Tag: مبشر لقمان

باغی ٹی وی کی رپورٹ کے مطابق سینئر صحافی و اینکر مبشر لقمان نے کہا ہے کہ پنڈت جواہر لال نہرو لگاتار تین مرتبہ وزیر اعظم بنے۔اس ریکارڈ کو اب جا کر مودی نے توڑا ہے۔ اور یہ بھی لکھ لیں ۔جلد مودی ایک اور ریکارڈ بھی توڑےگا وہ ہے بھارت کو توڑنے کا ۔

مبشر لقمان آفیشیل یوٹیوب چینل پر اپنے وی لاگ میں مبشر لقمان کا کہنا تھا کہ اسی لیے میری نظر میں اس سال کی سب سے دھماکا خیز خبر بھارتی انتخابات کے نتائج تھے۔ جس کو عالمی میڈیا نے بھر پور کوریج دی۔اس میں کوئی شک نہیں کہ بھارتی انتخابات کے نتائج خطے کے حوالے سے بڑی اہمیت رکھتے ہیں۔ ایک طرف پاکستان بد ترین سیاسی اور معاشی عدم استحکام سے دو چار ہے۔ ان حالات میں مودی کا دو تہائی اکثریت نہ لے پانا پاکستان کے لیے نیک شگون ہے۔ ورنہ پاکستان کے لیے بہت خطرناک ثابت ہو سکتا تھا۔شرارتیں تو مودی اب بھی کرے گا ایسا نہیں کہ وہ باز آجائے کیونکہ انسان کی خصلت نہیں بدل سکتی ۔ آپ دیکھیں ابھی مودی کو لولی لنگڑی حکومت سنبھالے صرف دو دن نہیں گزرے اوربھارتی سیکیورٹی فورس کے اہلکاروں نے بنگلادیشی سرحد کے نزدیک ایک نہتے شہری کو گولی مار کر ہلاک کر دیا ۔جبکہ اس سال کے چار پانچ ماہ میں بھارتی فوج کی سرحد پر فائرنگ سے ہلاک ہونے والے بنگلادیشی شہریوں کی تعداد دس سے تجاوز کرچکی ہے ۔ پھر گزشتہ دو انتخابات میں مودی نے اپنی جیت پر سارک ممالک کے سربراہوں کو مدعو کیا تھا۔ لیکن اس دفعہ سارک ممالک کے سربراہوں کو مدعو نہیں کیا گیا ہے حیرانی کی بات ہے۔ شاید شاک بہت گہرا ہے۔

مبشر لقمان کا مزید کہنا تھا کہ مودی کی شرانگیزیوں کا اندازہ پاکستان اور چین سمیت اب کینیڈ ا کو بھی مکمل طور پر ہو چکا ہے ۔ آپ دیکھیں ہردیپ سنگھ کے قتل کو ایک سال مکمل ہونے پر کینیڈا میں ہزاروں افراد نے بھارت کے خلاف مظاہرہ کیا۔ اور یہ کوئی چھوٹا موٹا مظاہرہ نہیں تھا پچاس ہزار سے زائد افراد مودی سرکار کے خلاف اور پردیپ سنگھ سے اظہاریکجہتی کیلیے وینکوور کی سڑکوں پر نکل آئے۔یہ نعرے بھی لگے کہ خالصتان بن کر رہے گا۔ پھر آپ دیکھیں حکومت تشکیل پاتے ہی مودی کی مسلم دشمنی سامنے آچکی ہے ، کیونکہ مودی حکومت کی بہتر رکنی کابینہ میں تیس وزرا ء اور اکتالیس وزرائے مملکت شامل ہیں، جبکہ پانچ اقلیتی اراکین شامل ہیں مگر کسی مسلمان رکن کو شامل نہیں کیا گیا۔اور ایسا پلان کرکے جان بوجھ کر کیا گیا ہے ۔ ویسے مودی کی نئی کابینہ میں کسی مسلم وزیر کے نا ہونے کی ایک وجہ یہ بھی ہے کہ لوک سبھا انتخابات میں بی جے پی کے علاوہ این ڈی اے اتحاد کی کسی دوسری جماعت سے بھی کوئی مسلمان الیکشن جیت کر رکن اسمبلی منتخب نا ہو سکا تاہم بھارتی آئین کے مطابق نریندر مودی کو یہ اختیار بھی حاصل تھا کہ وہ کسی بھی غیر منتخب شخص کو وزیر مملکت یا مشیر مقرر کر سکتے تھے جسے کے لیےچھ ماہ کے اندر الیکشن لڑ کر منتخب ہونا ضروری تھا، تاہم انہوں نے ایسا کرنا بھی گوارا نہ کیا۔ بھارتی آبادی کے چودہ فیصد مسلمانوں کی لوک سبھا میں نمائندگی پانچ فیصد سے بھی کم ہے جبکہ الیکشن میں جو چوبیس مسلمان امیدوار کامیاب ہوکر رکن اسمبلی منتخب ہوئے ان میں سے اکیس کا تعلق اپوزیشن اتحاد ۔۔انڈیا۔۔ سے ہے، ایک رکن کا تعلق انڈیا مجلس اتحاد مسلمین سے جبکہ دو مسلمان امیدوار آزاد حیثیت میں کامیاب ہوکر لوک سبھا پہنچے ہیں ۔

مبشر لقمان کا مزید کہنا تھا کہ دوسر ی جانب دنیا بھر کے سربراہان مملکت کی طرح پاکستان کے وزیر اعظم شہباز شریف اور ن لیگ کے صدر نواز شریف نے مودی جی کو مسلسل تیسری بار وزیراعظم بننے پر گرمجوشی سے مبارکباد دیتے ہوئے کہا کہ الیکشن میں مسلسل تیسری بار کامیابی بھارتی عوام کے اعتماد کا اظہار ہے، آئیں ہم نفرت کو امید سے بدل کر اسےدو ارب انسانوں کی ترقی کا موقع بنائیں۔بات تو اچھی تھی مگر مودی نے اس کا الٹا مطلب لیا بلکہ یوں کہیں ۔ کتے کی دم کبھی سیدھی نہیں ہوتی ۔ردعمل میں مودی نے کہا کہ بھارت کے عوام ہمیشہ امن، سیکیورٹی اور ترقی پسند خیالات کےحامی رہے ہیں، بھارتی عوام کی سیکیورٹی اور خوشحالی ہمیشہ ہماری ترجیح رہے گی۔جبکہ یاد ہو تو اسی سال مارچ میں پاکستانی وزیر خارجہ اسحاق ڈار نے انڈیا کے ساتھ تجارتی تعلقات کی بحالی کا عندیہ دیا تھا اور کہا تھا کہ پاکستان اس حوالے سے سنجیدگی سے غور کر رہا ہے۔ اس وقت بھی انڈین قیادت کی جانب سے سرحد پار دہشتگردی اور سکیورٹی جیسے اعتراضات اٹھائے گئے تھے۔ اب ایک بار پھر نواز شریف نے مودی کی طرف دوستی کا ہاتھ بڑھایا جن کے ساتھ ان کا اچھا ذاتی تعلق ہے اور شہباز شریف بھی انڈیا کے ساتھ تعلقات میں بہتری لانے کے حوالے سے ماضی میں بات کر چکے ہیں۔ اس پر میں یہ ہی کہوں گا کہ سمجھ سے باہر کہ ن لیگ انڈیا کے معاملے پر پتہ اتنا کیوں نیچے لگ جاتی ہے ۔ یہ پہلے بھی مودی کی اماں کو ساڑھیوں اور آموں کے تحفے بھیجتے رہے ہیں جبکہ بغیر ویزے کے اپنی شادیوں پر بھی مود ی کو مدعو کر تے رہے ہیں مگر بھارت نے ہر بار اس جذبہ خیر سگالی کا جواب نفرت سے دیا ہے ۔ میں تو اتنا جانتا ہوں کہ جب تک مودی ہے پاک بھارت تعلقات معمول پر نہیں آسکتے ہیں کیونکہ ان کی سیاست کا تمام دارومدار ہی پاکستان اور مسلم دشمنی پر ہے ۔ تو وہ کیسے اپنی اس پالیسی کو بدلیں گے ۔ اب آپ دیکھیں بھارتی وزیر خارجہ سبرامنیم جے شنکر نے دوسری بار وزیر خارجہ کا حلف اٹھاتے ساتھ کہا کہ ان کا ملک پاکستان کے ساتھ برسوں پرانے دہشت گردی کے مسئلے کا حل تلاش کرنا چاہتا ہے۔ جس میں دراندازی کا معاملہ بھی شامل ہے۔حالانکہ یہ معاملہ پاکستان کا اٹھانا بنتا ہے گزشتہ چند سالوں میں بھارت نے چن چن کر پاکستان میں ٹارگٹ کلنگ کروائی ہے ۔ جس کے ثبوت دفتر خارجہ دنیا بھر کے سامنے رکھ چکا ہے ۔ پھر کلبوشن یادو جیسا جاسوس پاکستان کی سرزمین سے پڑا گیا اس سے بڑا پاکستان میں بھارتی دراندازی کا ثبوت کیا ہوگا ۔ پتہ نہیں ہم اتنا ڈرتے کیوں ہیں ۔ بہرحال بھارتی وزیر خارجہ سبرامنیم جے شنکر نے چین کے ساتھ تعلقات کے بارے میں بھی کہا ہے کہ اُن کے ساتھ کچھ سرحدی مسائل ہیں اور ہماری توجہ اس بات پر ہوگی کہ انہیں کیسے حل کیا جائے۔

