Baaghi TV

Tag: مبشرلقمان

  • لاہور:مبشرلقمان کی برطانوی ہائی کمیشن میں ملکہ برطانیہ کی پلاٹینم جوبلی میں شرکت

    لاہور:مبشرلقمان کی برطانوی ہائی کمیشن میں ملکہ برطانیہ کی پلاٹینم جوبلی میں شرکت

    لاہور:لاہور:مبشرلقمان کی برطانوی ہائی کمیشن میں ملکہ برطانیہ کی پلانٹینم جوبلی میں شرکت:ملکہ برطانیہ کوخراج عقیدت،اطلاعات کے مطابق گزشتہ رات پاکستان کے سنیئر تجزیہ نگار،معروف صحافی مبشرلقمان کو بھی لاہور میں قائم برطانوی ہائی کمیشن میں ملکہ برطانیہ کی پلاٹینم جوبلی کی تقریب میں‌شرکت کی دعوت تھی ، اس تقریب میں شرکت کے ساتھ ساتھ مبشرلقمان نے کچھ اہم ایشوز بھی دیکھے اورپھران اہم نقات کی بنیاد پر کچھ گزارشات بھی کی ہیں‌،

    اس سلسلے میں مبشرلقمان نے سماجی رابطے کی ویب سائٹ ٹویٹر پراپنے پیغام میں کہا ہے کہ وہ اس عظیم خاتون کو کو خراج تحسین پیش کرتے ہیں جس نے دنیا کی تاریخ میں دوسرے سب سے طویل عرصے تک حکمرانی کی اور یہ سلسلہ جاری ہے ،مبشرلقمان کہتے ہیں کہ ملکہ برطانیہ ملکہ الزبتھ دوئم، نے اس وقت تاج سنبھالا جب ان کے مرحوم والد کا کم عمری میں ہی انتقال ہوگیا۔ وہ بہت چھوٹی تھی اور اس نے جنگوں، تنازعات، قحط، سیاسی بحرانوں کے دوران اپنے ملک کی قیادت کی اورملک کوکامیابی کے ساتھ آگے لے کرچل رہی ہیں

    مبشرلقمان کہتے ہیں کہ برطانوی بادشاہت اور خاص طور پر ہاؤس آف ونڈسر نے نہ صرف جی بی بلکہ دولت مشترکہ کے ممالک میں کارہائے نمایاں سرانجام دیئے جن کو دنیاآج تسلیم کرتی ہے

     

    ان کا کہنا تھا کہ لاہور میں برطانوی ہائی کمیشن کی جانب سے گزشتہ رات ملکہ برطانیہ کے لیے پلاٹینم سال کے موقع پر ایک شاندار اور متاثر کن تقریب ہوئی۔ بہت متاثر ہوا کہ اعلیٰ برطانوی سفارت کار نے اپنے خطبہ استقبالیہ میں اچھی اردو میں بات کی۔ بہت سراہا گیا۔

     

    مبشرلقمان نے اس موقع پر پاکستان اور برطانیہ کے درمیان بہترتعلقات پر روشنی ڈالتے ہوئے کہا کہ پاکستان کے برطانیہ کے ساتھ بہت مضبوط تعلقات ہیں۔ ہر سال ہزاروں طلباء وہاں جاتے ہیں اور لاکھوں خاندان برطانیہ میں آباد ہیں۔ ہماری تعلیم اور صحت کی دیکھ بھال میں برطانوی حکومت کا تعاون نہ صرف غیر معمولی ہے بلکہ قابل ذکر بھی ہے۔

     

    مبشرلقمان کا کہنا تھا کہ ایک چیز جو مجھے حیران کرتی ہے وہ یہ ہے کہ برطانیہ کے ساتھ ہمارے انتہائی قریبی تعلقات کے باوجود، ہم نے کبھی بھی رگبی کے لیے ذوق پیدا نہیں کیا۔ ہمارے پاس کرکٹ اور اسکواش تو کھیلے جاتے ہیں لیکن رگبی نہیں۔ ان کا کہنا تھا کہ وہ اکثر یہ سوچتے ہیں کہ آخرایسا کیوں ہورہا ہے کہ رگبی سے رغبت کیوں نہیں ہورہی ؟

     

    ہمارے طلباء جو بیرون ملک جاتے ہیں وہ نہ صرف تعلیم حاصل کرتے ہیں بلکہ کثیر قومی معاشروں اورمختلف اقوام کے مشترکہ معاشروں سے حاصل کرتے ہیں۔ یہ ضروری ہے کہ ہماری حکومت مختلف ممالک سے مستحق طلباء کے لیے مزید وظائف حاصل کرنے کی کوشش کرے

     

    مبشرلقمان کہتے ہیں کہ کل میں نے کل بابر اعظم سے ملاقات کی۔ وہ نہ صرف دنیا کا ٹاپ کھلاڑی ہے بلکہ ایک بہت مہذب انسان بھی ہے۔ ان کے مستقبل کے لیے نیک تمنائیں اور دعا ہے کہ وہ مزید ریکارڈز بنائے اور پاکستان کو مزید فتوحات دے۔

     

  • ہم اپنے ملک کو ترقی یافتہ کیسے بنا سکتے ہیں ڈاکٹر سلمان شاہ نے بڑا راز بتا دیا

    ہم اپنے ملک کو ترقی یافتہ کیسے بنا سکتے ہیں ڈاکٹر سلمان شاہ نے بڑا راز بتا دیا

    لاہور:کرپشن کے ساتھ ساتھ مس مینجمنٹ اورنااہلیت بھی پاکستان کا ایک مسئلہ ہے:ڈاکٹرسلمان شاہ نے پاکستان کے مسائل کے حل کے ایک حل بھی بتادیا ،اطلاعات کےمطابق پاکستان کے سابق وزیرخزانہ ڈاکٹرسلمان شاہ نے سنیئر صحافی مبشرلقمان سے گفتگو کرتے ہوئے پاکستان کی زبوحالی پربڑے دُکھ کا اظہارکیا ہے

