Tag: مایا علی

منجھے ہوئے ڈائریکٹر شعیب منصور جو خود نہ کوئی انٹرویو دیتے ہیں اور نہ ہی لوگوں‌کے سامنے آتے ہیں ان کا کہنا ہے کہ وہ جو کام کرتے ہیں لوگ وہ دیکھیں مجھ کو دیکھ کر کیا کریں گے؟ اور میرے پاس کہنے کو کچھ نہیں ہوتا تو کیا انٹرویو دوں. ان کی فلم آسمان بولے گا اگلے سال کے وسط میں ریلیز ہونے جا رہی ہے . فلم کی ریلیز کی حتمی تاریخ تو سامنے نہیں آئی لیکن یہ طے ہے کہ فلم اگلے سال ریلیز کی جائیگی. اس فلم میں‌پہلی بار مایا علی اور ماڈل عماد عرفانی ایک ساتھ نظر آرہے ہیں. کہانی بالاکوٹ پر بھارتی فضائیہ کے حملے کے بعد پاک فضائیہ کے

بھرپور آپریشن سوئفٹ ریٹارٹ کے سچے واقعات پر مبنی ہے۔ شعیب منصور اس فلم کے ساتھ پانچ برس کے بعد بڑی سکرین کے لئے کوئی پراجیکٹ‌لا رہے ہیں. شعیب منصور کہتے ہیں‌کہ میں نے ہمیشہ کوشش کی ہے اسکو پذیرائی عوام اپنے مزاج کے مطابق دیتی ہے. میں عوام کے لئے کام کرتا ہوں اور کرتا ہی رہوں گا. شعیب منصور کی فلم کی فلم آسمان بولے گا کا لئے شائقین بے چینی سے انتظار کررہے ہیں. دیکھنا یہ کہ شعیب منصور کی یہ فلم شائقین کو کتنی پسند آتی ہے.

اداکارہ مایا علی جو اپنی منفرد اداکاری اور کامیاب پراجیکٹس کے ھوالے سے جانی جاتی ہیں وہ بن گئی ہیں بھارتی لڑکی. جی ہاں . حال ہی میں اداکار و ماڈ‌ل عماد عرفانی نے اپنے انسٹاگرام اکائونٹ پر فلم کا پوسٹر جاری کیا ہے جس کا کیپشن انہوں‌نے لکھا ہے ہوا باز . پوسٹر سے اندازہ لگایا جا رہا ہے کہ جیسے مایا علی نے اس فلم میں‌ بھارتی لڑکی کا کردار ادا کیا ہے اور عماد عرفانی نے پائلٹ کا کردار ادا کیا ہے شعیب منصور کی یہ ورنہ فلم کے بعد آنے والی ایسی فلم ہے جس میں روٹٰین سے ہٹ کر کہانی کا انتخاب کیا گیا ہے. اس فلم میں‌مایا علی مرکزی کردار ادا

کررہی ہیں سوشل میڈیا پر اس حوالے سے تبصرے جاری ہیں‌کہ شاید ماہرہ خان شعیب منصور کیمپ سے آئوٹ ہو گئی ہیں. یاد رہے کہ شعیب منصور کی گشتہ فلم ورنہ تھی جس میں‌ماہرہ خان ہیروئین تھیں‌یہ فلم باکس آفس پر ڈیڈ فلاپ رہی تھی اب دیکھنا یہ ہے کہ عماد عرفانی اور مایا علی کو لیکر بنائی جانے والی فلم باکس آفس پر کیا رنگ جماتی ہے. کیونکہ مایا اور عماد کو شائقین پہلی بار پردہ سکرین پر دیکھیں گے. شعیب منصور بھی پہلی بار ان دونوں کے ساتھ کام کررہے ہیں‌.