شاہد خاقان عباسی کچھ بڑا کریں گے؟ن لیگ کی آخری حکومت

جبری مشقت بارے آگاہی،انٹرنیشنل لیبر آرگنائزیشن کی لاہور میں میڈیا ورکشاپ

بہت ہو گیا،طوائفوں کی ٹیم، محسن نقوی ایک اور عہدے کے‌خواہشمند

قومی اسمبلی،غیر قانونی بھرتیوں پر سپیکر کا بڑا ایکشن،دباؤ قبول کرنے سے انکار

سماعت سے محروم بچوں کے والدین گھبرائیں مت،آپ کا بچہ یقینا سنے گا

حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام

جمخانہ کلب میں مبینہ زیادتی،عظمیٰ تو پرانی کھلاڑی نکلی،کب سے کر رہی ہے "دھندہ”

شیر خوار بچوں کے ساتھ جنسی عمل کی ترغیب دینے والی خاتون یوٹیوبر ضمانت پر رہا

مردانہ طاقت کی دوا بیچنے والے یوٹیوبر کی نوکری کے بہانے لڑکی سے زیادتی

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ مسلم لیگ نواز کی آخری حکومت ہے بلکہ حکومت میں کسی قسم کا عمل دخل بھی آخری بار ہو رہا ہے، ن لیگ کے کرتا دھرتاؤں کو شاید پتہ ہے ،اسی لیے ن لیگی رہنما پارٹی پالیسی کے برعکس بیانات دے رہے ہوتے ہیں، یہ کیوں ہو رہا ہے؟ کیوں ن لیگ عنقریب تاریخ کا حصہ بننے جا رہی ہے، یہ جب نکلے گی تو بہت زیادہ ہو گیا تو ق لیگ بن کرنکلے گی یا جہانگیر ترین کی استحکام پاکستان پارٹی کی طرح ہو جائے گی

مبشر لقمان آفیشیل یوٹیوب چینل پر وی لاگ کرتے ہوئے مبشر لقمان کا کہنا تھا کہ بجٹ کے بعد وزیراعظم نے وفاقی کابینہ میں توسیع کا فیصلہ کیا ہے،مسلم لیگ ن اور اتحادی جماعتوں سے سینئر سیاسی رہنماؤں کو کابینہ میں شامل کیا جائے گا، وزیراعظم نے پیپلز پارٹی کو کابینہ کا حصہ بننے کی دعوت دی ہے اور احسن اقبال کو اہم ٹاسک دے دیا گیا ہے، پیپلز پارٹی کو وزارتوں کے حوالہ سے مشاورت جاری ہے،وزیراعظم کی صدر مملکت سے ہوئی، احسن اقبال اس کے بعد متحرک ہو گئے ہیں، احسن اقبال نے وزیراعلیٰ بلوچستان اور قمر زمان کائرہ سے بھی رابطہ کر لیا ہے، میں ڈیڑھ ماہ پہلے ہی کہہ چکا تھا کہ پیپلز پارٹی حکومت میں آئے گی اور بجٹ کے بعد آئے گی، بجٹ میں وہ کہیں گے یہ ہمیں منظور نہیں عوامی بجٹ نہیں لیکن اسکے بعد وہ کابینہ میں شامل ہوجائیں گے، پی آئی اے کی نجکاری بارے بھی پیپلز پارٹی کہے گی کہ یہ تو اب ہو چکا ہم کیا کر سکتے ہیں.

مبشر لقمان کا مزید کہنا تھا کہ شاہد خاقان عباسی کا ہم سب کو پتہ ہے وہ دو تین لوگوں کے ساتھ ملکر نئی سیاسی جماعت بنا رہے ہیں، تین چار سال بعد اس جماعت کی بڑی گنجائش ہو گی، ن لیگ کے ناراض لوگ اس میں آئیں گے، پی ٹی آئی کے ناراض بھی اس میں آئیں گے، دیگر جماعتیں جو اپنے وزن تلے دب رہی ہیں انکے لوگ بھی اس میں آئیں گے، وقت سے پہلے کہہ رہا ہوں کہ ن لیگ کی آخری حکومت ہے، اسکی ایک وجہ ہے، 2013 میں نئے ووٹ ن لیگ کے خلاف پڑے، 2018 میں جو الیکشن ہوئے اس میں بھی نئے ووٹرز ن لیگ کے خلاف پڑے ڈیڑھ کروڑ کے قریب، اب جو الیکشن ختم ہوئے، اس میں نئے ووٹ ن لیگ کے خلاف پڑے ہیں، 2028 میں نئے ووٹرز کی تعداد دو سوا دو کروڑ ہو گی جو ن لیگ کے حق میں نہیں ہوں گے، دیگر ووٹ بینک بھی کم ہو گا، اسی لئے شاہد خاقان عباسی جو اب پارٹی بنا رہے ہیں، وہ کسی کی برائی نہیں کر رہے عمران خان کو کہتے ہیں سیاسی طور پر ڈیل کرنا چاہئے اسی طرح پیپلز پارٹی کو بھی، وہ وزیراعظم بھی رہ چکے ہیں، وہ ہر ایک کو قابل قبول ہیں، نہ وہ وی آئی پی پروٹوکول کے خواہشمند ہیں،

وفاقی بجٹ ،قومی اسمبلی سیکورٹی کے سخت انتظامات،ہنگامہ آرائی کا خدشہ

آئی ایم ایف کے علاوہ کوئی دوسرا راستہ نہیں،مہنگائی میں کمی ہو رہی،وزیر خزانہ

جبری مشقت بارے آگاہی،انٹرنیشنل لیبر آرگنائزیشن کی لاہور میں میڈیا ورکشاپ

بہت ہو گیا،طوائفوں کی ٹیم، محسن نقوی ایک اور عہدے کے‌خواہشمند

قومی اسمبلی،غیر قانونی بھرتیوں پر سپیکر کا بڑا ایکشن،دباؤ قبول کرنے سے انکار

سماعت سے محروم بچوں کے والدین گھبرائیں مت،آپ کا بچہ یقینا سنے گا

حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام

جمخانہ کلب میں مبینہ زیادتی،عظمیٰ تو پرانی کھلاڑی نکلی،کب سے کر رہی ہے "دھندہ”

سینئر صحافی و اینکر پرسن مبشر لقمان نے کہا ہے کہ پاکستان میں الیکشن ہوں ، پی ایس ایل ہو ، عید ہو ، چودہ اگست آنے والی ہو ، کوئی شادی کا فنکشن ہو ، کرکٹ ورلڈ کپ ہو رہا ہو ۔ غرض دنیا میں کوئی بھی بڑا ایونٹ ہو رہا ہو ۔ اگر ایک شخص ان اہم ایونٹس میں اپنے فن کا مظاہر ہ نہ کرے تو مزہ نہیں آتا ۔ مجھے نہیں پتہ یہ کامیڈین ہیں یا سنگر ہیں یا اداکار ہیں ۔ پر جو بھی ہیں ہیں بڑے فنکار کیونکہ جب صرف وہ اپنے مخصوص انداز میں یہ ہی کہتے ہیں ۔۔اسلام وعلیکم ۔۔ تو لوگوں کے چہروں پر ہنسی کے غبارے پھوٹ پڑتے ہیں ۔ جی میں بات کر رہا ہوں چاہت فتح علی خان کی ۔