    وہ کہتے ہیں کہ پاکستان کو بنیادی طورپرکئی مسائل کا سامنا ہے ، مگرسب سے بڑا مسئلہ نااہل لوگوں کوبڑے بڑے عہدوں پربٹھانا ہے ،سنیئرصحافی مبشرلقمان کے ایک سوال کے جواب میں جس میں انہوں نے پوچھا کہ کرپشن پاکستان کا مسئلہ ضرور ہے لیکن میرے خیال میں مس مینجمنٹ اوربیوروکریسی میں میرٹ کو نظرانداز کرنا بھی پاکستان کے مسائل میں سے ایک مسئلہ ہے

    مبشرلقمان کی اس بات سے اتفاق کرتے ہوے ڈاکترسلمان شاہ نے کہا کہ بلا شبہ کرپشن ہی کسی معاشرے کی سب سے بڑی برائی ہے ، اقوام متحدہ سمیت عالمی ادارے بھی اسے انتہائی خطرناک سمجھتے ہیں لیکن اس کے ساتھ ساتھ نااہل لوگوں کو ایسی جگہ بٹھا دینا جہاں وہ اہل نہیں تو یہ بھی کسی تباہی سے کم نہیں ، ان کا کہنا تھا کہ بیوروکریسی میں یہ روایت ڈالنا اور بھی خطرناک ہے ، ان کا یہ بھی کہنا تھا کہ جب تک قابل اوراہل لوگوں سے کام نہیں لیا جائے گا حالات بہتر نہیں ہوں گے

    ڈاکٹرسلمان شاہ نے کہا کہ اب مزید تجربات کی گنجائش نہیں ذمہ داران اوراہل لوگوں سے کام لیا جائے اوران کی اہلیت کے مطابق ان سے کام لیا جائے پھر جاکرحالات بہتر ہوں گے ، ان کا یہ بھی کہنا تھا کہ اس کےلیے میرٹ ہی بنیادی چیز ہے

  • بجٹ میں نئے ٹیکس ؟ عام شہری کتنے متاثر ہوں گے؟مبشر لقمان نے اصلیت بتا دی

    بجٹ میں نئے ٹیکس ؟ عام شہری کتنے متاثر ہوں گے؟مبشر لقمان نے اصلیت بتا دی

    لاہور:بجٹ میں نئے ٹیکس ؟ عام شہری کتنے متاثر ہوں گے؟مبشر لقمان نے اصلیت بتا دی،اطلاعات کے مطابق سینئرصحافی مبشرلقمان نے پاکستان کے اس سال کے بجٹ کے بارے میں حیران کُن انکشافات کیے ہیں وہ کہتے ہیں کہ سچ یہ ہےکہ اس ملک میں غریبوں کے لیے کوئی نہیں سوچتا یہ سب بڑوں کےلیے بجٹ ڈیزائن ہوتے ہیں اور ان بڑوں کو ہی فائدہ پہنچانے کا ایک فن ہے

    بجٹ 2022 تا 2023 موبائل کی درآمد پر بھی 1600 تک لیوی عائد

    انہوں نے مختلف سوالات کے جوابات دیتے ہوئے کہا کہ بجٹ پیش کرنے کےبعد حکومتی لوگ کہہ رہے ہیں‌کہ بڑا متوازی بجٹ ہے لیکن اس کا پتہ دو تین ماہ بعد چلے گا جب بجلی اورپٹرول کی قیمتوں کے بڑھ جانے سے غریب پر بوجھ پڑے گا ، ان کا کہنا تھا کہ وہ تو اپنے کے غریب کے لیے وزیراعطم کے پاس بھی گئے اور کہا کہ تین مرلےمیں رہنے والے کو بجلی مفت دی جائے اوراس کا بوجھ ان لوگوں پر ڈالا جائے جو بڑی بڑی کوٹھیوں اور بنگلوں میں رہتے ہیں ،انہوں نے کہا کہ المیہ تو یہ ہے کہ پارلیمنٹ میں موجود اکثرلوگوں کوبجٹ کے بارے میں بھی نہیں پتہ اور نہ ہی کوئی شخص بجٹ کی باریکیوں کے بارے میں جانتا ہے جو کہ اسے جاننا چاہیے

    ‏چیئرمین پی ٹی آئی عمران خان نے وفاقی بجٹ مسترد کردیا

    مبشرلقمان نے کہا کہ کہا جارہا ہے کہ لیوی تیس روپے تک بڑھائی جائے گی ان کا کہنا تھا کہ پھروہی بات کہ ہرصورت میں غریب مارا جاتا ہے ، ان کا کہنا تھاکہ اگریہ ٹیکس سیگریٹ پر بڑھا دیئے جائیں تو سالانہ اربوں روپے کے ریونیو میں اضافہ ہو اورپھرسگریٹ کی تباہ کاریوں سے بھی شہریوں کو بچایا جائے

    انہوں نے ایک سوال کے جواب میں کہاکہ پاکستان ایک زرعی ملک ہے لیکن اس کے باوجود زرعی ضروریات پوری نہیں ہورہی ، انہوں نے پانی کےبحران کے متعلق بتایاکہ ملک میں بہت زیادہ رقبے پر گنے کی کاشت کیجاتی ہے جو کہ بہت زیادہ پانی اپنے استعمال میں لاتا ہے ، بہتر یہ تھا کہ کپاس کاشت کی جائے آمدن بھی زیادہ اور پانی کے بحران سے بھی بچاو