اداکارہ مایا علی جو ایک بڑی تعداد میں فین فالونگ رکھتی ہیں انہوں نے حال ہی میں عمرے کی سعادت حاصل کی ہے ان سے چند دن قبل اداکار ہمایوں سعید انکی اہلیہ اور شہزاد نصیب نے عمرے کی سعادت حاصل کی جن کی تصاویر سوشل میڈیا پر کافی وائرل ہوئیں. مایا علی نے عمرے کی سعادت حاصل کرنے دوران اپنی کچھ تصاویر انسٹاگرام پر جاری کیں اور انہوں‌نے کیپشن لکھا کہ بے شک خدا کی ذات جس کو جب چاہیے عزت سے نوازے اور اپنے گھر بلا لے. انہوں نے خدا کے گھر میں خدا کی نعمتوں‌کا شکر ادا کرتے ہوئے کہا کہ مجھے جو کچھ دیا اس کے لئے الحمد اللہ . مایا علی نے کچھ تصاویر ایسی بھی شئیر کیں جن کے کیپشن میں انہوں نے لکھا کہ کیا روح پرور مناظر ہیں کہ جن کو میں اپنے لفظوں میں بھی بیان نہیں کر سکتی . میں بس خدا کی دی ہوئی نعمتوں‌کی شکر گزار

ہوں. یاد رہےکہ مایا علی آج کل شعیب منصور کی فلم کی شوٹنگ میں مصروف ہیں اس میں ان کے ساتھ بطور ہیرو عماد عرفانی کام کررہے ہیں. شعیب منصور کے ساتھ مایا علی اور عماد عرفانی پہلی بار کام کررہے ہیں. عماد عرفانی نامو ماڈل ہیں اور مایا علی ایک اسٹیبلش اداکارہ ہیں ان کی پہلی ہی فلم طیفا انٹربل نے ان کو فلموں‌کی سپر سٹار بنا دیا تھا .

اداکارہ مایا علی کا شمار ایسی اداکارائوں میں ہوتا ہے جنہوں نے نہایت ہی کم عرصے میں اپنا نام اور مقام بنایا ہے . مایا علی کی خوبصورت اداکاری اور ان کے چہرے کی معصومیت ان کو دوسروں سے ممتاز کرتی ہے. اداکارہ مایا علی نے ایک اور اعزاز اپنے نام کر لیا ہے. تفصیلات کے مطابق مایا علی کو بین الاقوامی عرب فیسٹیول ایوارڈز DIAFA کی جانب سے پاکستان کی بہترین اداکارہ کے خصوصی ایوارڈ کیلئے نامزد کیا گیا ہے۔ ڈسٹنکٹو انٹرنیشنل عرب فیسٹیول ایوارڈزDIAFA نے اپنے انسٹاگرام ہینڈل پر مایا علی کو ٹیگ کرتے ہوئے ان کی نامزدگی کا اعلان کیا۔مایا علی کے اس اعزاز پر ان کے مداح کافی فخر محسوس ہورہے ہیں. مایا علی کے کریڈٹ پر جتنا بھی کام ہے وہ لاجواب ہے انہوں نے من مائل جیسے ڈرامے

اور طیفا انٹربل جیسی فلمیں کی ہیں. مایا علی بہت جلد ٹی وی پر نظر آئیں گی آج کل وہ شعیب منصور کی فلم آسمان بولے گا کی شوٹنگ میں مصروف ہیں اس میں ان کے ساتھ معروف ماڈل و اداکار عماد عرفانی نظر آئیں گے . مایا علی نے اداکاری کے ساتھ ماڈلنگ میں بھی اپنا نام بنایا اور خاور ریاض کے ساتھ بہت زیادہ کام کیا. مایا علی کی ویسے تو آن سکرین جوڑی حمزہ علی عباسی کے ساتھ بھی بہت سراہی جاتی ہے لیکن شہریار منور کے ساتھ ان کی جوڑی کو بے حد پسند کیا جاتا ہے.