مبشر لقمان آفیشیل یوٹیوب چینل پر اپنے وی لاگ میں مبشر لقمان کا کہنا تھا کہ میری نظر میں تو یہ ایسا لیجنڈ فنکار ہے جس نے سوشل میڈیا پر لوگوں کو اپنا ایسا گرویدہ بنا لیا ہے ۔ کہ اس کے کروڑوں فالورز ہیں ۔ مزے کی بات ہے کہ ان کے بنائے گانوں پر میمز کا طوفان بنتا ہے اور جو لوگ ان کے ہی انداز میں دوبارہ ۔۔ری ڈو۔۔ کرکے ویڈیوز بناتے ہیں ۔ ان میں بڑے بڑے سیلبرٹیز ہیں ۔ اب حالیہ ان کا ۔بدو بدی ۔ تواتنا مشہور ہوچکا ہے کہ نیپالی ، پاکستانی ، انڈینز ،امریکی ، برطانوی ٹاک ٹاکرسمیت مشہور شخصیات ز تک نے ویڈیوز بنائی ہیں ۔ بلکہ بھارتی سپر اسٹار دلجیت دوسانج تک نے چاہت کے گائے گانے پر ویڈیو بنا کر انسٹا پر ڈالی ہوئی تھی ۔ یعنی اب بڑے بڑے سپر اسٹارز چاہت کو فالو کر رہے ہیں ۔مگر افسوس کی بات یہ ہے کہ یوٹیوب نے اس گانے کو ڈیلیٹ کر دیا ہے حالانکہ صرف اس ایک گانے کی بات کروں تو ایک ماہ پہلے یہ اپلوڈ کیا گیا ۔ اور اب تک اسکو دو کروڑ ستر لاکھ سے زائد لوگ دیکھ چکے ہیں ۔ حالانکہ اوریجنل گانے کو ۔۔اَکھ لڑی بدو بدی۔۔ کو یوٹیوب پر بارہ سال پہلے اپلوڈ کیا گیا تھا ۔ اور اتنا طویل عرصہ گزر جانے کے بعد سے اب تک صرف اکیانوے لاکھ لوگوں نے دیکھا ہے ۔ جو اگر یوٹیوب پر گانوں کے حوالے سے دیکھا جائےتو بہت ہی کم نمبر ہے ۔ ویسے انیس سو تہتر میں جب بنارسی ٹھگ کے لیے موسیقار بخشی وزیر نے ۔ ۔اکھ لڑی بدوبدی ۔۔ کے لیے دھن اور تخلیق کیا ہوگا۔ تو انہیں خود بھی اندازہ نہیں ہوگا کہ پچاس سال بعد کوئی ایک ایسا گلوکار بھی آئے گا جو سُر اور لَے کے بغیر اس گیت کو گا کر نور جہاں کے گائے ہوئے اس گیت سے زیادہ مقبولیت اور شہرت حاصل کر جائے گا اور اب اگر آج ملکہ ترنم نور جہاں زندہ ہوتیں تو وہ چاہت فتح علی خان کی اس کاوش کو سن کر انجوائے کرتیں یا کرب سے دوچار ہوتیں۔ یہ اہم سوال ہے ۔پر میں اتنا جانتا ہوں کہ حس مزاح میڈیا کی بھی اعلی تھی ۔

مبشر لقمان کا مزید کہنا تھا کہ یہاں سوال یہ جنم لیتا ہے کہ آخر چاہت فتح علی خان کی اس قدر مقبولیت اور شہرت کی وجہ کیا ہے؟ تو میں آپکو بتاتا ہوں کہ اب ہم کو ہنسانے والے نہیں رہے ۔ تھیڑ ز بند ہوچکے ہیں ۔ تھیڑ والے کامیڈینز کو ٹی وی چینلز پر ہاتھ پاوں باندھ کر ہم نے بیٹھا دیا ہے ۔ اور لوگوں کو ان میں کوئی خاص انٹرسٹ نہیں رہا ہے ۔ مجھے نہیں یاد پڑتا آخری بار کسی کامیڈین کی کون سی کہی بات مشہور ہوئی تھی یا زبان زد عام ہوئی تھی ۔ تو یہ ایک بہت بڑا خلا تھا ۔ اس میں کوئی شک نہیں جو پاکستان کے مشکل حالات چل رہے ہیں لوگ انٹرٹینمنٹ چاہتے ہیں۔ ایسے میں اس خلا ء کو چاہت فتح علی خان نے بخوبی فل کیا ہے ۔ صورتحال یہ ہے کہ چاہت کی کہیں بھی انٹری ہو لوگوں کچھے کچھے چلے آتے ہیں ۔ وجہ صرف ایک ہے کہ وہ لوگوں کی چہروں پر ہنسی لاتا ہے ۔ میں یہ مانتا ہوں کہ ان کی آواز بے ڈھنگی اور عجیب و غریب ہے ۔ پر لوگوں کو ان کی آواز سن کر خوشی ہوتی ہے ۔ لوگوں کا یہ اعتراض بھی ٹھیک ہے کہ وہ گانوں کی بھونڈی اور آنکھوں کو تکلیف دیتی عکس بندی کرتے ہیں پر لوگوں کو یہ اسٹائل پسند ہے ۔ تو ہم کو ن ہوتے ہیں اعتراض کرنے والے ۔ کیونکہ مت بھولیں اس وقت ہم سوشل میڈیا کے دور میں جی رہ رہے ہیں جہاں ۔۔پاری (پارٹی) ہو رہی ہے۔۔ کی چند سیکنڈز کی ویڈیو نے کسی کو راتوں رات ایسا سٹار بنایا ہے کہ اس پر کمرشلز اور ڈراموں کی برسات ہو گئی یا پھر کراچی کی اس لڑکی کو دیکھ لیں جس کا ۔۔میرا دل یہ پکارے آ جا۔۔پر رقص اس قدر وائرل ہوا کہ موصوفہ ہر مارننگ شو کی جان بن گئیں۔ یہی نہیں کسی کم سن کے لیے تو ۔۔پیچھے تو دیکھو۔۔ کہنا ہی اس کے آگے بڑھنے کا ذریعہ بن گیا۔اور صرف یہ ہمارے یہاں ہی نہیں دنیا بھر میں ایسے لوگ اور چیزیں ٹرینڈ کرتی ہیں۔۔مثال کے طور پر انڈیا میں۔۔ دھنچک پوجا ۔۔نے بھی کچھ الٹی سیدھی گلوکاری اور شاعری کر کے دھوم مچائی تھی تو یہاں چاہت فتح علی خان نے ایسا کیا ہے تو کوئی اچنبھے کی بات نہیں۔

