Tag: متحدہ عرب امارات

متحدہ عرب امارات نے مقبوضہ بیت المقدس میں مسجدِ اقصیٰ کے احاطے میں اسرائیلی وزیر کی اشتعال انگیز موجودگی پر شدید ردعمل دیتے ہوئے ابوظہبی میں تعینات اسرائیلی سفیر کو طلب کر کے احتجاج ریکارڈ کرایا۔

سرکاری اماراتی خبر ایجنسی کے مطابق اسرائیل کے دائیں بازو سے تعلق رکھنے والے وزیر برائے قومی سلامتی اتمار بین گوئیر نے سالانہ فلیگ مارچ کے دوران مسجدِ اقصیٰ کے احاطے کا دورہ کیا۔ ان کے ہمراہ یہودی انتہا پسندوں نے نہ صرف اشتعال انگیز نعرے بازی کی بلکہ صحافیوں اور فلسطینیوں کو ہراساں کرنے کی کوشش بھی کی۔

یو اے ای نے اس اقدام کو اشتعال انگیزی قرار دیتے ہوئے اس کی شدید مذمت کی اور کہا کہ "مسجدِ اقصیٰ جیسے مقدس مقام پر اس نوعیت کے اقدامات مسلمانوں کے جذبات مجروح کرنے کے مترادف ہیں۔”

اماراتی وزارت خارجہ نے مطالبہ کیا ہے کہ اس واقعے میں شامل تمام افراد، بشمول وزرا اور مشیروں، کو جواب دہ ٹھہرایا جائے۔ بیان میں کہا گیا ہے کہ ایسے واقعات خطے میں کشیدگی کو مزید بڑھا سکتے ہیں اور امن کی کوششوں کو نقصان پہنچا سکتے ہیں۔

پاکستان ایسوسی ایشن دبئی (پی اے ڈی) نے متحدہ عرب امارات (یو اے ای) کا دنیا کا سب سے بڑا ہاتھوں کے نشانات پر مشتمل جھنڈا تیار کرکے گنیز ورلڈ ریکارڈ قائم کیا ہے۔

باغی ٹی وی کے مطابق یہ ریکارڈ "ہینڈز آف یونٹی” مہم کے تحت ایک ماہ کی مدت میں مکمل کیا گیا، جس میں 23 اسکولوں اور جامعات کے طلبہ و طالبات اور 39 مقامات پر موجود شرکاء نے بھرپور حصہ لیا۔گنیز ورلڈ ریکارڈز کے نمائندے نے دبئی کے پاکستان آڈیٹوریم میں منعقدہ ایک خصوصی تقریب میں اس ریکارڈ کی باضابطہ تصدیق کی۔یہ جھنڈا 24 ہزار 514 ہاتھوں کے نشانات پر مشتمل ہے، جن میں 100 سے زائد قومیتوں کے افراد نے شرکت کی۔

تقریب میں پاکستان کے سفیر برائے یو اے ای فیصل نیاز ترمذی، قونصل جنرل حسین محمد سمیت 250 سے زائد معزز مہمانوں نے شرکت کی۔یہ شاندار کارنامہ پاکستان ایسوسی ایشن دبئی، ایمریٹس لوز پاکستان اور فنکارہ روباب زہرہ کے اشتراک سے ممکن ہوا۔1960 کی دہائی میں قائم ہونے والی پی اے ڈی، متحدہ عرب امارات میں مقیم پاکستانی کمیونٹی کی فلاح و بہبود، ثقافت کے فروغ اور ترقی کے لیے کام کر رہی ہے۔

واضح رہے کہ یہ اقدام نہ صرف پاکستانی کمیونٹی کی یو اے ای سے وابستگی کا اظہار ہے بلکہ بین الاقوامی اتحاد اور ہم آہنگی کی ایک خوبصورت مثال بھی ہے۔”ہینڈز آف یونٹی” مہم نے یہ ثابت کیا کہ مختلف قومیتوں اور ثقافتوں سے تعلق رکھنے والے افراد ایک مقصد کے لیے متحد ہو کر نمایاں کامیابی حاصل کر سکتے ہیں۔

امریکا اور متحدہ عرب امارات کے درمیان بڑا دفاعی معاہدہ ہو گیا ہے۔

ابوظہبی میں اماراتی وزارت دفاع میں متحدہ عرب امارات کے وزیر مملکت برائے امور دفاع محمد المزروعی اور امریکا کے وزیر دفاع پیٹ ہیگستھ نے معاہدے پر دستخط کیے۔