     

    مبشرلقمان نے کہا کہ انہوں نے وزیراعظم سے کہا تھاکہ اس ملک کے غریب پررحم کیئجیئے اور کم سے کم ٹیکسز لگائیں ، انہوں نے کہا پچھی حکومت نے بھی کچھ ایسی ہی غلطیاں کی تھیں جب بلیک منی کومارکیٹ میں لانے کےلیے ایمنسٹی اسکیم متعارف کروائی ،مبشرلقمان نے کہا کہ بھارت کی طرح کرنسی کا رنگ یا شکل تبدیل کردیں دیکھیں گے کہ کس طرح لوگ ساری چپھائی ہوئی دولت باہرلاتے ہیں ،

    وفاقی بجٹ پیش،تنخواہوں میں اضافہ،لگثرری گاڑیوں پر ٹیکس

    انہوں نے کہا کہ اس ملک میں غریبکی کوئی زندگی نہیں ہمیشہ پارلیمنٹرین کے لیے بجٹ بنتے ہیں ،بڑے بڑے صنعت کاروں کے لیے بجٹ بنتے ہیں لیکن غریب کوکوئی نہیں پوچھتا

  • عمران خان پکڑے گئے:بُری طرح بے نقاب

    عمران خان پکڑے گئے:بُری طرح بے نقاب

    لاہور:عمران خان پکڑے گئے ، یہ بات سینئر صحافی مبشرلقمان نے ایک آڈیو کے منظرعام پرآنے کےبعد کہی ، ان کا کہنا تھا کہ اس وقت جو آڈیو وائرل ہورہی ہے ،اس نے عمران خان کو بُری طرح بے نقاب کردیا ہے، ان کا کہنا تھا کہ ان کو پتہ ہےکہ یہ آڈیو کس کی ہے اور کب کی ہے

    اس حوالے سے اپنے ویڈیو پیغام میں مبشرلقمان نے کہا کہ ملک ریاض کی طرف سے آصف علی زرداری کے نام یہ ویڈیو پیغام عمران خان کی بے بسی کو ظاہر کرتا ہے جواس وقت بُری طرح پھنس چُکے ہیں‌، ان کا یہ بھی کہنا تھا کہ عمران خان نے 6 دن کا الٹی میٹیم تو دے دیا ہے لیکن اب اس کے بعد اس کے پاس اس قسم کے ہتھکنڈے آستعمال کرنے کے سوا کوئی چارہ کار نہیں ہے

    انکا کہنا تھا کہ میں بتایا ہوں کہ یہ آڈیو اصل میں اس وقت کی ہے جب پچھلے دنوں عدم اعتماد کی تحریک پیش کی گئی تھی تو عمران خان کی طرف سے ملک ریاض نے یہ پیغام زرداری کو پہنچایا تھا ، ان کا یہ بھی کہنا تھا کہ زرداری جو کہ سب پھر بھاری ہونے کے حوالے سے مانے جاتے ہیں اس وقت بھی وہ سب پر بھاری ہیں ان کاکہنا تھا کہ عمران خان نے اپنے اقتدار کو طول دینےکےلیے تمام ہتھکنڈے استعمال کیے

     

    مبشرلقمان کہتے ہیں کہ ملک ریاض کہ جن کے ساتھ اس ملک کے بڑے بڑے طاقتوروں کے رابطے ہیں وہ آصف علی زرداری کے بھی بہت قریب جانے جاتے ہیں ، اور ملک ریاض وہ شخص ہے کہ جس کے ذریعے کے پی میں بحریہ ٹاون اور دیگر کئی پراجیکٹ عمران‌ خان نے حاصل کیے ، ان کا کہنا تھا کہ اس سلسلے میں سینیئر صحافی محسن بیگ نے مرکزی کردار ادا کیا

    ان کا یہ بھی کہنا تھا کہ ملک ریاض کے پیغام کے جواب میں آصف علی زرداری نے انکار کردیا تھا اور کہا تھا کہ اب تو وقت گزر چکا ہے، مبشرلقمان کا کہنا تھا کہ وہ عمران خان کے بہت قریب تھے لیکن انہیں عمران خان سے کچھ اختلافات تھے جن کی بنا پر انہوں نے دوری اختیار کی ،ان کا یہ بھی کہنا تھا کہ عمران خان اس وقت سخت مشکل میں ہیں اور وہ چاہتےہیں کہ کسی نہ کسی طرح وہ پھر سے کچھ پانے کے لیے کامیاب ہوجائیں

  • عمران خان ڈر گئے ۔۔؟؟ || لانگ مارچ کا مستقبل کیا ؟ مبشر لقمان کا بڑا دعویٰ ؟

    عمران خان ڈر گئے ۔۔؟؟ || لانگ مارچ کا مستقبل کیا ؟ مبشر لقمان کا بڑا دعویٰ ؟

    لاہور:عمران خان ڈر گئے ۔۔؟؟ || لانگ مارچ کا مستقبل کیا ہوگا اس حوالے سے تجزیہ کرتے ہوئے سینیئرصحافی مبشرلقمان نے کہا ہے کہ وہ پچھلے کئی دنوں سے اس ملک میں صورت حال کو بڑی تیزی سے بدلتا ہوا دیکھ رہے ہیں،مبشرلقمان نے سابق وزیراعظم عمران خان کی طرف سے لانگ مارچ کے حوالے سے کچھ حقائق بیان کیے تو کچھ خدشات