مبشر لقمان کا مزید کہنا تھا کہ یاد رکھیں لوگوں کے ذہن میں اور ہٹ وہ ہی رہتے ہیں جو کچھ نہ کچھ کرتے رہتے ہیں اور لوگوں کے مزاج کے مطابق کرتے ہیں ورنہ ایسی بھی دسیوں مثالیں جن کی بس ایک ہی چیز وائرل ہوئی اس کے بعد ان کا اتہ پتہ نہیں ۔ جیسے۔۔ ون پاونڈفش۔۔ فیم شاہد نذیر کہاں ہیں کیا کررہے ہیں کسی کو کچھ نہیں پتہ ۔ ۔پھر لاہور دا پاوا۔۔ اختر لاوا۔۔ بھی ایک ہی ویڈیو وائرل ہونے کے بعد ٹھس ہوگئے اب کسی کو کچھ نہیں پتہ کہ آجکل وہ کہاں جنریٹر اسٹار کررہے ہیں۔ ۔ آئی ٹو آئی ۔۔ والے طاہر شاہ نے بھی شاید ایک ہی گانے کے بعد بال کٹوا لیے تھے وہ بھی دوبارہ کبھی نظر نہیں آئے ۔تو اس بات کو سمجھنے کی ضرورت ہے کہ سوشل میڈیا پر ان رہنا اور ہٹ ہونا ایک پوری سائنس ہے ۔ یہ سائنس صرف یہ ہے کہ آپکی کہی بات ،لکھی کہانی اور کیے کام سے لوگ متاثر ہوں اور یہ بہت مشکل کام ہے آسان کام نہیں ہے ۔ آپ دیکھیں بڑے اسٹارز کو میں نے دیکھا ہے وہ یہ شکوہ کرتے دیکھائی دیے ہیں کہ جتنی پذائری عوام نے چاہت فتح علی کے کام کو دی ہے اتنی لوگوں نے ان کے اچھے کام کو نہیں دی ۔ حال ہی میں ہمارے سپر ڈوپر اسٹار علی ظفر نے یہ شکوہ کیا ۔ کہ ان کا اور عطا اللہ خان عیسیٰ خیلوی کا سرائیکی گیت ۔۔بالو بتیاں۔۔اپ لوڈ ہونے کے ایک ماہ بعد بھی چاہت فتح علی خان کے ۔۔بدو بدی۔۔کو کیوں پیچھے نہ چھوڑ پایا۔ پھر علی ظفرخود اعتراف کر رہے ہیں کہ وہ اس وہم یا غرور میں مبتلا تھے کہ ان کا کوئی مقابل نہیں۔ خیر میں تو یہ حیران ہوں کہ چاہت فتح علی اتنے مشہور ہوچکے ہیں کہ اس گانے میں ماڈلنگ کرنے والی وجدان راؤ تک اب چاہت فتح علی خان کے خلاف ہوچکی ہیں۔ وجدان راؤ نے کان پکڑ لیے ہیں کہ اب کبھی چاہت فتح علی خان کے ساتھ جو کام کیا بلکہ وہ یہاں تک کہتی ہیں کہ یہ ان کی زندگی کی سب سے بڑی غلطی تھی۔پھر ساتھ ہی وہ چاہت فتح علی خان پر یہ الزام بھی لگا رہی ہیں کہ انہوں نے گیت سے نصف آمدنی دینے کا وعدہ کیا لیکن پھر مکر گئے۔ ممکن ہے اسی وجہ سے انہوں نے چاہت فتح علی خان کا ساتھ چھوڑنے کا اعلان کیا ہو۔ ویسے ہم چاہت کی اب کی کامیابی کا دور دیکھ رہے ہیں مگر یہ نظر میں تو ان کی یہ مسلسل محنت ہے ۔آ پ دیکھیں چاہت فتح علی خان لاہور ڈویژن سے پاکستان کے ڈومسٹیک کرکٹ سیزن میں حصہ لے چکے ہیں۔ کرک انفو کے مطابق کاشف راناعرف چاہت فتح علی خان نے صرف دو فرسٹ کلاس میچز میں شرکت کرتے ہوئے سولہ رنز بھی بنائے ہوئے ہیں ۔ پھر چاہت فتح کا دعویٰ کرتے ہیں کہ سابق فاسٹ بولر عاقب جاوید ان کی ہی دریافت ہیں۔د وہزار بیس میں برطانیہ جا کر یہی کاشف رانا، چاہت فتح علی خان بنے۔ یہ وہ دور تھا جب کورونا وبا چاروں طرف پھیلی ہوئی تھی۔ ایسے میں انہوں نے سوشل میڈیا کے ذریعے انٹری دی۔ ابتدا میں خود کو نصرت فتح علی خان کا پرستار بلکہ جانشین تک قرار دیا، اسی مناسبت سے نام بھی رکھا اور نصرت فتح علی خان کے ہی کلام کے ساتھ چھیڑ خانی شروع کی۔شروع میں چاہت فتح علی خان کے عجیب و غریب بے ڈھنگے انداز گلوکاری کو طنز و مزاح کے طور پر لیا گیا۔ کچھ نے ان کا مذاق بھی اڑایا لیکن چاہت نے نصرت فتح علی خان کے کلام کی جان نہ چھوڑی اور پھر گذشتہ برس ہی اچانک چاہت فتح علی خان کو غیر معمولی شہرت ملی۔یہ شہرت سوشل میڈیا سے ہوتی ہوئی مین سٹریم میڈیا تک جا پہنچی۔ چاہت فتح علی خان نے نصرت فتح علی یا پھر پرانے گانوں کی جان بخشتے ہوئے اب اپنے خود کے تیار گانے پیش کرنا شروع کر دیے۔ جیسے پی ایس ایل کا ترانہ ہو یا پھر عالمی کپ کا۔ چاہت فتح علی کو کسی نے یہ راز بتا دیا کہ اگر انہیں خبروں میں رہنا ہے تو جس کام پر لگے ہوئے ہیں، اس کی رفتار اور تیز کر دیں جبھی ان کا ہر ہفتے کوئی نہ کوئی ۔۔آئٹم۔۔ یا ۔۔بیان۔۔سوشل میڈیا کی زینت بنتا رہا۔یہاں تک کہ وہ ایوارڈ زتقریبات میں بھی بے سُروں کی مالا جپتے رہے اور مہوش خان سے چھیڑ خانی کی ویڈیوز مشہور کرواتے رہے ۔اور صورتحال یہ بنی کے لوگوں نے پتہ نہیں وہ ایوارڈ شو دیکھا یا نہیں ۔پر چاہت کی مہوش کے ساتھ جگل بندی ہر کسی نے ضرور دیکھی ۔ بہرحال گلوکاری کے بعد اب چاہت اداکاری کے میدان میں بھی قدم رکھنے والے ہیں اور بہت جلد ان کی پہلی فلم ۔۔سبق۔۔ بھی آنے والی ہے تو دل تھام کر ہی بیٹھیں، نجانے آگے چاہت فتح علی خان اور کیا کیا سرپرائز دیں؟

مبشر لقمان کا مزید کہنا تھا کہ آخر میں بس اتنا کہوں گا کہ ویسے بدو بدی پر اکلوتے چاہت فتح علی خان نے ہی ۔۔ ری ڈو ۔۔ نہیں کیا ۔آنجہانی انڈین گلوکار سدھو موسا والا اور بھومیا بھی اس گیت کو ری مکس کر چکے ہیں۔ اسی طرح دو سال پہلے پاکستانی گلوکار صائمہ نے بھی اس نغمے کو ری مکس کیا جس کی ویڈیو میں فلم سٹار میرا اور سلیم شیخ نظر آئے۔ حالیہ دنوں میں چاہت فتح علی خان کی غیر معمولی مقبولیت اور ویورشپ کو دیکھ کر کئی اور گلوکاروں نے اس گانے پر قسمت آزمائی۔ یہاں تک کہ ابرار الحق بھی خود کو باز نہ رکھ سکے۔ میری تو یوٹیوب سمیت جس نے بھی چاہت کے گانے کو اسٹرائیک بھیج کر وہاں سے ہٹوایا ہے ریکوسٹ ہے کہ ایسا نہ کریں ۔ لاکھوں دلوں کی دھڑکن اس وقت چاہت ہے ۔ لوگوں کو قبول کرنا ، سراہنا اور قدر کرناسیکھیں ۔ کیونکہ دنیا میں سب سے مشکل کام کسی کو خوشی دینا ہے اور ہنسنا ہے اور یہ کام چاہت فتح علی خان بخوبی ادا کررہے ہیں ۔

مخصوص نشستیں، فیصلہ پی ٹی آئی کے حق میں نظر نہیں آ رہا، مبشر لقمان

مبشر لقمان: ہزاروں چہروں والا اینکر ، دنیا کا پہلا مصنوعی ذہانت سے چلنے والے نیوز اوتار پر ایک نظر

لندن پلان بارے مبشر لقمان کا انکشاف،نواز شریف نے تصدیق کر دی

لندن پلان: عمران خان، طاہرالقادری اور چوہدری برادران کو اکٹھا جہانگیر خان ترین نے کیا تھا، مبشر لقمان

بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

سماعت سے محروم بچوں کے لئے بڑی خوشخبری

ایبٹ آباد میں "ہم جنس پرستی کلب” کے قیام کے لیے درخواست

ہنی ٹریپ،لڑکی نے دوستوں کی مدد سے نوجوان کیا اغوا

بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

طالبات کو نقاب کی اجازت نہیں،لڑکے جینز نہیں پہن سکتے،کالج انتظامیہ کیخلاف احتجاج

امجد بخاری کی "شادی شدہ” افراد کی صف میں شمولیت

مجھے مسلم لیگ ن کے حوالے سے نہ بلایا جائے میں صرف مسلمان ہوں،کیپٹن ر صفدر

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ بھارتی الیکشن کا رزلٹ دیکھ کر گودی میڈیا کے لوگ رزلٹ دیکھ کر لائیو آن ایئر روتے دیکھ رہے ہیں ۔ ان میں ہی سے ایک کمپنی ایکسس مائی انڈیا کے چیئرمین اور منیجنگ ڈائریکٹر پردیپ گپتا ہیں جو دوران انٹرویو رو پڑے ہیں ۔ کیونکہ ایک جون کو ۔ایکس مائی انڈیا۔۔کے ایگزٹ پول نے بھارت کی حکمراں جماعت کے لیے تین سو اکسٹھ سے چار سو ایک نشستوں کے ساتھ بھاری اکثریت سے جیتنے کی پیش گوئی کی تھی۔دوسرے پول پنڈتوں نے بھی کہا تھا کہ یہ انتخابات بی جے پی کا اب تک کا سب سے بڑا مینڈیٹ ہو سکتا ہے لیکن اب تک کے نتائج ایگزٹ پولز کے دعوؤں کے برعکس ہیں۔

