زائد زخمی ہو گئے ہیں

جنگی وردیوں میں ملبوس پانچ بندوق برداروں نے کنسرٹ ہال پر فائرنگ کر دی،مسلح افراد کنسرٹ ہال میں گھسے اور اندھا دھند فائرنگ کی، فائرنگ کے بعد بھگدڑ مچ گئی، فائرنگ کے واقعہ کے بعد عمارت کے کچھ حصوں میں آگ لگی ہے ، سیکورٹی اداروں نے ایک حملہ آور کو پکڑنے کا دعویٰ کیا ہے،

22 مارچ کی شب اس ہال میں ’پِکنِک‘ نامی بینڈ کا کنسرٹ جاری تھا جب کیموفلاج لباس پہنے مسلح افراد نے فائرنگ شروع کر دی۔روس میں امریکی سفارت خانے نے سات مارچ کو روس میں ممکنہ دہشت گرد حملے سے متعلق انتباہ جاری کیا تھا۔

روسی میڈیا کے مطابق حملہ آوروں نے جنگی لباس پہن رکھا تھا وہ ہال میں گھسے اور فائرنگ کھول دی،حملہ آوروں نے دھماکا خیز مواد بھی استعمال کی جس کے باعث زور دار دھماکا ہوا اور بڑے پیمانے پر آگ لگ گئی،پولیس نے موقع پر پہنچ کر ہال میں موجود لوگوں کو نکال رہی ہے

ماسکو حملے پر پاکستان کی جانب سے مذمت کی گئی ہے، ترجمان دفتر خارجہ کاکہنا ہے کہ ہم ماسکو کے ایک کنسرٹ ہال میں ہونے والے ہولناک حملے کی شدید مذمت کرتے ہیں۔ ہم متاثرین کے اہل خانہ کے ساتھ اپنی گہری ہمدردی کا اظہار کرتے ہیں۔ اس مشکل گھڑی میں ہم روسی فیڈریشن کے عوام اور حکومت کے ساتھ کھڑے ہیں۔

ہ واقعہ رات آٹھ بجے کے قریب پیش آیا جب ہال لوگوں سے بھرا ہوا تھا، حملے کے وقت عمارت میں 6000 سے زائد افراد موجود تھے، ہلاکتوں کی تعداد میں اضافے کا امکان ہے،روسی میڈیا کے مطابق دہشتگردی کے بعد ماسکو سمیت مختلف علاقوں میں تقریبات منسوخ کردی گئی ہیں

روس کی وزارت خارجہ کی ترجمان ماریا زخاروا کا کہنا ہے کہ اس دہشتگردی میں جو بھی ملوث ہو، اقوام متحدہ، اسکا سیکریٹریٹ، سیکریٹری جنرل اور تمام رکن ممالک پر لازم ہے کہ وہ اس خونی دہشتگردی کی غیرمشروط مذمت کریں،اقوام متحدہ سیکریٹری جنرل کے دفتر کی جانب سے جاری اس بیان نے کئی سوالات اٹھائے ہیں کہ جس میں فائرنگ کے واقعہ پر صرف افسوس کا اظہار کیا گیا ہے

ماسکو دہشت گردانہ حملہ، داعش نے ذمہ داری قبول کر لی
امریکی میڈیا نے دعویٰ کیا ہے کہ روس کے دارالحکومت ماسکو میں حملے کی ذمے داری داعش نے قبول کرلی ہے،ماسکو میں دہشت گردانہ حملے میں 60 سے زائد شہریوں کی موت ہو چکی ہے، دہشتگرد تنظیم داعش نے سماجی رابطوں کی ایپلی کیشن ٹیلی گرام پر اپنے چینل پر ماسکو کے نواحی علاقے کراکس کے سٹی ہال پر دہشتگرد حملے کی ذمہ داری قبول کی ہے،

روسی حکام کے مطابق دہشت گردی کے اس واقعہ میں زخمی 115میں سے 60 افراد کی حالت نازک ہے، جبکہ تینوں حملہ آور مبینہ طورپر سفید گاڑی میں فرار ہوگئے ہیں،کراکس سٹی ہال پر دہشتگرد حملے کے بعد ماسکو سمیت مختلف علاقوں میں عوامی تقریبات منسوخ کردی گئی ہیں،

