Baaghi TV

Tag: مراد راس

  • عمران خان کے بعد مراد راس بھی پاکستان دشمنی پر اتر آئے

    عمران خان کے بعد مراد راس بھی پاکستان دشمنی پر اتر آئے

    پاکستان تحریک انصاف ملک دشمنی میں بہت آگے نکلتی جارہی ہے.پی ٹی آئی کے چیئرمین اور سابق وزیراعظم عمران خان کے ملک کے خلاف بیانات کے بعد پی ٹی آئی کے کارکن اور سابق صوبائی وزیر تعلیم مراد راس نے بھی ملک دشمنی کے ایجنڈے پر عمل کرنا شروع کر دیا.پی ٹی آئی کے رہنما مراد راس اپنے دور وزارت میں محکمہ تعلیم کے حوالے سے بڑے بڑے دعوے کرتے رہے مگر مطلوبہ نتائج دینے سے قاصر رہے اور اب پاکستان کے خلاف دوسرے دوست ممالک کو پاکستان دشمنی پر اکسا رہے ہیں .پاکستان تحریک انصاف کے سابق دور میں بھی پاکستان کی خارجہ پالیسی پر سوال اٹھتے رہے اور عمران حکومت کے دور اقتدار میں پاکستان کے کئی دوست ممالک ناراض ہو گئے.لیکن اس سب کے بعد بھی پی ٹی آئی کا دل نہیں بھرا اور اب عمران خان کے بعد ان کے ساتھیوں نے پاکستان کے ساتھ دشمنی شروع کر دی ہے.

    پی ٹی آئی کے سابق صوبائی وزیر مراد راس نے سماجی راطے کی ویب سائٹ ٹویٹر پرپاکستان مخالف پیغام ٹویٹ کیا ہے جس میں مراد راس نے ترکی کی حکومت کو خبردار کیا ہے کہ وہ پاکستان کی موجودہ حکومت کی کسی قسم کی سپورٹ نہ کرے .

    مراد راس کا مزید کہنا تھا کہ پاکستان کی امپورٹیڈ حکومت آپ کی تمام تر سرمایہ کاری کو تباہ کر دے گی اور آپ کا سب کچھ برباد ہو جائے گا.مراد راس نے ترک حکومت کو کہا کہ صرف پاکستان کے گزشتہ 30 دنوں کو مانیٹر کر لیں تو اپ کو تمام سوالوں کے جواب مل جائیں گے.

    اس سے قبل اقتدار سے باہر عمران خان نے پاکستان کے ٹوٹنے کی بات کی تھی ، سابق وزیر اعظم نے کہا تھا کہ ان لوگوں کو اقتدار سے نہ نکالا تو ملک کے نیوکلئیر اثاثے چھین جائیں گے اور ملک کے تین ٹکڑے ہو جائیں گے۔ نجی ٹی وی کو انٹرویو دیتے ہوئے عمران خان نے کہا ہے کہ اسٹیبلشمنٹ نے درست فیصلے نہ کیے تو فوج تباہ ہو جائے گی اور پاکستان کے تین ٹکڑے ہوں گے۔ سابق وزیراعظم نے کہا کہ اگر اس وقت اسٹیبلشمنٹ صحیح فیصلے نہیں کرے گی تو میں آپ کو لکھ کر دیتا ہوں یہ بھی تباہ ہوں گے اور فوج سب سے پہلے تباہ ہوگی کیونکہ ملک دیوالیہ ہوگا۔

    پی ٹی آئی چیئرمین نے کہا کہ اگر درست فیصلے نہ ہوئے تو پاکستان کے تین ٹکڑے ہو سکتے ہیں۔

  • سرکاری سکول میں دوپہر کا مفت کھانا:صوبائی وزیرتعلیم نےافتتاح کردیا

    سرکاری سکول میں دوپہر کا مفت کھانا:صوبائی وزیرتعلیم نےافتتاح کردیا

    لاہور: سرکاری سکول میں دوپہر کا مفت کھانا:صوبائی وزیرتعلیم نے افتتاح کردیا،اطلاعات کے مطابق صوبائی وزیر تعلیم مراد راس نےفراہم کرنے کی افتتاحی تقریب سے خطاب کرتے ہوئے بتایا کہ مفت کھانا فراہم کرنے سے 33 فیصد بچوں کی حاضری میں اضافہ ہوا جبکہ 77 فیصد تک بچوں کی صحت بہتر ہوئی ہے۔

     