مبشر لقمان آفیشیل یوٹیوب چینل پر وی لاگ میں سینئر صحافی مبشر لقمان کا کہنا تھا کہ مطلب گودی میڈیا نے جو مرضی رائے سازی کرنے کی کوشش کی ۔اس میں ناکامی کا منہ دیکھنا پڑا ۔اور اب رونے کے سوا اور کوئی چارہ نہیں ۔ کہاں چار سو سیٹیں لینے کے دعوے کیے جا رہے تھے ۔ مگر سادہ اکثریت تک نہیں ملی ۔بلکہ مودی اگر تیسری بار وزیر اعظم بنے بھی تو مانگے تانگے کی سیٹیں لے کر بنیں گے ۔ اور اتحادی کسی وقت بھی ان کی کرسی ہلا سکیں گے ۔ حقیقت میں بھارتی عوام نے نفرت کی سیاست کو مسترد کر دیا ہے ۔ اس بار بی جے پی کے بڑے برج بھی الٹ گئے ہیں ۔ بی جے پی کا گڑھ سمجھے جانے والے اتر پردیش میں بڑے جھٹکے لگے ہیں ۔ ایودھیا تک میں ہار گئے ہیں ۔مطلب فیض آباد کے مقام پر مودی نے جہاں جنوری میں رام مندر کا افتتاح کیا تھا وہاں تک سے شکست کا سامنا کرنا پڑا ہے ۔ پھر مودی حکومت کے پندرہ کے قریب وزیر تک الیکشن ہار گئے ہیں ۔ لسٹ تو کافی لمبی ہے مگر چند ایک اہم لوگوں کے نام آپکو بتا دیتا ہوں ۔ سمرتی ایرانی جنہوں نے دوہزار انیس کے انتخابات میں راہول گاندھی کو پچپن ہزار ووٹوں سے شکست دی تھی اس بار کانگریس کے امیدوار کشور لعل کے مقابلے میں ہار گئیں۔کیرلہ کی سیٹ پر مرکزی وزیر راجیو چندر شیکھر کانگریس کے ششی تھرور سے ہار گئے۔ مرکزی وزیر مملکت برائے داخلہ اجے مشرا کو سماج وادی پارٹی کے اتکرش ورما کے ہاتھوں شکست ہوئی،ریاستی وزیر تعلیم سبھاش سرکار مغربی بنگال بھی ہار گئے۔ پھر مہاراشٹرا بھی بی جے پی کے ہاتھ سے نکل گیا ۔ مہاراشٹرا میں کانگریس نے بی جے پی کے مقابلے میں تقریبا دوگنا زیادہ نشستیں حاصل کی ہیں۔ تامل ناڈو میں بھی بی جے پی صرف ایک نشست حاصل کرپائی جبکہ مغربی بنگال میں بھی بی جے پی ممتا بنر جی کے سامنے نہ ٹک سکی۔ ہریانہ اورجھاڑ کھنڈ میں ٹکر کا مقابلہ ہوا جبکہ بہار میں بھی کانگریس اتحاد کسی حد تک مضبوط ہوئی ۔ اسی وجہ سے این ڈے اے نے تین سو کا ہندسہ بھی عبور نہیں کیا ۔

مبشر لقمان کا مزید کہنا تھا کہ اس وقت مودی کی سربراہی میں چوبیس جماعتی اتحاد این ڈی اے کو دو سو بانوے نشستوں پر برتری حاصل ہے جس میں بھارتیہ جنتا پارٹی کی دوسو چالیس سیٹیں شامل ہیں۔یوں دیکھاجائےتو دوہزار انیس کے مقابلے میں بی جے پی اس بار پچاس سے زائد سیٹیں ہاری ہے کیونکہ تب انھوں نے لوک سبھا کی تین سو تین نشستیں جیتی تھیں۔ دوسری جانب کانگریس کی سربراہی میں چوبیس جماعتی اتحاد انڈیا نے دوسو اکتیس نشستوں پرآگے ہے۔ آپ دیکھیں مودی کی یہ ہار اتنی غیر متوقع تھی ۔ کہ انڈین اسٹاک مارکیٹ اس خبر کے بوجھ برداشت نہ کر پائی اور کریش کر گئی ۔ ایک ہی دن میں چار ہزار تین بیس پوائنٹس نیچے گر گئی ۔ جبکہ چار سالوں کی سب سے زیادہ کمی ریکارڈ کی گئی ۔اسی وجہ سے سرمایہ کاروں کے تیس لاکھ کروڑ بھارتی روپے ڈوب گئے۔اس میں مودی کے ارب پتی دوست گوتم اڈانی کے بھی ایک کھرب روپے ڈوب گئے ہیں ۔ پھر کل ہی بھارتی وزیر اعظم نریندر مودی نے پارٹی ورکرز سے خطاب کیا ۔ اپنی طرف سے تو وہ وننگ سپیچ کرنے آئے تھے ۔ مگر یہ ایک ہارے ہوئے شخص کی تقریر تھی ۔ اعلان تو کر دیا ہے کہ حکمران اتحاد این ڈی اے تیسری بار سرکار بنانے جارہا ہے۔دوسری جانب کانگریس رہنما راہول گاندھی نے کہا ہے کہ ہم نے یہ الیکشن صرف بی جے پی کے خلاف نہیں بلکہ پوری ریاستی مشینری کے خلاف لڑا، خفیہ ایجنسیاں، بیوروکریسی اور آدھی عدلیہ بھی ہمارے خلاف تھی۔ انہوں نے کہا کہ بی جے پی نےپارٹیاں توڑیں، وزرائے اعلیٰ کو جیلوں میں ڈالا اور ہر ہتھکنڈا استعمال کیا لیکن کانگریس رہنماؤں نے متحد ہوکر حکومت کے خلاف انتخاب لڑا۔ انتخابی نتائج سےمودی جی کو عوام کا بڑا پیغام ملا ہے کہ ہمیں مودی نہیں چاہیے۔ ویسے باٹم لائن یہ ہی ہے کہ بھارتی عوام نے ووٹ کی طاقت سے بتا دیا ہے کہ مودی ہمیں بالکل اچھے نہیں لگے ۔

مبشر لقمان کا مزید کہنا تھا کہ دراصل کانگریس نے بی جے پی کو اُسی کے ہتھیار سے کاری ضرب لگائی ہے اور۔ اب کی بار چار سوپار۔۔کا بی جے پی کانعرہ ووٹر زکیلئے خوف کی علامت بنادیا تھا، کانگریس کے صدر ملکارجن کھرگے اور راہول گاندھی عوام کو یہ باور کرانے میں کامیاب رہے کہ اگر بی جے پی کو چار سو نشستیں مل گئیں تو وہ آئین بدل دے گی اور کوٹہ سسٹم ختم کردے گی۔ یوں راہول کی آئین بچاؤ موثرانتخابی مہم کے نتیجے میں کانگریس کو ننانوے نشستیں ملی ہیں جو دوہزار انیس کے مقابلے میں دو گنا زیادہ ہیں،اور اب ایک بار پھر دس برس بعد غیرمعمولی نشستیں جیت کربھارت کی اپوزیشن جماعت کانگریس نریندر مودی سمیت حکمراں اتحاد کے لیے پھر سے ڈراؤنا خواب بن گئی ہے۔ اسطرح دس سال میں پہلی بار کانگریس قائدحزب اختلاف کے طورپر اپنے لیڈر کو پیش کرنے میں بھی کامیاب ہوگئی ہے۔تاہم یہ ابھی واضح نہیں کہ راہول گاندھی ہی اپوزیشن لیڈر بنیں گے یا نہیں۔ کانگریس اپنے اتحادیوں کے ساتھ مل کر حکومت بنانے کی پوزیشن میں تونہیں تاہم یہ واضح ہو گیا ہے کہ کانگرس کا انڈیا اتحاد مودی کے نیشنل ڈیموکریٹک الائنس کو اگلی بار کرارا جھٹکا دینے کی پوزیشن میں آگیا ہے۔ دوسری جانب کی بات کریں تو ان غیر متوقع نتائج کا مطلب یہ ہے کہ اگرچہ بی جے پی اور اس کی اتحادی جماعتیں مرکز میں حکومت بنانے میں کامیاب رہیں گی لیکن انھیں ہمیشہ یہ خطرہ رہے گا کہ حزب اختلاف حکمراں اتحاد سے ناراض جماعتوں کو اپنی جانب راغب کرکے ان کے لیے مشکلات پیدا کر سکتی ہے۔ بی جے پی کے لیے کمزور مینڈیٹ کا مطلب یہ ہے کہ پچھلی حکومت کے برعکس اب ان کو اپنے نامکمل ایجنڈے کو جاری رکھنے کے لیے علاقائی جماعتوں کی حمایت کی ضرورت ہو گی۔اسی لیے آنے والے دنوں میں جو علاقائی پارٹیاں اہم کردار ادا کر سکتی ہیں ان میں کانگریس کی حلیف سماج وادی پارٹی ہے، جو اتر پردیش کی اسی نشستوں میں سے سنتیس نشستیں حاصل کرنے میں کامیاب رہی ہے جبکہ ٹی ایم سی جو کہ بنگال میں برسر اقتدار ہے نے بیس نشستیں حاصل کی ہیں اور گذشتہ انتخابات کے مطابق میں ان کی نشستوں میں اضافہ ہوا ہے۔ دوسری جانب مودی کی حلیف جنتا دل یونائٹیڈ نے بہار میں بارہ اور ٹی ڈی پی نے آندھرا پردیش میں سولہ نشستیں حاصل کی ہیں۔