اماراتی وزارت دفاع نے اپنے بیان میں کہا کہ امارات امریکا میں فوجی تعاون کے لئے روڈ میپ تیار ہے،متحدہ عرب امارات کو معاہدے میں امریکا کا بڑا دفاعی شراکت دار تسلیم کیا گیا ہے۔

امارات امریکا پارٹنر شپ پروگرام میں فضائی و میزائل دفاع بھی شامل ہے، اس کے علاوہ سائبر سکیورٹی، آفات سے نمٹنے اور آپریشنل پلاننگ کو فروغ دینا بھی معاہدے کا حصہ ہےمعاہدےکا مقصد افواج کی تیاری کو مزید بہتر بنانا، مشترکہ آپریشنز کی صلاحیت کو بڑھانا اور جدت پر مبنی تعاون کو گہرا کرنا ہے-

پاکستان نے اپنی خودمختاری اور سالمیت کے دفاع کی بھرپور صلاحیت کا مظاہرہ کیا

بنوں اور لکی مروت سے پولیو کے 2 نئے کیسز سامنے آ گئے

بھارت خطرناک بحری تیاریوں میں مصروف ہے، عاصم افتخار

متحدہ عرب امارات کی ریاست راس الخیمہ میں معمولی ٹریفک تنازع جان لیوا ثابت ہوا، جہاں ایک شخص نے فائرنگ کر کے تین خواتین کو قتل کر دیا۔ پولیس نے حملہ آور کو گرفتار کر لیا ہے۔

اماراتی میڈیا کے مطابق واقعہ دبئی سے تقریباً 120 کلومیٹر دور واقع رہائشی علاقے میں پیش آیا، جہاں گاڑی کے راستے سے متعلق معمولی تلخ کلامی اچانک جھگڑے میں تبدیل ہوگئی۔ ملزم نے غصے میں آ کر پستول نکالا اور خواتین پر گولیاں برسا دیں۔راس الخیمہ پولیس کا کہنا ہے کہ فائرنگ کے فوراً بعد حملہ آور کو گرفتار کر کے اسلحہ قبضے میں لے لیا گیا ہے۔ زخمی خواتین کو فوری طور پر اسپتال منتقل کیا گیا تاہم وہ زخموں کی تاب نہ لاتے ہوئے دم توڑ گئیں۔ مقدمہ پبلک پراسیکیوشن کے سپرد کر دیا گیا ہے۔

امارات میں اسلحہ قوانین پر سختی

امارات میں اسلحے کے حوالے سے ’زیرو ٹالرنس‘ پالیسی نافذ ہے۔ صرف اماراتی شہری مخصوص شرائط اور کڑے سکیورٹی چیکس کے بعد اسلحہ رکھنے کا لائسنس حاصل کر سکتے ہیں۔ غیر قانونی اسلحہ رکھنے یا استعمال کرنے والوں کو بھاری جرمانے اور سخت سزائیں دی جاتی ہیں۔قانونی ماہرین کے مطابق لائسنس کے حصول کے لیے طبی و نفسیاتی جانچ، مجرمانہ پس منظر کی جانچ اور رہائش کے تسلسل سمیت متعدد عوامل کا جائزہ لیا جاتا ہے۔

ماضی میں بھی فائرنگ کے واقعات

راس الخیمہ کا حالیہ واقعہ کوئی پہلا نہیں۔ 2005 میں ایک اماراتی شہری نے ٹریفک جھگڑے پر دوسرے شہری کو قتل کیا تھا جسے سزائے موت دی گئی۔ 2012 میں بنی یاس میں پولیس پر فائرنگ کرنے والے دو افراد کو عمر قید اور بھاری جرمانے کی سزا سنائی گئی، جبکہ 2019 میں العین میں پولیس پر فائرنگ کرنے والا حملہ آور خود حادثے میں ہلاک ہو گیا۔

حکام کی شہریوں سے اپیل

اماراتی حکام نے عوام سے اپیل کی ہے کہ روزمرہ کے تنازعات میں برداشت اور صبر کا مظاہرہ کریں۔ قانون نافذ کرنے والے ادارے معاشرتی سلامتی اور قانون کی عمل داری کے لیے کسی قسم کی خلاف ورزی برداشت نہیں کریں گے۔

متحدہ عرب امارات شام کی تعمیر نو کے چیلنجز سے نمٹنے میں ہر ممکن تعاون فراہم کرے گا۔