    صوبائی وزیرتعلیم پنجاب مراد راس نے سکول کھانا پروگرام کے حوالے سے منعقدہ تقریب میں بطور مہمان خصوصی شرکت کی۔ تقریب کا انعقاد سی ڈی جی پرائمری سکول بھابھڑہ فیروز پور روڈ میں کیا گیا۔ اس موقع پر مراد راس کا کہنا تھا کہ سکول کھانا پروگرام کے فروغ کیلئے تعاون کرنے پر اللہ والے ٹرسٹ اور ہنڈا پاکستان کے تہہ دل سے شکرگزار ہیں۔

     

    ان کا کہنا تھا کہ سکول کھانا پروگرام کا انعقاد پبلک پرائیویٹ پارٹنرشپ کے تحت کیا جا رہا ہے۔ وزیراعظم عمران خان نے حکومت کے آغازہی میں ہمارے بچوں میں معیاری نشوونما کے حوالے مسائل کی طرف توجہ مبذول کرائی تھی۔

    مراد راس نے بتایا کہ لاہور میں سکول کھانا پروگرام کے آغاز کی بدولت طلبا کی حاضری میں 33 فیصد اضافہ ہوا ہے جبکہ طلباکی صحت میں 77 فیصد تک بہتری دیکھنے میں آئی ہے۔ ایک سکول کے بچوں کو کھانا فراہم کرنے کیلئے سالانہ 15 لاکھ روپے کے اخراجات درکار ہیں۔

     

    ادھر

     11 ہزار ایجوکیٹرز اور اے ای اوز کی مستقلی پر کام شروع ، سکول ایجوکیشن ڈیپارٹمنٹ نے مستقلی کیلئےاساتذہ و افسران سےدستاویزات طلب کرلیں۔

    سکول ایجوکیشن ڈیپارٹمنٹ  کےگریڈ 16 کے11 ہزار ایجوکیٹرز اور اے ای اوز کو بغیر کسی شرط کے مستقل کرنے کا حکم جاری کیا گیا۔فیصلے کے تحت 2014 کے بعد سے بھرتی تمام ایجوکیٹرز اور اے ای اوز مستقل ہونگے۔سکول ایجوکیشن نے مستقلی کیلئے تمام اتھارٹیز کو دستاویزات تیار کرنے کی ہدایات جاری کردیں۔

    یاد رہے کہ ایجوکیٹرز اور اسٹنٹ ایجوکیشن افسران کی مستقلی تین سالوں سے التوا کا شکار ہے جبکہ کابینہ کمیٹی سے ایجوکیٹرز کی مستقلی کیلئے منظوری بھی لی جاچکی ہے۔فیصلے کیمطابق ایجوکیٹرز اور افسران کو بغیر پی پی ایس سی امتحان کے بغیر مستقل کیا جائے گا

  • بغیر ویکسینیشن بچوں کو اسکول آنے کی اجازت نہیں ہوگی، وزیر تعلیم پنجاب مُراد راس کا اعلان

    بغیر ویکسینیشن بچوں کو اسکول آنے کی اجازت نہیں ہوگی، وزیر تعلیم پنجاب مُراد راس کا اعلان

    لاہور:بغیر ویکسینیشن بچوں کو اسکول آنے کی اجازت نہیں ہوگی، وزیر تعلیم پنجاب مُراد راس کا اعلان ،اطلاعات کے مطابق صوبائی وزیرتعلیم پنجاب مراد راس کا کہنا ہے کہ بغیر ویکسینیشن بچوں کو اسکول آنے کی اجازت نہیں ہوگی۔ اس حوالے سے تمام تعلیمی اداروں‌ کو ہدایات جاری کردی گئی ہیں،

    لاہور میں پریس کانفرنس کرتے ہوئے وزیرتعلیم پنجاب مراد راس کا کہنا تھا کہ این سی او سی اجلاس میں اسکولز پر سب سے آخر میں بات ہوئی، دیگرچیزوں کے بند ہونے تک اسکولز کی بندش کا فیصلہ نہیں کر سکتے، 12 سال سے کم عمر کی بچوں کی کلاسز 50 فیصد حاضری کے ساتھ ہوں گی،12 سال سے کم عمر کے بچوں کی ویکسینیشن نہیں ہوئی، بغیر ویکسینیشن بچوں کو اسکول آنے کی اجازت نہیں ہوگی۔