مبشر لقمان کا مزید کہنا تھا کہ اس نئی حکومت کے لیے نامکمل وعدے جیسا کہ۔ون نیشن ون الیکشن۔ اور یکساں سول کوڈ ۔جس کے تحت اقلیتوں کے شادی اور وراثت کے قوانین کو ختم کرنے کا ارادہ ظاہر کیا گیا تھا۔ کو پورا کرنا مشکل ہو گا۔ جبکہ ۔ون نیشن ون الیکشن۔ وعدے کے تحت بی جے پی پارلیمانی اور ریاستی اسمبلی کے انتخابات ایک ہی وقت میں کروانا چاہتی ہے۔ پھر ان انتخابات میں علاقائی پارٹیوں کو اہمیت حاصل ہونے کی وجہ سے مودی اور ان کے اہم ساتھی امت شاہ کی طرف سے کیے جانے والے اقدامات سے مبینہ طور پر مرکز میں حکومتی طاقت کے عمل پر اہم اثر پڑے گا ۔ یعنی پہلے جیسا تاثر تھا کہ طاقت کا مرکز مودی اور امت شاہ ہیں اور وہی سارے فیصلے لیتے ہیں، اب چونکہ مودی دوسری علاقائی جماعتوں کے ساتھ ملکر حکومت بنائیں گے لہذا انھیں ان پارٹیوں کی بھی سننا پڑے گی۔ یہ خاص طور پر مودی اور امیت شاہ کے لیے آسان نہیں ہو گا ۔پھر اتحادی سیاست کا مطلب یہ بھی ہے کہ حکومت میں عدم استحکام کے امکانات رہیں گے کیونکہ چھوٹی پارٹیوں کو حزب اختلاف کی جماعتیں بھی اپنی طرف بڑی اور بہتر وزارتوں کے وعدے کے ساتھ راغب کر سکتی ہیں۔پھر یہ انتخابات اس جانب بھی اشارہ کرتے ہیں کہ مودی اب ۔۔دیوتا ۔۔ نہیں رہے۔ جو انھوں نے الیکشن سے پہلے کہا تھا کہ میں بھگوان کا اوتار ہوں ۔ اب سے مودی صرف ایک عام سیاستدان ہے، جو کہ کافی چھوٹاہو گیا ۔

اداروں کی یونیفارم پہننا خلافِ قانون،محترمہ عملی کام بھی کریں، بیرسٹر سیف

مریم کی پولیس وردی پر تنقید کرنیوالوں نےبرقعے کی آڑ میں دھندہ چلایا ،عظمیٰ بخاری

بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

مہنگائی،غربت،عید کے کپڑے مانگنے پر باپ نے بیٹی کی جان لے لی

پسند کی شادی کیلئے شوہر،وطن ،مذہب چھوڑنے والی سیماحیدر بھارت میں بنی تشدد کا نشانہ

بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو

بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا

پولیس وردی پہننے پر وزیراعلیٰ پنجاب کیخلاف مقدمہ کی درخواست

میں تین بار وزیر اعظم رہنے والے نواز شریف کی بیٹی تھی مگر مجھے بھی خود کو ثابت کرنا پڑا،مریم نواز

اپنے وی لاگ میں سینئر صحافی مبشر لقمان کا مزید کہنا تھا کہ مودی دکھی تو ہو گا کیونکہ اس نے بڑی محنت اور توجہ سے اپنے آپ کو ایک الگ برانڈ بنایا تھا ۔ جس طرح برینڈ والی کمپنیاں لوگوں کے دلوں میں گھر کرنے کے لیے مختلف تشہیری مہمات چلاتی ہیں، ویسے ہی مودی نے باقاعدہ اپنی پبلسٹی کی اور اس سلسلے میں وہ روایتی، ڈیجیٹل، اور سوشل میڈیا کو بھرپور طریقے سے استعمال کرتا رہا ۔بلکہ ان پر الزام لگایا جاتا ہے کہ انہوں نے انڈیا کے طاقتور میڈیا کا بازو مروڑ کر اسے ۔گودی میڈیا۔ بنا دیا ۔ مودی نے صرف انڈیا ہی میں نہیں، بین الاقوامی سطح پر بھی اپنی پہچان بنانے پر بڑی توجہ دی ہے۔ ان کے عالمی لیڈروں سے لمبے لمبے مصافحے آپ کو یاد ہوں گے۔ مگر یاد رکھیں پاپولسٹ لیڈر ز کا اینڈ یہ ہی ہوتا ہے ۔ یہ تو قتل ہوجاتے ہیں یا زندہ رہیں تو یوں ذلیل ورسوا ہو کر رندہ درگارہ ہو جاتے ہیں ۔

مخصوص نشستیں، فیصلہ پی ٹی آئی کے حق میں نظر نہیں آ رہا، مبشر لقمان

مبشر لقمان: ہزاروں چہروں والا اینکر ، دنیا کا پہلا مصنوعی ذہانت سے چلنے والے نیوز اوتار پر ایک نظر

لندن پلان بارے مبشر لقمان کا انکشاف،نواز شریف نے تصدیق کر دی

لندن پلان: عمران خان، طاہرالقادری اور چوہدری برادران کو اکٹھا جہانگیر خان ترین نے کیا تھا، مبشر لقمان

بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

سماعت سے محروم بچوں کے لئے بڑی خوشخبری

ایبٹ آباد میں "ہم جنس پرستی کلب” کے قیام کے لیے درخواست

ہنی ٹریپ،لڑکی نے دوستوں کی مدد سے نوجوان کیا اغوا

بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

طالبات کو نقاب کی اجازت نہیں،لڑکے جینز نہیں پہن سکتے،کالج انتظامیہ کیخلاف احتجاج

امجد بخاری کی "شادی شدہ” افراد کی صف میں شمولیت

مجھے مسلم لیگ ن کے حوالے سے نہ بلایا جائے میں صرف مسلمان ہوں،کیپٹن ر صفدر

پاکستانی نیوز رپورٹنگ کا معروف نام، مبشر لقمان، صحافت کے مستقبل میں ایک انقلابی قدم اٹھا رہے ہیں۔ انہوں نے ایک ایسی جدت متعارف کرائی ہے جو پہلے کہیں نظر نہیں آئی – ایک مصنوعی ذہانت سے چلنے والا جوہر جو جغرافیائی حدود اور زبان کی رکاوٹوں سے بالاتر ہے۔ اس انقلابی ٹیکنالوجی میں دنیا بھر میں نیوز کے استعمال کو نئے سرے سے متعارف کرانے کی صلاحیت ہے۔

Proud moment! 🇵🇰 Staying in Race of AI advancement, my hard working team has created first AI journalist of Pakistan, an exact replica of myself with 500 facial movements and fluency in over 100 languages. Innovation at its finest! #AIJournalist #Journalism #Pakistan pic.twitter.com/V0b3a8OLgh

— Mubasher Lucman (@mubasherlucman) June 4, 2024

زبان کی رکاوٹ توڑنا:
مبشر لقمان کا اے آئی اوتار تقریبا 100 زبانوں میں خبریں دینے کی قابل ہے جو ایک قابل ذکر صلاحیت ہے۔ یہ روایتی نیوز نشریات کی حدود کو توڑتا ہے، جس سے معلومات پہلے سے کہیں زیادہ وسیع تر لوگوں تک پہنچ سکتی ہیں۔ تصور کریں ایسی دنیا کا جہاں افریقہ کے دور دراز کے دیہات، چین کے پررونق شہر، یا اس کے درمیان کہیں بھی، دیکھنے والے اپنی مادری زبان میں نیوز اپڈیٹس حاصل کر سکتے ہیں۔ مبشرلقمان کا اوتار اس خلا کو پورا کرتا ہے، اور ایک زیادہ جامع اور باخبر عالمی شہریت کو فروغ دیتا ہے۔ اپنی مادری زبان میں خبریں حاصل کرنے کی صلاحیت نہ صرف سمجھ بوجھ کو بہتر بناتی ہے بلکہ رپورٹ کی جانے والی کہانیوں کے ساتھ جذباتی رشتے کو بھی مضبوط کرتی ہے۔