    مبشرلقمان کہتے ہیں کہ آج عمران خان نے لانگ مارچ کا اعلان کرکے ملک میں ایک بے چینی کی کفیت پیدا کردی ہے، ان کایہ بھی کہنا تھا کہ عمران خان یہ سمجھتے ہیں کہ اس لانگ مارچ سے وہ اپنے مطالبات منوا لیں گے تو شاید یہ ان کی بھول ہے، اب وہ ماضی کے دھرنے کی صورت حال نہیں ہے ، اب فضا ان کے خلاف ہے اور ان کے خلاف تیرہ جماعتی پی ڈی ایم اتحاد کی حکومت ہے

    مبشرلقمان کہتے ہیں کہ عمران خان کی طرف سے اعلان کے ساتھ حکومت نے بھی سختی سے نمٹنے کا فیصلہ کیا ہے ، مریم اورنگزیب نے کہا ہےکہ وہ خونی مارچ کو نہیں ہونے دیں گی ، رانا ثنااللہ بھی اپنے ارادوں سے اگاہ کرچکے ہیں

    مبشرلقمان کا کہنا ہےکہ اس موقت ملک ی صورت حال بڑی خراب ہے، معاشی دیوالیہ نکلا ہوا ہے اورعمران خان نے کہا ہےکہ وہ روس سے پٹرول اورگندم لے کرملک کی عوامکو ریلیف دینے کا سوچ رہے تھے کہ حکومت گرادی گئی ، امریکہ نے براہ راست سازش کرکے میری حکومت گرا کرملک 22 کروڑ عوام کی توہین کی ہے

     

    ان کا کہنا تھا کہ خان صاحب بتائیں کہ وہ انڈیا کی مثال دیتے ہیں انڈیا کے تو ریزور ہی بہت زیادہ ہیں اورہمارے پاس تو ریزور ہی نہیں تو کیسے ہم یہ کرسکتے تھے ، کیسےخام تیل کو ریفائن کرسکتے تھے ہمارے پاس تو ریفائنری ہے نہیں ،پھرروس سے معاہدے کرنے کے بعد پے منٹ کس طرح کرنی تھی جبکہ روس کے بینکوں پر پابندی ہے ، ان کا کہنا تھا کہ عمران خان ایک بار پھراپنے موقف میں تبدیلی لے آئے ہیں‌

    مبشرلقمان نے کہا کہ عمران خان کا خیال ہے کہ وہ پشاور سے بہت بڑا جلوس لے کراسلام آباد آئیں گے ،ٹھیک ہے لیکن حکومت کس انداز سے سلوک کرتی ہے اس نے بھی منصوبہ بنا رکھا ، پھربنی گالہ اس دفعہ نہیں جاسکیں گے وہیں رکنا پڑے گا ،موسم بہتر رہے گا لیکن اگریہ مارچ طوالت اختیار کرگیا تو پھرستائیس مئی کے بعد توسخت گرمی ہے، پھرکیسے سامنا کرپائیں گے ، مبشرلقمان نے کہا کہ آئی ایم ایف سے مذاکرات ہورہے ہیں اور امید ہے کہ صورت حال بہتر ہوجائے گی

    مبشرلقمان کہتے ہیں کہ اس مارچ کو کامیاب کرنے کے لیے فنڈریزنگ کی اپیل کی ہے اور یہ توممکن ہےکہ خان کے وفادار فنڈریزنگ تو ہر صورت کریں‌گے،الیکشن کمیشن کے ھوالے سے ان کا کہنا تھا کہ وہ چاہتے ہیں کہ چیف الیکشن کمشنر کے ساتھ ساتھ نیب کے چیئرمین کی تبدیلی اوراپنی مرضی کا بندہ لانےکےلیے کوشاں ہوں گے یہ بھی آسان نہیں ، اپنے دور میں‌تو الیکشن کمیشن کا عملہ ہی پورا نہیں کرسکے تو اب کیسے یہ کرلیں گے

    مبشرلقمان نے کہا کہ بس دعا ہےکہ اللہ تعالیٰ ہمیں کسی سانحے اور حادثےسے محفوظ رکھے اورپاکستان کو ازمائش سے نکالے ، ان کا کہنا تھا کہ لانگ مارچ کیا رنگ لاتا ہے ، اس کے بارے میں حتمی تو کچھ نہیں کہا جاسکتا لیکن یہ امکان ہےکہ یہ لانگ مارچ ناکام ہوجائے اور عمران خان کو ناکامی کا سامنا کرنے پڑے

  • پاکستان کےملکی حالات کس طرف جا رہے ہیں؟ کیاحکومت بچ پائےگی؟مبشرلقمان نےسب بتادیا

    پاکستان کےملکی حالات کس طرف جا رہے ہیں؟ کیاحکومت بچ پائےگی؟مبشرلقمان نےسب بتادیا

    پاکستان کے ملکی حالات کس طرف جا رہے ہیں؟کیا حکومت بچ پائے گی؟اس حوالے سے بہت سے سوالات کے سنیئر صحافی مبشرلقمان نے جوابات دیئے ہیں جو کہ قابل غور بھی ہیں‌، نجی ٹی وی پی این این میں کھرا سچ پروگرام میں پاکستان کی سیاسی ، معاشی اورامن اومان کی صورت حال کے حوالے سے مبشرلقمان کا کہنا تھا کہ پاکستان بہرحال اس وقت مشکل ترین دور سے گزررہا ہے

