Tag: ماہرہ خان

عید الاضحی کے موقع پر ریلیز ہونے والی فلم قائداعظم زندہ باد جس کا شائقین بے چینی سے انتظار کررہے ہیں اسکا پریس میٹ اپ آج لاہور میں‌ہوگا اس موقع پر فلم کی مرکزی کاسٹ کیساتھ ڈائریکٹر اور پرڈیوسر بھی ہوں گے. فلم قائداعظم زندہ باد کی پریس میٹ اور پریمئیرکے لئے اس وقت کاسٹ اور ڈائریکٹر پرڈیوسر لاہور پہنچ چکے ہیں. فلم کا پریمئیر پانچ جولائی کو لاہور میں‌ کیا جا رہا ہے. فلم جو کہ کامیڈی ایکشن ہے اس میں‌ فہد مصطفی پہلی بار ایکشن کرنے جا رہے ہیں انہوں‌ نے اس سےپہلے جتنی بھی فلمیں‌کی ہیں ان میں اس طرح‌کا ایکشن نہیں‌ہے جس طرح سے اس فلم میں انہوں نے کیا ہے.دوسری طرف ماہرہ خان اور فہد مصطفی پہلی بار

ایکساتھ نظر آرہے ہیں اس فلم کی لکھاری اور پرڈیوسر فضا علی کہتی ہیں کہ ہم جب فلم کی کہانی لکھ رہے تھے تو ہمارے ذہنوں میں‌پہلی چوائس ماہرہ خان اور فہد مصطفی ہی تھے خوش نصیبی سے انہوں نے ہاں بھی کردی.ماہرہ خان اپنی اس فلم کے ھوالے سے کہتی ہیں کہ کہانی سنتے ہی اتنی اچھی لگی کہ فورا ہاں کردی. قائداعظم زندہ باد کے ساتھ فلم لفنگے اور لندن نہیں‌ جائونگا ریلیز ہونے جا رہی ہیں.ان دونوں‌ فلموں‌ کی پرموش زور و شور سے جاری و ساری ہے.مقابلے کی اس فضا میں کونسی فلم کتنا شائقین کے دل کے تاروں کو چھوتی ہے اسکے لئے ہم سب کو کرنا پڑے گا عید کا انتظار.

شعیب منصور کی فلم ورنہ سے شہرت پانے والے ہارون شاہد نے حال ہی میں‌ کہا ہے کہ میں نے نوٹس کیا ہے کہ اس انڈسٹری میں نئے آنے والوں کی بجائے پرانے آرٹسٹ زیادہ عاجز ہیں ان کے رویوں میں زیادہ لچک ہے. نئے لوگ اپنی شرائط کے ساتھ آگے بڑھنا چاہتے ہیں. انہوں نے مثال دیتے ہوئے احسن خان کا نام لیا اور کہا کہ میں نے تو احسن خان کو لوئر سٹاف کے ساتھ بدتمیزی کرتے ہوئے نہیں دیکھا لیکن نئے لوگوں‌ کو ایسا ضرور کرتے دیکھا ہے حالانکہ

انکو یہ بھی نہیں پتہ ابھی کے انہوں نے خود کو اس انڈسٹری میں کیسے لیکر چلنا ہے. یوں ہارون شاہد نے کھل کر کیا انڈسٹری میں نئے آنے والوں کے ساتھ گلہ شکوہ. یاد رہے کہ ہارون شاہد ماضی قریب میں‌ ماہرہ خان کے ساتھ ڈرامہ سیریل ہم کہاں کے سچےتھے میں نظر آئے ہارون اس سے پہلے بھی ماہرہ خان کے ساتھ شعیب منصور کی فلم ورنہ میں‌ ہیرو کے طور پر نظر آچکے ہیں.ہارون شاہد ایک اچھے اداکار ضرور ہیں لیکن ابھی تک ان کا کوئی بھی ایسا کردار یا پراجیکٹ سامنے نہیں آ سکا کہ جس سے یہ ثابت ہو کہ یہ صف اول کے اداکاروں کی دوڑ میں شامل ہیں. ورنہ فلم کے بعد ابھی تک ہارون شاہد کسی ایک بھی فلم میں‌ نظر نہیں آئے،اب یہ تو ہارون شاہد ہی بتا سکتے ہیں کہ اصل وجہ کیا ہے ہم تو یہی کہہ سکتے ہیں‌کہ انہیں کسی فلمساز نے کاسٹ نہیں کیا یا خود ابھی فلم ان کی ترجیحات میں نہیں ہے.