جغرافیائی حدود سے آگے:
اس اوتار کی صلاحیت زبان سے کہیں آگے ہے۔مبشر لقمان ایسے مستقبل کا تصور کرتے ہیں جہاں یہ دنیا میں کہیں سے بھی رپورٹ کر سکتا ہے، جس سے جسمانی سفر کی ضرورت ختم ہو جاتی ہے۔ یہ تصادم زدہ علاقوں، آفت زدہ علاقوں، یا یہاں تک کہ محدود رسائی والے دور دراز کے مقامات سے حقیقی وقت کی رپورٹنگ کے لیے دروازے کھولتا ہے۔ تصور کریں کہ یہ اوتار ماؤنٹ ایورسٹ کی چوٹی سے رپورٹ کر رہا ہے، جنگ زدہ علاقے سے براہ راست اپڈیٹس فراہم کر رہا ہے، یا ایمیزون کے بارش کے جنگل کے قلب سے زمینی رپورٹس فراہم کر رہا ہے۔ اوتار ناظرین کو کہانی کے مرکز میں لے جا سکتا ہے، ایک ایسا دلچسپ اور بغیر فلٹر والا نقطہ نظر پیش کر سکتا ہے جو انسانی صحافیوں کے لیے حاصل کرنا مشکل یا خطرناک بھی ہو سکتا ہے۔

نیوز کے استعمال کا مستقبل:
مبشر لقمان کا AI اوتار ایک ایسے مستقبل کی طرف ایک جرات مندانہ قدم ہے جہاں خبریں قابل رسائی، فوری، اور سرحدوں کو عبور کرتی ہیں۔ اگرچہ چیلنجز اور سوالات باقی ہیں، یہ اختراع معلومات کو جمہوری بنانے اور خبروں کے استعمال کے طریقے کو تبدیل کرنے کی صلاحیت رکھتی ہے۔ جیسے جیسے ٹیکنالوجی پختہ ہوتی جارہی ہے اور اخلاقی تحفظات پر توجہ دی جاتی ہے،مبشر لقمان کا اوتار ڈیجیٹل دور میں خبروں کی رپورٹنگ کے جوہر کی نئی وضاحت کرسکتا ہے۔ یہ دیکھنا دلچسپ ہوگا کہ دنیا بھر کی دیگر نیوز آرگنائزیشنز اس پیشرفت پر کیا ردعمل ظاہر کرتی ہیں اور کیا وہ اسی طرح کے AI سے چلنے والے ٹولز کو اپنی نشریات میں شامل کرنے کی تلاش کریں گی۔ ایک بات یقینی ہے: مبشر لقمان کی اختراع میں آنے والے برسوں تک عالمی خبروں کے منظر نامے کو نئی شکل دینے کی صلاحیت ہے۔

حکومت بچوں کو سگریٹ نوشی سے بچانے کیلئے ٹھوس اقدامات کرے، شارق خان

تمباکو جیسی مصنوعات صحت کی خرابی اور پیداواری نقصان کا سبب بنتی ہیں

تمباکو سے پاک پاکستان…اک امید

تمباکو سے پاک پاکستان، آئیے،سگریٹ نوشی ترک کریں

تمباکو نشہ نہیں موت کی گولی، بس میں ہوتا تو پابندی لگا دیتا، مرتضیٰ سولنگی

ماہرین صحت اور سماجی کارکنوں کا ماڈرن تمباکو مصنوعات پر پابندی کا مطالبہ

تمباکو نوشی کے خلاف مہم کا دائرہ وسیع کریں گے،شارق خان

تمباکو نوشی مضر صحت،پر پابندی کیوں نہیں؟ تحریر: مہر اقبال انجم

سابق وزیراعظم نواز شریف ایک بار پھر مسلم لیگ ن کے صدر منتخب ہو گئے ہیں

نواز شریف نےن لیگ کا صدر منتخب ہونے کے بعد خطاب کیا،نواز شریف نے اپنے خطاب میں سینئر صحافی و اینکر پرسن مبشر لقمان کے لندن پلان بارے انکشافات کی تصدیق کی، مبشر لقمان کے انٹرویو بارے نواز شریف نے اپنے خطابات میں ذکر کیا اور جو بات مبشر لقمان نے کہی تھی وہی بتائی، نواز شریف کا کہنا تھا کہ آج عمران خان کے خلاف سچے کیسز ہیں، کونسا ایسا کیس ہے جو غلط ہیں، جھوٹ ہے، ذرا مجھے بتائیں آپ یعنی عمران خان نے تو سیاست ہی ان کے کندھوں پر بیٹھ کر شروع کی، آج آپ وہ ٹیپ سنیں، میں نے بنی گالا میں عمران خان کو کہا کہ آئیں مل کر ملک کی خدمت کریں، مجھے ان کی ضرورت نہیں تھی لیکن اس کے باوجود ان کے پاس گیا۔

سابق وزیراعظم نواز شریف نے لندن پلان کا ذکر کرتے ہوئے سینئر صحافی و اینکر پرسن مبشر لقمان کے ویڈیو کے بارے بھی بات کی جس میں مبشر لقمان نے لندن پلان کے بارے میں تفصیلات بتائی ہیں، مبشر لقمان نے نیا دور کو ایک انٹرویو دیا تھاجس میں مبشر لقمان کا کہنا تھا کہ "لندن پلان کے سلسلے کی کئی میٹنگز میں میں خود موجود تھا 2013 میں اسلام آباد میں ملک ریاض کی رہائش گاہ پر وہ، محسن بیگ اور ایک حاضر سروس فوجی افسر موجود تھے جب ملک ریاض کو اس وقت کے ڈی جی آئی ایس آئی جنرل ظہیر الاسلام کا فون آیا اور وہ اٹھ کر ان سے ملاقات کے لیے چلے گئے کچھ دیر بعد واپس آئے تو انہوں نے ہمیں بتایا کہ وہ جنرل ظہیر الاسلام کا پیغام لے کر وزیر اعظم نواز شریف کے پاس جا رہے ہیں،نواز شریف سے ملاقات کر کے لوٹے تو ملک ریاض کے چہرے کے رنگ اڑے ہوئے تھے، انہوں نے بتایا کہ میں نے نواز شریف کو جنرل ظہیر الاسلام کا پیغام دیا کہ استعفیٰ دے دیں ورنہ گرفتاریاں ہوں گی اس پر نواز شریف نے جواب دیا کہ جو کرنا ہے کر لو، میں استعفیٰ نہیں دوں گا، ملک ریاض جب واپس آئے تو غصے میں تھے اور کہہ رہے تھے کہ نواز شریف آرام سے بیٹھا ہوا ہے اور اسے کوئی فکر ہی نہیں ہے”۔

نواز شریف نے مبشر لقمان کے پروگرام کا ذکر کرتے ہوئے کہا کہ عمران خان لندن چلے گئے جہاں لندن پلان بنا، صحافی مبشر لقمان نے کہا کہ میں خود اس میٹنگ میں تھا، میں نے ہی اس ہوٹل کا بل ادا کیا تھا، اس میں طاہر القادری، عمران خان، چوہدری پرویز الہی اور ایک جنرل صاحب تھے، اس کے بعد انہوں نے دھرنا دے دیا ،اس کے بعد دھرنوں کے دوران میرے پاس ایک بندہ بھیجا گیا کہ نواز شریف آپ استعفی دیں اور گھر جائیں، یہ میں آپ کو وہ بتا رہا ہوں جو وزیراعظم پر گزر رہی ہے، ہمارے وزیراعظم ایسی ایسی چیزوں سے گزرے ہیں اور مجھے کہا گیا کہ آپ تیار رہیں، آپ کے ساتھ وہ سلوک کیا جائیگا جس کو آپ یاد رکھیں گے،میں نے انہیں کہا کہ آپ نے جو کرنا ہے کرلیں، نواز شریف کبھی استعفی نہیں د ے گا، اس کے بعد وہ کہتا ہے کہ میں اس میٹنگ میں بھی موجود تھا، وہ شخص جب آپ سے بات کرنے گیا تو واپس آکر کہتا ہے کہ نواز شریف تو مطمئن اپنی جگہ پر بیٹھا ہے، وہ کہتا ہے جس نے جو کرنا ہے، کرلے، اس کے بعد وہ موصوف جو لندن گئے تھے ظہیر الاسلام کہتے ہیں کہ ہم نے مختلف پارٹی کو ٹرائی کیا، ہم نے تیسری قوت کو اجازت دی، وہ تیسری وقت ہمیں لگا کہ شاید ڈیلیور کرسکتی ہے، وہ سسٹم ہمیں پی ٹی آئی کے اندر نظر آیا۔