ہماری ماڈلنگ کی فیلڈ کافی وسیع ہے اس میں بہت ساری ماڈلز کام کرتی ہیں لیکن بہت کم ایسی ماڈلز ہوتی ہیں جو اداکاری کی طرف آئیں اور بہت کامیابی بھی حاصل کریں. عفت رحیم نے ماڈلنگ میں بہت عروج دیکھا لیکن جب وہ اداکاری میں آئیں تو بہت زیادہ سراہی نہ گئیں لیکن کسی حد تک انہوں نے ثابت کیا کہ اداکاری کرسکتی ہیں. ان کے علاوہ نادیہ حسین سونیا و دیگر نے بھی کام کیا. انہی کی طرح‌ سے رابعہ بٹ بھی اداکاری کی فیلڈ میں آئیں . رابعہ ابھی تک جتنا بھی کام کر چکی ہیں لوگوں‌نے سراہا ہے اور نوٹس بھی کیا ہے. رابعہ بٹ نے اپنے ایک انٹرویو میں کہا ہے کہ میں

نے خود اپنے ماڈلنگ کیریر میں‌بولڈ کپڑے پہنے میں‌ کیسے کسی کو منع کر سکتی ہوں‌کہ ایسا نہ کرے میں ہوتی کون ہوں؟ جب میں نے بولڈ کپڑے پہنے شاید تب میرا وقت نہیں تھا سیکھنے کا میں اب سیکھنے کے عمل سے گزر رہی ہوں شاید اب میں اپنی لیمیٹیشن میں رہ کر کام کروں گی. جو لڑکیاں‌اب بولڈ کپڑے پہن رہی ہیں وہ شاید سیکھنے کے مراحل میں ابھی داخل نہیں‌ہوئیں جب ان کا وقت آئیگا وہ بھی سیکھ جائیں گی. تو ہر انسان کا ایک وقت ہوتا ہے جس میں وہ کام کرتا ہے اور سیکھتا بھی ہے.یاد رہے کہ رابعہ بٹ اداکارہ مایا علی کی سوتیلی ماں کا کردار بھی ادا کر چکی ہیں.

پاکستان کے نامور اور نمبر ون فیشن ڈیزائنر دیپک پروانی جو کہ ڈیزائنر ہونے کے ساتھ ساتھ ایکٹر بھی ہیں اور کبھی کبھی اداکاری بھی کرلیتے ہیں. وہ اب ایک بار پھر ہمیں چھوٹی سکرین پر دکھائی دیں گے. دیپک پروانی نے ڈرامہ سیریل ” یونہی ” سائن کر لیا ہے ڈرامے کی شوٹنگ بھی جاری ہے. ڈرامے میں بلال اشرف اور مایا علی مرکزی کردارں میں دکھائی دے رہے ہیں. اور دیپک پروانی مایا علی کے باپ کا کردار ادا کررہے ہیں جبکہ بلال اشرف کا یہ پہلا ٹی وی ڈرامہ ہے. یونہی ڈرامہ کی ڈائریکشن معروف فلمسازاور ڈرامہ نگار محمد احتشام الدین دے رہے ہیں ۔ احتشام الدین

کا شمار منجھے ہوئے ڈائریکٹرز میں ہوتا ہے. احتشام الدین کی فلم دم مستم اس برس ریلیز ہوئی. یاد رہے کہ دیپک پروانی اس سے پہلے بھی ڈراموں میں کام کر چکے ہیں جن میں ڈرامہ سیریل کدورت اور سوتیلی قابل ذکر ہیں. ڈرامہ سیریل کدورت میں انہوں نے انجلین ملک کے مقابلے میں کام کیا تھا ان کے کام کو بے حد سراہا گیا.دیپک پروانی کہتے ہیں کہ جب انکا ریلیکس کرنے کو دل کررہا ہوتا ہے اس وقت وہ ڈرامہ کرلیتے ہیں. دیپک پروانی کے علاوہ بھی دیکھیں تو فیشن ڈیزائنر ایچ ایس وائے (حسن شہریار ) بھی اداکاری کے میدان میں قدم رکھ چکے ہیں انہوں نے بھی مایا علی کے ساتھ ڈرامہ سیریل پہلی سی محبت میں کام کیا تھا.

