Tag: محکمہ صحت سندھ

رواں سال یکم جنوری سے 7 اپریل تک سندھ میں ملیریا کے کیسز میں اضافہ دیکھنے میں آیا ہے۔

محکمہ صحت سندھ کے ترجمان کے مطابق رواں سال یکم جنوری سے 7 اپریل تک سندھ بھر سے ملیریا کے 13 ہزار 560 کیسز رپورٹ ہوئے ہیں۔ کراچی میں ملیریا کے 168 کیسز سامنے آئے ہیں، جن میں سب سے زیادہ 65 کیسز ضلع جنوبی سے رپورٹ ہوئے۔ضلع ملیر سے 55، ضلع غربی سے 26، ضلع کورنگی سے 15، ضلع شرقی سے 5 اور ضلع وسطی سے صرف 2 کیسز رپورٹ ہوئے ہیں جبکہ ضلع کیماڑی سے جنوری سے اپریل تک کوئی ملیریا کا کیس سامنے نہیں آیا۔

اسی طرح حیدر آباد ڈویژن سے 5 ہزار 543، لاڑکانہ ڈویژن سے 3 ہزار 843، شہید بینظیر آباد سے 1 ہزار 569، میر پور خاص ڈویژن سے 1 ہزار 175 اور سکھر ڈویژن سے 1 ہزار 262 ملیریا کے کیسز رپورٹ ہوئے ہیں۔ محکمہ صحت کے مطابق متعلقہ اضلاع میں ملیریا کی روک تھام اور مچھر مار مہم کو مزید مثر بنانے کے لیے اقدامات کیے جا رہے ہیں۔

کراچی سے گرفتار دہشت گردوں نے سنسنی خیز انکشافات کر دیے

شدید گرمی کی لہر،کراچی اور سندھ میں بارش سے متعلق پیش گوئی

کراچی، آگ 11 روز گزرنے کے باوجود شدت سے برقرار

وزیراعظم سے ترکیہ،آذربائیجان اورعالمی شپنگ کمپنی کے وفود کی ملاقاتیں

کراچی میں منکی پاکس کا ایک اور کیس سامنے آگیا ہے جس کے بعد مشتبہ مریض کو آئسولیشن وارڈ منتقل کردیا گیا ہے۔

باغی ٹی وی کے مطابق محکمہ صحت سندھ کی جانب سے جاری کردہ بیان میں کہا گیا ہے کہ کراچی کے علاقے ملیر کے رہائشی میں منکی پاکس وائرس کی تصدیق ہوئی ہے۔یہ سندھ میں اس وائرس کا پہلا کیس ہے۔ متاثرہ مریض کا خون کا نمونہ جانچنے پر منکی پاکس وائرس کی موجودگی پائی گئی۔مریض کو فوری طور پر اسپتال منتقل کیا گیا ہے اور انہیں آئسیولیشن وارڈ میں داخل کر دیا گیا ہے تاکہ وائرس کے پھیلا ئوکو روکا جا سکے۔

محکمہ صحت سندھ نے مزید کہا ہے کہ متاثرہ مریض کی کوئی ٹریول ہسٹری نہیں ہے، اس لیے یہ کیس مقامی سطح پر پھیلا ئوکا نشان ہو سکتا ہے۔اس دوران، محکمہ صحت نے عوام سے احتیاطی تدابیر اختیار کرنے اور صحت کی دیگر ہدایات پر عمل کرنے کی اپیل کی ہے تاکہ اس وائرس کے مزید پھیلا کو روکا جا سکے۔

دوسری جانب کراچی شہر کے شاہ لطیف ٹائون سے تعلق رکھنے والا متاثرہ شخص جناح اسپتال میں داخل ہے جہاں خون کے نمونے لے لیبارٹری بھیج دیے گئے ہیں۔جناح اسپتال کی انتظامیہ کے مطابق ٹیسٹ رزلٹ آنے تک مریض کو آئسولیشن وارڈ میں رکھا جائے گا۔
مریض کی علامات میں بخار اور جسم پر دھبے شامل ہیں۔

سندھ حکومت نے ٹرانسپورٹ افسران کی چھٹیاں منسوخ کردیں

حسینہ واجد کو بنگلا دیشی عبوری حکومت سےبڑا ریلیف مل گیا

کراچی میں رواں سال نیگلیریا سے ہلاکت کا پہلا کیس سامنے آگیا ہے۔

باغی ٹی وی کے مطابق دماغ خور جرثومہ نیگلیریا فاؤلری رواں سال کراچی میں پہلی جان نگل گیا ہے۔ گلشنِ اقبال کی 36 سالہ خاتون اس جان لیوا جرثومے کا شکار ہو کر زندگی کی بازی ہار گئیں۔محکمہ صحت سندھ کے مطابق متاثرہ خاتون میں 18 فروری 2025 کو علامات ظاہر ہوئیں۔ خاتون کو 19 فروری کو ایک نجی اسپتال میں داخل کیا گیا جہاں وہ 23 فروری کو انتقال کر گئیں۔24 فروری کو لیبارٹری رپورٹ میں نیگلیریا فاؤلری کی تصدیق ہوئی تھی۔ تحقیقات کے مطابق مریضہ نے کسی بھی قسم کی پانی سے متعلق سرگرمی میں حصہ نہیں لیا تھا۔

ماہرین کا کہنا ہے کہ اس کی ممکنہ وجہ وضو ہوسکتی ہے۔ یہ جان لیوا جرثومہ عام طور پر گرم پانی میں پایا جاتا ہے اور ناک کی نالی کے ذریعے دماغ میں داخل ہو کر شدید نقصان پہنچاتا ہے۔ ابتدائی علامات میں شدید سر درد، بخار، متلی، گردن کا اکڑاؤ، ذہنی الجھن اور بے ہوشی شامل ہیں جو چند دن میں موت کا سبب بن سکتی ہیں۔ماہرین کا کہنا ہے کہ نیگلیریا فاؤلری سے بچاؤ کے لیے پانی میں مناسب مقدار میں کلورین کی گولیاں ڈالنی چاہئیں تاکہ جراثیم کا خاتمہ یقینی بنایا جا سکے۔