ماسکو: ایرانی صدر ابراہیم رئیسی جمعرات کو سرکاری دورے پر ماسکو پہنچ گئے۔

باغی ٹی وی :ایرانی صدر ابراہیم رئیسی نے روسی ہم منصب ولادیمیر پیوٹن سے ملاقات کی اور توقع ہے کہ وہ اقتصادی تعلقات اور اسرائیل-غزہ جنگ سمیت دیگر موضوعات پر بات چیت کریں گے، روسی خبررساں ادارے رشیا ٹوڈے نیوز چینل نے مسٹر رئیسی کے اپنے صدارتی طیارے، معراج ایئرویز A340 سے اترتے ہوئے فوٹیج نشر کی۔

ایران کے خبررساں ادارے ارنا کے مطابق ایران کے صدر کے اس ایک روزہ دورے میں دوطرفہ امور پر مشاورت بشمول اقتصادی تعاملات کے ساتھ ساتھ علاقائی اور بین الاقوامی مسائل بالخصوص مسئلہ فلسطین اور غزہ کی پیش رفت پر بات چیت ہمارے ملک کے صدر کے اہم ایجنڈے میں ہوگی۔

رئیسی کریملن میں روسی صدر ولادیمیر پوٹن کے ساتھ ون آن ون ملاقات کر رہے ہیں۔ کریملن کے ترجمان دمتری پیسکوف نے صحافیوں کو بتایا کہ دونوں سربراہان مملکت پریس کو کوئی بیان نہیں دیں گے۔

جمعرات کو ماسکو روانگی سے قبل تہران میں صحافیوں سے بات کرتے ہوئے رئیسی نے کہا کہ ان کا ایک روزہ دورہ غزہ کی پٹی میں لڑائی کو روکنے، محصور علاقوں میں انسانی امداد کی فراہمی کو یقینی بنانے اور فلسطینیوں کے جائز حقوق کے تحفظ پر توجہ مرکوز کرے گا،انہوں نے کہا کہ وہ مختلف شعبوں میں روس ایران تعلقات کو آگے بڑھانے کے طریقوں پر بھی بات کریں گے۔

ایرانی سرکاری میڈیا کے مطابق، دونوں رہنماؤں نے آخری بار 16 اکتوبر کو فون پر بات کی تھی، جب انہوں نے غزہ میں جنگ کے بارے میں تشویش کا اظہار کیا تھا،انہوں نے گزشتہ سال سمرقند، ازبکستان میں شنگھائی تعاون تنظیم کے سربراہی اجلاس کے موقع پر ذاتی طور پر ملاقات کی۔

روس اور ایران شام میں صدر بشار الاسد کی حمایت سمیت کئی معاملات پر اتحادی ہیں اور دونوں کو مغربی اقتصادی پابندیوں کا نشانہ بنایا گیا ہےفروری 2022 میں یوکرین پر روس کے حملے کے بعد سے، دونوں ممالک کے درمیان دفاعی تعلقات مضبوط ہوئے ہیں، اور ایران نے روسی فوج کو سینکڑوں ڈرونز کے ساتھ ساتھ توپ خانے کا گولہ بارود بھی فراہم کیا ہے۔

امریکہ نے کہا ہے کہ اسے دونوں ریاستوں کے درمیان "بڑھتی ہوئی دفاعی شراکت داری” پر تشویش ہےایران اور روس دونوں تیل پیدا کرنے والے ممالک کی تنظیم اوپیک+ کے رکن ہیں جو تیل کی پیداوار کی سطح کو مربوط کرنے کے لیے کام کرتا ہے۔

ایران بھی ان چھ ممالک میں سے ایک ہے جنہیں برکس اقتصادی بلاک میں شامل ہونے کی دعوت دی گئی ہے، جو کہ اصل میں برازیل، روس، بھارت، چین اور جنوبی افریقہ پر مشتمل تھا ارجنٹینا، مصر، ایتھوپیا، ایران، سعودی عرب اور متحدہ عرب امارات یکم جنوری 2024 کو باضابطہ طور پر شامل ہونے کے لیے تیار ہیں۔

