سینیٹ کا اجلاس پریزائڈنگ افسر سینیٹر سلیم مانڈوی والا کی زیرصدارت 10بج کر 35منٹ پر شروع ہوا۔
سینیٹر مسرور نے جامعہ کراچی میں اساتذہ کی ہڑتال کے معاملے کو اٹھایا طلباء یونین پر پابندی ختم کی جائے کیوں کہ سیاسی کارکن وہاں سے ہی پیدا ہوتے ہیں ۔ پریزائڈنگ افسر نے معاملہ قائمہ کمیٹی کو بھیج دیا۔ وزیرقانون اعظم نذیر تارڑ نے کہاکہ یہ معاملہ وزیر تعلیم کو بتادوں گا یونیورسٹی میں اور سٹافنگ کی گئی ہے جس کی وجہ سے مسائل ہیں ۔ طلباء یونین کے الیکشن صوبائی معاملہ ہے ۔
ہنگری کے لیے تین سالوں میں 367طلباء کو سکالر شپ پر بھیجا گیا
وقفہ سوالات کے دوران وزارت تعلیم کی طرف سے بتایا گیا کہ ہنگری کے لیے تین سالوں میں 367طلباء کو سکالر شپ پر بھیجا گیا ہے ۔ سوال قائمہ کمیٹی کو بھیج دیا گیا ۔سلیم مانڈوی والا نے کہا کہ وزارت اوسیز نے سوالات کے جواب نہیں دیئے ہیں یہ سنجیدہ مسئلہ ہے ۔میری وزیر اورسیز سے بات ہوئی وہ بھی کہے رہے تھے کہ وزارت والے میری بات بھی نہیں سنتے ہیں ۔سینیٹر فلک ناز چترالی نے کورم کی نشاندہی کردی ایوان میں 13ارکان تھے جس پر گھنٹیاں بجائی گئیں. کورم نہ ہونے کی وجہ سے اجلاس 30منٹ تک ملتوی کردیا گیا ۔
پاکستان میں کل 17ہزار 7سو 38مدارس،22 لاکھ 49 ہزار طلبا زیر تعلیم
سینیٹ میں تحریری جواب دیتے ہوئے وزارت تعلیم نے بتایا کہ پاکستان میں کل 17ہزار 7سو 38مدارس ہیں جن میں سے 10ہزار 12پنجاب 2ہزار 4سو16سندھ 5سو 75بلوچستان 4ہزار5خیبر پختونخواہ 445آزاد کشمیر 199اسلام آباد اور 86جی بی میں ہیں جبکہ ان مدارس میں کل 22لاکھ 49ہزار 5سو 20 طلبہ پڑھ رہے ہیں جن میں پنجاب میں 6لاکھ 64ہزار 65 پنجاب میں 1لاکھ 88ہزار 183سندھ میں 71ہزار 8سو15 بلوچستان میں 12لاکھ 83ہزار 24خیبر پختونخواہ میں 26ہزار 7سو87آزاد کشمیر میں 11ہزار 3سو 1 اسلام آباد میں اور 4ہزار 3 سو46جی بی میں پڑھ رہے ہیں ۔مدارس کی براہ راست مالی اعانت نہیں کی جاتی ہے تاہم ڈائریکٹوریٹ جنرل مذہبی تعلیم ( ڈی جی آر ای)نے 598مدارس میں 1196اساتذہ فراہم کئے ہیں اور رجسٹرڈ مدارس میں 1لاکھ 54ہزار 8سو49طلباء کو عصری تعلیم فراہم کرنے کے لیے نصابی کتب فراہم کی ہیں۔
وزارت مواصلات نے ایوان کو تحریری جواب میں بتایا کہ ملک میں 193ٹول پلازہ ہیں جن میں سے نیشنل ہائی وے پر 85پلازہ ہیں این ایچ اے کے زیر اہتمام موٹروے جن میں ایم 1،3،4،5،14اور ای 35 ہیں پر 70ٹول پلازہ ہیں جبکہ بی او ٹی ہے تحت چلنے والے موٹروے ایم 2،9اور 11پر 38ٹول پلازہ ہیں۔
28اکتوبر کو روس فیڈریشن کے رکن ایوان سے خطاب کریں گے،سلیم مانڈوی والا
11بج کر 36 پر اجلاس شروع ہوا کورم کی کی گنتی کے بجائے پلوشہ خان نے تقریر شروع کردی ۔جس پر فلک ناز نے احتجاج کیا تو دوبارہ کورم کی نشاندہی کردی جس پر دوبارہ گھنٹیاں بجائی گئیں۔ سینیٹر سلیم مانڈوی والا نے ایوان میں اعلان کیا کہ 28اکتوبر کو روس فیڈریشن کے رکن ایوان سے خطاب کریں گے۔ پریزائڈنگ افسر نے اجلاس کورم نہ ہونے کی وجہ سے اجلاس پیر 28اکتوبر کو دوپہر 3بجے تک ملتوی کردیا گیا
وزارت تعلیم نے سینیٹ میں تحریری جواب دیتے ہوئے بتایا کہ پاکستان میں کل 157پبلک سیکٹر یونیورسٹیاں اور ہائیر ایجوکیشن انسٹیٹیوشن ہیں جن میں سے 97 پر وی سی اور ریکٹر کام کررہے ہیں جبکہ 57قائمقام کے طور پر کام کررہے ہیں اور تین پوسٹیں خالی ہیں پاکستان کے 60پبلک سیکٹر یونیورسٹیوں میں وائس چانسلر اور ریکٹر کے عہدے پر مستقل تعیناتی نہیں ہے جبکہ ایکٹنگ چارج پر کام کررہے ہیں اسلام آباد کے تمام 6کی چھ یونیورسٹیوں کی وائس چانسلر نہیں ہیں ۔ آزاد کشمیر میں ایک،بلوچستان میں 5،خیبرپختونخوا کے 22،پنجاب میں 22 اور سندھ میں 4 وائس چانسلر اور ریکٹر کی پوسٹیں خالی ہیں
رپورٹ: محمد اویس، اسلام آباد
چیف جسٹس قاضی فائز عیسیٰ نے عدلیہ پر بیرونی دباو کو نظر انداز کیا،جسٹس منصور کا خط
طاقتوروں کا وار کامیاب،یحییٰ آفریدی چیف جسٹس،فیض حمید کا فیصلہ چند دن میں
بس ایک دن کیلئے برداشت کر لیں، چیف جسٹس قاضی فائز عیسیٰ
سپریم کورٹ میں 26 ویں آئینی ترمیم کے خلاف ایک اور درخواست
جسٹس منصور علی شاہ کا چیف جسٹس کو خط،مخصوص بنچ میں بیٹھنے سے معذرت
رجسٹرار آفس کو آئینی بنچ کے حوالے سے پالیسی دے دی ہے،نامزد چیف جسٹس
پی ٹی آئی کو جسٹس یحییٰ آفریدی کی تقرری پر نہیں، آئینی ترامیم پر تحفظات ہے: شعیب شاہین
سپریم کورٹ،برطرف ملازمین بحالی کی درخواست آئینی بینچز کو بھیج دی گئی