نامور اداکارہ ماہرہ خان نے حال ہی میں ایک انٹرویو دیا ہے اس میں انہوں نے کہا کہ ہالی وڈ کی فلمیں ریلیز ہونے سے پاکستانی سینما کو بالکل بھی فرق نہیں‌ پڑتا بلکہ ہر طرح‌کی فلمیں ریلیز ہونی چاہیں تاکہ شائقین گھروں سے نکلیں اور اپنے اپنے مزاج کے مطابق فلمیں دیکھیں اور لطف اندوز ہوں. جتنی زیادہ موویز ہوں گی چاہے وہ پاکستانی ہوں یا ہالی وڈ کی، اتنا ہی شائقین کےلئے بہتر ہے وہ کم از کم سینما گھروں کا رخ تو کریں گے. انہوں نے مزید کہاکہ ہالی وڈ کی فلموں‌کی ریلیز سے پاکستانی فلموں کو کوئی خطرہ نہیں ہے.ماہرہ خان پر اکثر ان کے ساتھی تنقید کرتے نظر آتے ہیں جیسا کہ اداکار فردوس جمال نے

ان کو اداکاری کے حوالے سے آڑھے ہاتھوں لیا تھا اور ان کو ماں کے کردار کرنے کی تجویز دی تھی اسی طرح سے رائٹر خلیل الرحمان قمر بھی ماہرہ خان کی اداکاری پر اکثر سوال اٹھاتے نظر آتے ہیں اپنے لکھے ہوئے ڈراموں میں ماہرہ کو کام دینے پر خود کو کوستے رہتے ہیں ماہرہ خان کسی بھی تنقید کرنے والے کو جواب نہیں دیتیں، اس حوالے سے جب ماہرہ سے سوال ہوا تو انہوں نے کہا کہ ہر کسی کو تنقید کرنے کا حق ہے کریں تنقید لیکن سوشل میڈیا پر اپنی اصلی شناخت کے ساتھ ایسا کریں تو کوئی مسئلہ نہیں ہے لیکن جو اپنی شناخت تک ظاہر نہیں‌کرتے جب وہ ایسا کرتے ہیں تو عجیب ضرور لگتا ہے.

اداکارہ ماہرہ خان جنہوں نے ڈرامہ سیریل ہمسفر سے شہرت کی بلندیوں کو چھوا ان کی شہرت پاکستان سے نکل کر ہمسایہ ملک بھارت میں بھی پہنچی. یہاں تک کہ بالی وڈ کنگ کہلائے جانے والے شاہ رخ خان نے خود ان کو اپنے ساتھ فلم کرنے کی آفر کی اور ماہرہ خان نے رئیس نامی فلم کی بھی، ماہرہ خان کے کیرئیر اور زندگی کا یہ وہ موڑ تھا جس نے انہیں بڑی ہیروئین بنا دیا کیونکہ شاہ رخ خان کے ساتھ کام کرنا کوئی چھوٹی بات نہ تھی. ماہرہ خان کے کیرئیر پر نظر ڈالیں تو ان کی ایک آدھ فلم سپر ہٹ ہوئی اس کے علاوہ ان کی ہر دوسری فلم نے باکس آفس پر خاطر خواہ بزنس نہیں‌کیا دوسری طرف مہوش حیات کو دیکھیں تو

ان کی تقریبا سبہی فلموں نے اچھا بزنس کیا ان کی اب تک کی فلموں‌کا بزنس اگر کل ملا کر دیکھیں تو دو ارب کے قریب بنتا ہے اور ماہرہ خان کی اب تک کی تمام فلموں‌کا بزنس مشکل سے ایک ارب بھی نہیں بنتا.اس کے باوجود ماہرہ خان کو نمبر ون ہیروئین کہا جاتا ہے اور ان کو ہر دوسرے پراجیکٹ کا حصہ بنایا جاتا ہے. جتنے بھی بڑے بینرز ہیں وہ ماہرہ خان کو لیکر نہ صرف ڈرامہ،کمرشل ،فلم بنانے میں دلچپسی رکھتے ہیں بلکہ فلاپ فلمیں دینے کے باوجود وہ زیادہ چارج کرنے والے فنکاروں میں ماہرہ شامل ہیں. سمجھ سے بالا تر ہے کہ مہوش حیات جیسی اداکارہ جو باکس آفس کوئین ہے اس کی برابری میں فلاپ فلمیں دینے والی ماہرہ خان کو کھڑا کیوں کیا جاتا ہے.

