اسلام آباد پولیس کے سینئر سپرنٹنڈنٹ آف پولیس (ایس ایس پی) عدیل اکبر نے مبینہ طور پر خود کو گولی مار کر خودکشی کر لی۔
یہ افسوس ناک واقعہ آج شام شاہراہِ دستور پر پیش آیا، جہاں ایس ایس پی عدیل اکبر نے گاڑی میں خود کو گولی مار کر جان لے لی۔وفاقی وزیرِ مملکت برائے داخلہ طلال چوہدری نے واقعے کی تصدیق کرتے ہوئے کہا کہ تحقیقات جاری ہیں، تاہم سیف سٹی کے کیمروں میں واقعے کی کوئی فوٹیج نہیں ملی۔ انہوں نے بتایا کہ مرحوم کا موبائل فون لاک ہے جس کا فرانزک تجزیہ کیا جائے گا۔
ذرائع کے مطابق عدیل اکبر کا تعلق ضلع گجرات سے تھا اور وہ پولیس سروس آف پاکستان کے 46ویں کامن کے افسر تھے۔ ان کی ایک سالہ بیٹی بھی ہے۔مزید بتایا گیا کہ ایس ایس پی عدیل اکبر سی ایس ایس میں اپنے بیچ کے ٹاپر تھے اور گزشتہ روز انہیں ڈینگی کی تشخیص ہوئی تھی، تاہم وہ بیماری کے باوجود ڈیوٹی پر موجود رہے۔
ذرائع کے مطابق وہ ترقی نہ ملنے کے باعث شدید ذہنی دباؤ کا شکار تھے، کیونکہ ان کے بیچ کے تمام افسران گزشتہ سال ایس پی کے عہدے پر ترقی پا چکے تھے، جب کہ ان کی ترقی آئندہ بورڈ تک مؤخر کی گئی تھی۔عدیل اکبر اسلام آباد پولیس میں بطور ایس پی آئی نائن تعینات تھے.
اوکاڑہ: سموگ مہم کے دوران دھواں چھوڑتی گاڑیاں بند، ڈی آر ٹی اے کی کارروائیاں تیز