نواز شریف نے عمران خان پر تنقید کرتے ہوئے کہا کہ عمران خان باقی سب باتوں کو چھوڑیں، ہمیں طعنہ دینے اور ہم پر انگلی اٹھانے سے پہلے بتائیں کیا وہ تیسری قوت آپ نہیں تھے، اگر وہ آپ نہیں تھے میں سیاست سے ریٹائر ہو کر گھر جانے کو تیار ہوں، میں سیاست چھوڑ دوں گا، میں وعدہ کرتا ہوں کہ اگر تیسری قوت کا اشارہ آپ کی طرف نہیں تھا تو میں سیاست بھی چھوڑنے کو تیار ہوں۔ میں کہتا ہوں کہ انہی لوگوں نے آپ کی سیاست کی بنیاد رکھی، ہماری حکومت کا تختہ بھی آپ نے الٹوایا ان کی لوگوں کی مدد سے، ان کے حوصلے اتنے بلند ہوگئے تھے کہ وزیراعظم ہاوس کے سامنے دھرنا ہو رہاہے اور وہ کہہ رہے ہیں کہ نواز شریف تمھارے گلے میں رسہ ڈلا کر کھینج کر تمہیں باہر لائیں گے، کس کی ایما پر اتنی بڑی بڑی دھمکیاں دے رہے تھے، کیا یہ وہی ایمپائر کی انگلی نہیں تھی جس کا عمران خان بار بار ذکر کرتے ہیں۔ عمران خان ان باتوں کا جواب دیں گے تو اس کے بعد آپ ہم سے بات کرنا، آپ کے کیس میں کوئی میرٹ نہیں، آپ ان لوگوں کی پیداوار ہیں، 2018 کے الیکشن میں جو ہوا، ان لوگوں کے ساتھ ساتھ اس کے بھی آپ ذمہ دار ہیں، ہم 28 مئی والے ہیں، 9 مئی والے نہیں ہیں۔

لندن پلان: عمران خان، طاہرالقادری اور چوہدری برادران کو اکٹھا جہانگیر خان ترین نے کیا تھا، مبشر لقمان

بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

سماعت سے محروم بچوں کے لئے بڑی خوشخبری

ایبٹ آباد میں "ہم جنس پرستی کلب” کے قیام کے لیے درخواست

ہنی ٹریپ،لڑکی نے دوستوں کی مدد سے نوجوان کیا اغوا

بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

طالبات کو نقاب کی اجازت نہیں،لڑکے جینز نہیں پہن سکتے،کالج انتظامیہ کیخلاف احتجاج

امجد بخاری کی "شادی شدہ” افراد کی صف میں شمولیت

مجھے مسلم لیگ ن کے حوالے سے نہ بلایا جائے میں صرف مسلمان ہوں،کیپٹن ر صفدر

کرغزستان میں پاکستان طلبا مشکل میں، پاکستانی طلبا کے ہاسٹل میں گھس کر توڑ پھوڑ کی گئی ہے اور انہیں تشدد کا نشانہ بنایا گیا ہے،متعدد طلبا زخمی ہیں، سوشل میڈیا پر اموات کی خبریں بھی سامنے آئی تھیں تا ہم پاکستانی سفارتخانے نے تردید کی ہے اور کہا ہے کہ کوئی ہلاکت نہیں ہوئی،

بشکیک میں پاکستانی طلبا پر ہونے والے مظالم پر پاکستانی سیخ پا ہیں تا ہم حکومت رات سوتی رہی، صبح اٹھ کر وزیراعظم نے بیان جاری کیا تو دفتر خارجہ نے بھی روایتی بیان دے دیا، جماعت اسلامی، تحریک انصاف سمیت دیگر جماعتوں کے رہنماؤں نے واقعہ پر حکومت کی بے حسی پر افسوس کا اظہار کیا ہے وہیں سینئر صحافی و اینکرپرسن مبشر لقمان بھی حکومتی بے حسی پر پھٹ پڑے ہیں

سماجی رابطے کی ویب سائٹ ایکس پر پوسٹ کرتے ہوئے مبشر لقمان کا کہنا تھا کہ بشکیک میں گزشتہ شب جو کچھ ہوا انتہائی خوفناک ہے، حکومت کو جاگنا چاہئے اور بشکیک میں پاکستانی طلبا ،ہر ایک طالب علم کی حفاظت کو یقینی بنانا چاہئے،پاکستانی طلباء حملوں کی زد میں ہیں اور انہیں شدید دشمنی کا سامنا ہے۔ مقامی پولیس اور قانون نافذ کرنے والے ادارے صرف قانون شکنی کرنے والوں کو تحفظ فراہم کر رہے ہیں۔ پاکستان کو فوری طور پر اپنے سفیر کو بلانا چاہیے اور اسے باہر دھوپ میں کھڑا کر کے بتانا چاہیے کہ ہم اپنے بچوں سے پیار کرتے ہیں اور یہ ہرگز قابل قبول نہیں۔

What happened in Bishek last night is appalling. Government should wake up from its slumber and ensure the safety of all and each one of our students there. Pakistani students are under attack and facing extreme hostility. Local police and law enforcement is only protecting the…

— Mubasher Lucman (@mubasherlucman) May 18, 2024

ایک اور پوسٹ میں مبشر لقمان کا کہنا تھا کہ وزیر اعظم شہباز شریف کو آج کے تمام اجلاس ملتوی کر کے بشکیک میں اپنے طلباء کی حفاظت کا خیال رکھنا چاہیے۔ وزیر خارجہ کو فوری طور پر بشکیک جانا چاہئے اور وہاں طلبا کی حفاظت کے لئے کردار ادا کرنا چاہئے، حکومتی اہلکاروں کے صرف بیانات کافی نہیں ہوتے، بشکیک میں طلبا ہمارے بچے ہیں اور ہم ان کی ہر قیمت پر حفاظت چاہتے ہیں۔

Prime Minister Shahbaz Shareef must stop all meetings today and just follow up the safety of our students there in Bishkek. FM must fly there immediately and oversee the rescue operations. Simple statements are not good enough. These are our children and we want them protected at…

— Mubasher Lucman (@mubasherlucman) May 18, 2024

ایک اور پوسٹ میں سینئر صحافی و اینکر پرسن مبشر لقمان کاکہنا تھا کہ بشکیک کے حکام سچ نہیں کہہ رہے ہیں اور انہوں نے صرف غیر ملکی طلباء کو گرفتار کیا ہے اور اصل مجرموں کو فرار ہونے میں مدد کی ہے۔ پاکستان کو بہت کچھ کرنا چاہیے اور وہاں اپنے بچوں کی حفاظت کے لیے کھڑا ہونا چاہیے۔ وزیراعظم صاحب، اٹھیں، آپ کے لئے صرف بیان دینا کافی نہیں۔ یہ کوئی سیاسی صورتحال نہیں ہے ہمارے ہزاروں طلباء خطرے میں ہیں۔ میرا مشورہ ہے کہ آپ خود وہاں جائیں.

The Bishkek authorities are not telling the truth and they have taken in custody only foreign students and helped escape the real culprits. Pakistan must do more and stand up for our children and their safety there. Wake up PM saheb just giving a statement is not enough. This is…

— Mubasher Lucman (@mubasherlucman) May 18, 2024

واضح رہے کہ سوشل میڈیا پر بشکیک میں ہونیوالی ہنگامہ آرائی کی ویڈیو رات گئے سے وائرل ہو رہی ہیں ، میڈیا رپورٹس کے مطابق کرغزستان کے مقامی طلبا اور مصری طلبا کا آپس میں تصادم ہوا لیکن الزام پاکستانی طلبا پر لگا دیا گیا جس پر مقامی طلبا نے پاکستانی طلبا کے ہاسٹل پر حملہ کر دیا، اس حملے میں درجنوں طلبا زخمی ہیں، حملہ آوروں نے ہاسٹل کے دروازے اور کھڑکیوں کے شیشے بھی توڑ دیئے ہیں،واقعے کے بعد پاکستانی طلبہ خوفزدہ ہو گئے ہیں،ہاسٹل میں پاکستانی طالبات کو ہراساں کرنے کی اطلاعات بھی سامنے آئی ہیں۔

بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

سماعت سے محروم بچوں کے لئے بڑی خوشخبری

ایبٹ آباد میں "ہم جنس پرستی کلب” کے قیام کے لیے درخواست

ہنی ٹریپ،لڑکی نے دوستوں کی مدد سے نوجوان کیا اغوا

بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

طالبات کو نقاب کی اجازت نہیں،لڑکے جینز نہیں پہن سکتے،کالج انتظامیہ کیخلاف احتجاج

امجد بخاری کی "شادی شدہ” افراد کی صف میں شمولیت

مجھے مسلم لیگ ن کے حوالے سے نہ بلایا جائے میں صرف مسلمان ہوں،کیپٹن ر صفدر