Tag: ماہرہ خان

دا لیجنڈ آف مولا جٹ جس کا بے چینی سے انتظار کیا جا رہا تھا آخر کار وہ ریلیز ہو گئی ہے اور شائقین جوق در جوق سینما گھروں کا رخ کررہے ہیں تاکہ اپنے پسندیدہ سٹارز کی فلم کو دیکھ سکیں. فلم دیکھنے کے بعد شائقین بہت خوش دکھائی دے رہے ہیں اور ان کا کہنا ہےکہ ایسی فلم پہلے کبھی بھی پاکستان میں نہیں بنی. فلم دا لیجنڈ آف مولا جٹ کی کہانی بہت مضبوط ہے اور کاسٹ میں شامل تمام اداکاروں کی ایکٹنگ بہت اچھی ہے. حمزہ علی عباسی نے نوری نت کے کردار کو بہت اچھے نبھایا ہے. ایسا محسوس ہوتا ہے کہ حمزہ علی عباسی نے مصطفی قریشی کے کردار پر بہت زیادہ ریسرچ کی ہے. دوسری طرف مولا جٹ کے کردار میں فواد خان بھی خوب جچے ہیں، حمائمہ ملک نے دارو نتنی کا کردار کیا ہے اور اس

کردار کے ساتھ انہوں نے خوب انصاف کیا ہے. دا لیجنڈ آف مولا جٹ کے visuals اور ڈائیلاگ فلم کی جان ہیں. ناصر ادیب نے بہت اچھے طریقے سے فلم لکھی اور ڈائیلاگز بنائے ہیں. بلال لاشاری کی ڈائریکشن کی کیا بات کی جائے انہوں نے ایک ایسی لفم تیار کی ہے جو کسی بھی انٹرنیشنل معیار سے مطابقت رکھتی ہے. فلم میں‌سپیشل ایفیکیٹس کا بہت خوبصورتی سے استعمال کیا گیا ہے. مجموعی طور پر دا لیجنڈ‌ آف مولا جٹ شائقین کے لئے بلال لاشاری کی طرف سے تحفہ ہے.

اداکارہ ماہرہ خان جنہوں نے فلم مولا جٹ میں مکھو جٹی کا کردار کیا ہے وہ آج لاہور پہنچیں گی، فلم مولا جٹ کا پریمئیر لاہور میں آج رات ہوگا جس میں فلم کی مرکزی کاسٹ کے علاوہ شوبز کی نامور شخصیات بھی موجود ہوں گی. فلم مولا جٹ کا یہ پہلا پریمئیر ہے جو لاہور میں آج ہو نے جا رہا ہے. آئندہ کل فلم سینما گھروں کی زینت بننے جا رہی ہے. کراچی میں میڈیا اور شوبز کی چند شخصیات کے لئے فلم کی سپیشل سکریننگ کروائی گئی ، جس نے بھی فلم دیکھی ہے وہ تعریف کررہا ہے. پریمئیر میں میڈیا سے خاص صحافیوں‌کو بلوایا جا رہا ہے. جس طرح سے فلم کی پرموشن روایتی انداز سے نہیں کی گئی ویسے ہی فلم کے پریمئیر پر بھی میڈیا سے چند لوگوں‌کو بلوایا گیا ہے.

اب دیکھنا یہ ہے کہ پریمئیر پر شوبز کی کن شخصیات کو بلوایا گیا ہے. ماہرہ خان کراچی میں شوٹنگز میں مصروف ہیں وہ آج سہہ پہر تک لاہور پہنچیں گی اور شام کو پریمئیر میں شرکت کریں گی. یاد رہے کہ فلم مولاجٹ پاکستان کی ابھی تک کی سب سے بڑے بجٹ کے ساتھ بننے والی فلم ہے اور پہلی ایسی پنجابی فلم ہے جس میں روایتی پنجابی فلموں کا تڑکہ نہیں لگایا گیا ہے. فلم 13 اکتوبر کو سینما گھروں کی زینت بننے جا رہی ہے امید ہے کہ فلم اچھا بزنس کرنے کے ساتھ شائقین کو متاثر کرنے میں کامیاب رہے گی.