    پاکستان کی تازہ صورت حال سے متعلق گفتگو کرتے ہوئے مبشرلقمان کا کہنا تھاکہ حکومت کچھ اور چاہتی ہے اورعمران خان کچھ اور چاہتے ہیں ، حکومت جلد انتخابات نہیں چاہتی جبکہ عمران خان نئے انتخابات پربضد ہے ، ان کا کہنا تھا کہ اس وقت ملک کی جو معاشی صورت حال ہے وہ بہت ہی خستہ حال ہے شاید یہی وجہ ہے کہ مریم نواز نے بھی بقول کچھ غیرمصدقہ ذرائع کے یہ کہا ہے اس ساری صورت حال سے بہتر ہے کہ حکومت ہی چھوڑ دی جائے

     

    https://youtu.be/wC17eHLqZaU

    مبشرلقمان نے اس موقع پرایک سوال کا جواب دیتے ہوئے کہا ہے کہ سپریم کورٹ نے بھی سوموٹو ایکشن لیا ہوا ہے اور دوسری طرف وزیراعظم اس پر بہت زیادہ ناخوش ہیں اور وزیراعظم تواس عملک پر اس قدرسخت ردعمل دے رہے ہیں‌کہ وہ سپریم کورٹ کے اس ایکشن پرسخت ناراض ہیں ، مبشرلقمان کا کہنا تھا حکومت کو کچھ پتا نہیں کہ کیا کرنا ہے

    ایک سوال کے جواب میں کہ کیا حکومت جلد انتخابات چاہتی ہے تومبشرلقمان نے بتایاکہ ان کے خیال میں حکومت جلد الیکشن نہیں چاہتی اگرچاہتی ہوتی توجو وہ فیصلے کررہی ہے وہ نہ کرتی ، ان کا یہ بھی کہنا تھا کہ حکومت نے لگژری اشیا پر پابندی عائد کردی ہے اور یہ کوشش کی ہے کہ اس سے جوبظاہر صورت حال ہے وہ قابو میں آجائے

    مبشرلقمان نے مزید کہا کہ ان اقدامات سے تو یہی محسوس ہوتا ہے کہ حکومت ابھی انتخاب نہیں چاہتی ، ان کا یہ بھی کہنا تھا کہ دوسری طرف پاکستان کی معاشی صورت حال میں مدد دینے کےلیےامریکہ کردار ادا کرسکتا ہے ،

    مبشرلقمان کا کہنا تھا کہ لانگ مارچ سے پہلے حکومت کچھ ایسے اقدامات کرنا چاہتی ہے کہ جس سے صورت حال قابو میں آجائے ، ان کا کہنا تھا کہ لانگ مارچ کس حد تک موثرہوتا ہے یہ عمران خان کی کمٹ منٹ پر ہے ، عمران خان اسلام آباد پہنچ کرنئے الیکشن کا مطالبہ کرے گا ، ان کا کہنا تھا کہ صورت حال بہرحال بہت خراب ہے ملک دیوالیہ ہونے کے قریب ہے سب قوتوں کو مل بیٹھ کراس مسئلے کا حل تلاش کرنا چاہیے

  • عمران خان اور بشری بی بی کی کونسی ویڈیوز ہیں جن سے پی ٹی آئی گھبرا رہی ہے:مبشرلقمان

    عمران خان اور بشری بی بی کی کونسی ویڈیوز ہیں جن سے پی ٹی آئی گھبرا رہی ہے:مبشرلقمان

    لاہور:عمران خان اور بشری بی بی کی کونسی ویڈیوز ہیں جن سے پی ٹی آئی گھبرا رہی ہے:مبشرلقمان کا انکشاف اطلاعات کے مطابق سنیئر صحافی مبشرلقمان نے انکشاف کیا ہے کہ عمران خان اوربشریٰ بی بی کے حوالے سے بہت جلد ایک ایسی ویڈیو آرہی ہے جس سے پی ٹی آئی کو خوف لاحق ہے

    مبشرلقمان نے کہا کہ اس ویڈیو میں پیسوں کی ڈیمانڈ کی جاتی ہے اور پھرپیسے لیے جاتے ہیں ، ان کا یہ بھی کہنا تھاکہ عمران خان کومسئلہ فحش ویڈیوز سے نہیں بلکہ کرپشن کی ویڈیو سے جس میں وہ پیسے مانگ رہےہیں ،اور خاتون اول بھی روحانی یونیورسٹی کے نام پر پیسے مانگ رہی ہیں‌

    ان کا یہ بھی کہنا تھا کہ جب یہ چیز سامنے آئے گی تو پھر میڈیا پربھی چلے گی اور سوشل میڈیا پھر چلے گی اور دبا کر چلے گی

    پی ٹی آئی کی طرف سے اس ویڈیو کو فیک قراردیا جارہاہے ، ان کا یہ بھی کہنا تھا کہ اس طرح سے پی ٹی آئی اس کو اس سے مسئلہ ہے وہ سوشل میڈیا پر ڈیب فیک کے حوالے سے 10 ہزار ٹویٹس دیکھ چکے ہیں‌،مبشرلقمان کا کہنا تھا کہ کون سا ڈیپ فیک کیلیفورینا کی عدالت کا فیصلہ موجود ہے اگر یہ واقعی سچے ہیں تو جائیں اور اس فیصلے کو چیلنج کریں

    لائیو ود نصراللہ ملک کے ساتھ گفتگو کرتے ہوئے مبشرلقمان نے انکشاف کیا کہ یہ ایک حقیقت ہے جس کو منظرعام پر آنا ہی ہے