عرب میڈیا کے مطابق شام کے عبوری صدر احمد الشرع سے ابو ظہبی میں ملاقات کے دوران یو اے ای کے صدر شیخ محمد بن زاید النہیان نے کہا کہ یو اے ای شام کے استحکام، سلامتی اور ترقی کو پورے خطے کے مفاد میں سمجھتا ہے اور ہم شامی عوام کی ہر ممکن مدد کے لیے پرعزم ہیں۔واضح رہے کہ شام کے عبوری صدر احمد الشرع نے گزشتہ سال بشار الاسد کی حکومت کے خاتمے کے بعد سے خلیجی ممالک سے مالی امداد کی کوششیں تیز کر دی ہیں۔تاہم یو اے ای کے صدارتی مشیر انور قرقاش نے پہلے واضح کیا تھا کہ شام کے نئے حکمرانوں کی اسلام پسند شناخت ان کے لیے باعث تشویش ہے۔

رواں سال جنوری میں بھی شراع نے یو اے ای صدر سے فون پر بات کی تھی، جس میں دونوں رہنماؤں نے خطے میں امن و استحکام اور دو طرفہ تعاون بڑھانے پر زور دیا تھا۔ اب شراع اپنے وزیر خارجہ اسعد الشیبانی کے ہمراہ ابو ظہبی کا دورہ کر رہے ہیں۔شام 13 سالہ خانہ جنگی کے بعد اب بین الاقوامی مدد، معاشی بحالی اور تعمیری منصوبوں کے لیے نئی حکمت عملی پر کام کر رہا ہے۔

سندھ حکومت کا نوجوانوں کےلیے انٹرپرینیورشپ سیشنز کا فیصلہ

گاڑیوں کی ٹرانسفر فیس میں بڑا اضافہ، الیکٹرک وہیکلز پر بھی لاگو

کراچی میں آگ 2 ہفتے بعد بھی کم نہ ہوئی، امریکی ٹیم کی خدمات حاصل

ماموں سمیت قریبی عزیز کی زیادتی، 16 سالہ لڑکی کی خودکشی

وزیراعلی سندھ کی ہدایت ،ٹریفک خلاف ورزیوں کے خلاف کریک ڈاؤن جاری

متحدہ عرب امارات کے مرکزی بینک نے اماراتی درھم کا سرکاری لوگو جاری کیا ہے۔ نئے لوگو کا اجرا مرکزی بینک نے گلوبل فارن ایکسچینج چارٹر کے ساتھ مل کرکیا ہے۔

عرب میڈیا کے مطابق مرکزی بینک کی جانب سے کرنسی کے ڈیجیٹل ورژن کے حوالے سے ’ڈیجیٹل درھم‘ بھی جاری کیے جاتے ہیں جن کے لیے بھی نیا لوگو متعارف کرایا گیا ہے۔ نئی علامت کو عالمی سطح پر متعارف کرایا گیا ہے جو امارات کے عالمی مالیاتی مرکز کے طور پر مستحکم کرنے کی جانب ایک قدم ہے۔درہم کی نئی علامت انگریزی حروف’ ڈی’ سے متاثر ہے اور اس میں دو اُفقی لکیریں ہیں جو مالی استحکام کی نمائندگی کرتی ہیں۔اس کا ڈیزائن امارات کے پرچم سے بھی متاثر ہے جو فخر اور لچک کی علامت ہے۔

سینٹرل بینک کا مزید کہنا ہے اماراتی ڈیجیٹل کرنسی سال رواں 2025 کی چوتھی سہ ماہی میں جاری کیے جانے کا امکان ہے جو لائسنس یافتہ مالیاتی اداروں اور بینکوں سے حاصل کی جاسکے گی۔اس سے قبل سعودی مرکزی بینک کی جانب سے ریال کی نئی علامت جاری کی گئی تھی۔سعودی ریال کی علامت کو عربی خطاطی اور قومی کرنسی ’ریال‘ کے نام کو خاص انداز سے لکھ کر تیار کیا گیا ہے۔ اسے مملکت کے اندر اور بین الاقوامی مالی و تجارتی لین دین میں استعمال کیا جا رہا ہے۔

پاکستان سمیت دنیا میں سونے کی قیمت بلند ترین سطح پر پہنچ گئی

بجلی قیمت میں کمی، جلد ہی وزیر اعظم اعلان کریں گے، وزیر خزانہ

پاکستان کا میانمار ،تھائی لینڈ زلزلہ متاثرین سے اظہار یکجہتی

عیدالفطر سے قبل پٹرول سستا،نوٹیفکیشن آگیا

میانمار میں زلزلے سے تباہی، 144 افراد کی ہلاکت، 730 زخمی