دا لیجنڈ آف مولا جٹ جو کہ 13 اکتوبر کو سینما گھروں میں ریلیز کی جا رہی ہے اس فلم کی پرموشنز آخری مراحل میں داخل ہو چکی ہیں. فواد خان نے کراچی میں اپنے حالیہ انٹرویو میں کہا ہے کہ فلم دا لیجنڈ آف مولا جٹ کو بنانے میں بہت وقت لگا ایک وقت تو ایسا آیا کہ لگا کہ جیسے فلم کا مکمل ہونا بہت دور ہے. ایسا لگ رہا تھا کہ جیسے اس فلم کو نظر لگ گئی ہے لہذا ہم نے بکروں کے صدقے دئیے. فواد خان نے اس انٹرویو میں‌یہ بھی کہا کہ مجھے بہت امید ہے کہ فلم پنجاب کے علاوہ سندھ کے سرکٹ میں بھی دھوم مچائے گی. جس طرح سے اس فلم کا انتظار ہو رہا

ہے یہ دیکھ کر نروسنیس بڑھ جاتی ہے. لیکن ہمیں اتنا یقین ضرور ہے کہ فلم لوگوں‌کو بہت پسند آئیگی. فواد خان نے اسی انٹرویو میں یہ بھی کہا کہ مولا جٹ کے کردار کے وزن بڑھا تو لیا تھا لیکن اس وزن کو کم کرنا آسان نہیں تھا صحت کے بہت سارے مسائل رہے، لیکن اب ایسا رسک کسی بھی کردار کے لئے میں نہیں‌لوں گا. یاد رہے کہ دا لیجنڈ آف مولا ھٹ 1979 میں ریلیز ہونے والی فلم مولا جٹ کا ری بوٹ ہے .شائقین فلم کا بے صبری سے انتظار کررہے ہیں.فلم 40 سے 45 کروڑ میں تیار کی گئی ہے.

دا لیجنڈ آف مولا جٹ کی پوری ٹیم پہنچ گئی ہے کراچی اور وہاں انہوں نے ایک پریس میٹ اپ رکھا۔ جس میں بلاگرز ، یوٹیوبرز اور چند ایک صھافیوں نے شرکت کی۔ پریس میٹ کے موقع پر ماہرہ خان ، فواد خان ، حمزہ علی عباسی ، عماعمہ ملک، ناصر ادیب اور بلال لاشاری و دیگر موجود تھے۔ پریس میٹ اپ میں کاسٹ اور ڈائریکٹر سے مختلف قسم کے سوالات پوچھے گئے۔ فلم کی ریلیز میں محض چار دن باقی ہیں لہذا پرموشنز کا سلسلہ تیز کر دیا گیا ہے۔ دا

لیجنڈ آف مولا جٹ کی ٹیم کہہ چکی ہے کہ وہ دوسروں کی طرح شاپنگ مالز میں نہیں جائیں گے ، فلم کی پرموشنز اپنے انداز سے کریں گے اور اب تو فلم کی ایگزیکٹیو پرڈیوسر عمارہ حکمت بھی کہہ چکی ہیں وہ سیلاب کی وجہ سے فلم کی پرموشن جس طرح سے ہوتی ہے اس طرح سے نہیں کریں گے۔ دا لیجنڈ آف مولا جٹ کی یہ پہلی پریس میٹ اپ ہے جو کراچی میں کی گئی ہے فلم کی ریلیز میں صرف چار دن باقی ہیں لیکن کراچی کے علاوہ کسی شہر میں ابھی تک پریس میٹ اپ نہیں رکھا گیا۔ یاد رہے کہ فلم تیراں اکتوبر کو ریلیز ہونے جا رہی ہے اور فلم کی ایڈوانس بکنگ کامیابی سے جاری ہے۔