    یاد رہے کہ چند دن پہلے بھی اس ویڈیو پر بات چیت ہوئی تھی جس میں کہا گیا تھا کہ عمران خان کے سوتیلےرشتے دارکے ساتھ ویڈیو آچکی ہے بس وہ منظر عام پرآنے والی ہے:

     

    کھرا سچ ود مبشر لقمان میں گفتگو کرتے ہوئے حامد میر کا کہنا تھا کہ عمران خان نے جس طرح اپنے دورحکومت میں اپنے مخالفین کو کرپشن کیسز میں جیلوں میں بند رکھا اسی طرح ہی اب عمران خان کی باری بھی آسکتی ہے،ان کا کہنا تھا کہ کرپشن کیسز کو بنیاد بناکراپنے مخالفین سے انتقام لیا اب عمران خان کی باری ہے

    حامد میر نے سنیئر صحافی مبشرلقمان سے بات کرتے ہوئے کہا کہ آپ بھی اس شخص کو جانتے ہوں گے جوعمران خان کا قریبی رشتہ دار ہے اور جس نے اس دوران مالی فائدہ حاصل کرنے کی کوشش کی

    ان کا یہ بھی کہنا تھا کہ ممکن ہے کہ اس آنے والی ویڈیو میں عمران خان کا وہ رشتہ دار کسی سے لے دے کررہا ہوں اور یہ بھی ممکن ہےکہ وہ پیسے وصول کررہا ہو ، جس آنے والے دنوں میں عمران خان کے لیے سیاسی طور پر نقصان دہ ثابت ہوئے

    حامد میر نے بتایا کہ یہی وجہ ہے کہ پی ٹی آئی قیادت نے ابھی سے یہ کہنا شروع کردیا ہے کہ عمران خان کے خلاف ایک سازش رچائی جارہی ہے ، ان کا یہ بھی کہنا تھا کہ فواد چودھری بھی اس حوالے سے خبردار کرچکے ہیں کہ کچھ بھی ہوسکتا ہے

  • جوبھی غلط کرے گا وہ اس کا جواب دہ ہے:گورنرپنجاب عمرسرفرارچیمہ

    جوبھی غلط کرے گا وہ اس کا جواب دہ ہے:گورنرپنجاب عمرسرفرارچیمہ

    لاہور:جوبھی غلط کرے گا وہ اس کا جواب دہ ہے:گورنرپنجاب عمرسرفرارچیمہ نے سینئرصحافی مبشرلقمان کے ساتھ گفتگو کرتے ہوئے آنے والے دنون میں مشکل حالات کا مقابلہ کرنے کے حوالے سے اپنا موقف گوش گزار کردیا ہے ،

    اطلاعات کے مطابق پی این این پرکھرے سچ پروگرام کے میزبان مبشرلقمان کے ساتھ گفتگو کرتے ہوئے گورنرپنجاب نے اس بات کا اعادہ کیا کہ وزیراعظم عمران خان کی طرح ان کا بھی یہ نظریہ اور ماٹو ہے کہ کوئی بھی ہوہرکسی نے اپنا حساب دینا ہے اوراگرکسی کا کوئی رشتہ داربھی اس میں ملوث ہے تو وہ بھی جوابدہ ہوگا

     

    اس حوالے سے جب سینئر صحافی مبشرلقمان نے ایک سوال پوچھااور آنے والے دنوں کے حوالے سے خبردار کیا کہ ہوسکتا ہے کہ اگلے چند دنوں تک آپ کی پارٹی کے بہت سے لوگوں کے خلاف کیس بنائے جارہے ہیں تو اس کے جواب میں گورنرپنجاب نے کہا کہ ہمارے گاون میں اکثریہ مثال دی جاتی ہے کہ جنّہے کھادیاں گاجراں پیٹ اونہاں دے پیڑ، جو کرے سو بھرے گا

    عمرسرفرازچیمہ نے مبشرلقمان سے گفتگو کرتے ہوئے کہا وہ آئین کے مطابق کام کررہے ہیں اورکوئی غلط کام نہیں کریں‌گے ان کایہ بھی کہنا تھا کہ وہ صوبے میں آئینی کردار کے حوالےسے بہت کلیئر ہیں

     

    گورنرپنجاب عمرسرفراز چیمہ نےکہا کہ پی ٹی آئی انتقام پریقین نہیں رکھتی بلکہ احتساب کوسسٹم کے لیے اچھا سمجھتی ہے ، پی پی پی اور ن لیگ کے ایک دوسرے کے خلاف کیسز ان کے اپنے دور کے ہیں ، عمران خان نے ان پرکوئی کیس نہیں کیا

     

    ایک اور سوال کے جواب میں انکا کہنا تھا کہ پی ٹی آئی میں ہمیشہ ایسے لوگوں کو موقع دیا گیا جن کے بارے میں یہ خیال تھا کہ وہ ممکن ہے کہ بہتر انداز سے کام کرسکیں ، ان کا یہ کہنا تھا کہ 1996 میں بننے والی پارٹی میں مڈل کلاس کو آگے لانے کی کوشش کی گئی ، شایدیہی وجہ ہے کہ کچھ لوگوں کو موقع دیا گیا

    ایک اور سوال کے جواب میں سرفراز چیمہ نے کہا کہ بہرکیف عثمان بزدار نے نیک نیتی سے کام کیا ، ان کا یہ بھی کہنا تھا کہ عمران خان نے عالمی برادری میں پاکستان کا مقام بلند کیا اوریہ ہے کسی ملک کی عزت کے لیے بڑا اعزاز ہے

     