باصلاحیت اور نوجوان نسل کی نمائندہ فنکارہ مایا علی کی خوشی کا نہیں ہے آج کل ٹھکانہ. جی ہاں مایا علی کے پائوں زمین پر نہیں ٹک رہے کیونکہ وہ بن گئی ہیں پھوپھو. مایا علی نے حال ہی میں اپنے انسٹاگرام پر ایک پوسٹ شئیر کی ہے جس میں انہوں نے بے حد خوشی کا اظہار کیا ہے انہوں نے اپنے مداحوں کے ساتھ یہ خبر شئیر کی ہے کہ وہ پھوپھو بن گئی ہیں . اس پوسٹ میں انہوں نے اپنی بھابھی اور بھائی کا نام لکھ کر کہا ہے کہ مجھے تو یقین ہی نہیں آرہا کہ میرے بچوں کا اب خود ایک بچہ اس دنیا میں آگیا ہے. اللہ آ لوگوں کی خوشیوں کو بری نظر سے بچائے. ان کی

بھابھی نے اپنی نند کی پوسٹ پر جواب دیتے ہوئے لکھا کہ انابیہ اپنی پھوپھو سے ملنے کےلئے بےتاب ہے ہم خوش قسمت ہیں کہ آپ ہماری زندگی میں شامل ہیں. مایا علی کی پوسٹ پر ان کے ساتھیوں‌ نے بھی دیں مبارکباد جنہوں نے مبارکباد دیں ان میں اذان سمیع خان ، آئمن خان ، حنا آفریدی کے نام قابل ذکر ہیں. یاد رہے کہ مایا علی آج کل شعیب منصور کی نئی فلم آسمان بولے گا کی شوٹنگ کررہی ہیں. اس میں ان کے ساتھ نامور ماڈل عماد عرفانی مرکزی کردار ادا کررہے ہیں .

اداکارہ اور میزبان مایا خان ن حال ہی میں ایک انٹرویو دیا ہے اس میں انہوں نے اپنی زندگی سے جڑے کچھ معاملات پر بات کی ہے . انہوں نے کہا ہے کہ میری شادی 2011 میں ہوئی میرے شوہر باہر اور میں یہاں رہتی تھی میں ان کے ساتھ اس طرح سے رہی نہیں جس طرح سے میاں بیوی ایک ساتھ رہتے ہیں ہمارے معاملات خراب ہوئے تو بات طلاق کی طرف جا رہی تھی میں اسی ڈر می بیٹھی رہی کہ لوگ کیا کہیں گے میرے بہن بھائیوں کا کیا بنے گا امی ابو کو لوگ باتیں کریں گے لیکن طلاق ہونی تھی ہو گئی، اس چیز نے مجھے ہلا کر رکھ دیا. اس چیز نے میری ذہنی صحت پر بہت برااثر ڈالا اسی دوران میرے بھائی کو کینسر ہو گیا، اسی دوران ایکدن مجھے سوشل میڈیا سے پتا چلا کہ مجھے تواس

شو سے نکال دیا گیا ہے جو میں کررہی ہوں. میرا گھر سے نکلنا مشکل ہوا تھا اسی دوران میرا بھائی چل بسا. پھر میں کچھ بہتر ہوئی تو میں نے ایک ٹی وی پر پروگرام شروع کیا اسی دوران میری ملاقات کسی سے ہوئی اور ہماری شادی ہوگئی، لیکن شادی کے بعد پتا چلا کہ یہ تو ایک غلطی تھی کیونکہ یہ شادی مکمل طور پر جھوٹ پر مبنی تھی ایکبار پھر میں اس تکلیف سے گزری مجھے مارا پیٹا جاتا تھا پولیس تک مجھے اس معاملے کو لیجانا پڑا ، تو میں نے زندگی میں بہت زیادہ مشکل وقت دیکھا لیکن اس مشکل وقت کے بعد اللہ تعالی نے مجھے ایک ہمت طاقت دی. میں‌لڑکیوں سے یہی کہوں گی کہ اٹھیں اور اپنی زندگی کا چارج خود سنبھالیں.