سید نور جو کہ نئے کام کرنے والوں کی بہت زیادہ حوصلہ افزائی کرتے رہتے ہیں انہوں نے اپنے ایک حالیہ انٹرویو میں کہا ہے کہ میں اچھے سکرپٹ کا منتظر ہوں جیسے ہی مجھے اچھا سکرپٹ ملا میں نئے فنکاروں کے ساتھ کام کروں گا ۔ ایک سوال کے جواب میں سید نور نے کہا کہ ماہرہ خان اور فواد خان بہت اچھا کام کررہے ہیں اور عوام انہیں پسند بھی کرتی ہے میں ان کے ساتھ کام کرنا چاہتا ہوں میں کسی اچھے سکرپٹ کا منتظر ہوں جیسے میرے پاس اچھا سکرپٹ آیا میں ان کے پاس حاضر ہوجاﺅں گا۔ یہ دونوں ہمارے ملک کے بڑے سٹار ز ہیں عوام ان کو پسند کرتی

ہے۔ انہوں نے ابھی تک جتنا بھی کام کیا معیاری ہے اور سب سے بڑی اور اہم بات یہ ہے کہ عوام انہیں پسند کرتی ہے۔ ایک سوال کے جواب میں سید نور نے کہا کہ میں اس چکر میں نہیں پڑتا کہ فلمیں ڈرامہ لگتی ہیں یا نہیں ، جس فلم کو عوام پسند کرے وہ سپر ہٹ ہے بس اس پہ دوسری کوئی بات نہیں ہونی چاہیے۔ وقت بدل چکا ہے ہمیں لوگوں کے مزاج کے مطابق کام کرنا ہو گا۔ ہم نے اپنے دور کے حساب سے بہترین کام کیا اب جو وقت کے تقاضے ہیں ان کے مطابق کام کریں گے اس میں کوئی حرج بھی نہیں ہے۔

دا لیجنڈ آف مولا جٹ کا صرف پاکستان میں ہی نہیں پوری دنیا میں جہاں جہاں پنجابی سمجھنے والے لوگ ہیں منتظر ہیں.انتظار کی گھڑیاں ختم ہونے کو ہیں. فلم کی پوری ٹیم جم کر پرموشنز میں مصروف ہے. ماہرہ خان نے حال ہی میں ایک انٹرویو دیا ہے اس میں انہوں نے بتایا ہے کہ کس طرح سے انہیں شوٹنگ کے دوران مشکلات پیش آئیں. ماہرہ خان نے کہا کہ سخت سردیوں کا موسم تھا جب اس فلم کی شوٹنگ ہو رہی تھی اور میرے سینز شوٹ ہونے تھے. سردی کی شدت اتنی زیادہ تھی کہ میں اور فواد کانپ رہے ہوتے تھے اور ہمارے منہ سے بہت مشکل سے ڈائیلاگز

نکل رہے ہوتے تھے. سخت سردی کے موسم کی وجہ سے میں بیمار بھی پڑ گئی تھی میری خاصی طبیعت بھی خراب رہی لیکن کوئی ایک دن ایسا نہیں آیا کہ فلم کی شوٹنگ ہماری وجہ سے کینسل ہوئی ہو. ماہرہ خان نے کہا کہ موسم چاہے جتنا بھی سرد تھا ہمیں اپنا کام کرنا تھا اور ہم نے اپنا کام کیا. یاد رہے کہ ماہرہ خان اور فواد خان کو شائقین ایک دہائی کے بعد ایک ساتھ کسی پراجیکٹ میں دیکھ رہے ہیں. کہا جا رہا ہے کہ فلم پرانی فلم مولا جٹ کی ہو بہو نقل نہیں ہے کردار وہی ہیں لیکن فلم کی کہانی کو مختلف انداز میں بنایا گیا ہے.