اداکار فہد مصطفی کہتے ہیں کہ میں اپنے انسٹاگرام اورٹویٹر کے فالورز کواپنی فیملی کی طرح نہیں لیتا کیونکہ یہ وہ لوگ ہیں جو صرف آپ کے کام میں دلچپسی رکھتے ہیں لہذا ان کو زیادہ سیریس نہیں لیا جانا چاہیے۔فہد مصطفی نے مزید کہا کہ میں بہت زیادہ لوگوں پر انحصار نہیں کرتا نہ ہی ان سے زیادہ انٹریکشن کرتا ہوں۔ میں پبلک سے بہت زیادہ انٹریکشن کرکے ان کمفرٹیبل ہو جاتا ہوں۔ فہد مصطفی نے مزید کہا کہ میں اپنی زندگی کو پرائیویٹ رکھنا پسند کرتا ہوں اور چاہتا ہوں‌ کہ میری پرائیویسی کا بھی احترام کیا جائے.یوں فہد مصطفی نے بتا دیا ہے کہ وہ اپنے ٹویٹر یا انسٹاگرام فالورز کے بارے میں کیا سوچتے ہیں.

یاد رہے کہ فہد مصطفی کا شمار بہترین پرڈیوسرز اور میزبانوں میں ہوتا ہے اداکاری میں بھی انہوں نے اپنا آپ منوایا ہے.فہد نے جب سے فلموں کا رخ کیا ہے وہ ٹی وی ڈراموں میں کم کم نظر آتے ہیں. فہد آج کل اپنی فلم قائداعظم زندہ باد کی پرموشن میں‌مصروف ہیں اس سلسلے میں وہ میڈیا سے بھی میٹ اپ کررہے ہیں. عید الاضحی پر ریلیز ہونے والی اس فلم کا ٹریلر ریلیز ہو چکا ہے اور فلم کی پرموشن زوروں پر ہے.فضا علی مرزا اور نبیل کی اس فلم میں فہد مصطفی اور ماہرہ خان ایکساتھ پہلی بار دکھائی دیں گے.کہا جا رہا ہے کہ یہ فلم بھی فہد کی پچھلی فلموں‌ کی طرح کامیابی کے نئے ریکارڈز قائم کریگی.

خلیل الرحمان قمر جو ہر دوسرے دن کچھ نہ کچھ ایسا بول دیتے ہیں کہ جس کی وجہ سے سرخیوں میں آجاتے ہیں وہ جس کو پسند کرتے ہیں اس پر بھی کھل کر بات کرتے ہیں جس کو ناپسند کرتے ہیں اس پر بھی کھل کر بات کرتے ہیں اور اپنی کہی ہوئی بات سے پیچھے نہیں ہٹتے چاہے سوشل میڈیا پر انہیں کتنا ہی برا بھلا کیوں نہ کہا جا رہا ہو ۔خلیل الرحمان قمر جو کہ ماہر ہ خان کے لئے ڈرامہ سیریل صدقے تمہارے میں اہم کردار لکھ چکے ہیں اس حوالے سے ان کہنا ہے کہ مجھ سے بہت بڑی غلطی ہوئی جو ماہر ہ خان کو اس کردار کے لئے چوائس کئے جانے پہ رضامندی دی ۔بلکہ انہوں نے تو یہاں تک کہہ دیا

کہ ماہرہ خان کو اپنے کسی بھی ڈرامے میں کاسٹ کئے جانا گناہ سمجھتا ہوں اور یہ گناہ مجھے ہمیشہ ملامت کرتا رہے گا ۔ماہرہ خان عموما خود پر تنقید کرنے والوں پر نہیں بولتیں لیکن حال ہی میںجب ان سے ایک انٹرویو ہوا تو اس میں کسی سوال پر انہوں نے کہا کہ خلیل الرحمان قمر نے میری اداکاری دیکھی تو میری بہت تعریف کی تھی اور وہ تو میرے ساتھ مزید کام کرنے کے خواہشمند بھی تھے لیکن وہ چونکہ بولتے ہوئے احتیاط نہیں کرتے انہوں نے کچھ ایسی باتیں کیں میرے نہیں کسی اور خلاف تو پھر ایسا ممکن نہ ہو سکا ۔ماہرہ خان نے خلیل الرحمان قمر کے خلاف بات نہیں کی بلکہ انہوں نے بتایا کہ ان کا خلیل الرحمان کے ساتھ کام کرنے کا تجربہ بہت اچھا رہا اور وہ آج بھی پیچھے مڑ کر دیکھیں تو انہوں نے جو بھی کیا انہیں اچھا لگتا ہے۔