    عمرسرفراز چیمہ نے ایک سوال کے جواب میں کہا کہ 4 سال میں اگر نواز شریف ہو تا تو اتنے میں 18 ملین بنا لیتا: ان کا کہنا تھا کہ پچھلے چار سال بھی خان صاحب جو باتیں کرتے رہے ہیں اور آج بھی کر رہے ہیں انہی کی بنیاد پر تحریک انصاف وجود میں آئی

  • آج صبح سےلاہورکےمختلف علاقوں میں بجلی پوری نہیں‌:کم وولٹیج ہیں:خیرتوہے؟:مبشرلقمان

    آج صبح سےلاہورکےمختلف علاقوں میں بجلی پوری نہیں‌:کم وولٹیج ہیں:خیرتوہے؟:مبشرلقمان

    لاہور:آج صبح سےلاہورکےمختلف علاقوں میں کم وولٹیج ہے:خیرتوہے؟رمضان المبارک میں لوگ پریشان ہیں:اطلاعات کے مطابق اس وقت لاہور کے مختلف علاقوں میں بجلی کے کم وولٹیج کی وجہ سے لوگ بہت پریشان ہیں اور یہ بھی اطلاعات ہیں کہ اس پریشانی کا سب سے زیادہ شکار روزہ دار ہیں

     

    عوام الناس کی اسی پریشانی کودیکھتے ہوئے سینئر صحافی مبشرلقمان نے سماجی رابطے کی ویب سائٹ پرواپڈا والوں سے اور ان لوگوں سے جو بجلی کے معاملات کے ساتھ منسلک ہیں کہ یہ صورت حال ڈیفینس کے ایریا میں ہے یا لاہور کے دیگر علاقون میں بھی لوگ اسی مسئلے کا شکار ہیں ،

    ان کا کہنا تھا کہ وہ یہ امید لیکر بیٹھے تھے کہ کہیں سے کوئی اچھا جواب مل جائے گا جس سے اس مسئلے پر قابوپانے میں آسانی رہے گی لیکن افسوس اس بات کا کہ اہل لاہورکچھ اچھے مزاجوں اور رویے کے حامل شہری ثابت نہیں ہوئے

    مبشرلقمان کہتے ہیں کہ میں نے ایک سادہ سا سوال پوچھا تھا مگرافسوس کے ساتھ کہنا پڑرہا ہےکہ مجھے نفرت انگیز پیغامات مل رہے ہیں۔ مجھے یقین ہے کہ ان میں سے کچھ روزہ دار بھی ہوں گے۔

     

    مبشرلقمان کہتے ہیں کہ مجھے یہ جوابات سُن کرکچھ یہ احساس سا ہورہا ہے کہ یہ کیسے منہ پھٹ لوگ کہ جن کو پتہ ہی نہیں‌ کہ کسی کے بارے میں کس قدر محتاط زبان استعمال کرنی چاہیے ، وہ کتہے ہیں‌کہ اصل میں یہ وہ تربیت ہے جو ان کے والدین اور رہنماؤں نے ان کو دی ہے

     

     

    مبشرلقمان بڑے افسوس کے ساتھ کہتے ہیں کہ بیوقوفوں پر افسوس ہوتا ہے کیونکہ وہ نہیں جانتے کہ وہ کتنے احمق نظر آتے ہیں۔ان کا یہ رویہ ان کےلیے کس قدر نقصان دہ ہے

  • مبشرلقمان کے خلاف عظمیٰ گل کی درخواست مسترد:عدالت نے سنیئرصحافی پرالزامات بھی مسترد کردیئے

    مبشرلقمان کے خلاف عظمیٰ گل کی درخواست مسترد:عدالت نے سنیئرصحافی پرالزامات بھی مسترد کردیئے

    راولپنڈی :مبشرلقمان کے خلاف عظمیٰ گل کی درخواست مسترد:عدالت نے سنیئرصحافی پرالزامات بھی مسترد کردیئے،اطلاعات کے مطابق واران ٹورز کی چیئر پرسن عظمیٰ گل کی طرف سے سنیئر صحافی پرلگائے گئے الزامات راولپنڈی کی ایک عدالت نے نہ صرف مسترد کردئیے ہیں بلکہ عظمیٰ گل کی درخواست خارج کرتےہوئے اسے بے بنیاد قراردیا ہے

    ذرائع کے مطابق راولپہنڈی کی ایک عدالت اس کیس کا فیصلہ سنایا،ایڈیشنل سیشن جج محمد افضل ماجوکے نے اس کیس کا فیصلہ سنایا،عدالت نے عظمیٰ گل اور اس کے شوہر کی طرف سے لگائے گئے الزامات کو انتقامی رویہ قراردیا

    عدالت نے ہتک عزت کے الزام کے اس کیس میں ہرجانے کا دعویٰ بھی مسترد کردیا ہے
    یاد رہے کہ عظمیٰ‌ گل نےمعروف اینکر پرسن مبشر لقمان کواپنے متعلق پروگرام کرنے پر لیگل نوٹس بھجوا یا تھا . عظمی گل نے اپنے شوہر ونگ کمانڈر ریٹائرڈ یوسف گل کی جانب سے مجموعی طور پر ایک ارب روپے کی مالیت کے لیگل نوٹس بھجوائے تھے. انہیں پچاس پچاس کروڑ‌کے الگ الگ نوٹس بھجوائے گئے تھے

     

     

    [wp-embedder-pack width=”100%” height=”400px” download=”all” download-text=”” attachment_id=”474427″ /]

    واضح رہے کہ چند روز قبل سینئر اینکر پرسن مبشر لقمان نے جنرل ریٹائرڈ حمید گل مرحوم کی ایک جائداد جو کہ بس اڈا ہے اس پر پروگرام کیاتھا .اس بس سٹینڈ پر جنرل حمید گل کےبیٹے عبداللہ گل اور بیٹی عظمیٰ گل کے درمیان تنازعہ چل رہا ہے .حکومت نے اس اڈے کو خالی کرا کر اسے قرنطینہ سینٹرز بنا دیا تھا . جس پر عظمیٰ گل نے سٹے آرڈر لے رکھا تھا .