فواد خان نے اپنے حالیہ انٹرویو میں بتایا ہے کہ دا لیجنڈ آف مولا جٹ میں جو گنڈاسہ استعمال کیا گیا ہے اس کا وزن چھ سے سات کلو تھا. انہوں نے کہا کہ گنڈاسہ چلانا آسان کام نہیں ہے اسے چلانا مکمل ایک فن ہے جو ہر کسی کو نہیں آتا. اس کو پکڑنے کا ایک خاص انداز ہے وہ انداز میں‌نے سیکھا. ہمیں گنڈاسے کو اٹھانا اور چلانا تھا لہذا اسکو اس طرح سے چلایا اور اٹھایا کہ ماڈرن بھی لگے. فواد خان نے کہاکہ اصلی گنڈاسہ اسلئے استعمال کرنا پڑا کیوںکہ

پلاسٹک کا گنڈاسہ ٹھیک نہیں لگ رہا تھا وہ ویسا تاثر نہیں دے رہا تھا جیسا ہمیں چاہیے تھا اس لئے فیصلہ کیا گیا کہ اصلی گنڈاسہ ہی استعمال کیا جائیگا. گنڈاسہ وزنی ہونے کی وجہ سے چلانا آسان نہ تھا لیکن ہم نے کوشش کی اور یہ کوشش کیسی رہی وہ آپ فلم دیکھ کر محسوس کر سکتے ہیں. یاد رہے کہ دا لیجنڈ آف مولا جٹ کو بننے اور پھر ریلیز ہونے میں‌ کافی سال لگے ہیں. فلم کی کہانی ، کردار ہر چیز پر بہت زیادہ کام کیا گیا ہے کرداروں کے گیٹ اپس پر بہت وقت لگا. بلال لاشاری ویسے بھی نوجوان نسل کے نمائندہ ڈائریکٹر ہیں اس لئے نوجوان نسل دا لیجنڈ آف مولا جٹ دیکھنے کےلئے بےتاب ہے.

جب سے پاکستان سیلاب کی زد میں آیا ہے ہر کوئی اپنے تائیں جتنا ہو سکے سیلاب زدگان کی مدد کر رہا ہے. اور آرٹسٹ برادری اس میں سب سے زیادہ بڑھ چڑھ کر حصہ لے رہی ہے . آرٹسٹ پوری دنیا میں جا کر فنڈز اکٹھے کررہے ہیں تاکہ ملک واپس آکر اپنے بہن بھائیوں کی مدد کر سکیں، چونکہ فنکاروں کے ساتھ گلمیر جڑا ہوتا ہے اس لئے اگر وہ کہیں سجے سنورے نظر آجائیں تو سوشل میڈیا پر ان کو ٹرول کیا جاتا ہے ایسا ہی ہورہا ہے کہ ہم ایوارڈز میں شرکت کرنے والے فنکاروں کے ساتھ. ماہرہ خان خاصی آئی ہوئی ہیں تنقید کی زد میں . ان پر ایک کالمسٹ نے تنقید کی جس پر ماہرہ نے انہیں کہا کہ آپ اپنا کام کریں میں اپنا کام کررہی ہوں میں بس دکھاوا نہیں کررہی اگر تصویر لگائوں گی تو کہہ دیا

جائیگا دکھاو کررہی ہے. ماہرہ خان کے اس ٹویٹ کے بعد اداکارہ و میزبان میرا سیٹھی نے دیا سوشل میڈیا پر ماہرہ خان کا ساتھ اور انہوں نے لکھا کہ ماہرہ میں آپ کے ساتھ ہوں ، میں جب بلوچستان میں امدادی کام کررہی تھی تو مجھے یہ ہوتا تھا کہ تصویر بنا کر لگائی تو لوگ کہیں گے دکھاوا کررہی ہے میں ڈر ڈر کر فوٹو شئیر کرتی تھی ، میں جانتی ہوں کہ ماہرہ خان ہوں یا دیگر فنکار سب سیلاب متاثرین کے لئے فنڈز اکٹھے کررہے ہیں ، فرق بس یہ ہے کہ فنکار اسکی تشہیر نہیں کرتے. یوں نجم سیٹی کی بیٹی میرا سیٹھی نے ماہرہ خان کا ساتھ دیکر ٹرول کرنے والوں کا منہ بند کیا.