بلال اشرف نے ابھی تک جتنا کام کیا ہے وہ بڑی سکرین کے لئے ہی کیا ہے ان کے مداح ان کو چھوٹی سکرین یعنی ٹی وی پر دیکھنا چاہتے تھے، بلال اشرف نے اپنے مداحوں کی خواہش کو پورا کرتے ہوئے ان کا انتظار ختم کر دیا ہے. بلال اشرف نے اپنے انسٹاگرام اکائونٹ پر پوسٹ شئیر کرکے مداحوں کے ساتھ یہ خوشخبری شئیر کی ہے کہ وہ اب ٹی وی پر بھی نظر آئیں گے.بلال اشرف کی پوسٹ سے ظاہر وہ رہا ہے کہ ڈرامے کی شوٹنگ کا آغاز ہو چکا ہے اور اس کے ڈائریکٹر احتشام الدین ہیں.ڈرامے کا نام یونہی ہے، بلال کے ساتھ اداکارہ مایا علی نظر آئیں گی. مایا علی آخری بار شہریاد منور کے ساتھ ڈرامہ سیریل پہلی سی محبت میں نظر آئیں تھیں تاہم اب ان کے پرستار ان کو بلال

اشرف کے ساتھ دیکھ سکیں گے. بلال اشرف سپر سٹار ، رنگریزا، جانان، یلغار اور ٹیلی فلم ایک ہے نگار جیسی ٹیلی فلم میں نظر آچکے ہیں. ماہرہ خان کے ساتھ انکی جوڑی کو کافی پسند کیا گیا ہے. بلال اشرف نے ابھی تک جتنے بھی کردار کئے ہیں ان میں کامیڈی نظر نہیں آئی حالانکہ ان کے مداح انہیں‌ کامیڈی کرداروں میں بھی دیکھنا چاہتے ہیں. بلال کسی بھی پراجیکٹ کو بہت سوچ سمجھ کر سائن کرتے ہیں امید کی جا رہی ہے ڈرامہ سیریل یونہی کی کہانی روٹین سے ہٹ کر ہو گی اور بلال اشرف کا کردار پاور فل ہو گا.

چھوٹی اور بڑی سکرین کی بہت ہی پیاری اداکارہ مایا علی بھی گزشتہ روز ہونے والے پنجاب اسمبلی کے انتخاب کے نتائج سے ہیں خفا، انہوں نے بھی سوشل میڈیا پر اپنے غصے کا اظہارکیا. اداکارہ نے کہاکہ لیٹرے ہمارے لیڈرز نہیں‌ہو سکتے. اپنے انسٹاگرام اکائونٹ پر انہوں نے ایک سٹوری لگائی اس میں لکھا کہ میرا دل انصاف اور سسٹم سے اٹھ گیا ہے. اسی طرح سے اداکارہ منال خان نے کہا کہ پاکستان کی تاریخ کا یہ مایوس کن دن ہے. اداکار احسن محسن اکرم نے بھی کہا کہ برائے

مہربانی سپریم کورٹ کے دروازے بھی اسی طرح سے کھولے جائیں جس طرح سے آپ نے عدم اعتماد کی ووٹنگ کے دوران کھولے تھے.آج سپریم کورٹ دیکھے گی کہ عدالتیں نیوٹرل ہیں یا نہیں.پنجاب اسمبلی میں کل ہونے والے انتخاب پر پورے پاکستان کی نظریں تھیں جس جس کی جس جس سیاسی جماعت سے وابستگی تھی انہوں نے اس حساب سے نتائج کو دیکھا.اس وقت ق لیگ اور پی ٹی آئی کے سپورٹرز نہایت ہی غم و غصہ میں ہیں یہاں تک کہ گزشتہ رات ق لیگ کے سپورٹرز نے چوہدری شجاعت کے گھر کا گھیرائو کر کے ان کے خلاف نعرے بازی کی. اسی طرح سے پی ٹی آئی کے سپورٹرز کی بڑی تعداد سپریم کورٹ کے باہر جا کر نعرے بازی کرتی رہی.اب دیکھنا یہ ہے کہ اونٹ کس کروٹ بیٹھتا ہے اور عدالت ان نتائج پر کیا فیصلہ دیتی ہے.