    حکومتی اہلکاروں نے زبردستی یہ اڈا خالی کرا کے اس پر قرنطینہ سینٹر بنایا . اس جائیداد پر پروگرام کرنے پر عظمیٰ گل نے مبشر لقمان پر یہ الزام لگایا کہ اس میں‌حقائق کے خلاف اور من گھڑت باتیں کی ہیں. اور حتک عزت کا دعویٰ کرتے ہوئے ان کے خلاف لیگل نوٹس بھیجا  .

    یاد رہے کہ سینیئر صحافی مبشرلقمان نے اس کیس کے حوالے سے کافی تحقیق کے بعد کہا تھا کہ عظمیٰ گل کے شوہر یوسف صاحب جو جنرل حمید گل کے داماد اور ائیرفورس میں ہوتے تھے وہ ایک زمانے میں نواز شریف کے آئی ڈی سی بھی تھے ایک اے ڈی سی کیپٹن صفدر تھے اور دوسرے ایئر فورس کی طرف سے یوسف صاحب ۔پھر کسی وجہ سے یوسف نے ائیرفورس چھوڑ دیں یا ان سے ایئر فورس چھڑوا دی گئی

    مبشرلقمان نے اس وقت پروگرام میں حقائق پیش کرتے ہوئے کہا تھا کہ میاں صاحب نے خوش ہو کر راولپنڈی کا جنرل بس اسٹینڈ ان کو غیرمعینہ مدت کے لیے لیز پر دے دیا ، مبشرلقمان نے یہ بھی کہا تھا کہ ظاہر ہیں نوازشریف بادشاہ سلامت تھے جو دل کرتا تھا وہی کرتے تھے اس زمین پر ایک بس سروس شروع کی گئی قرضے بھی لیے گئے لیکن 2005 میں وہ بس سروس بند ہو گئی لیکن لیس پر 35 کنال اراضی لی گئی تھی وہاں پر قبضہ نہیں چھوڑا گیا بس سروس بند ہونے کے بعد وہاں غیر قانونی طور پر پٹرول پمپ اور جیولری شاپ پر دفاتر کھول دیے گئے سینئر صحافی افتخار احمد جیو پروگرام جواب دے کیا کرتے تھے اپنے پروگرام میں انہوں نے جنرل حمیدگل سے واران بس سروس کے بارے میں پوچھا جنرل حمید گل نے کہا کہ میرا اس سے کوئی تعلق نہیں ہے ویسے بھی جو کام کرنے لے کر سود پر کیا جائے میں اسے پسند نہیں کرتا مجھ سے اس بارے میں بات نہ کریں ۔

    مبشرلقمان کہتے ہیں اب ہوا کچھ یوں کہ غیرقانونی کام زمین پر ہو رہے تھے کرونا وائرس پھیلنے کے بعد راولپنڈی میں حکومت کو کر قرنطینہ سینٹر بنانے کے لیے جگہ درکار تھی حکومت نے عازمین کو خالی کرانے کا فیصلہ کیا اس دوران حمیدگل کی بیٹی نے کوئی اسٹے آرڈر لے رکھا تھا لیکن قانونی طور پر یہ زمین حکومت کی ملکیت ہے جب یہاں بس سروس نہیں چل رہی تھی دوسرے کام ہو رہے تھے تو وہ غلط تھا اب یہ لوگ جنرل حمید گل کا نام استعمال کر رہے تھے

    مبشرلقمان نے کہا تھا کہ دکھ اس بات کا ہے کہ داماد اور بیٹی نے جنرل حمید گل کا نام لے لیا حالانکہ جنرل حمید گل نے کبھی کسی کی زمینوں پر قبضہ نہیں کیا تھا باعزت طریقے سے زندگی گزاری ان کے مخالفین بھی اس بات کی گواہی دیتے ہیں ۔

    مبشر لقمان نے یہ بھی انکشاف کیاتھا کہ جو صاحب کو یاد کرنا چاہیے جب نوازشریف نے زمین دی تھی اگر ان کی کیپٹن صفدر سے دوستی تھی اور آپ کی بیگم بھی مریم نواز کی اسسٹنٹ بن جانے کی وجہ سے دوستی تھی آپ کے خاندان کی نواز شریف سے کافی پربت رہی ہے اگر اس وجہ سے عمران خان کو برا کہہ رہے ہیں تو اور بات ہے ورنہ آپ کو مرحومین کا نام استعمال نہیں کرنا چاہیے مبشر لقمان اس وقت کہا تھا کہ کہا میرے لحاظ سے تو حکومت کو چاہیے کہ ان کے خلاف ایف آئی آر درج کرے اور اتنے سال جو انہوں نے سرکاری زمین غیر قانونی طور پر اپنے پاس رکھیں اور کام کرتے رہے اس پر ٹیکس بھی لینا چاہیے

    اس پروگرام کے پیش ہونے کے بعد عظمٰی گل نے سنیئر صحافی کے خلاف ہتک عزت کا کیس دائر کیا تھا جسے آج عدالت نے مسترد کرتے ہوئے ردی کی ٹوکری میں ڈال دیا ہے

    ادھر اس کیس میں‌کامیابی پر مبشرلقمان کے چاہنے والوں کی طرف سے مبارکباد کا سلسلہ جاری ہے