عثمان مختار کی ڈائریکشن میں بننے والی فلم ” گلابو رانی “ جولائی میں ریلیز کی جائیگی۔فلم کا ٹریلر جاری کر دیا گیا ہے،اس ٹریلر کو دیکھ کر یہ کہا جا سکتا ہے کہ فلم کی کہانی میں خاصا سسپنس ہے ،فلم میں ڈیڑھ سو سال پرانی یونیورسٹی اور اس کے ہاسٹل میں ہونے والے ناگہانی واقعات کو دکھایا گیا ہے ۔ گلابو رانی عثمان مختار کی باقاعدہ پہلی فیچر فلم ہے اس سے قبل انہوں نے شارٹ فلموں کی ہدایتکاری کی تھی ان کی شارٹ فلموں کی ہدایتکاری کو بھی کافی سراہا گیا تھا۔گلابو رانی کی کاسٹ میں معراج حق ، دانیال خاقان افضل ،عمر عبداللہ ،اسامہ جاوید حیدر ،نتاشا و دیگر قابل زکر ہیں اہم بات یہ ہے کہ عثمان مختار نے نئے لوگوں کوانکی صلاحیتیں دکھانے کا موقع دیا ہے ۔

یاد رہے کہ عثمان مختار اداکاری بھی کرتے ہیں ماضی قریب میںسپر سٹار ماہرہ خان کے ساتھ ان کا ڈرامہ ” ہم کہاں کے سچے تھے“ اختتام پذیر ہوا ڈرامے میں عثمان مختار کا کردار ایک ایسے الجھے ہوئے انسان کا تھا جو سچ اور جھوٹ میں فرق نہیں کر پاتا اور سمجھ نہیں پاتا کہ کس انسان پہ یقین کرنا چاہیے ۔ماہرہ خان کے ساتھ ان کی جوڑی کو کافی سراہا گیا تھا ۔عثمان مختار کہتے ہیں کہ انہیں کامیڈی کردار کرنے کا بہت شوق ہے لیکن ایسے کردار کم آفر ہوتے ہیں جس کی وجہ سے وہ ابھی تک صرف سنجیدہ کرداروں میں ہی نظر آرہے ہیں۔

فہد مصطفی شاہ رخ کی طرح ڈانس سٹیپس اٹھاتے ہیں :ماہرہ خان
پاکستان اور بھارت میں یکساں مقبول لاکھوں دلوں کی دھڑکن ماہرہ خان نے حال ہی میںایک تقریب میں کسی کے سوال کا جواب دیتے ہوئے کہا ہے کہ میں نے شاہ رخ خان کیساتھ کام کیا اور دیکھا کہ وہ ڈانس کی ریہرسل کے بغیر ڈانس کے سٹیپس ا س طر ح اٹھاتے ہیں کہ کوئی بھی حیران رہ جائے اور میں بھی حیران رہ جاتی تھی اور سوچتی تھی کہ بھئی ہم پانچ دن سے ریہرسل کررہے ہیں اور یہ آتے ہی ڈانس کرنا شروع ہو گئے ہیں اور بغیر ریہرسل کے اتنا زبردست ڈانس کررہے ہیں ۔ماہرہ خان نے کہا کہ اس طرح کی پریکٹس میں نے یہاں کسی کی نہیں دیکھی لیکن فہد مصطفی میں یہ چیز دیکھی اوران کا اس طرح کرنا مجھے شاہ رخ خان کی یاد دلاتا تھا ۔ماہرہ خان اور فہد مصطفی کی فلم ”قائداعظم زندہ باز“ عید الاضحی پر ریلیز کی جا رہی ہے اس میں دونوں پہلی بار ایک ساتھ نظر آرہے ہیں فلم کا ٹریلر لانچ ہو چکا ہے جو کہ کافی دلچپسپ ہے فلم سے کافی امیدیں کی جا رہی ہیں۔

یاد رہے کہ ماہرہ خان نے شاہ رخ خان کی فلم رئیس میں کام کیا تھا،شاہ رخ خان نے ماہرہ خان کا کام دیکھتے ہوئے انہیں اپنی فلم کی آفر کی جسے ماہرہ نے قبول کر لیا ۔رئیس میں ماہرہ خان کو شاہ رخ خان کے ساتھ ڈانس کرتے ہوئے دیکھا جا سکتا ہے۔ماہرہ اور شاہ رخ خان کی جوڑی کو کافی سراہا گیا تھا ۔