    وزیرتعلیم نے کہا کہ اسکولز بند نہیں کرسکتے، پہلے ہی بچوں کا بہت نقصان ہوچکا ہے، اسکولوں کو بند نہیں کیا جا رہا صورتحال خراب ہوتی ہے تو مرحلہ وار اول تا ھشتم تک چلایا جائے گا، حکومت نے ویکسی نیشن کی استعداد بہت بڑھا دی ہے، اساتذ ہ کی 100 فیصد ویکسینیشن ہوچکی ہے، جب کہ میٹرک سے انٹر تک کے طلباء کی ویکسینیشن مکمل ہو چکی ہے، ان کے لیے اسکول مستقل کھلے رہیں گے، تاہم ماسک کی پابندی پر سختی سے عملدرآمد کروایا جائے گا۔

    مراد راس نے مزید بتایا کہ صوبے میں اساتذہ کی 16 ہزار اسامیوں کا اشتہار دو ماہ تک آجائے گا، پنجاب میں پہلی مرتبہ کمپلسری ایکٹ پاس کیا گیا، اب اس پر عملدرآمد ہونے جا رہا ہے۔ کلاس ون سے پانچویں تک قرآن پاک ناظرہ پڑھایا جائے گا، چھٹی سے بارہویں تک قرآن ترجمے کے ساتھ پڑھایا جائے گا۔

    دوسری جانب وفاقی وزیر اسد عمر کی زیر صدارت این سی او سی اجلاس میں بھی سکول کھلے رکھنے کا فیصلہ کیا گیا ہے۔ اسلام آباد میں منعقدہ اجلاس میں وفاقی وزیر تعلیم شفقت محمود سمیت دیگر وزرائے تعلیم نے شرکت کی۔ اجلاس میں اومی کرون کے بڑھتے پھیلائو پر مشاورت اور ویکسی نیشن کے عمل کو تیز کرنے پر اتفاق کیا گیا۔

    این سی او سی اجلاس کے دوران ملک میں مارکیٹیوں ، شادی ہالز اور رش والی جگہوں پر ایس او پیز کے عملدرآمد کا بھی جائزہ لیا گیا، تعلیمی اداروں کو کھلا رکھنے پر غور کیا گیا جس کیلئے تازہ ترین ڈیٹا کے ساتھ کل اجلاس دوبارہ طلب کیا گیا ہے۔

  • صوبائی وزیر تعلیم ڈاکٹر مراد راس استاد کے تشدد سے ہلاک ہونے والے طالب علم حافظ حنین کے گھر پہنچ گئے

    صوبائی وزیر تعلیم ڈاکٹر مراد راس استاد کے تشدد سے ہلاک ہونے والے طالب علم حافظ حنین کے گھر پہنچ گئے

    لاہور : قتل کے بعد وفا کی تو کیا کی ! صوبائی وزیر تعلیم ڈاکٹر مراد راس کی نجی سکول میں استاد کے تشدد سے ہلاک ہونے والے طالب علم حافظ حنین کے گھر پہنچ گئے ، مراد راس نے مرحوم کے اہلخانہ سے اظہار تعزیت کیا اور انھیں انصاف کیلئے ہرممکن تعاون فراہم کرنے کی یقین دہانی کرائی۔

    تفصیلات کے مطابق گلشن راوی میں صوبائی وزیر تعلیم ڈاکٹر مراد راس نے امریکن لائسٹف سکول میں ٹیچر کے تشدد سے ہلاک ہونے والے طالبعلم حافظ حنین کے گھر کا دورہ کیا، اس موقع پر سی ای او ایجوکیشن پرویز اخترخان اور اسسٹنٹ ڈائریکٹر مرزا غلام حسین بھی ہمراہ تھے۔ مرحوم طالبعلم کے والد محمد بلال نے انصاف میں حائل روکاٹوں سے وزیر تعلیم کو آگاہ کیا،

    ذرائع کے مطابق اس موقع پر حافظ حنین کے والد محمد بلال کا کہنا تھا کہ سبق یاد نہ کرنے پر طالبعلم کی جان لے لینا انصاف نہیں، صوبائی وزیر تعلیم ڈاکٹر مراد راس کی آمد پر مرحوم حافظ حنین کے دوستوں نے بھرپور احتجاج کیا اورٹیچر کے خلاف بھرپور نعرے بازی کی۔

    ذرائع کے مطابق ڈاکٹر مراد راس نے مرحوم کے اہلخانہ کو یقین دلایا کہ قاتل کو منطقی انجام تک پہنچایا جائے گا، مراد راس کا کہنا تھا کہ بچے پر ظلم کر کے قتل کرنے والا شخص کوئی استاد نہیں سفاک درندہ ہے، ڈاکٹر مراد راس نے مرحوم کے اہلخانہ سے تعزیت کے بعد ساندہ تھانہ کا بھی دوہ کیا اور پولیس حکام کو ملزم کے خلاف قانون کے مطابق ہر ممکن کاروائی کرنے کی ہدایت کی