ہم ایوارڈز کو ہوئے بھی ایک ہفتہ گزرنے کو ہے لیکن ان پر تنقید ختم ہونے کا نام ہی نہیں لے رہی. نہ ہی سٹارز کو بخشا جا رہا ہے. ماہرہ خان ہم ایوارڈز میں کالے رنگ کے جوڑے میں ملبوس تھیں اور کافی دلکش لگ رہی تھیں اس پر ڈان کی کالمسٹ رفیعہ زکریا نے لکھا کہ ” جانتے ہو کہ افسوسناک کیا ہے؟ پاکستانی ٹی وی ڈرامے کے ستارے ٹورنٹو کے مضافاتی علاقے کے کسی کونے میں چھوٹے سے ریڈ کارپٹ پر بین الاقوامی مشہور شخصیات ہونے کا بہانہ کر رہے ہیں۔ ان کے اس ٹویٹ کے حق میں اینکر پرسن مدیحہ مسعود نے لکھا کہ ”اس لباس کو ایک ہی تقریب کے لیے 4

مختلف رنگوں میں پہنا گیا نیلا، سرخ سبز اور سیاہ” اس پر رفیعہ زکریا نے لکھا کہ ”مجھے یقین ہے کہ ماہرہ چاروں کپڑے سیلاب زدگان کے لیے عطیہ کرے گی اور سب کچھ ٹھیک ہو جائے گا”. رفیعہ زکریا کی پوسٹ پر ماہرہ خان نے کرارہ جواب دیا اور کہا کہ میں اپنے حصے کا کام کررہی ہوں اور کرتی رہوں گی اگر آپ کی خوشی اس میں ہے کہ میں اس کام کے دوران تصاویر لوں تو ٹھیک ہے لے سکتی ہوں لیکن پھر یہ ایشو ہو گا کہ ہم دکھا وا کررہے ہیں اور پھر بھی کبھی نہ ختم ہونے والے غیر مہذب انداز میں تبصرے ہورتے رہیں گے لہذا آپ اپنا کام کرو میں اپنا کام کروں گی.

سپر سٹار فواد خان نے ایک مقامی چینل کو انٹرویو دیتے ہوئے کہا ہےکہ ان کی فلم دا لیجنڈ آف مولا جٹ لوگوں کے زہنوں پر نقش ہوجائیگی اور لوگ کافی برسوں تک اس فلم کو یاد رکھیں گے. انہوں نے کہا کہ دعوی کوئی نہیں لیکن یہ ضرور کہہ سکتا ہوں کہ جب تک فلم ختم نہیں ہوجائیگی شائقین اپنی سیٹوں سے نہیں اٹھیں گے. انہوں نے بتایا کہ انہوں نے جس گنڈاسے کو پکڑا وہ اتنا بھاری تھا کہ اٹھانا مشکل تھا اس گنڈاسے کو پکڑ کر ریہرسل کرنا ، سین اوکے کروانا ایکشن کرنا اتنا آسان نہ تھا. فواد خان نے اسی انٹرویو میں کہا کہ میں اپنی فلم کے بارے میں

دعوے کرنا پسند نہیں کرتا. فلم کیسی ہے یہ شائقین فیصلہ کریں گے میں اب شائقین کے ریویو کا منتظر ہوں. فواد خان نے مزید کہا کہ مجھے پنجابی بولنی نہیں آتی تھی لیکن فلم کےلئے سیکھی اور کیسی بولی ہے یہ آپ دیکھ کر مجھے بتائیے گا ہم نے تو جو کرنا تھا کر لیا اب آپ سب نے فیصلہ کرنا ہےکہ ہم نے کیسا کام کیا.ایک سوال کے جواب میں فواد خان نے کہا کہ فلم میں گانے نہیں ہیں ماسوائے ایک سپیشل سانگ کے. یاد رہے کہ فلم دا لیجنڈ آف مولا جٹ میں فواد خان ، حمزہ علی عباسی کے علاوہ ماہرہ خان عمائمہ ملک ، گوہر رشید و دیگر اہم کردار ادا کررہے ہیں.