اداکار فہد مصطفی جن کی فلم ”قائداعظم زندہ باد“ عید الاضحی پر ریلیز ہو نے جا رہی ہے اس میںان کے ساتھ ماہرہ خان ہیں ۔گزشتہ روز جب اس فلم کا ٹریلر جاری کیا گیا تو اس موقع پر فہد مصطفی اور ماہرہ خان کا انٹرویو کیا گیا ۔فہد مصطفی نے وہاں موجود ایک صحافی کے سوال کا جواب دیتے ہوئے کہا کہ میں ماہرہ خان کا شکریہ ادا کرتا ہوں کہ انہوں نے میرے ساتھ کام کیا ہے یقینا وہ شاہ رخ خان کے ساتھ کام کرنے کے بعد میرے لئے کام کررہی ہیں (مسکراتے ہوئے) ۔اس پر اداکارہ ماہرہ خان ہنس پڑیں اور انہوں نے کہا کہ فہد کے ساتھ کام کرنے کا تجربہ بہت اچھا ہے اور امید ہے کہ شائقین ہماری جوڑی کو پسند کریگی ۔

فہد مصطفی نے کہا کہ میں جانتا ہوں کہ میری اور ماہرہ خان کی جوڑی بہت اچھی لگی ہے یہاں تک کہ میری بیوی نے بھی مجھے ایسا کہا ہے کہ ماہرہ خان میرے ساتھ اچھی لگ رہی ہیں ۔فہد نے مزید کہا کہ میرے والد بھی آج مجھے اور اس فلم کی پوری ٹیم کو سپورٹ کرنے کے لئے آئے ہیں ۔ماہرہ خان سے ایک صحافی نے کہا کہ آپ نے شاہ رخ خان کے ساتھ کام کیا اب فہد مصطفی کے ساتھ کام کررہی ہیں کیسا لگ رہا ہے تواس پر ماہرہ سے پہلے فہد مصطفی نے جواب دیا اور ہنستے ہوئے کہا کہ ماہرہ کو کیسا لگا ہو گا بھئی وہ خان ہے میں سندھی ہوں بس ایسا ہی لگا ہو گا ۔
یاد رہے کہ فہد مصطفی کو باکس آفس کنگ کہا جاتا ہے انکی فلم جب بھی سینما گھرکی زینت بنتی ہے چھا جاتی ہے

نبیل قریشی کی ڈائریکشن میں بننے والی فلم قائداعظم زندہ باد کا گزشتہ روز کراچی میں ٹریلر ریلیز کیا گیا ،اس موقع پر ماہرہ خان ،فہد مصطفی ، جاوید شیخ و دیگرموجود تھے ان کی حوصلہ افزائی کےلئے وہاں شوبز انڈسٹری کے بہت سارے ستارے پہنچے جن میں ہمایوں سعید اور ندیم بیگ کا نام قابل زکر ہے۔ ماہرہ خان اور فہد مصطفی کافی خوش دکھائی دے رہے تھے ۔ماہرہ خان اور فہد مصطفی دونوں پہلی بار کسی فلم میں دکھائی دے رہے ہیں ۔اس سے قبل دونوں نے کسی کمرشل تک میںکام نہیں کیا ۔یہ پہلا موقع ہے کہ ان دونوں کو ان کے پرستار ایک ساتھ دیکھیں گے ۔

فلم کی کہانی فضا علی مرزا اور نبیل قریشی نے لکھی ہے ۔فلم کی کاسٹ میں ماہرہ خان اور فہد مصطفی کے ساتھ جاوید شیخ، سلیم معروج ،قوی خان ،نئیر اعجاز ،محمود اسلم اور اسد علی پلیجو و دیگر کے نام شامل ہیں ۔فلم عید الاضحی پر ریلیز کی جا رہی ہے۔ کہا جا رہا ہے کہ فلم اپنی منفرد کہانی کی وجہ سے نہ صرف شائقین کی توجہ حاصل کریگی بلکہ تازہ ہوا کا جھونکا بھی ثابت ہو گی ۔فلم کا ٹریلر دیکھ کر شائقین کافی پرجوش ہیں ان کا کہنا کہ ہم بے چینی سے فلم کی ریلیز کا انتظار کررہے ہیں۔فہد اور ماہرہ کی جوڑی کیا رنگ لاتی ہے یہ تو ریلیز کے بعد ہی پتہ چلے گا لیکن فلم کا ٹریلر بتا رہا ہے کہ سٹوری روٹین سے ہٹ کر ہے۔فلم کی ساری کاسٹ کا کہنا ہے کہ قائداعظم زندہ باد کی ساری ٹیم نے نہایت ہی محنت سے کام کیا ہے ۔