ڈیویلیئرز کی کرکٹ میں واپسی، 28 گیندوں پر سنچری

اسلام آباد ہائیکورٹ ، داڑھی چھوٹی ہونے پر امتحان میں بیٹھنے کی اجازت نہ ملنے پر تفصیلی فیصلہ

ایف 9 پارک میں تشدد کا واقعہ، خواتین اور ملزم جمال کے درمیان صلح

گزشتہ ہفتے سندھ میں ایک لاکھ 6684 ملیریا کے کیسز سامنے آئے، شہروں میں کراچی ، لاڑکانہ ، خیرپور میرپور خاص اور دیگر شامل ہیں۔

تفصیلات کے مطابق سندھ میں ملیریا وبائی شکل اختیار کرنے لگا ہے، ذرائع این آئی ایچ نے بتایا کہ گزشتہ ہفتے سندھ میں ایک لاکھ 6684 کیس رپورٹ ہوئے۔گزشتہ ہفتے رپورٹ ہونے والے ملیریا کیسز میں لاڑکانہ میں 11588، خیرپور میں 10681 ، قمبر میں 7998، میرپور خاص 7230 کیس سامنے آئے۔اس کے علاوہ اس دوران دادو میں 6045، بدین 5984 ، سانگھڑ میں 5703، تھرپارکر 5126 ، ٹنڈو اللہ یار 4809، سکھر 4673 ، نوشہرو فیروز 4590، شکارپور 3970، عمر کوٹ 3546 کیس رپورٹ ہوئے۔گذشتہ ہفتے کراچی ملیر سے 779 ، کراچی ویسٹ 155، وسطی 135، شرقی 124 ، کورنگی 82، ساوتھ 52، کیماڑی 6 کیسز سامنے آئے۔

سندھ حکومت کا ریڈ لائن بی آر ٹی منصوبہ مقررہ وقت سے پہلے مکمل کرنے کا حکم

اطالوی ایئر کرافٹ کیریئر کی کراچی بندر گاہ آمد، پاک بحریہ حکام اور سفیر نے استقبال کیا

سندھ باب الاسلام اور جمعیت علماءاسلام کی دھرتی ہے، مولانا فضل الرحمان

کراچی سمیت سندھ بھرمیں رواں سال بھی خناق کے سبب اموات جاری ہیں اور اب تک خناق کی بیماری سے 28 افراد جاں بحق ہوچکے ہیں۔

باغی ٹی وی کی رپورٹ کے مطابق محکمہ صحت سندھ نے تصدیق کی ہے کہ رواں سال کراچی سمیت صوبے بھرمیں خناق کے 166 کیسزرپورٹ ہوئے جن میں سی73 کا تعلق کراچی سے ہے جبکہ گذشتہ سال خناق کے سبب سندھ بھر میں 55 اموات رپورٹ ہوئیں جن میں سے انچاس کیسزکا تعلق کراچی سے تھا۔انسٹی ٹیوٹ آف انفیکشن ڈیزیز اسپتال میں خناق سے متاثرہ 12 مریض زیرعلاج ہیں۔ ماہرمتعددی امراض ڈاکٹر اشفاق احمد نے بتایا کہ خناق قابل علاج مرض ہیاور بیکٹریا سے پھیلتا ہے۔ انسان کے گلے، ناک اور ٹانسلز کو متاثر کرتا ہے۔ خناق انفیکشن 2 سے 5 دن میں ظاہر ہوتا ہے۔ بیماری سے بچا کے لیے 4 ماہ کی عمر میں بچے کو ویکسین لگائی جاتی ہے۔ طبی ماہرین نے والدین پرزوردیاہے کہ بچوں کوخناق کی ویکیسن لازمی لگوائیں۔

نجمی عالم نے رجسٹرڈ ماہی گیروں میں مچھی مار جال اور آئس بکس تقسیم کردیئے

مسلمان شرعی تعلیمات پر عمل کریں تو ایک بار پھر دنیا بھر میں نمبر ون بن جائیں گے،ذاکر نائیک

وزیرِ اعلی سندھ کے ہیلی کاپٹر کی مرمت کیلئے سوا 2 کروڑ روپے سے زائد طلب

سندھ گورنمنٹ چلڈرن اسپتال ناگن چورنگی 8 ماہ بعد جزوی طور پر غیر فعال رہنے کے بعد بحال کردیا گیا۔

باغی ٹی وی کی رپورٹ کے مطابق اسپتال کی ڈائریکٹر آپریشن ڈاکٹر عارف نیازکا کہنا ہے کہ سندھ گورنمنٹ چلڈرن اسپتال بجٹ جاری نہ ہونے کے باعث گزشتہ 8 ماہ سے جزوی طور پر غیر فعال تھا، اسپتال کو بجٹ کی فراہمی کے بعد ملازمین کو 3 ماہ کی تنخواہ دے دی گئی ہے جبکہ 5 ماہ کی تنخواہ بھی عنقریب ادا کردی جائے گی. واضح رہے کہ صوبائی محکمہ صحت کے تحت چلنے والے سندھ گورنمنٹ چلڈرن اسپتال ناگن چورنگی کو 2016 میں پبلک پرائیویٹ پارٹنرشپ کے تحت ایک این جی او کے ماتحت کردیا گیا تھا۔

کل سے کراچی کا درجہ حرارت بڑھنے کا امکان