واضح رہہے کہ مسٹر رئیسی کا دورہ مسٹر پیوٹن کے خلیج کے ایک روزہ دورے کے بعد ہوا ہے،روسی صدر بدھ کو سرکاری دورے پر متحدہ عرب امارات پہنچے تھے ابوظہبی کے قصر الوطن میں ایک سرکاری استقبالیہ میں صدر شیخ محمد نے ان کا استقبال کیا دونوں رہنماؤں نے غزہ، یوکرین اور Cop28 پر تبادلہ خیال کیا۔ دونوں نے دو ریاستی حل کی بنیاد پر اسرائیل-فلسطین میں دیرپا امن کی ضرورت پر زور دیا۔

مسٹر پیوٹن اس کے بعد اسی شام سعودی عرب گئے جہاں ولی عہد شہزادہ محمد بن سلمان نے ان کا استقبال کیا،پیوٹن نے شہزادہ محمد کو بتایا کہ "ہمارے دوستانہ تعلقات کی ترقی کو کوئی چیز نہیں روک سکتی، خطے میں کیا ہو رہا ہے اس کے بارے میں آپ کے ساتھ معلومات اور جائزوں کا تبادلہ کرنا ہم سب کے لیے بہت اہم ہے۔ روسی صدر نے کہا کہ ہماری ملاقات یقینی طور پر بروقت ہے۔

شہزادہ محمد نے ایک براہ راست ٹیلی ویژن نشریات کے دوران کہا کہ "مملکت اور روس مشرق وسطیٰ میں استحکام کے حصول کے لیے مل کر کام کر رہے ہیں،پیوٹن نے سعودی ولی عہد کو ماسکو کے دورے کی دعوت بھی دی۔

ماسکو: روس کا کہنا ہے کہ یوکرین نے ماسکو پرایک بار ڈرون حملے کرتے ہوئے ایک زیر تعمیر عمارت کو نشانہ بنایا ہے۔

باغی ٹی ی: برطانوی خبر رساں ادارے کے مطابق ماسکو میں ڈرون حملے میں زیر تعمیر بلڈنگ کو نشانہ بنایا گیا جس سے آس پاس موجود دو 5 منزلہ عمارتوں کو بھی نقصان پہنچا جس کے بعد علاقے میں ایمرجنسی نافذ کردی گئی،ما سکو کے دو مختلف ضلع موزہسک اور خمکی میں بھی ڈرون حملے کیے گئے جن کو ائیرڈیفنس نے تباہ کردیا۔

میڈیا رپورٹس کے مطابق ڈرون حملوں کے نتیجے میں کوئی جانی نقصان نہیں ہوا جب کہ روسی حکام کی جانب سے اسے کیف حکومت کی طرف سے دہشت گردانہ حملہ کرنے کی ایک اور کوشش کہا گیا ہے دوسری جانب روسی حدود میں ڈرون حملوں کے حوالے سے یوکرین کی جانب سے کوئی بیان جاری نہیں کیا گیا ہے۔

تاریخ کا بڑا ٹرانسپلانٹ،بانجھ خواتین کے لیے بچے پیدا کرنے کے امکانات کھل گئے

دوسری جانب بدھ کی صبح بھی ماسکو کے تمام ائیر پورٹس پر فضائی آپریشن بند رہا تاہم اب فلائٹس آپریشن کو بتدریج بحال کیا جارہا ہے-

واضح رہے کہ پیر کے روز ماسکو پر یوکرین کی جانب سے ڈرون حملہ کیا گیا جسے روس کے ائیرڈیفنس نے ناکام بنادیا تاہم ڈرون کا ملبہ گھر پر گرنے سے 2 افراد زخمی ہوگئے یوکرین کی جانب سے ڈرون حملے کے بعد ماسکو کے تین بڑے ائیرپورٹس پر ہر قسم کی پروازوں کی آمدورفت معطل کردی گئی ہے۔

امریکا کے چڑیا گھر میں نایاب زرافے کی پیدائش

حکام کے مطابق جن ائیرپورٹس کا فضائی آپریشن بند کیا گیا ہے ان میں Vnukovo Sheremetyevo اور Domodedovo کے ائیرپورٹس شامل ہیںشہر کے کسی بھی ائیرپورٹ پر کسی پرواز کو اترنے یا اڑان بھرنے کی اجازت نہیں ہے روس کی جانب سے پروازوں کا سلسلہ روکے جانے کی وجہ سے پیر کو ماسکو سے جانے والی 90 فلائٹس متاثر ہوئیں۔